Morgunblaðið - 28.06.1988, Qupperneq 61

MORGÚNBIÁÐIÐ, ÞRÍÐJÚDAGUR 28. JÚNÍ 1988
n
61,
Morgunblaðið/Bjami
Forsvarsmenn nýju verksmiðjunnar f.h. Jón Helgi Guðmundsson aðalframkvæmdastjóri, Jón Jónasson,
yfirverksljóri, Þór Gunnarsson, verkstjóri og Sigurður E. Ragnarsson, framkvæmdasD'óri.
Sjálfvirknin tekur
völdin hjá BYKO hf.
BYKO hf. í Kópavogi, sem áður
hét Byggingavöruverslun Kópa-
vogs, hefur opnað nýja verk-
smiðju. í verksmiðjunni, sem er
hin fyrsta sinnar tegundar hér-
lendis, eru sænsk og þýsk tæki,
fullkomlega sjálfvirk og mjög
afkastamikil og þarf aðeins fjóra
starfsmenn til að vinna við fram-
leiðsluna, að sögn forráðamanna
BYKO. Verksmiðjan leysir af
hólmi timburvinnslu, sem til þessa
hefur verið unnin á þjónustuverk-
stæði BYKO. Heildarkostnaður
við bæði hús og tæki er um 45
milljónir króna.
Hámarksafköst sjálfvirku véla-
samstæðunnar eru um 80 lengdar-
metrar af óunnu timbri á mínútu.
Vinnsluferlið er þannig, að inn í verk-
smiðjuna kemur óunnið timbur í
búntum, sem raðast í vinnslubrautina
og fer eftir henni í bandsög, sem
sagar það eftir endilöngu í tvennt
eða þrennt eftir þörfum. Þar á eftir
er timbrið flokkað, hluti þess rakkast
í ný búnt, sem ýmist fara á lager, í
þurrk, eða beint í hefil þar sem timb-
rið er alheflað, lengdarmerkt búntað
og frágengið tilbúið til notkunar.
Forsvarsmenn BYKO segja fyrir-
tækið vera það eina í heiminum, sem
notar jarðvarma til þurrkunar á
timbri. Sem dæmi um hagræðingu
af nýju verksmiðjunni sögðu þeir, að
fram til þessa hefði það tekið einn
mann heila viku að stafla timbri í
þurrkklefann en með sjálfvirkni nýju
vélasamstæðunnar hefði þessi tími
styst niður í eitt dagsverk.
„Þessi verksmiðja uppfyllir kröfur
um fyrsta flokks tæknibúnað, aukin
afköst og mun meiri gæði. Nýja verk-
smiðjan er fyllilega samkeppnisfær
við sambærilegar verksmiðjur í nær-
liggjandi löndum og með tilkomu
hennar tekst okkur að ná fram-
leiðslukostnaði í svipuð hlutföll og
gerist lægst erlendis," sagði Jón
Helgi Guðmundsson, aðalfram-
kvæmdastjóri BYKO. „Nýja verk-
smiðjan eykur ekki aðeins framleiðni
og nýtingu vinnuafls, heldur getur
BYKO nú framleitt allt það panel-
Séð yfir hluta vélasamstæðunnar. Þarna er búið að saga timbrið í
tvennt og fer þá eftir vinnslubrautinni inn í hefilinn við endann.
efni, sem fyrirtækið selur. Hingað
til hefur hluti þess verið fluttur inn
og því sparast nú einnig dýrmætur
gjaldeyrir auk þess sem vinnan flyst
inn í landið."
Aðspurður sagði Jón Helgi að ekki
kæmi til uppsagna starfsfólks með
aukinni sjálfvirkni þar sem fram-
leiðslan kæmi til með að aukast. Hér
væri um að ræða umbyltingu úr erf-
iðisvinnu yfir í sjálfvirka og tölvu-
stýrða vinnslu, þar sem hlutverk
starfsmanna breytist í einu vetfangi
úr slitvinnu í hugvitsvinnu. Þá sagði
hann að þjónustuverkstæði tréiðnað-
ardeildar fyrirtækisins gæti fram-
vegis einbeitt sér að sérframleiðslu
fyrir viðskiptavini þess.
Byijað var að grafa fyrir verk-
smiðjuhúsinu við Skemmuveg í okt-
óber síðastliðnum og er það fullbúið
til framleiðslu átta mánuðum síðar.
íslenskir fagmenn önnuðust smíði
hússins og uppsetningu verksmiðj-
unnar og að mati forráðamanna
BYKO sýndu þeir mikla fagþekkingu
og vinnuvöndun. Aðeins þrír útlend-
ingar komu til sögunnar við hluta
uppsetningarinnar. Starfsmenn nýju
verksmiðjunnar verða fjórir, auk
verkstjórans, Þórs Gunnarssonar.
frá Kátuni piltnm
Einstæðar mæðnr
Einstæðar mæður er einstök upplifun.
Hress lög, hressir textar, hressir strákar.
- KÁTIR PILTAR -
STUÐMENN NÍUNDA ÁRATUGARINS
Skífan inniheldur meðal annars topplagið
Feitar konur.
Þéttara gerist það varla.
KRINGLUNNI • BORGARTÚNI • LAUGAV€GI