Morgunblaðið - 26.07.1988, Page 47
MORGUNBLAÐIÐ, ÞRIÐJUDAGUR 26. JULI 1988
47
Afmæliskveðja:
Guðni Guðjóns-
son frá Brekkum
Guðni Guðjónsson frá Brekkum
í Hvolhreppi, Rangárvallasýslu,
varð 90 ára 11. júní sl. Guðni er
mikilhæfur maður, stálminnugur og
djúpgrindur og mjög virðulegur
eldri borgari. Mér er alltaf minnis-
stætt þegar Guðni hélt fyrirlestur
og sagði frá ýmsu fróðlegu frá því
í gamla daga í opnu húsi í Tryggva-
skála, hvað hann sagði vel frá og
flutti sín erindi vel og þá var ekki
skvaldur og fólk að tala saman, því
allir vildu heyra hvert orð sem
Guðni sagði. En minnisstæðast er
mér þegar okkar skemmtilega for-
stöðukona, Inga Bjamadóttir, bað
eldri borgara í Tryggvaskála að
segja frá ástarævintýrum sínum á
yngri árum, og einnig að skilgreina
hvað ást væri. Guðni var með þeim
fyrstu sem flutti fyrirlestur um ást-
ina. Guðni er mikill fræðimaður og
á margt skrifað eftir sig. Ég yrði
ekki hissa þó að kæmi út bók um
þann mikla fræðimann, og það sem
fyrst. Jafnframt vonast ég til að
erindið hans um ástina verði í bók-
inni.
Guðni giftist 1922 dugmikilli og
fallegri konu, Jónínu G. Jónsdóttur,
sem var fædd 5. júní 1902, dáin
16. júní 1969 og áttu þau 12 böm
og eru 9 þeirra á lífi nú, allt myndar-
fólk, duglegt og heiðarlegt eins og
þau eiga kyn til í báðar ættir. Guðni
segir að ekkert af þeim hafi lent
undir manna hendur, eins og al-
gengt er nú til dags. Guðni segir
jafnframt að í gamla daga í sveit-
inni hafi bömin farið að vinna svo
snemma sem þau gátu, en nú er
ekkert að gera fyrir börnin, og þess
vegna lenda þau oft út á rangar
og ljótar brautir.
Guðni smíðaði öll sín hús sjálfur.
Peningshúsi fyrst, hlóð þau úr torfi
og gijóti, og standa þau enn og er
það góður minnisvarði um hinn
gamla mann. Einnig smíðaði hann
íbúðarhús sitt úr timbri og báru-
jámi. Öm Johnsen forstjóri Flugfé-
lags íslands keypti jörðina af Guðna
árið 1971, en þá flutti Guðni til
Reykjavíkur. Eftir 2 ár, 1973, flutti
Guðni svo að Selfossi og hefur búið
þar síðan.
Eins og áður segir áttu þau heið-
urshjónin 12 börn og komu þeim
upp án allrar hjálpar. Þau em:
Valgerður f. 14. júní 1920, gift
Skúla Guðnasyni, Ingólfur f. 21.
febrúar 1925, giftur Fanneyju
Kristjánsdóttur, Guðmundur B. f.
1. apríl 1926, giftur Valgerði Þórð-
ardóttur, Ágústa f. 20. ágúst 1927,
gift Kristmundi Magnússyni, lést
5. febrúar 1980, Haraldur f. 14.
desember 1929, giftur Ragnhildi
Guðrúnu Pálsdóttur, Gunnar f. 7.
mars 1930, giftur Erlu Guðmunds-
dóttur, Hafsteinn f. 22. október
1932, ógiftur, Júlíus f. 16. október
1933, átti tvær dætur, lést 30. októ-
ber 1968, Guðjón Sverrir f. 31. maí
1935, ógiftur, tvíburi, Dagbjört f.
1. september 1939, gift Jóni Þ.
Brynjúlfssyni, Þorsteinn f. 19. júní,
1942, giftur Hrefnu Kristmunds-
dóttur, tvíburi frá Sverri f. 31. maí
1935, dáinn á fyrsta ári, óskírður.
Guðni fór 14 vertíðir til Vest-
mannaeyja eftir að hann byijaði
búskap, til að ná endum saman fjár-
hagslega. Þá þekktist ekki að
heimta allt af ríkinu. Barnabætur
fengu þau hjón með tveim hinum
yngstu barna sinna, segir
Guðni. Jafnframt segir Guðni: Ef
ég hefði fengið barnabætur frá
tryggingum með 8 börnum okkar,
þá hefði ég ekki þurft að fara á
vertíð í Vestmannaeyjum. Kona
Guðna var frábærlega myndarleg í
verkum sínum og kunni að matbúa
og nýta hráefnið frá búinu vel.
Fyrstu árin áttu þau 50 til 60 kind-
ur og 4 kýr. Þá þekktist ekki mjólk-
ursala. Eftir að Guðni hætti á vert-
íðum fór hann oft í vegavinnu eftir
sauðburð, og þá stækkaði hann
búið upp í 120 ær og 16 mjólkandi
kýr, en þá var komin mjólkursala.
18 hross áttu þau hjónin og þar af
fimm merar sem áttu folöld á hvetju
ári, sem öll voru seld í sláturhús
og fengu bændur 10 krónur fyrir
kg og fannst bændum það lítið verð.
Svo kom það fyrir að þau heiðurs-
hjón Guðni og Jonína fóru til
Reykjavíkur. Þá ofbauð bændahjón-
unum hvað folaldakjötið og annað
kjöt var mörgum sinnum dýrara en
bændur fengu fyrir það sjálfir. Ja,
heimur versnandi fer. Nú lætur
ríkisstjórnin grafa kjötið niður held-
ur en að selja neytendum það ódýr-
ar.
Guðni Guðjónsson hélt upp á 90
ára afmæli sitt í Inghól 11. júní sl.
Guðni á 80 afkomendur þar af 75
á lífi, og munu flesir hans nánustu
ættingjar hafa verið í áðurnefndu
afmæli. Guðni fékk margar hlýjar
heillaóskir þann dag, eins og reynd-
ar oftar. Ég óska Guðna allra heilla
í nútíð og framtíð, og þakka hans
góðu kynni. Og alltaf sé ég það
betur og betur eftir því sem ég eld-
ist hvað það er mikil Guðs gjöf að
eiga lífsgleði og vera svolítið
ánægður með sjálfan sig, eins og
Guðni vinur minn er. Heldur en
þeir sem eru leiðir á lífinu og með
minnimáttarkennd og komast ekki
áfram í þessu jarðneska lífi. Kvíða
hveijum komandi degi. Og á hveiju
endar þessi lífsleiði. Það vitum við
öll.
Regina Thorarensen
*SUMARHUSINU
VEISLA
í jeppa á fjalli
eða í sumarhúsinu.
Ekkert mál ef þú hefur
G-þeytirjómann meðferðis.
Skál og gaffall duga til að þeyt’ann.
Hvort þú snarar svo fram heilli
rjómatertu eða ímku kaffi
fer eftii' tilefninu.
geymsluþolimt
■ Volk«2>^ 0
PeytiriQmi
G-ÞEYTIRJÓMI!
- dulbúin ferðaveisl
r™
í Kaupmannahöfn
Stórt rúmgott hús meö allt aö 4
sætum og luxusinnréttingu.
Aflmikil (high torque) 2600 cc vél,
102 hö DIN.
Vökvastýri og 5 gíra kassi.
• Sérlega hagstætt verð.
Viö eigum aö auki til margar aörar
geröir af MAZDA pallbílum meó
bensín- eöa dieselvélum, meö eóa
án aldrifs.
Opið laugardaga frá kl.1-5
BILABORG H.F.
FOSSHÁLS11 ,SÍMI 68 12 99
FÆST
í BLAÐASÖLUNNI
Á JÁRNBRAUTA-
STÖÐINNI,
KASTRUPFLUGVELLI
OG Á RÁÐHÚSTORGI