Morgunblaðið - 27.07.1988, Blaðsíða 43
MORGUNBLAÐIÐ, MIÐVIKUDAGUR 27. JUU1988
43
Minning:
Magnús Þorgeirs
son9 Höfnum
Fæddur 16. janúar 1929
Dáinn 20. júlí 1988
Magnús fæddist í Norðfirði sonur
hjónanna Önnu Sigrnundsdóttur og
Þorgeirs Magnússonar. Þau fluttu
til Akureyrar um 1930, og þaðan til
Reykjavíkur 1934 þar sem Magnús
ólst upp. Framan af ævi stundaði
Magnús öll almenn störf til sjós og
lands, m.a. hjá Rafmagnsveitu
Reykjavíkur. Magnús giftist eftirlif-
andi konu sinni, Sigríði Guðmanns-
dóttur, 17. júní 1956 og bjuggu þau
í Reykjavík til 1967 að þau fluttu
hingað í Hafnir og hafa búið hér
síðan. Þeim varð fjögurra dætra
auðið. Sigurrós, gift Olafi Sigurjóns-
syni og búa þau í Sandgerði. Bára,
gift Eiríki Skúlasyni og eru búsett
í Keflavík. Þorgerður, ógift, býr á
Seyðisfirði. Anna, ennþá í heimahús-
um. Barnabörnin eru orðin sex.
Magnús hóf störf hjá bróður
sínum Ingva, verktaka í gömlu og
nýju flugstöðinni, 1967. Fyrst sem
almennur starfsmaður en hin síðari
ár var hann verkstjóri. Seinnihluta
aprílmánaðar 1987 varð hann að
hætta störfum vegna veikinda.
Magnús, íjölskylda hans og vinir
voru bjartsýn og vonuðu að hann
fengi fulla heilsu á ný, en raunin
varð önnur. Fljótlega á þessu ári var
ljóst að hveiju stefndi. Sjálfum var
Magnúsi það vel kunnugt. Síðast,
fyrir örfáum vikum þegar hann kom
á skrifstofu mína talaði hann um
sjúkdóm sinn eins og ekkert væri.
Hræðsla eða kvíða var hvergi að
finna í hans tali eða látbragði. Þvert
á móti einbeittur og ákveðinn vilji
um að berjast þar til yfir lyki.
Á kjörstað við forsetakjör 25. júní
sl. var hann allan daginn við dyra-
vörslu og hitaði kaffi handa kjör-
stjómarmönnum. Það er til marks
um þrek hans og festu að hann
fékkst ekki með nokkm móti til þess
að leggjast inn á spítala, þó helsjúk-
ur væri, fyrr en 19. júlí eða nokkmm
klukkustundum áður en hann lést.
Hjónaband þeirra Magnúsar og
Sigríðar var mjög gott og farsælt.
Magnús naut ástar og umhyggju
konu sinnar þar til yfir lauk.
Kynni okkar Magnúsar hófust
uppúr 1973. Rólega í fyrstu, enda
Magnús frekar seintekinn, en hann
var eins og títt er um slíka persónu-
leika þeim mun traustari í vinskap
þegar kynnin höfðu náð að þróast
eðlilega. Magnús var fyrsti varamað-
ur í hreppsnefnd Hafnahrepps
kjörtímabilið 1978—1982 og sat því
nokkra fundi framan af kjörtímabil-
inu. í upphafí ársins 1981 kom
Magnús inn sem aðalmaður er Jósef
Borgarsson fyrrv. oddviti flutti bú-
ferlum. Magnús sat í hreppsnefnd-
inni út kjörtímabilið. Á þeim vett-
vangi var Magnús athugull og
traustur og gat verið fastur fyrir.
Hann fylgdi sannfæringu sinni mjög
nákvæmlega og ævinlega á þann veg
sem var íbúunum og byggðarlaginu
fyrir bestu. Þó samstarfíð í hrepps-
nefndinni hafi í alla staði verið gott
komu auðvitað, af og til, upp skoða-
namunur. Ég minnist þess að ég
átti ævinlega auðvelt með að fella
mín sjónarmið að skoðunum Magn-
úsar. Það sama fannst mér koma
fram hjá öðrum hreppsnefndar-
mönnum. Það var á þessu tímabili
að ég fór að kynnast Magnúsi í
meiri mæli en áður. Fyrir það er ég
mjög þakklátur. Það var á þessum
árum sem ég sá og reyndi manninn
Magnús Þorgeirsson. Þeir kostir og
eðlisþættir sem mér fannst ég verða
greinilega var við á þessu tímabili í
fari Magnúsar, áttu eftir að þróast
og styrkjast til þess álits míns að
Magnús Þorgeirsson varð í hópi
þeirra fjölmörgu góðu manna sem
ég hef kynnst um dagana.
Vegna starfs míns höfðum við
Magnús mikið saman að sælda. I
svo fámennu samfélagi sem hér í
Höfnum, er mikil þörf á að halda
uppi félagsstarfí svo sem frekast er
hægt. Á fámennum stöðum reynist
það oft erfítt og ræðst oftast af því
hvort í fámenninu leynist fólk sem
hefur áhuga á félagslegu starfi.
Fyrir nokkrum árum var stofnað hér
félag LH sem var ætlað það hlut-
verk að hlúa að samskiptum íbú-
anna, ungra sem aldinna, í formi
skemmtana o.fl. Magnús var í for-
ystu þessa félags frá upphafí og
formaður nokkur ár í röð. Fyrir
Magnús skipti það ekki höfuðmáli
að vera formaður félagsins heldur
að verða að liði. Það varð hann svo
sannarlega og held ég að ekki sé á
neinn hallað þó ég segi að Magnús
var driffjöðurin í öllu félagsstarfi á
staðnum síðan umrætt félag var
stofnað. Þau verkefni sem hann tók
að sér leysti hann af hendi með
miklum sóma og ágætum.
Sjálfboðastörf hafa farið minnk-
andi í okkar þjóðfélagi á liðnum ára-
tugum, þó víða sé ennþá að finna
eftirbreytniverð dæmi um mikið
sjálfboðastarf sem betur fer. Magn-
ús Þorgeirsson var gott dæmi um
þá einstaklinga sem gæddir eru þeim
mannkostum sem eru forsenda þess
að vinna að félagsmálum af eldmóði.
Magnús var félagsmálamaður af
lífi og sál. Hann var alltaf reiðubú-
inn til starfa og þátttöku í góðum
málum. Hann hafði ótrúlega hæfi-
leika til þess að laða að sér fólk til
starfa. Aldrei kom til greina að hann
þægi neina þóknun fyrir þessi ómet-
anlegu störf sem ég vil fýrir hönd
sveitarfélagsins færa þakkir að svo
miklu leyti sem það er hægt með
fátæklegum orðum.
Auk þess vilja til starfa, sem ég
hef leitast við að lýsa með örfáum
orðum hér að framan, var Magnús
einstaklega trúr og reglusamur í
störfum sínum. Hann var aðgætinn
í íjármálum. Fúsnæði, áhöld og
tæki sem Magnús hafði umsjón með
báru snyrtimennsku hans glöggt
vitni.
Fyrir þau kynni sem ég og kona
mín höfum haft af Magnúsi Þor-
geirssyni er þakklæti okkur efst í
huga. Sigríður, dæturnar og fjöl-
skyldur þeirra hafa misst mikið. Frá
er fallinn góður eiginmaður, faðir,
tengdafaðir og afi aðeins 59 ára að
aldri.
Við hjónin og íjölskylda okkar
sendum þeim öllum svo og öðru
skyld- og venslafólki Magnúsar okk-
ar innilegustu samúðarkveðjur. Ut-
för hans verður gerð frá Kirkjuvogs-
kirkju í Höfnum fimmtudaginn 28.
júlí kl. 14.
Þórarinn St. Sigurðsson
1.
ágúst
Næsti gjalddagi húsnæðislána
/
ÞÚ HAGNAST
Á EIGIN SKILVISI
Það er þér í hag að greiða af lánum á réttum tíma og forðast óþarfa aukakostnað
af dráttarvöxtum, svo ekki sé minnst á innheimtukostnað.
Þú getur notað peningana þína til
mun gagnlegri hlutá, til dæmis í að:
Flísaleggja
baðherbergið
kaupa nýtt
veggfóður á
barnaherbergið
eða eignast nýjan
borðbúnað.
Eindagi lána með lánskjaravísitölu.
Eindagi lána með byggingarv
Gjalddagar húsnæðislána eru 1. ágúst, 1. nóvember, 1. febrúar og 1. maí (sum
lán hafa fjóra gjalddaga á ári, önnur aðeins einn). Merktu gjalddaga þíns láns
inn á dagatalið þitt, þá gleymir þú síður að gera tímanlega ráð fyrir næstu greiðslu.
SPARAÐU ÞÉR ÓÞARFA ÚTGJÖLD AF DRÁTTARVÖXTUM
Greiðsluseðlar fyrir 1. ágúst hafa verið sendir gjaldendum og greiðslur má inna
af hendi í öllum bönkum og sparisjóðum landsins.
qpHúsnæðisstofnun ríkisins
LAUGAVEGI 77 101 REYKJAVIK S: 69 69 00