Morgunblaðið - 23.09.1988, Blaðsíða 18

18
MORGUNBLAÐIÐ, FÖSTUDAGUR 23. SEPTEMBER 1988
TVÖFALDUR
1. VINNINGUR
á laugardag
handa þér, ef þú hittír
á réttu tölumar.
Láttu þínar tölur ekki {
vanta í þetta sínn!
Leikandi og létt! Upplýsingasími: 685111
Metsölublað á hvetjum degi!
Fiskvinnslufyrirtæki segja
upp fastráðningarsamningum
EFTIR að ljóst varð að bankar myndu draga verulega úr annarri
lánafyrirgreiðslu til fiskvinnslufyrirtækja en veitingu afúrðalána,
þá hafa nokkur þeirra sagt upp fastráðningarsamningum við starfs-
fólk, og mörg fyrirtæki um land allt huga nú að slíkum uppsögnum.
Óskar Hallgrimsson, forstöðumaður Vinnumálaskrifstofu Félags-
málaráðuneytisins, segir að undanfarið hafi fjölgað nyög fyrirspum-
um frá fyrirtækjum um hveraig þeim bæri að standa að þessum
uppsögnum með löglegum hætti. „Það er Jjóst að hjá mörgum þess-
ara fyrirtækja verður erfitt að standa undir launagreiðslum á næst-
unni, og það kæmi mér því ekki á óvart að það færist í vöxt næstu
vikumar að fólk fái uppsagnir á fastráðningarsamningum. Sem
betur fer virðast menn þó ekki vera orðnir það vonlausir að þeir
séu farnir að segja fólki upp endanlega."
Ekki þarf að tilkynna formlega
um uppsagnir á fastráðningar-
samningum til félagsmálaráðuneyt-
isins, vegna þess að ekki er litið svo
á að um varanlegar uppsagnir sé
að ræða.
„Mér er þó kunnugt um að í
Grindavík hefur til dæmis 60—70
manns verið sagt upp á þennan
hátt hjá tveimur fyrirtælqum, Hrað-
frystihúsi Grindavíkur og Hrað-
frystihúsi Þórkötlustaða, og hjá
Magnúsi Gamalíelssyni hf. á Olafs-
firði hefur verið hengd upp tilkynn-
ing um uppsögn á fastráðninga-
samningum.
Það þarf að losa um fastráðn-
ingasamningana með 4 vikna fyrir-
vara, en lausráðna fólkið er hægt
að láta hætta fyrirvaralaust, og hjá
Hraðfrystihúsi Grindavíkur er mér
kunnugt um að búið sé að segja
því upp. Þá hefur fólki verið til-
kynnt um væntanlegar uppsagnir
hjá Brynjólfí hf. í Njarðvík, en þetta
hefur verið að geijast mjög víða
um land upp á síðkastið."
Að sögn Óskars hafa flest fisk-
vinnslufyrirtækin nýtt sér þá daga
sem þau geta haft fólk á launum
og fengið á móti endurgreiðslur úr
atvinnuleysistryggingasjóði, en þar
er um að ræða 30 daga á ári.
„í þessari stöðu sem nú er komin
upp hafa fyrirtækin enga mögu-
leika á að halda fólki verkefnalausu
á launum, og þá er kvótinn auk
þess víða genginn til þurrðar, þann-
ig að þama hjálpast allt að. En ég
lít samt fyrst og fremst á þetta sem
varúðarráðstafanir að hálfu fyrir-
tækjanna, þannig að þau geti losn-
að við fólkið þegar þau sjá ekki
lengur fram á að geta staðið undir
launagreiðslum. Þegar fastráðning-
arsamningi starfsfólks hefur verið
sagt upp geta húsin stöðvað vinnsl-
una fyrirvaralaust, og fólkið fer þá
á atvinnuleysisbætur. Ef hins vegar
ætti að segja fólkinu upp varanlega
yrði að gera það með áunnum og
löglegum fyrirvara, en mikið af
starfsfólkinu á rétt á 3 mánaða
uppsagnarfresti. Það hefur þó ekki
neins staðar komið til þessa enn sem
komið er að minnsta kosti."
Óskar sagði að almennt hefði
verið meira um tilkynningar um
uppsagnir nú, heldur en verið hefur
á þessum árstíma undanfarin ár.
Þá hefði síðustu tvo mánuði verið
töluvert meira um tilkynningar
heldur en gerst hefur á þessum
árstíma, en atvinnuleysi væri þó
ekki umtalsvert ennþá.
„Undanfarið hefur verið það mik-
il þensla að fólk, sem til dæmis
hefur misst atvinnu vegna gjald-
þrota fyrirtækja, hefur yfirleitt eft-
ir stuttan tíma komist inn á vinnu-
markaðinn aftur, þannig að það
hefur ekki enn sem komið er komið
fram í atvinnuleysistölum svo að
orð sé á gerandi. Að vísu er meira
um atvinnuleysisskráningar í ágúst
núna heldur en var í sama mánuði
í fyrra, en þá var eftirspumar-
þenslan í hámarki. Þetta sýnir
kannski fyrst og fremst að úr henni
hefur dregið. Þetta hefur samt ekki
komið fram í því sem hægt er að
kalla atvinnuleysi enn sem komið
er, en það er þó skammt í það ef
fiskvinnslan stöðvast," sagði Óskar
Hallgrímsson.
Uppsagnir í fiskiðnaði á Suðurnesjum:
I annað sinn sem við missum
vinnuna með stuttu millibili
— sagði Kristín Guðnadóttir sem verður atvinnulaus í dag
Morgunblaðið/Bjöm Blöndal
Engin vinna var hjá konunum í Stokkavör í Keflavík í gær og not-
uðu þær daginn meðal annars til að halda smáveislu að skilnaði.
Keflavík.
„Flestar okkar verða atvinnu-
lausar eftir daginn í dag, við
erum orðnar þreyttar á þessum
stöðugu uppsögnum og ég veit
aðeins um tvær konur úr okkar
hópi sem ætla að helja vinnu í
öðru frystihúsi. Þetta er í annað
sinn á sama árinu sem við missum
vinnuna með stuttu millibili og
um leið mikið af áunnum réttind-
um. Við eram einfaldlega búnar
að fá nóg,“ sagði Kristin Guðna-
dóttir, ein úr 16 manna hópi sem
sagt hefúr verið upp störfúm hjá
Stokkavör í Keflavík.
Engin vinna var hjá konunum í
gær, en í dag verður þeirra síðasti
vinnudagur. Bjöm Jóhannsson
framkvæmdastjóri hjá Stokkavör
hættir líka og sagðist hann hafa
ráðið sig á loðnubát. Bjöm sagði
að fyrirtækið hætti ekki allri starf-
semi, það yrði áfram með útflutning
á ferskum kola til Hollands og tveir
menn yrðu í fastri vinnu til að ann-
ast þá hlið mála. Um 40 manns
unnu hjá Stokkavör í sumar og þar
af margt skólafólk. Margar af þeim
konum sem nú verða að hætta unnu
í frystihúsi R.A. Pétursson í
Njarðvík sem hætti starfsemi um
síðustu áramót og missa þær því
vinnuna nú í annað sinn með stuttu
millibili.
Nokkrar af konunum sem nú
missa vinnuna hafa starfað í fiysti-
húsum í mörg ár og sögðust tvær
þeirra, Sólveig Guðmundsdóttir og
Lóa Fanney Valdimarsdóttir, vera
með 30 ára starfsaldur að baki. Þær
sögðu að þrátt fyrir háan starfsald-
ur færi lítið fyrir réttindum og þær
fengju sama kaup og konur sem
væru að vinna á fyrsta ári. „Þetta
er í annað sinn sem við missum
vinnuna með stuttu millibili og töp-
um um leið þeim litlu réttindum sem
höfðu áunnist. Við höfum ekki leng-
ur krafta til að vinna í bónus og
kjósum því frekar að vinna í tíma-
vinnu. En þannig vinna stendur
okkur víst ekki til boða á þessari
Björa Jóhannsson framkvæmda-
stjóri hjá Stokkavör í vinnslu-
salnum. Þar verður ekki um
frekari starfsemi að ræða í bili
og sagðist Björa hafa ráðið sig
á loðnubát fyrir austan.
stundu og við endum líklega á at-
vinnuleysisskrá,“ sögðu þær Lóa
Fanney og Sólveig ennfremur.
Samkvæmt upplýsingum Morg-
unblaðsins er rekstur margra frysti-
húsa á Suðumesjum ákaflega erfið-
ur um þessar mundir. í Grindavík
hefur 70 starfsmönnum verið sagt
upp, hjá Hraðfrystihúsi Grindavíkur
hf. og Hraðfrystihúsi Þórkötlustaða
hf. og hefur síðamefnda frystihúsið
fengið greiðslustöðvun hjá Bæjar-
fógetanum í Keflavík ásamt Fiski-
torgi í Vogum og Fiskvinnslunni
Annesi hf. í Keflavík.
Sigurður Garðarsson hjá Vogum
hf. sagði að þeir hefðu verið að
draga saman seglin að undanförnu
og nú væri öll starfsemi í lág-
marki, reynt væri þó að sinna er-
lendum viðskiptasamböndum eftir
kostum. „Hjá okkur hafa starfað
15-20 manns, en nú eru aðeins 7
eftir," sagði Sigurður.
Jón Gunnarsson hjá Islenskum
gæðafiski hf. í líjarðvík sagðist
vera með 18 manns í vinnu, en að
ekki hefði komið til uppsagna enn
sem komið væri. „Við höfum reynt
að aðlaga vinnsluna þeim aðstæðum
sem uppi em og emm stöðugt að
breyta og endurskipuleggja rekst-
urinn, en með sama áframhaldi
getur þetta ekki endað nema á einn
veg,“ sagði Jón Gunnarsson enn-
fremur.
BB