Morgunblaðið - 31.12.1988, Blaðsíða 29

MORGUNBLAÐIÐ LAUGARDAGUR 31. DESEMBER 1988
29
Fjölbrautaskóli Suðumesja:
32 nemendur brautskráðir
Rúmlega 800 nemendur stunduðu nám við skólann
Morgunblaðið/Bjöm Biöndal
Að þessu sinni voru 19 stúdentar útskrifaðir frá Fjölbrautaskóla
Suðumesja.
Finun vélaverðir luku námi frá skólanum. Einn þeirra var ekki við-
staddur útskriftina.
Ytri-Njarðvík.
ÞRJÁTÍU og tveir nemendur
vora brautskráðir frá Fjöl-
brautaskóla Suðuraesja sunnu-
daginn 19. desember sl. Athöfhin
fór fram í Ytri-Njarðvíkurkirkju
að viðstöddu Qölmenni. Hjálmar
Araason skólameistari afhenti
prófskírteini og gat þess að nú
hefðu 1.192 nemendur verið
brautskráðir frá skólanum frá
stofnun hans.
Ægir Sigurðsson aðstoðarskóla-
meistari flutti yfírlit yfír starfsemi
skólans í vetur og sagði að rúmlega
800 nemendur hefðu stundað ein-
hverskonar nám í vetur, 577 hefðu
verið í dagskóla, 140 í öldunga-
deild, 60 í tölvuskóla, 60 í náms-
flokkum og um 50 nemendur hefðu
verið í starfsnámi. í vetur hefði
verið tekið upp svokallað stoðkerfí
og hefði það gefíst vel.
Nú voru 19 stúdentar braut-
skráðir frá skólanum og fengu fjór-
ir nemendur verðlaun fyrir góðan
árangur sem Axel Sigurbjömsson
veitti. Það voru Sigurbjörg Róberts-
dóttir sem fékk tvenn verðlaun,
fyrir stærðfræði og viðskiptagrein-
ar; Magnea Ólafsdóttir sem einnig
fékk tvenn verðlaun, í dönsku og
þýsku; Bjami Gunnarsson fyrir
íslensku og Guðmundur Karl Brynj-
arsson fyrir félagsstörf. Auk þess
vom brautskráðir 5 vélaverðir, 5
nemendur af iðnbraut og 3 nemend-
ur af tveggja ára bóknámsbraut.
Hjálmar Ámason skólameistari
sagði m.a. í ræðu sinni til nýbraut-
skráðra nemenda að hann varaði
þá við að ana áfram í blindni, hugs-
andi einasta um það sem fræðin
hefðu kennt.„Þið megið aldrei
hlaupa fram úr manneskjunni í
ykkur. Vissulega getur margur
fræðimaður komist vel áfram í lífínu
með því að vera trúr og sannur
fræðum sínum. Svo upptendraður
kann hann að vera af þeim sýnum
að allt annað gleymist. Eitthvað
ámóta hygg ég að segja megi um
þá hámenntuðu vísindamenn sem
smíðuðu þau ógnarlegu dráps- og
vígatól er ógna heimsbyggðinni um
þessar mundir. Örugglega hefur
fæstum þeirra staðið illt til en
manneskjan í þeim hefur einhvers
staðar orðið eftir á altari einangr-
aðrar fræðimennsku. Svipaða sögu
má segja af ýmsu öðru hámenntuðu
fólki sem á það flest sammerkt að
hafa sokkið á vit fræðanna en
gleymt afleiðingunum, gleymt
skyldum sínum og ábyrgð gagnvart
umhverfí sínu. Eða hvaðan skyldi
vera komin sú ógn sem steðjar að
mannkyni á sviði mengunar, and-
legrar eða líkamlegrar, eyðingar
ósonlags, skóga og þannig mætti
áfram telja. Allt eru þetta afsprengi
hins menntaða manns — mannsins
sem hefur gleymt sér í fræðunum.
Við getum af þessu dregið þá ein-
földu ályktun að sérhver einstakl-
ingur, menntaður eða ómenntaður,
hefur ríkar siðferðislegar skyldur
gagnvart sínum nánustu, þ.e. um-
hverfínu öllu, samfélaginu í heild
sinni, afkomendum okkar. Menntun
á hvaða sviði sem hún kann að
vera, er í mínum huga einskis virði
ef hún er eingöngu notuð í þágu
afmarkaðra fræða, óháð öllu sið-
ferði. Menntunin er ekki einungis
persónuleg hugljómun og uppgötv-
un einstaklingsins — hún hlýtur að
gegna einhveiju hlutverki til hags-
bóta fyrir það samfélag sem skap-
aði hinn menntaða einstakling.
Honum ber þvi skylda til að hafa
augun opin gagnvart sjálfum sér
og samferðafólki," sagði Hjálmar
Arnason ennfremur í ávarpi sínu.
Hjálmar gat þess að Vélstjórafé-
lag Suðumesja hefði nýverið fært
skólanum 75 þúsund krónur að gjöf
til uppbyggingar vélstjóradeild
skólans og hefði félagið skattlagt
meðlimi sína í þessu skyni með því
að láta þá greiða ákveðna prósentu
af launum sínum. Þetta væri merki-
leg ákvörðun og þessi samþykkt
Vélstjórafélagsins væri áreiðanlega
einstök.
Kór Fjölbrautaskóla Suðurnesja
söng við athöfnina undir stjóm
Siguróla Geirssonar og Lilja Möller
færði skólanum að gjöf málverk
eftir Þorfinn Sigurgeirsson frá 5
ára nemendum skólans.
Ábendingar frá
LÖGREGLUNNI:
Umferðin og fólkið
Það er slæmt að þurfa að reka sig hastarlega á til þess að
geta skilið einfalda hluti. Umferðarmál eru þess eðlis að auð-
velt er sæmiiega greindum manni að skilja þau og fara eftir
þeim reglum sem þau varðar, en það vantar talsvert á að hver
og einn geri sér grein fyrir þýðingu þeirra. Það er of seint að
iðrast eftir á, en það er aldrei of seint að læra af reynslunni.
Umferðin er eðlilegur hluti lífs okkar og einmitt þess vegna
veitum við henni minni athygli dags daglega en ástæða er til.
Eitt víxlspor getur markað einum eða öðmm óvænta lífsstefnu,
aílt í einu og öllum að óvömm. Þess vegna er svo nauðsynlegt
að vita hvað maður gerir hveiju sinni og af hveiju. Óaðgæsla
er orsök langflestra umferðarslysa. Á þessu ári hafa um 300
manns slasast meira eða minna í umferðinni í Reykjavík. Eng-
inn þessara 300 átti von á slíku um síðustu áramót. Enginn
þeirra ætlaði að lenda í slysi og enginn þeirra, sem olli slysi,
ætlaði sér slíkt.
Umferðin sjálf er ekkert einangrað fyrirbæri í sjálfu sér. Hún
er hluti af miklu stærra dæmi, dæmi sem snýst um almennan
skilning okkar á umhverfínu og því veraldlega og andlega verð-
mætamati, sem ríkir í samfélaginu. Hún er spumingin um virð-
ingu okkar gagnvart okkur sjálfum sem og öðrum.
Hvaða tilgangi þjóna skemmdarverk? Hvaða tilgangi þjóna
líkamsárásir? Við getum haldið svona áfram og spurt okkur
endalaust slíkra spuminga, en svarið verður alltaf það saraa:
Engum. Nákvæmlega engum. Það sama gildir um umferðina.
Hvaða tilgangi þjónar alltof hraður akstur? Hvaða tilgangi þjón-
ar akstur undir áhrifum áfengis, eða akstur á móti rauðu ljósi
og önnur umferðarlagabrot yfírleitt? Svarið verður það sama:
Engum. Samt sem áður leggur fólk sig fram við að setja sjálft
sig í þá aðstöðu að aka of hratt, þrátt fyrir að það þekki lögin,
sjái umferðarmerkin og geti auðveldlega lesið af hraðamælinum.
Það ekur undir áhrifum áfengis, jafnvel dauðadmkkið, þó að
það viti að það er bannað, stórhættulegt og ámælisvert í alla
staði. Svona mætti lengi telja. Þetta er ekki einungis heimska
í sjálfu sér, þetta er fyrst og fremst virðingarleysi fyrir'sjálfum
sér og öðrum.
Það er allt annað en ánægjulegt að lenda í þeirri aðstöðu
að slasa fólk. Sá sem það gerir bíður þess oft aldrei bætur,
ekki frekar en hinn, sem slasast. Þessari vitneskju hefur verið
reynt að koma á framfæri við fólk með takmörkuðum árangri.
Orðið umferðarslys er miklu meira en liggur í orðanna hljóð-
an. Og þá er ekki verið að mikla það. Verst er að alltof margt
fólk gerir sér ekki grein fyrir þessu fyrr en of seint. Vonandi
þarf enginn að lenda í þeirri aðstöðu. Það er og verður þó allt-
af undir hveijum og einum komið. Farið varlega.

Hugheilarþakkir jlyt ég öllum þeim, sem heim-
sóttu mig á sjötugsafmœlinu og fcerðu mér gjaf-
ir, blóm og heillaóskir.
Guð blessi ykkur öll.
Þorsteinn Guðmundsson,
Eskihlíð 16b.
Læknastofa Ellenar Mooney
flytur f dag í
Læknastöðina Uppsölum,
Kringlunni 8-1 2,
sími686811.
Símar 35408 og 83033
GAMLIBÆRINN
Sóleyjargatao.fl.
SUÐURBÆR
Austurgerði o.fl.
Safamýri 57-95
SELTJNES
Tjarnarstiguro.fi.
KOPAVOGUR
Kársnesbraut 77-139 o.fl.
Hlíðarvegur 138-149
og Hlíðarhjalli

BB