Morgunblaðið - 10.10.1989, Blaðsíða 2

2
MORGUNBLAÐIÐ ÞRIÐJUDAGUR 10. OKTÓBER 1989
Kjaradeila rafiðnað-
armanna og ríkisins:
Nýr ffundur
ekki boðaður
FUNDUR rafiðnaðarmanna og
samninganefhdar ríkisins hjá
ríkissáttasemjara á sunnudag
var árangurslaus, en hann var
haldinn í kjölfar óformlegra við-
ræðna aðila sín í milli á fostudag
og laugardag. Ekki hefur verið
boðað til annars fundar og er
óvíst hvenær af honum verður.
Verkfall rafiðnaðarmanna hjá
ríkinu hefur staðið frá 28. septem-
bér eða bráðum 1 tvær vikur. Verk-
fallsmenn funduðu í gær og þar
var samþykkt að fela samninga-
nefnd RSI að fara yfir undanþágur
sem veittar hafa verið frá verk-
fallinu. Helgi Gunnarsson, starfs-
maður RSÍ, sem situr í samninga-
nefnd, sagði að engar nýjar undan-
þágubeiðnir hefðu borist og engar
ákvarðanir hefðu verið teknar um
breytingar á fyrirliggjandi undan-
þágum. Menn væru að ræða það
og ákvarðanir þar að lútandi yrðu
ekki teknar fyrr en í fyrsta lagi í
dag.
65 voru tekn-
ir fyrir of
hraðan akstur
ÖKUMENN, sem teknir voru
fyrir of hraðan akstur í
Reykjavík um' helgina, voru 65.
Þá voru 24 grunaðir um ölvun
við akstur.
Þessar tölur eru fyrir tímabilið
frá 6 á föstudagsmorgni til 6 í
gærmorgun. Sem dæmi um hrað-
aksturinn má nefna, að á Vestur-
landsvegi mældi Reykjavíkurlög-
reglan tíu bíla um helgina á 97-126
kílómetra hraða. Þá virðist einnig
greitt ekið á Bústaðavegi. Þar voru
um fimmtán bílar stöðvaðir og óku
þeir á 80-99 kílómetra hraða. Á
Skúlagötu var ökumaður stöðvað-
ur á 94 kílómetra hraða og á
Kringlumýrarbraut var algengur
hraði um 100 kílómetrar á klukku-
stund. í Elliðavogi var hraði bíla
um og yfir 100 kílómetrar á
klukkustund og sömuleiðis í Sæt-
úni.
Einn ökumannanna, sem grun-
aðir voiu um ölvun við akstur, var
gripinn á 120 kílómetra hraða á
Sundlaugavegi.
Forsetinn
tilSviss
Forseti Islands, Vigdís
Finnbogadóttir, fer áleiðis
til Genfar 11. þ.m., segir í
fréttatilkynningu frá skrif-
stofu forseta Islands. Þar
verður forsetinn formaður
dómnefndar í samkeppni
Evrópubandalags útvarps-
og sjónvarpsstöðva um besta
handritið að sjónvarpsleik-
riti í ár. Þá mun forseti af-
henda verðlaun keppninnar
16. þ.m.
Frá Genf fer forseti til
Lausanne í Sviss og flytur þar
erindi á ráðstefnu um áhrif
ferðamála á menningu þjóða.
Þá hefur forseti þegið boð
forseta Sviss um að koma í
opinbera vinnuheimsókn til
Bern 17. þ.m. Jón Baldvin
Hannibalsson, utanríkisráð-
herra, verður þar í fylgd með
forseta og mun eiga viðræður
við utanríkis- og utanríkisvið-
skiptaráðherra Sviss.
I fylgd með forseta íslands
verður Komelíus Sigmunds-
son, forsetaritari.
VEGAGERÐ ríkisins hefur undanfarið unnið
við að setja upp vegrið við hættulegustu veg-
arkaflana í Hvalfirði. Vegrið verða sett upp
á fjórum stöðum í firðinum og verða samtals
um einn kílómetri að lengd.
Eyvindur Jónasson, rekstrarstjóri hjá Vega-
gerðinni, sagði að vegrið væru sett upp við
Hvammsfjall og inn undir Brynjudal. „Við
setjum vegrið upp við hættulegustu kafla
vegarins, um 3-400 metra í einu,“ sagði hann.
„Þessi vegrið eiga að þola það að fólksbifreið
fari utan í þau, ef hún rennur til dæmis í
hálku eða vindhviðum og því er mikið öryggi
að þeim. Nú höfum við lokið við að setja upp
helminginn, en það verður unnið að því fram
á vetur að koma þessu upp. Kostnaður er
áætlaður á bilinu 2-3 milljónir króna.“
Eyvindur sagði að vegriðin hefðu einn stór-
an galla, því snjór safnaðist upp að þeim og
erfiðara yrði því að ryðja veginn.
)
I
!
Eldey hf:
Taka Grindvíkingar
við rekstri Eldeyjar?
Grindavík.
ÚTGERÐARMENN í Grindavík
hafa fullan hug á að yfírtaka
rekstur útgerðarfyrirtækisins
Eldeyjar hf.
Eldey hf. var stofnað fyrir rétt-
um tveimur árum af aðilum víða
á Suðurnesjum og um bátana Eld-
eyjar-Hjalta og Eldeyjar-Boða.
Aðalfund þess átti að halda í
síðustu viku, en honum var frestað
að ósk útgerðarmanna í Grindavík,
sem hafa fullan hug á að yfirtaka
reksturinn og reka útgerðina frá
Grindavík. Þá hefur verið nefnt
að aðilar utan svæðisins hafi áhuga
á að kaupa bátana og fá kvóta
þeirra.
Á fundi útgerðarmannanna í
gær með Steingrími Hermannssyni
forsætisráðherra voru ýmsar hug-
myndir ræddar og lýsti Steingrím-
ur því yfir að hann myndi gera það
sem í hans valdi stæði til þess að
koma þessum málum áfram. Hall-
dór Ingvason, bæjarfulltrúi í
Grindavík, sat fundinn og sagði í
viðtali við Morgunblaðið að áhugi
væri á því að sporna við þeirri
miklu kvótasölu sem væri af Suð-
urnesjasvæðinu.
„Eldey hf. var stofnað sem
nokkurskonar sameiningartákn
fyrir útgerð á Suðurnesjum og það
væri miður ef það hyrfi héðan,“
sagði Halldór, „útgerðarmenn hér
í Grindavík eru tilbúnir til að leggja
fram hlutafé ef aðstoð kæmi á
móti frá opinberum sjóðum.“ Hall-
dór nefndi einnig að það hefði stað-
ið Eldey hf. fyrir þrifum hve hluta-
fjárloforð hefðu skilað sér illa á
sínum tíma og ætti það ekki hvað
síst þátt í erfiðum rekstri.
Solveig Dommartin og Bruno
Ganz í myndinni „Himinn yfir
Berlín", sem Kvikmyndahátíðin
hófst á.
Kvikmynda-
hátíð hafin
Kvikmyndahátíð í Reykjavík
hófst í Regnboganum á laugar-
dag. Davíð Oddsson borgarstjóri
setti hátíðina. Frú Vigdís Finn-
bogadóttir forseti var heiðurs-
gestur, en meðal annarra gesta
var Bruno Ganz, aðalleikari
myndarinnar „Himinn yfir
Berlín".
Sjá uinijöllun um Kvik-
myndahátíð á bls. 62-63.
Landsfimdur Sjálfstæðisflokksins:
Þorsteinn Pálsson formaðxu* —
Davíð Oddsson varaformaður
Einar K. Guðfínnsson efstur í miðstjórnarkjöri
ÞORSTEINN Pálsson var endurkjörinn formaður Sjálfstæðisflokksins
á landsfúndi á sunnudag með 754 atkvæðum, eða um 80% greiddra
atkvæða. 945 af 1042 landsfundarfulltrúum tóku þátt i formanns-
kjöri. Davíð Oddsson var kjörinn varaformaður flokksins í stað Frið-
riks Sophussonar. Davíð hlaut 727 atkvæði, sem voru 81,6% greiddra
atkvæða, þar sem 891 tók þátt í varaformannskjörinu.
Davíð Oddsson hlaut 64 atkvæði
til formanns og Friðrik Sophusson
63 atkvæði. Aðrír hlutu 10 at-
kvæði. Auðir seðlar og ógildir voru
54. Friðrik hlaut 91 atkvæði til
varaformanns, en hann hafði lýst
því yfir að hann væri ekki í kjöri.
Aðrir hlutu 12 atkvæði. Auðir
seðlar og ógildir voru 61.
Kosið var milli 18 frambjóðenda
í 11 sæti fulltrúa landsfundar í
miðstjórn Sjálfstæðisflokksins.
Flest atkvæði hlaut Einar K. Guð-
finnsson útgerðarstjóri í Bolung-
arvík. Atkvæði féllu á þessa leið:
1. Einar K. Guðfinnsson, 670
atkvæði.
2. Hreinn Loftsson, 658 atkvæði.
3. Sigurður Einarsson, 635 at-
kvæði.
4. GunnarRagnars,.621 atkvæði.
5. Þuríður Pálsdóttir, 617 at-
kvæði.
6. Theodór Blöndal, 614 atkvæði.
7. Magnús L. Sveinsson, 511
atkvæði.
8. Lilja Hallgrímsdóttir, 492 at-
kvæði.
9. Björn Jónasson, 481 atkvæði.
10. Davíð Sch. Thorsteinsson,
451 atkvæði.
11. Hildigunnur Högnadóttir,
442 atkvæði.
12. Lára M. Ragnarsdóttir, 440
atkvæði.
13. Guðjón I. Stefánsson, 420
atkvæði.
14. Jóna G. Sigurðardóttir, 398
atkvæði.
15. Björg Þórðardóttir, 359 at-
kvæði.
16. Gísli Ólafsson, 323 at.kvæði.
17. Jóhann G. Bergþórsson, 316
atkvæði.
18. Halldór Jónsson, 264 at-
kvæði.
Fimm af fyrri miðstjómarfulltrú-
um landsfundar gáfu kost á sér og
náðu allir kjöri. Þeir eru: Einar K.
Guðfinnsson, Sigurður Einarsson,
Gunnar Ragnars, Theodór Blöndal
og Davíð Sch. Thorsteinsson.
Þeir sem ekki gáfu kost á sér til
endurkjörs, sem miðstjornarfulltrú-
ar landsfundar, voru: Björn Þór-
hallsson, Davíð Oddsson, Erlendur
Eysteinsson, Katrín Fjeldsted,
Sigríður Anna Þórðardóttir og Sig-
urður M. Magnússon.
Sjá frásagnir bls. 10,26,27 og
í miðopnu.