Morgunblaðið - 10.10.1989, Blaðsíða 60
60
MORGUNBLAÐIÐ ÞRIÐJUDAGUR 10. OKTÓBER 1989
Leitiö til okkar:
SMITH &NORLAND
NÓATÚNI 4 • SÍMI 28300
1 n .HiripKR ímfaifo
Áskriftarsíminn er 83033
Fæðingar:
Rangar staðhæfingar
Agæti Velvakandi.
Móðir ritar grein er birtist í Vel-
vakanda föstudaginn 29. september
sl. Grein þessi er full af óréttmætri
gagnrýni á margt það ágæta fólk
er starfar við fæðingarhjálp.
Greinarhöfundur gagnrýnir fæð-
ingarstofnanir og segir m.a. að
Fæðingarheimilið sé eina stofnunin
sem eitthvað virði vilja kvenna til
að ráða fæðingum sínum. Þetta er
ekki rétt. Ég ól í sumar barn á
fæðingardeild Landspítalans. Þar
er verðandi mæðrum gefinn kostur
á að sækja fræðslunámskeið um
meðgönguna og fæðinguna sjálfa.
Þessi námskeið eru haldin af ljós-
mæðrum. Á skjön við það sem
greinarhöfundur heldur fram vorum
við, verðandi mæður, hvattar til að
ákveða sjálfar hvernig við vildum
fæða og vera ófeimnar við að láta
vilja okkar í ljós er að fæðingunni
kæmi. Mikil áhersla var lögð á þetta
— að við hefðum skoðun á því
hvernig við vildum að fæðingin
gengi fyrir sig, en værum ekki eins
og viljalaus verkfæri í höndum
lækna og ljósmæðra.
Greinarhöfundur segir að „áróð-
ursherferð sé nú í gangi fyrir epid-
úral mænudeyfingu" (þ.e. mænu-
rótardeyfingu). Þetta er undarleg
staðhæfing og fróðlegt væri að vita
Góð yfírheyrsla
Til Velvakanda.
Ósæmileg framkoma er fyrir-
sögnin á pistli í Velvakanda eftir
einhveija konu sem hneykslast á
fréttamönnum Stöðvar 2 er þeir
ræddu við Steingrím Hermannsson
á dögunum.
Eg sá líka yfirheyrsluna yfir
Steingrími Hermannssyni á Stöð
2, og þótti mér það mjög gott en
hinsvegar saumuðu þeir ágætu
fréttamenn ekki nógu mikið að
Steingrími og fengu alltof lítinn
tíma til að yfirheyra hann eins og
Páll Magnússon sagði: Nú verðum
við að hætta þessu þó við eigum
helming eftir af spurningum. Nei,
ágætu fréttamenn, þið voruð ekki
með neina frekju, það er löngu
tímabært að það sé hrist upp í þess-
um stjórnmálamönnum. Við mun-
um eftir orðum Steingríms í viðtali
á Stöð 2, fyrir rétt ári, er hann
sagði við fréttamann: „Þjóðin er
nærri gjaldþrota." Þá sagði frétta-
maður á Stöð, 2: „Hvað varð um
góðærið á sl. sumri?“ Þá svaraði
Steingrímur: „Við sváfum á verðin-
um.“ Hvað er Framsóknarflokkur-
inn búinn að gera í dómsmálum?
Svar: Ekki neitt. Hvað er Framsókn
búin að vera í ríkisstjórn lengi?
15—16 ár. Sjáiði árangurinn! Það
hlýtur að vera eitthvað betra til enn
Framsókn. Hafliði Helgason
Góð vara
Kæri Velvakandi.
Mig langar til þess að þakka
þeim sem framleiða þetta nýja
„Gæða gott“ sem nýbúið er að setja
á markað. „Gæða gott“ er sambland
af hnetum og rúsínum, bæði með
og án súkkulaðis, og auk þess fleira
góðgæti í bland. Eg hvet þá sem
þetta framleiða að halda áfram á
sömu braut, því þetta er örugglega
með því hollasta góðgæti sem hægt
er að narta í.
Guðrún
Vilji kvenna ekki virtur
ypXJA VJÐ
hvaðan greinarhöfundur hefur
þessar upplýsingar. Allir þeir sem
ég spurði um mænurótardeyfingu,
bæði læknar og ljósmæður, lögðu
áherslu á að alls ekki ætti að ákveða
neitt fyrirfram með deyfingar.
Æskilegast væri að lítið þyrfti að
deyfa, þar sem best væri að fæðing-
in gæti gengið sem eðlilegast fyrir
sig, en ef séð væri fram á sérlega
sársaukafulla fæðingu stæði konum
mænurótardeyfingin til boða, ef
þær vildu hana sjálfar.
Af sérstökum ástæðum þurfti ég
að hafa meiri samskipti við ljós-
mæður og fæðingarlækni áður en
að fæðingu kom en yfirleitl tíðkast.
Aldrei varð ég vör við „fagmanna-
hroka" þann er greinarhöfundur
talar um. Ávallt var komið fram
af fyllstu virðingu og nærgætni og
vinsemd.
Vitaskuld er æskilegast að fæð-
ingar gangi sem eðlilegastar fyrir
sig og að móðir náttúra stjórni ferð-
inni. En því miður bera ekki allar
konur gæfu til að ala börn sín á
eðlilegan hátt. Væri ekki nær, í
stað þess að skammast út í tækni-
framfarir a þessu sviði, að lofa Guð
fyrir hvað öryggið — já, öryggið
á spítulunum er orðið mikið? Ég
geri það að minnsta kosti. Án þess
er ég ekki viss um að ég hefði eign-
ast heilbrigt barn.
Að lokum vil ég þakka starfs-
fólki á fæðingardeild Landspítalans,
og þá sérstaklega dr. Reyni Tómasi
Geirssyni, fyrir frábæra umönnun
og stuðning. Ég hlakka til að koma
þangað aftur.
Hæstánægð móðir
mm
„>
Bragðgott á brauðið frá SS
Þegar á brauðið er komið bregðast
kæfurnar og patéið frá SS ekki.
Hvort sem það er Lifrarkæfa,
Skólakæfa (fyrir börnin), Smur-
kæfa eða Franskt smurpaté, ungir
sem aldnir verða ekki sviknir af
bragðinu.