Morgunblaðið - 10.10.1989, Blaðsíða 53
MORGUNBLAÐIÐ ÞRIÐJUDAGUR 10. OKTOBER 1989
53
Hörður Tulin-
íus, vinarkveðja
Fæddur 12. apríl 1936
Dáinn 21. ágúst 1989
Þegar fregnin barst um lát skóla-
félaga míns og æskuvinar Harðar
Tuliníus, var ég að tygja mig til
gönguferðar um öræfi landsins. Og
á gönguleiðum sunnan Landmanna-
lauga gafst gott tóm til að hugsa
um Hörð og samverustundir okkar
fyrr og síðar. Drenginn hrein-
skiptna, sem ég reyndi að taka mér
til fyrirmyndar á Akureyri forðum
daga. Unglinginn hægláta sem
breyttist í farsælan athafnamann
um svipað leyti og ég varð bókaorm-
ur. Glæsimennið, sem ég sá af og
til bregða fyrir á sjónvarpsskjá í
keppni eða við dómgæslu í körfu-
bolta. Einstaklingshyggjumanninn,
sem varð burðarás óvenjulegrar
samheldni þeirra margleitu ein-
staklinga, sem hófu nám við Gágn-
fræðaskóíann á Akureyri haustið
1949. Bernskufélagann dula, sem
fagnaði mér eins og týndum bróður
eftir 25 ára aðskilnað, og vígði mig
inn í mótað en fijótt samfélag rúm-
lega fertugra bekkjarsystkina.
Keppnismanninn, sem af næmri
góðvild og með smitandi glettni
virtist eiga svo auðvelt með að stilla
saman strengi þessa hóps, þannig
að allir nutu sín.
Mér er ekki alveg ljóst hvernig
það atvikaðist að við Hörður urðum
svo samrýndir í æsku. Við vorum
þannig staðsettir í straumhvörfum
bæjarlífsins á Akureyri, að við hefð-
um eiginlega fremur átt að verða
mótheijar en samhetjar. Hann var
Innbæingur og framarlega í flokki
þeirra þróttmiklu unglinga sem þá
settu svip á þennan elsta og virðu-
iegasta hluta Akureyrar, þar sem
KA var stofnað óg flest vaskasta
skíða- og skautafólk landsins óx
úr grasi á 4. og 5. áratugnum. Ég
átti heima á Eyrinni, nýfluttur til
bæjarins og var Þórsari í þokkabót.
En Hörður virðist snemma hafa
orðið sjálfstæður og fastur fyrir.
Alla vegna lét hann ekki hverfaríg
aftra sér frá því að heimsækja að-
komupiltinn á Eyrinni, og með okk-
ur tókst fljótlega vinátta, sem var
þess eðlis að hún endurnýjaðist
nánast sjálfkrafa, þegar leiðir lágu
aftur saman eftir rúmlega aldar-
fjórðungs aðskilnað. Samveru-
stundirnar urðu þó alltof fáar og
stuttar, en fyrir tveimur árum
ákváðum við að hittast í hvert sinn
sem hann átti leið til Reykjavíkur
eða ég til Akureyrar. Við settumst
þá gjarnan að tafli eða ræddum
reynslu okkar, skoðanir eða viðhorf
til lífsins og reyndar dauðans líka.
Og mér finnst erfitt að sætta mig
við að fá ekki að eiga fleiri sam-
verustundir með Herði. Miðaldra
karlmönnum er ýmislegt betur gef-
ið en að ræða svokölluð hjartans-
mál af einlægni, en Hörður var ein-
hvern veginn þannig gerður að ekki
Blömastofa
Ftiðfinm
Suðurlandsbraut 10
108 Reykjavík. Sími 31099
Opið öil kvöld
til kl. 22,- einnig um helgar.
Skreytingar við öll tilefni.
Gjafavörur.
kom annað til greina en að segja
honum það sem manni bjó í bijósti
eins afdráttarlaust og orðfærni
leyfði.
Lífsreynsla Harðar var mikil og
merkileg. Raunar má segja að hann
hafi lifað einskonar Valhallarlífi
síðustu 15 ár ævinnar, því að hann
hné niður nánast örendur hvað eft-
ir annað, en stóð jafnharðan upp
aftur, lítt sár að því er virtist, og
hélt ótrauður áfrant þar sem frá
var horfið. Og Herði auðnaðist að
gera stutta ævi langa. Hann var
íhugull athafnamaður og hugmynd-
aríkur raunsæismaður, sem agaði
sterkar tilfinningar undir járnhæl
ennþá sterkari skynsemi.
Mig langar að reyna að bregða
upp mynd frá æskuárum okkar á
Akureyri. Slæptur hópur unglinga
úr 2. bekk Gagnfræðaskólans á
Akureyri er að koma sér fyrir í
Ásgarði, heldur frumstæðum skíða-
skála í miðju Hlíðarfjalli vestan við
Akureyri. Snjókoma og þung færð
hafði torveldað skíðagönguna upp-
eftir. Kolaofninn í svefnsalnum er
orðinn rauðglóðandi, og blautar
flíkur hanga til þerris umhverfis.
Heitt kakó er næst á dagskrá. Til
þess þarf vatn, en það gæti orðið
tafsamt að finna uppsprettulindina,
sem var um 200 metra frá kofanum
og grafa hana upp úr snjónum.
Eftir dálítið karp virðast flestir
ætla að gera sér að góðu að bræða
snjó í kakóið, uppvaskið og aðrar
hreinlætisaðgerðir. Hörður leggur
ekkert til málanna en stendur upp
og fer út í hríðarkófið með vatns-
fötu og skóflu. Tekur mið af nokkr-
um kennileitum, og gengur síðan
rösklega niður eftir gilinu norðvest-
ur af skálanum. Kemur eftir stund-
arkorn til baka með fulla fötu af
lindarvatni, og réttir hana umsjón-
arkennaranum með góðlátlegri at-
hugasemd, sem allir hlæja að. Hörð-
ur varð einn af umsvifamestu at-
hafnamönnum Akureyrarbæjar. Ég
þekki ekki þá sögu en ímynda mér
að hún sé ríkulega krydduð at-
burðum af þessu tagi. Þeir fiska
sem róa voru víst einkunnarorð
Harðar.
Ungur kvæntist Hörður bekkjar-
systur sinni, Ernu Alfreðsdóttur.
Hún var Innbæingur eins og hann,
glæsileg manneskja og traust. Sam-
band Ernu og Harðar virtist ein-
kennast af velvild og gagnkvæmri
styrkingu. Þetta -hlýtur því að vera
erfiður aðlögunartími fyrir Ernu,
en hún er sterk. Megi æðruleysi,
bjartsýni og kjarkur Harðar lifa
með henni og fjölskyldunni allri.
Helgi Valdimarsson
Coco Chancl Eau de Parfum 100 ml
Amsterdam kr. 3.392,-
Borg í Skotlandi kr. 4.893,-
Lcvi’s gallabuxur 501
Amsterdam kr. 3.966,-
Borg í Skotlandi kr. 3.620,-
Kodak videóspóla 180 mín.
Amsterdam kr. 309,-
Borg í Skotlandi kr. 342,-
Benetton peysa
Amsterdam kr. 2.233,-
Borg í Skotlandi kr. 2.250,-
McDonalds hamborgari m/osti
Amsterdam kr. 69,25
Borg í Skotlandi kr. 74,40
Sony Walkman WM-BF44
Amsterdam kr. 3.646,-
Borg í Skotlandi kr. 5.380,-
Nike eróbikkskór Air Trainer
Amsterdam kr. 4.495,-
Borg í Skotlandi kr. 6.850,-
Canon EOs 750 autofocus body
Amsterdam kr. 24.846,-
Börg i Skotlandi kr. 32.293,-
Hugo Boss skyrta
Amsterdam kr. 3.646,-
Borg í Skotlandi kr. 4.893,-
GULUN TÆKIFÆRI LEYNAST
VÍDAR EN í SKOTAPILSUM
Helgar- og verslunarferðir til Amsterdam frá 31.130* krónum
Vöruverð í dæmunum hér að ofan var kannað í Amsterdam
og í borg í Skotlandi dagana 17.-24. september.
Borið var saman verð á sömu vörutegund með sama vörunúmer.
Miðað var við gengi 22. september 1989.
*Lágmarksverð til Amsterdam miðast við flug og gistingu fyrir einn, í fjóra
daga og þrjár nætur í tveggja manna herbergi, og að ferðin sé staðgreidd.
Hafðu samband við ferðaskrifstofurnar eða söluskrifstofur Arnarflugs.
ARNARFLLIG
Annar kostur - önnur leið
Söluskrifstofur: Lágmúla 7, sími 84477 ■ Austurstræti 22, sími 623060 • Keflavík, sími 92-50300