Morgunblaðið - 10.10.1989, Blaðsíða 33
32 MORGUNBLAÐIÐ ÞRIÐJUDAGUR 10. OKTÓBER 1989
MORGUNBLAÐIÐ ÞRIÐJUDAGUR 10. OKTÓBER 1989
—
33
JHwgnnftlafetfe
Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Auglýsingastjóri
Árvakur, Reykjavík
Flaraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033.
Áskriftargjald 1000 kr. á mánuði innanlands. í lausasölu 90 kr. eintakið.
Að loknum sögu-
legum landsfimdi
Sjálfstæðismenn hafa ástæðu
til að fagna að loknum 28.
landsfundi sínum sem lauk á
sunnudag með því að Þorsteinn
Pálsson hlaut gott endurkjör í
formannssætið og sterk samstaða
var um að kjósa Davið Oddsson
varaformann flokksins. Á föstu-
dag og laugardag ríkti töluverð
spenna á fundinum þegar þeir
Davíð Oddsson og Friðrik Sophus-
son, fráfarandi varaformaður
flokksins, greindu frá ákvörðunum
sínum varðandi varaformennsk-
una. Fórst þeim það báðum vel
úr hendi og var gerður góður róm-
ur að framgöngu og málflutningi
Friðriks Sophussonar þegar hann
dró sig með sóma í hlé eftir átta
ára setu sem varaformaður. At-
beini Friðriks og öll meðferð þessa
viðkvæma máls, sem á sér enga
hliðstæðu í 60 ára sögu Sjálfstæð-
isflokksins, varð til þess að styrkja
innviði flokksins og gera hann
samhentari til stærri átaka. Með
óvenjulegri, ákveðinni og stór-
skemmtilegri ræðu sinni að kosn-
ingu lokinni sameinaði Davíð
Oddsson alla sjálfstæðismenn að
baki sér og Þorsteini Pálssyni.
Fyrir landsfundinn var lögð
skýrsla svokallaðrar aldamóta-
nefndar sem starfar áfram undir
formennsku Davíðs Oddssonar. I
því gagnmerka skjaii eru settar
fram meginlínur sem sjálfstæðis-
menn hljóta að hafa til hliðsjónar
við úrlausn þeirra mála sem koma
upp hveiju sinni, þannig að menn
missi ekki sjónar á markmiðum
sem eru í samræmi við þann meg-
inþátt sjálfstæðisstefnunnar að
auka svigrúm einstaklingsins og
draga að sama skapi úr forsjá og
afskiptum ríkisins. Með þessum
hætti hefur Sjálfstæðisflokkurinn
gengið lengra en nokkur annar
stjórnmálaflokkur í landinu í við-
leitni til að svara ýmsum grund-
vallarspurningum sem stjórnmála-
menn reyna alltof oft að ýta á
undan sér.
í hinni almennu stjórnmála-
ályktun sinni staðfesti landsfund-
urinn þá stefnu sem þingflokkur
sjálfstæðismanna mótaði fyrir
skömmu og lýtur að nýskipan við
ákvarðanir um gengisskráningu,
skattamálum og fleiru. Fundurinn
tók einnig af skarið í landbúnaðar-
málum og sjávarútvegsmálum eins
og fyrir hann hafði verið lagt.
Víðtæk samstaða tókst um
stefnuna í landbúnaðarmálum. Þar
segir, að útilokað sé að heimila
aukinn innflutning búvara meðan
unnið er að vaxandi framleiðni og
hagkvæmni með það fyrir augum
að ná lægra vöruverði. Þetta orða-
lag gefur ótvírætt til kynna, að
sjálfstæðismenn útiloka ekki auk-
inn innflutning á landbúnaðarvör-
um þegar framleiðni hefur vaxið
og hagkvæmni náðst. Flokkurinn
vill breytta stefnu í landbúnaðar-
málum en leggur áherslu á að
farið sé að öllu með gát í þeim
efnum. Hann telur, að miðstýring-
arkerfið i landbúnaðarframleiðsl-
unni standist ekki til frambúðar.
í ályktun landsfundar segir:
„Stefna Sjálfstæðisflokksins er að
dregið verði úr opinberum afskipt-
um, þannig að atorka og framtak
framleiðenda verði leyst úr læð-
ingi. Auknu frelsi verði náð í
áföngum sem hefjist með því að
auka svigrúm einstaklinganna í
hvetju byggðarlagi. Framtíðar-
markmið flokksins er að skapa þau
skilyrði að unnt sé að hverfa frá
kvóta- og haftakerfi í landbúnað-
inum.“
Fyrir landsfundinn lýsti Þor-
steinn Pálsson ákveðinni afstöðu
sinni til fiskveiðistefnu og kvóta-
mála. Á fundinum sjálfum studdi
hann eindregið málamiðlun sem
naut víðtæks stuðnings og var lögð
fram eftir að sjávarútvegsnefnd
fundarins hafði með atkvæða-
greiðslu ályktað á þann veg, að
afnema bæri kvótakerfið og leita
nýrra leiða um stjórn fiskveiða,
eins og það var orðað. í málamiðl-
uninni, sem naut yfirgnæfandi
stuðnings á landsfundinum sjálf-
um eftir að flokksformaðurinn
hafði hvatt til þess að hún yrði
samþykkt, segir meðal annars:
„Tekin verði upp sú aðferð, að
sérhvert fiskiskip fái úthlutað
ákveðinni hlutdeild i heildarafla
landsmanna til lengri tíma, en með
árlegri endurnýjunarskyldu.
Markmiðið er að hámarksafrakst-
ur náist við nýtingu fiskstofnanna
þannig að hægt verði að afnema
kvótakerfið og að frumkvæði og
dugnaður einstaklingsins fái notið
sín.“ Hér eins og i landbúnaðar-
málunum er stefnan tekin frá opin-
beru hafta- og skömmtunarkerfi i
anda sjálfstæðisstefnunnar.
Þingmenn Sjálfstæðisflokksins
hafa þannig fengið skýra leiðsögn
í þessum tveimur viðkvæmu mál-
um. Sama má segja um samskipti
íslands við Evrópubandalagið
(EB). Þar mótaði utanríkismála-
nefnd fundarins víðtækt umboð
sem var einróma samþykkt en þar
segir: „Landsfundur Sjálfstæðis-
flokksins leggur áherslu á, að ekki
er tímabært að taka afstöðu til
hugsanlegrar aðildar íslands að
EB. Þó hljóta íslensk stjórnvöld
að halda dyrum opnum í því efni
og mikilvægt er, að halda þannig
á málum að íslendingar geti tekið
slíka ákvörðun ef henta þætti.“
I krafti þessara ákvarðana og
margra fleiri um fjölmarga mála-
flokka hafa forystumenn Sjálf-
stæðisflokksins og þingmenn
fengið skýr tilmæli frá landsfundi
sínum um að stemma stigu við
óheillastefnu þeirrar óhæfu og
óvinsælu ríkisstjórnar sem nú sit-
ur. Oddvitar flokksins eru í enn
betri aðstöðu til að takast á við
það meginverkefni eftir þennan
sögulega landsfund en fyrir hann.
Davíð Oddsson varaformaður Sjálfstæðisflokksins:
Verkefni sjálfstæðismanna
að telja kjark í þjóðina
Morgunblaðið/Sveirir.
Ástríður Thorarensen óskar eiginmanni sínum, Davíð Oddssyni, til hamingju með varaformannskjörið.
Hér á eftir fer ræða sem Davíð
Oddsson borgarstjóri flutti á
landsfundi Sjálfstæðisflokksips á
sunnudag, þegar hann hafði ver-
ið kjörinn varaformaður flokks-
ins:
„Ágætu flokkssystkini, góðir fé-
lagar.
Eg þakka þann mikla trúnað,
sem þið hafið sýnt mér með svo
myndarlegum hætti. Eg mun gera
mitt ýtrasta til að bregðast ekki
þeim trúnaði. Ég þakka fráfarandi
varaformanni, Friðriki Sophussyni,
hans mikilvæga framlag til flokks-
ins, sem hann hefur innt af hendi
sem varaformaður hans og annar
aðaltalsmaður.
Landsfundarfulltrúar hafa marg-
oft sýnt, að þeir hafa kunnað að
meta þau störf, lagni hans og lip-
urð, með því að endurkjósa hann,
hvenær, sem hann hefur eftir því
leitað.
Þau mannaskipti, sem nú hafa
orðið, bar vissulega að sumu leyti
brátt að. Sá háttur, sem hafður var
á, þótt óvenjulegur sé, hefur sína
kosti. Þessum verkaskiptum fylgdi
ekki löng og hatrömm barátta, eins
og stundum hefur óhjákvæmilega
orðið. Flokksstarfið og undirbún-
ingur þess landsfundur, sem síðar
á eftir að verða talinn mjög merkur
fundur, var algjörlega ósnortið af
nokkurri valdabaráttu. Enginn
landsfundarfulltrúi varð þess var
að reynt væri að hafa áhrif á hann
eða skoðanir hans og viðhorf til
persóna, áður en til þessa fundar
var komið. Engar klíkur áttust við,
engin undirmál áttu sér stað. Eng-
inn maður kemur sár frá þessum
landsfundi. Því hljótum við öll að
fagna. Viðbrögð fráfarandi vara-
formanns voru sérstaklega virðing-
arverð. Þótt hann skynjaði að hann
ætti að vonum margan stuðnings-
mann vísan, ef til kosninga yrði
gengið hér á fundinum, tók hann
þá ákvörðun, sem að hans mati
mest reisn vat' yfir fyrir flokkinn.
Þessa munum við minnast.
Sjálfur sóttist ég lengst af ekki
eftir því starfi, _sem þið hafið nú
kjörið mig til. Manuðum saman hef
ég vísað á bug áskorunum ein-
stakra manna um framboð mitt.
Ekki vegna þess að ég sé úr hófi
metnaðarlaus maður, ljúfur og
lítillátur. Mér þóttu mín verkefni
næg annars staðar og vonaðist til
að menn gætu sæst á að breytingar
mættu bíða. Friðrik Sophusson sótti
mig heim á skrifstofu mína fyrir
nokkru, til að ræða sjónarmið borg-
arinnar í tengslum við undirbúning
fjárlaga. Að því loknu barst lands-
fundurinn í tal. Og það er hárrétt,
að þá sagði ég við hann eins og
aðra, að hugur minn stefndi ekki
til þess, sem nú hefur orðið. Síðar
kom á daginn að óskin eftir breyt-
ingum var meiri en okkur hafði
órað fyrir. Um það þarf ég ekkert
að segja ykkur. Ég átti þá fund
bæði með formanni og varaform-
anni, þar sem breytt viðhorf voru
rædd og reifuð. Daginn eftir áttum
við Friðrik, við þriðja mann, enn
góðan fund, þar sem málin skýrð-
ust og í ráun fór ekki á milli mála
að hveiju stefndi. Ohjákvæmilegt
var að afstaða yrði tekin og ákvörð-
un kynnt. Þetta var atburðarásin,
einföld og flókin í senn. Ég vildi
að allir landsfundarmenn hefðu
þessa mynd ljósa.
Ég vona að hvorki þið né ég eig-
um eftir að sjá eftir því skrefi, sem
stigið hefur verið, og mun gera
mitt besta til þess að það megi
verða flokknum og því góða fólki,
sem hann myndar, til framdráttar.
Ég sá það í blaði að fréttamaðurinn
óttaðist að hugarfar borgarstjórans
og skapsmunir, sem hann virtist
þekkja betur en ég, myndu gera
honum ófært um að gegna emb-
ætti varaformanns. Ef einhver hér
inni hefur sömu efasemdir bendi
ég hinum sama á að ræða við kon-
una rnína. Ég hef verið varaformað-
ui' á mínu heimili í 20 ár og líkað
vel og verið í góðri sátt við formann-
inn. Ég sá líka í blaði að Júlíus
Sólnes, formaður Borgaraflokksins,
hafði af því þungar áhyggjur að ég
þekkti ekkert til landsmála. Svona
eru menn drjúgir eftir hálfan mánuð
á Hagstofunni. Fremur vil ég búa
við þekkingarleysi mitt en þekking-
una hans. Og þvert yfir forsíðu
Tímans var slegið upp, að nú íydd-
ist „aldamótaskáldið“ fram á sviðið.
Mér varð þá hugsað til Steingríms,
Ólafs, Jóns Baldvins og Júlíusar og
gamla revíusöngsins. Þá orti ráð-
herrann ljúfustu ljóð, og nú ljúga
fjórir að þjóð.
Ég óska okkar ágæta formanni
og mínum góða vini til hamingju
með endurkjör hans. Hann hefur
stýrt þessum stóra og margslungna
flokki um þyrnum stráða þjóðmála-
brautina, jafnt í mótbyr sem með-
byr. Hann er styrkari maður á eft-
ir, jafngóður maður og fyrr, en
hertur í eldinum. Það væri of vægt
til oi'ða tekið að við höfum þekkst
frá blautu barnsbeini. Við höfum
þekkst frá rennblautu barnsbeini.
Ég er því ekki í neinunr vafa um
okkar samstarf á nýjum vettvangi.
Ég veit það verður gott og farsælt.
Við erum ólíkir menn um margt,
sem er gott. Það væri ekki þessum
flokki hollt að hafa annan hvorn
okkar í tveiinur eintökum. En það
er miklu fleira, sem sameinar okkur
en löng kynni. Við drukkum sjálf-
stæðisstefnuna með móðurmjólk-
inni. Við erum báðir sannfærðir um
að hún er vænsta leiðin til betra
mannlífs. Við erum einhuga um
mikilvægi þess að stærsti flokkur
landsins rísi ætíð undir nafni sem
flokkur allra stétta og hann verður
að vera um leið flokkur allra lands-
manna. Ef við glutrum því niður
að vera ein þjóð er eins víst að við
verðum ekki nein þjóð. Núverandi
ríkisstjórn er óyndisstjórn, sem fáa
á að. Hún hefur ofboðið þjóðinni í
flestu. Meðan öðrum þjóðum miðar
fram, gengur hér allt á afturfótum.
Meðan lífskjöiq annarra batna er
afturför hér. Þegar aðrir flýja mið-
stýringu og ofstjórn styrkjast ntenn
í stefánskunni hér. Stjórnin drepur
allt í dróma og dregur kjark úr þjóð-
inni. Við þessar aðstæður koma
sjálfstæðismenn af' landsfundi
öflugri en nokkru sinni fyrr. Það
er verkefni þeirra að telja í þjóðina
kjark, svo hún kasti af sér kreppu-
smíðunum, það er sjálfstæðismanna
að fylla þjóðina bjartsýni á ný eftir
bölmóð vinstriflokkanna. Við skul-
um strengja þess heit, sjálfstæðis-
menn, á þessari stundu, að allt skuli
gert, sem í okkar valdi stendur til
að fylkja fijálslyndum öflum um
land allt til sigurs undir merki Sjálf-
stæðisflokksins, svo þjóðin megi
rétta úr kútnum og líta bjartari tíð.“
STJÓRNMÁLAYFIRLÝSING 28. LANDSFUNDAR SJÁLFSTÆÐISFLOKKSINS 1989
Þjóðinni gefíst kostur
á að stokka upp spilin
Atkvæði greidd á lokadegi landsftindar Sjálfstæðisflokksins í Laugardalshöllinni á sunnudag. Moigunblaðið/Svcrrir
I.
í sextíu ár hefur Sjálfstæðisflokkurinn verið
kjölfestan í íslensku þjóðfélagi og verið hvort
tveggja bakhjarl og brautryðjandi. í sjálfstæðis-
stefnunni er fólgið afl framfaranna og hún á
rætur sínar í íslenskri menningu. Kjarninn í
stefnu Sjálfstæðisflokksins er trúin á einstakl-
inginn og gildi hans. Þessi hugsjón gerir Sjálf-
stæðisflokkinn að virkasta stjórnmálaafli þjóð-
arinnar.
Sjálfstæðisflokkurinn vill að hver einstakl-
ingur hafi frelsi og skilyrði til að njóta hæfi-
leika sinna og atorku. Hann bendir á að' þjóð-
inni hefur farnast best þegar fólkið í landinu
hefur haft frelsi til athafna og ekki verið þrúg-
að af lamandi ríkisafskiptum.
Sjálfstæðisflokkurinn leggur áherslu á heil-
brigða samkeppni, en jafnframt samvinnu milli
stétta, kynja og byggðarlaga til að tryggja sem
best lífskjör í landinu. Sjálfstæðisflokkurinn
vill einnig tryggja þeim sem standa höllum fæti
í lífsbaráttunni viðunandi lífskjör. Traust at-
vinnulíf auðveldar framkvæmd slíkrar stefnu.
íslensk tunga og íslenskur menningararfur
er forsenda tilveru íslensku þjóðarinnar og skip-
ar henni á bekk með menningarþjóðum heims-
ins. Sjálfstæðisflokkurinn leggur áherslu á að
treysta þá homsteina þjóðfélags á íslandi sem
birtast í menningarlífi þjóðarinnar; sögu,
íslenskri tungu og bókmenntum, kristinni trú
og listalífí.
Sjálfstæðisflokkurinn leggur áherslu á vernd-
un umhverfisins í lofti, á láði og í legi og vill
snúa vörn í sókn m.a. með því að græða landið
og friða í ríkari mæli.
Sjálfstæðisflokkurinn leggur áherslu á að
áfram verði haldið á þeirri braut sem sjálfstæð-
ismenn hafa markað í öryggis- og varnarmálum
þjóðarinnar með aðild að Atlantshafsbandalag-
inu og samvinnu við vestrænar þjóðir. Á síðari
árum hefur áhersla verið lögð á aukið eftirlit
með öryggi og vörnum landsins þar sem Islend-
ingar axli sjálfir meiri ábyrgð en áður. Enn
fremur er lögð áhersla á baráttu fyrir mannrétt-
indum og sjálfsákvörðunarrétti þjóða, sem er
grundvöllur raunhæfs árangurs í friðarmálum.
II.
Fyrir alþingiskosningarnar vorið 1987 varaði
Sjálfstæðisflokkurinn eindregið við upplausn í
stjórnmálum vegna fjölgunar flokka. Nú sitja
átta flokkar og flokksbrot á Alþingi, enda mik-
ill glundroði í stjórnmálum. Eftir langa stjórnar-
kreppu sumarið 1987 tókst að mynda stjórn
undir forystu Þorsteins Pálssonar með aðild
Alþýðuflokks og Framsóknarflokks. Þrátt fyrir
ítarlegan stjórnarsáttmála komu fljótlega brest-
ir í það samstarf og þegar á átti að herða
skorti skilning beggja samstarfsflokkanna á
þörfum atvinnulífsins.
Síðla sumars 1988 náðist ekki samkomulag
í ríkisstjórninni um aðgerðir til að treysta
grundvöll útflutningsgreina. Þá lagði formaður
Sjálfstæðisflokksins fram ítarlegar tillögur til
að leysa vandann. Formenn Alþýðuflokks og
Framsóknarflokks fengust ekki til að ræða
þær, en slitu stjórnarsamstarfinu í beinni út-
sendingu.
Þegar Steingrímur Hermannsson hafði myn-
dað vinstri stjórn lýsti hann yfir því í stefnu-
ræðu að horfið yrði frá hefðbundnum vestræn-
um leiðum í efnahagsmálum. Ríkisstjórnin hef-
ur með geðþóttaákvörðunum sökkt landinu í
fen þjóðnýtingar og ríkisafskipta af atvinnu-
rekstri en almennan rekstrargrundvöll hans
skortir. Jafnframt hefur ríkisstjórnin lagt þunga
skatta á heimili og fyrirtæki. Því sígur æ meir
á ógæfuhlið í islensku atvinnulífi, fyrirtæki og
heimili verða gjaldþrota með alvarlegum afleið-
ingum fyrir mörg byggðarlög.
Aðild Borgaraflokksins að ríkisstjórninni
breytir engu um stefnu hennar og vinnubrögð.
Hún mun áfram beita hefðbundnum vinstri
aðferðum sem íslendingar hafa vonda reynslu
af frá fyrri vinstri stjórnum. Miðstýring, milli-
færslur, erlendar lántökui' og ríkisforsjá eru
gömlu úrræðin sem nú ganga aftur og munu
hafa sömu alvarlegu afleiðingarnar fyrir land
og þjóð og áður. Þetta glundroðabandalag mun
engu fá áorkað.
Sjálfstæðisflokkurinn lýsir eindreginni and-
stöðu við þessa misheppnuðu ríkisstjórn og mun
halda uppi harðri baráttu gegn henni. Sjálf-
stæðisflokkurinn ítrekar fyrri kröfur sínar um
að ríkisstjórnin fari frá og efnt verði til kosn-
inga. Skoðanakannanir sýna að engin ríkis-
stjórn hefur haft jafn lítið fylgi meðal þjóðarinn-
ar. Það ber því brýna nauðsyn til að þjóðinni
gefist kostur á að stokka upp spilin í kosning-
um, þannig að unnt vet'ði að mynda sterka,
samhenta og stefnufasta ríkisstjórn á íslandi
undir forystu Sjálfstæðisflokksins.
III.
Þjóðin á nú um skýra kosti að velja í stjórn-
málum. Annars vegar leið ríkisafskipta og mið-
stýringar. Hins vegar ftjálslynda og víðsýna
stefnu Sjálfstæðisflokksins sem byggir á trausti
á fólkinu sjálfu og felst í að auka frelsi þess
og sjálfstæði tii athafna í atvinnulífi og menn-
ingarlífi.
Mikilvægt er að atvinnufyrirtækjum verði
tneð almennum aðgerðum skapaðut' heilbrigður
grundvöllur og tekin upp stefna sem geri fyrir-
tækjum kleift að skila hagnaði. Vel rekin og
traust fyrirtæki eru grunnur hverrar byggðar
og forsenda bættra lífskjara í landinu.
Sjálfstæðisflokkurinn leggur áherslu á eftir-
farandi:
— Gengisskráning krónunnar verði tengd
markaðsaðstæðum. Viðskiptabankar og spari-
sjóðir fái fullar heimildir til að versla með er-
lendan gjaldeyri og gjaldeýrisviðskipti verði
gefin ftjáls.
— Eiginljármyndun í atvinnulífinu verði örvuð
nteð ráðstöfunum í skattamálum. Gera þarf
fyrirtækjum kleift að mynda sveiflujöfnunar-
sjóði, en starfsemi Verðjöfnunarsjóðs fískiðnað-
arins verði hætt. Fiskverð verði á ábyrgð sjávar-
útvegsins. Millifærslusjóðir vinstri stjórnarinnar
verði lagðir niður, en Byggðastofnun taki við
eignum og skuldbindingum þeirra.
— Stöðva þarf útþenslu ríkisins og draga úr
ríkisútgjöldum. Ný vinnubrögð verði tekin upp
við fjárlagagerð og heimildir til aukafjárveit-
inga úr ríkissjóði stórlega skertar. Hætt verði
óhóflegri skattlagningu á fyrirtæki og heimili,
nt.a. með því að lækka skatta á matvælum,
lækka eignarskatta og afnema hinn óréttláta
ekknaskatt. Skattar verði aldrei afturvij'kir og
sparifé ekki skattlagt.
— Ríkisbankar vet'ði hlutafélög og eignaraðild
að þeim dreift sem víðast um þjóðfélagið. Ríkis-
ábyrgð á starfsemi lánasjóða atvinnuveganna
verði afnumin.
— Aðlaga verður íslenskt atvinnu- og efna-
hagslíf þeim breytingum í fijálsræðisátt sem
verða á efnahagsumhverfinu með tilkomu sam-
einaðs Evrópumarkaðar 1992.
— Vernda vet'ður umhverfið og græða landið.
Setja þarf almenn lög urn umhverfismál og
fela samræmingu þeirra einu ráðuneyti án þess
að stofnað verði nýtt ráðuneyti um þessi mál.
Mengunarvarnir verði efldar og endurvinnsla
aukin. Islendingar hafi frumkvæði að sam-
starfi þjóða á not'ðurslóðum um mengunarvarn-
ir í hafinu. Um það og önnur hafréttarmál
hefur Sjálfstæðisflokkurinn haft frumkvæði.
— Með mat'kvissum samgöngubótum og endur-
reisn atvinnulífsins verði lagður grundvöllur að
vaxtarsvæðum á landsbyggðinni.,
— Sjálfstæði sveitarfélaganna verði aukið og
til þeirra fluttir tekjustofnar og verkefni, m.a.
rekstur heilsugæslu og grunnskóla. Það felur
í sér valddreifingu, dregur úr miðstýringu ríkis-
stofnana í Reykjavík og treystir byggð í landinu.
— Sjálfstæðisflokkurinn leggur áherslu á þá
stefnu að sem flestir geti búið í eigin húsnæði
og notið þess öryggis og sjálfstæðis sem í því
felst. Jafnframt er vísað á bug þeirri stefnu
vinstri flokkanna að koma sem flestum lands-
mönnum í svokallað félagslegt húsnæði á veg-
um opinberra aðila. Flokkurinn telur að fram
þurfi að fara heildarendurskoðun á hinu opin-
bera húsnæðislánakerfi sem miði að því að
færa verulegan hluta þess yfi. 'í bankakerfið
og tryggja að opinber fyrirgreiðsla gagnist
mest þeim sem á henni þurfa að halda.
— Nauðsynlegt er að atvinnulífið lagi sig að
þörfum fjölskyldunnar í samræmi við þjóðfé-
lagsbreytingar. Vegna hagsmuna fjölskyldunn-
ar og jafnréttis kynjanna þurfa stjórnvöld og
aðilar vinnumarkaðarins að taka sérstaklega
til athugunar eftirfarandi atriði: Sveigjanlegan
vinnutíma, fjarvistir foreldra frá vinnu vegna
veikinda barna, frantkvæmd fæðingarorlofs,
dagvistir barna, samfelldan skóladag og lengri
fyrir yngri nemendur, réttindi fatlaðra, endur-
bætur á tryggingakerfi og jafna foreldraábyrgð.
— Við endurskoðun stjórnarskrárinnar ber að
leggja áherslu á skarpari skil á milli fram-
kvæmdavalds og löggjafarvalds, tryggingu
mannréttinda í breyttri kjördæmaskipun sem
ntiði að því að jafna atkvæðisréttinn og auka
stöðugleika í stjórnmálum.
IV.
Islenska þjóðin horfir nú fram á tímabil nýrra
tækniframfara og vaxandi samskipta þjóða í
viðskiptum og menningu. Þá er mikilvægt að
gæta þjóðlegra verðmæta en jafnframt vera
reiðubúinn að nýta sét' þau tækifæri sem gef-
ast til bættra lífskjara og betra mannlífs. Á
slíkunt tímum skiptir miklu máli hverjit' fara
með forystu fyrir þjóðinni.
Forystumenn núverandi ríkisstjórnar lýstu
allir yfír við upphaf valdaferils síns að nú ætti
að setja Sjálfstæðisflokkinn til hliðar í íslensk-
um stjórnmálum. Á stuttum valdatíma hefur
ríkisstjórnin brugðist trausti fólksins, misst alla
tiltrú og mun ekki öðlast traust á ný. Stjórnar-
flokkarnir geta ekki verið í forystu fyrir þjóð-
inni á þeim mikilvægu tímum sem framundan
eru.
Sjálfstæðisflokkurinn er eina stjórnmálaaflið
í landinu sem getur veitt þjóðinni styrka for-
ystu. Það er mikilvægt að þjóðin fái notið leið-
sagnar ftjálslyndra og víðsýnna stjórnmálaafla,
sem setja manninn í öndvegi.
Sjálfstæðisflokkurinn hefur nú mikinn byr
meðal þjóðarinnar. Það örvar sjálfstæðismenn
lil dáða og eflir baráttuhug þeirra. Flokkurinn
býr sig nú undir sveitarstjórnakosningar sem
verða eftir tæpa átta mánuði. Úrslit þeirra
kosninga verða mjög mikilvæg fyrir sveitarfé-
lögin og almenna stjórnmálaþróun í landinu.
Sjálfstæðismenn hvetja landsmenn til að
ganga með Sjálfstæðisflokknum braut frjáls-
lyndis og framfara á leið til bjartari framtíðar
og betra mannlífs á íslandi.