Morgunblaðið - 07.04.1990, Blaðsíða 59

MORGUNBLAÐIÐ
IÞRÓTTIR
LAUGARDAGUR 7. APRIL 1990
59
foúm
FOLK
■ FH-BANDID er sveit nokkurra
gamalkunnra FH-inga sem hafa
tekið sig saman og gefið út hljóm-
plötu með fjórum haráttusöngvum
fyrir FH-inga. „Allir vilja vera íFH!
er gamalkunnur baráttusöngur og
Skoriði mark! hefur notið sívaxandi
vinsælda meðal leikmanna og
stuðningsmanna. Ný af nálinni eru
hins vegar lögin Komum í Krikarm
og Áfram FH!“ segir í tilkynningu
frá FH-bandinu, en það skipa:
Björn Eysteinsson, Dýri Guð-
mundsson, Guðmundur Sveins-
son, Halldór Fannar, Matthías
Kristiansen og Svanhvít Magnús-
dóttir. Þess má geta að platan verð-
ur seld í nýja FH-húsinu í dag og
rennur andvirði af sölu hennar í
byggingarsjóð íþróttahússins.
■ LANDSLEIKUR ÍSLANDS
og Bandaríkjanna í knattspyrnu á
morgun fer fram á velli rétt utan
við St. Louis og er knattspyrnuað-
staðan þar sögð vera sú besta í
Bandaríkjunum. Leikvangurinn er
á stóru íþrótta- og ráðstefnusvæði
í eigu Anheuser-Bush fyrirtækis-
ins, sem m.a. framleiðir Budweiser
bjór og er helsti styrktaraðili
bandaríska knattspyrnusambands-
ins. Sæti eru fyrir um 8.500 áhorf-
endur og er gert ráð fyrir að upp-
selt verði á leikinn, en miðasala
hófst 16. febrúar.
KNATTSPYRNA
Sjö meidd-
irhjáKR
Ian Ross, þjálfari KR, hætti við
að hafa æfingu í fyrrakvöld. „Ég
má ekki við því að fleiri meiðist ef
við eigum að komast út með lið í
næstu viku,“ sagði hann, en sjö
leikmenn úr byrjunarliðinu hafa
meiðst að undanfömu, flestir vegna
slæmra vallaraðstæðna.
Björn Rafnsson tognaði á hálsi
eftir fall á ísi lögðum æfingavelli,
Gunnar Oddsson sleit lærvöðva,
Jóhann Lapas sleit vöðva í kálfa,
Þorsteinn Halldórsson nefbrotnaði,
Ingólfur Gissurarson tognaði á
ökkla og Guðni Grétarsson á við
tognun að stríða í lærvöðva. Þá
hefur Ólafur Gottskálksson verið
frá í um mánuð vegna kviðslits.
KR-ingar fara í átta daga æf-
inga- og keppnisferð til London á
miðvikudag. „Ástandið er ekki gott
núna, en það verður í lagi eftir 43
daga,“ sagði Ross, en áætlað er að
íslandsmótið hefjist 19. maí.
KÖRFUKNATTLEIKUR / URSLITAKEPPNIN
„Nú er ég
kominn á
stadinn...“
ÞRIÐJI og jafnvei síðasti leikur KR og ÍBK um íslandsmeistaratit-
ilinn í körfuknattleik verður háður í íþróttahúsinu á Seltjarnar-
nesi í dag og hefst kl. 15. KR-ingar hafa unnið tvo þá fyrstu —
lögðu ÍBK í Keflavík á fimmtudag, en það var fyrsta tap íslands-
meistaranna á heimavelli síðan á síðasta tímabili.
Skapti
Hallgrímsson
skrífar
Lið KR hefur leikið geysilega vel
í úrsíitakeppninni. Leikstjórn-
andinn Páll Kolbeinsson kom aftur
til liðs við sitt gamla félag fyrir þetta
keppnistímabil eftir
að hafa verið við
nám í Bandaríkjun-
um um skeið. Hann
sýndi snemmá snilld-
artakta í hinum röndótta búningi
KR og varð bikarmeistari með félag-
inu 1984, þá 19 ára. Hann á ekki
langt að sækja hæfileikana. Faðir
Páls, Kolbeinn Pálsson núverandi
formaður KKI, er einn snjallasti
körfuknattleiksmaður sem ísland
hefur átt og sá eini úr þeirra röðum
sem hlotið hefur sæmdarheitið
íþróttamaður ársins. Páll er nú lykil-
maður í KR-liðinu, og kominn með
aðra höndina á ísiandsbikarinn sem
Vesturbæjarliðið hefur ekki unnið
síðan 1979. Þrátt fyrir þá stöðu sem
KR er í nú sagðist Páil ekki æsa sig
upp: „Pressan er öll á Keflvíking-
um,“ sagði hann við Morgunblaðið.
„Tapað mörgum í draumi...“
Pál hefur mikið dreymt körfu-
knattleik upp á síðkastið og oft
vaknað í svitabaði. „Ég hef tapað
mörgum leikjum í draumi — en
reyndar unnið fleiri! Mig hefur
dreymt um að vera í þessari stöðu,
að leika um íslandsmeistaratitilinn,
síðan ég var smástrákur og faðir
minn var að leika. Þá var ég oft úti
á velli; jafnvel einn í snjónum með
körfuboltann og bjó til heilu úrslita-
leikina í huganum. Nú er ég kominn
á staðinn..."
Og hann heldur áfram: „Það yrði
gaman að vinna þriðja ieikinn
heima og tryggja sér titilinn. Ég er
nokkuð bjartsýnn á leikinn. Það er
ótrúlegt að það stórveldi sem KR
er skuli ekki hafa unnið titilinn í
jafn langan tíma. Það er svo sannar-
lega kominn tími til.“
„Við bjuggumst við Keflvíkingum
sterkari í leiknum suður frá. Við
hituðum mjög vel fyrir leikinn en
mér fannst eins og þeir gerðu það
ekki — að þeir væru frekar að fylgj-
ast með okkur í stað þess að hita
upp sjálfir.“ Páll sagði: „Við bjugg-
umst við að þeir myndu pressa á
mig strax, þannig að ég fengi ekki
boltann og keyrði upp hraðann. Það
tókst þeim ekki fyrstu mínúturnar
og við náðum góðri forystu. Síðan
bættu þeir vömina og ég átti mjög
erfítt með að fá boltann þegar við
byijuðum á okkar vallarhelmingi.
Enda var ég dauðþreyttur eftir leik-
inn. Það var geysilega erfitt að þurfa
að rífa sig lausan í hvert skipti til
að komast upp völlinn.“
Páll taldi erfítt að skýra hvers
vegna Keflvíkingar hófu síðasta leik
jafn illa og raun ber vitni. „Það
gæti svo sem verið að þeir hafi tek-
ið það sem sjálfsagðan hlut að vinna
okkur á heimavelli sínum.“
„Getur ekki orðið werra“
Guðjón Skúlason var að vonum
óánægður með eigin frammistöðu
og félaga sinna í IBK í leikjunum
tveimur sem að baki em. „Þetta
getur ekki orðið verra. En við hljót-
um að geta unnið þá á þeirra heima-
velli fyrst þeir gátu unnið okkur hér
í Keflavík," sagði hann í samtali við
Morgunblaðið í gær. „Við höfum
skorað allt of lítið í leikjunurn tveim-
ur [72 og 71 stig]. Meðaltal okkar
í deildinni í vetur er um 100 stig í
leik. Við þurfum því að auka hrað-
ann; ná að stjórna honum og um
leið að bæta vörnina og taka fleiri
fráköst.“ Guðjón sagði að það þýddi
ekkert að gefast upp,_leikurinn í dag
yrði að vinnast og íslandsmeistar-
arnir kæmu til leiks staðráðnir í að
mótinu lyki ekki í dag. „Við byijuð-
um mjög illa í leiknum á fimmtudag-
inn. Hentum boltanum ábyggilega
tíu sinnum til þeirra eða beint útaf
í fyrri hálfleik. Þeir skoruðu því allt
of auðveldar körfur. Þeir náðu ör-
uggu forskoti, við voram alveg við
það að jafna en náðum því aldrei.
Hefði okkur tekist það liefði allt
getað gerst.“
Og þá er að bíða eftir þeim þriðja.
BLAK / BIKARURSLITIN
Leikurinn var ekki til sölu
Úrslitaleikurinn í bikarkeppni
karla í blaki fer í dag fram á Húsavík.
Morgunblaðinu barst í gær fréttatil-
kynning frá Kjartani Páli Einarssyni,
f.h. stjómar Blaksambands íslands,
vegna „þeirrar umræðu og blaða-
skrifa sem verið hefur undanfama
daga“ um leikinn, eins og þar segir.
í tilkynningunni segir m.a. að stjóm
og mótanefnd BLI hafi haft „fulla
heimild samkvæmt reglugerð um bik-
arkeppni BLÍ og reglugerð um frest-
anir leikja til að færa umræddan leik.
Raunar var ekki um frestun að ræða
heldur breytingu á leikstað. Enda
kærði Þróttur ekki þessa breytingu
til blakdómstóls þar sem þeim var
Ijóst að stjórn og mótanefnd BLÍ fór
að lögum.“
Ennfremur er tekið fram að stjórn
BLÍ seldi KA ekki úrslitaleikinn á
kr. 130.000 eins og víða hefur komið
fram. „Þrótturum var fullkunnugt um
það að sterklega kom til greina að
flytja leikinn til Akureyrar yrði ekki
um beina sjónvarpsútsendingu að
ræða. Það réð síðan úrslitum um til-
færslu á leiknum þegar staðfesting
fékkst á því að ekki gæti einu sinni
orðið um sjónvarpsupptöku að ræða
færi leikurinn fram í Digranesi 7.
apríl. BLI gerði síðan samkomulag
við KA um að sjá um framkvæmd
leiksins gegn því að þeir fengju þann
ágóða af leiknum sem yrði umfram
kr. 130.000. Ef leikurinn hefði verið
til sölu þá hefði Þrótti að sjálfsögðu
verið boðið að bjóða í hann og þá
hefði leikurinn verið seldur hæst-
bjóðanda, án tillits til áhorfenda-
fjölda, en það kom aldrei til greina.“
Bent er á að áhorfendafjöldi að 1.
deildarleikjum á Akureyri hafi farið
upp í 400-500 á meðan 30-70 manns
koma á leiki á Reykjavíkursvæðinu.
Það hafí ráðið mestu.
Síðan segir að Þróttarar hafi tiikynnt
stjórn og mótanefnd BLÍ með form-
legum hætti þann 29. mars að þeir
myndu ekki mæta til leiks á Akur-
eyri. „Eftir viðræður við þá kom síðar
í ljós að það eina sem breytti þeirra
niðurstöðu væri að leikurinn yrði leik-
inn annars staðar en á Akureyri. Þar
sem þá var rúm vika í leikinn var
það ijóst að leikurinn yrði flautaður
af og bikarinn afhentur KA, Þróttur
væntanlega dæmdur í háar fjársektir
fyrir að mæta ekki til leiks og útilok-
aður frá bikarkeppni BLÍ í 2-3 ár,
og um leið hefði blakíþróttin orðið
fýrir miklum álitshnekki.
Ef ekki fýndist lausn eða ef stjórn
og mótanefnd ætiuðu sér að flytja
leikinn var það aðeins hægt með sam-
þykki beggja liða nema að færa leik-
inn fram á vorið. Ef leikurinn hefði
verið færður annað, hvað hefði KA
gert þá? Það kom reyndar ekki til
greina.
Það að færa leikinn til Akureyrar
er nákvæmlega sama staða og
Reykjavíkurfélögin hafa búið við und-
anfarin 15 ár sem bikarkeppnin hefur
farið fram, þau hafa í öll skiptin nema
eitt verið að leika á heimavelli gegn
þeim utanbæjarfélögum sem hafa
komist í úrslit.
Stjóm BLÍ lagði því tillögu fyrir
liðin að leikurinn skyldi settur á í
þeim gamalgróna blakstað, Húsavík,
sem alið hefur marga meistara og
landsliðsmenn í gegnum árin. Sam-
komulag náðist við félögin og fer leik-
urinn því fram á Húsavík undir um-
sjón BLÍ. “
Morgunblaðið/Einar Falur
Páll Kolbeinsson og félagar fögnuðu innilega sigrinum í Keflavík á
fímmtudagskvöld. Hér faðmar Páll Sovétmanninn Anatolíj Kovtoúm. Fagna
þeir í dag, eða fer fjórði leikur liðanna fram á morgun í Keflavík?
HANDBOLTI / BIKARINN
Bráðabani
á Nesinu!
Eyjamenn sigruðu eftirtveggja
kiukkustunda baráttu
VESTMANNAEYINGAR fögn-
uðu tveimur sigrum í 16-liða
úrslitum bikarkeppni karla í
handbolta í gærkvöldi; A-lið
þeirra sigraði Gróttu á Sel-
tjarnarnesi 31:30 eftir bráða-
bana og B-liðið lagði 2. deild-
arlið Breiðabliks að velli í
Eyjum, 23:22.
Leikurinn á Nesinu var sögu-
legur. ÍBV hafði fimm marka
forystu í leikhléi en Stefán Öm
Stefánsson varamarkvörður
Gróttu, sem kom inn á rétt fyrir
hlé, varði eins og berserkur, og
er flautað var til leiksloka var
staðan 22:22. Eftir framlengingu
var enn jafnt, 26:26, og eftir aðra
framlengingu enn: 30:30. Þá var
gripið til bráðabana, þar sem það
lið sem skorar á undan sigrar.
Hlutkesti var varpað sem Eyja-
menn unnu og byrjuðu því með
boltann. Fengu víti strax í fyrstu
sókn, sem Sigbjörn Öskarsson
skoraði úr og Eyjamenn fögnuðu
gríðarlega eftir tveggja klukku-
stundar baráttu!
Markahæstir voru, hjá Gróttu:
Halldór Ingólfsson 9, Stefán Arn-
arson og Svafar' Magnússon 5
hvor og Páll Bjömsson 4. ÍBV:
Sigurður Gunnarsson og Sigbjörn
Óskarsson 7 hvor, Sigurður Frið-
riksson 6. ^
Markahæstir hjá B-Iiði ÍBV
voru Jóhann Benónýsson og Etliði
Vignisson með 8 mörk hvor og
Böðvar Bergþórsson gerði 3. Fvr-
ir Breiðablik skoraði Pétur Ingi
Arason 7 mörk og þeir Magnús
Magnússon og Elvar Erlingsson 4
nvor.

Laugardagur kl.13:55
14. LEIKVIKA* 7. april 1990 111 X 2
Leikur 1 Chelsea - Luton
Leikur 2 Coventry - Derby
Leikur 3 Millwall - Man. City'
Leikur 4 Nott. For. - Tottenham
Leikur 5 Sheff. Wed. - Southampton
Leikur 6 Bournemouth- Swindon
Leikur 7 Leicester - Barnsley
Leikur 8 Oxford - West Ham
Leikur 9 Portsmouth - Sheff. Utd.
Leikur 10 PortVale - Newcastle
Leikur 11 Watford - Ipswich
Leikur 12 W.B.A. - Middlesbro
Allar upplýsingar um getraunir vikunnar hjá: LUKKULÍNUNNI s. 991002
f Okeypis getraunaforrit V