Morgunblaðið - 10.05.1990, Side 7

MORGUNBLAÐIÐ FIMMTUDAGUR 10. MAI 1990
7
Tilraunir með
flotvagn í Vík
Vík í Mýrdal.
NÝLEGA var prófuð ný aðferð við sjósetningu og landtöku smábáta
frá hinni hafnlausu strönd í Vík í Mýrdal. Annar hjólabátur Mýrdæl-
ings hf. var notaður við að draga flotvagn með trillunni Elínborgu
VS-7 á flot. Þegar komið var spölkorn út fyrir brimið var trillunni
bakkað úr vagninum og hjólabáturinn dró vagninn í land aftur.
Trillan kom að landi með um 600 kg afla og var þá siglt inn í flot-
vagninn sem hjólabáturinn dró svo með sér í land.
Undanfarið hefur verið róið á
hjólabátum eða bílbátum Mýrdæl-
ings þegar hefur gefið á sjó en
gæftir hafa verið mjög stopular.
Afli hefur verið frá nokkur hundruð
kílóum upp í tæp tvö tonn í róðri.
Sjósetningarvagninn eða flot-
vagninn var smíðaður fyrir nokkr-
um árum og átti að notast við Dyr-
hólaey, en vegna mikillar andstöðu
frá Náttúruverndarráði fékkst ekki
að ljúka framkvæmdum þar.
Hefur sá búnaður og þær fram-
kvæmdir sem þar voru unnar verið
þar gagnslaust, til leiðinda bæði
þeim sem að unnu og á móti börð-
ust.
Má segja að eina gagnið að fram-
kvæmdunum við Dyrhólaey hafi
verið vegur sá sem lagður var að
Dyrhólaey og lendingarbæturnar
austast á eynni.
Þó er sá galli á að Náttúruvernd-
arráð lokar eynni fyrir allri umferð
frá 1. maí til 26. júní.
Morgunblaðið/Reynir Ragnarsson
Ný aðferð við sjósetningu og landtöku smábáta í Vík. Hjólabátur var notaður við að draga flotvagn
með trillunni Elínborgu VS-7.
Þarna sérðu Andrés, áhugamann um flug.
Hann er frjáls og kann að njóta þess.
Andrés er skynsamur maður sem
þekkir gullnu tækifærin þegar þau
bjóðast. Hann var t.d. fljótur að taka
við sér þegar nýir spamaðarmöguleik-
ar litu dagsins ljós með tilkomu Kjara-
bréfanna. - Hann gerði samning við
sjálfan sig-Lífskjarasamning. Andrés
átti sér nefnilega draum.. draum um
nægan tíma til að sinna áhugamáli
sínu, fluginu, áhyggjulaus með traust-
an varasjóð í bakhöndinni.
í 5 ár hefur hann mánaðarlega lagt fyr-
ir upphæð sem nemur 40.000 kr. á
núvirði hjá Verðbréfamarkaði Fjár-
festingarfélagsins. Á þeim tíma hefur
hann sannreynt að öryggi og góðir
vextir geta farið saman, því nú á hann
þrjár milljónir króna sem veita honum
og fjölskyldu hans öryggi og svigrúm
til að njóta hluta sem annars væm að-
eins til í gömlu draumunum.
Helstu hluthafar í Fjárfestingarfélagi
íslandshf.:
íslandsbanki hf.
Eimskipafélag íslands hf.
Lífeyrissjóður verslunarmanna.
VERÐBRÉFAMARKAÐUR
FJÁRFESTINCARFÉLAGSINS HF
HAFNARSTRÆTI28566 • KRINGLUNNI689700 • AKUREYRI10100