Morgunblaðið - 24.05.1990, Qupperneq 22

22
MORGUNBLAÐIÐ FIMMTUDAGUR 24. MAÍ 1990
Kraftmíkínn Kópa-
vog 1990-1994
eftir Gunnar
Birgisson
Bæjarstjórnarkosningarnar nálg-
ast nú 'óðfluga og íbúar hinna ýmsu
sveitarfélaga velja þá menn, sem
þeir treysta best fyrir stjórnun
þeirra.
í Kópavogi hefur baráttan verið
óvægin og hörð af hálfu A-fiokk-
anna, og borið blæ örvæntingar
þeirra manna, sem eru í nauðvörn.
Sjálfstæðismenn hafa lagt höf-
uðáherslu á málefni sem þeir telja
bæjarfélaginu til bóta og framfara.
Vinstri flokkarnir hafa hinsvegar
haft málefnin skör neðar almennri
ófrægingu á einstökum frambjóð-
endum Sjálfstæðisflokksins.
í stað þess að skrifa um málefnin
beinist orka Alþýðubandalagsins,
með Valþór Hlöðversson í broddi
fylkingar, að því að slíta úr sam-
hengi atriði úr skrifum sjálfstæðis-
manna um óskyld mál, raða þeim
saman á ný og birta þannig sennileg-
ar blekkingar fyrir lesandann að
trúa.
Þessi aðferð Valþórs er vel þekkt
úr áróðurstækni Leníns og gengur
á fræðimáli undir nafninu „disin-
formation" sem mætti kalla rang-
upplýsingastefnu á íslensku. I gamla
daga var þetta nú bara kallað rógur
og lygi. En með nútíma útgáfutækni
getur þetta litið sennilega út á
pappír sérdeilis þegar þetta er fram-
sett með fallegu letri og stílþrifum
atvinnublaðamanns á borð við Val-
þór Hlöðversson frá Fijálsu framtaki
hf.
Sjálfstæðismenn hafa sett fram
heilsteypta stefnuskrá í bæjarmálum
Kópavogs, sem hefur það megin-
markmið að vilja hag bæjarins og
íbúa hans sem mestan. Við þessa
stefnuskrá mun Sjálfstæðisflokkur-
inn standa fái hann til þess styrk.
Fjármál
Við sjálfstæðismenn höfum lagt
áherslu á að stöðva skammtíma-
skuldasöfnun bæjarins, sem hefur
verið lir.nulaus allt síðasta kjörtíma-
bil. Heildarskuldir bæjarins eru nú
á milli 1.300 og 1.400 milljónir
króna.
En bókhald þeirra vinstrimanna í
Kópavogi er með þeim hætti, að
þeir skila ekki af sér endurskoðuðum
reikningum fyrir kosningarnar, sem
þætti Iíklega ekki gott ef fyrir dyrum
stæði aðalfundur sameignarfyrir-
tækis. En Kópavogur er auðvitað
sameignarfyrirtæki allra bæjarbúa,
ekki bara einkafyrirtæki A-flokk-
anna,eins og þeir leyfa sér að reka
það. Eru þessi vinnubrögð við bók-
haldið vísvitandi dráttur eða eru
þetta aðeins léleg vinnubrögð og slei-
farlag.
Taka verður rekstur bæjarins til
endurskoðunar til aukinnar skil-
virkni og gera verður úttekt á rekstr-
inum. Markviss rekstur er forsenda
þess að bæjarfélag geti dafnað.
Við sjálfstæðismenn viljum selja
fyrirhugað stjómsýsluhús á Fann-.
borg 4. Okkur vantar betri stjórn-
sýslu en ekki húsnæði undir stjórn-
sýslu, — við höfum nóg af því.
Framkvæmdir og atvinnulíf
Það er mikið nauðsynjamál, að
ljúka endurbyggingu gömlu gatn-
anna í Kópavogi. Það er sanngimis-
mál gagnvart því fólki sem við þær
býr og hefur íbúa lengst greitt sín
gjöld til bæjarins.
Sjálfstæðismenn hafa lagt fram
áætlun um að ljúka þessari endur-
byggingu á næstu 4 ámm. þessi
framkvæmd er löngu tímabær og
það er ekki hægt að bjóða íbúunum
upp á einn eitt kjörtímabil svika í
þessum málaflokki, eins og meiri-
hlutinn hefur leyft sér hvert
kjörtímabil s.l. 12 ár.
Þessi framkvæmd er einnig nauð-
synleg vegna tilkomu sameiginlegr-
ar skolpfráveitu höfuðborgarsvæðis-
ins, þar sem öllu skolpi frá Garðabæ,
Kópavogi og Reykjavík verður dælt
út fyrir Akurey 1996. Þá verður
nauðsynlegt að vera búinn að að-
skilja regnvatn og skolp, þar sem
greitt verður fyrir dælingu hvers
lítra.
Kostnaður vegna viðhalds gömlu
gatnanna og leka í vatnskerfínu
nemur nálægt 40 milljónum á ári
hveiju. Það er því ljóst, að hér er
um mjög arðbæra framkvæmd að
ræða fyrir bæjarfélagið til viðbótar
almennri vellíðan borgaranna og
minnkun slysahættu á börnum og
öldruðum sérstaklega.
Vatnsveitukerfí bæjarins þarf að
styrkja eins og íbúar í Engihjalla
geta borið vitni um, þegar vatnið
þar nær ekki nema upp á fjórðu
hæð. Einnig þarf að leggja stofn-
lagnir frá Smiðjuhverfi í Fífuhvamm,
úr Fífuhvammi þarf að leggja að
nýju sundlauginni og ennfremur að
vatnsgeyminum við Digranesveg til
þess að hann geti gegnt því hlut-
verki sem honum var ætlað í upp-
hafi sem þrýstingsjafnandi miðlun-
argeymir. Vatnslagnir eru einnig
skilyrði byggðar í Smárahvamms-
og Fífuhvammslandi og er veitan frá
Smiðjuvegi forsenda þess.
Eitt af forgangsverkefnum okkar
sjálfstæðismanna er að stuðla að því
að fá ný atvinnufyrirtæki til bæjar-
ins. Til þess þurfum við að auglýsa
okkur og gera bæinn aðlaðandi. Til
greina kemur að veita fyrirtækjum
sem hér vilja byggja tímabundinn
gjaldfrest á gatnagerðargjöldum.
Bæjarfélagið verður því ávallt að
hafa nægt lóðaframboð. Á það skort-
ir mikið í dag. Einnig er mikilvægt
að skapa viðlegu fyrir fiskiskip í
Kópavogshöfn til þess að iðnaður
tengdur sjávarútvegi geti þrifist og
dafnað hér í Kópavogi.
Umhverflsmál
Sjálfstæðismenn hafa lagst fram
tillögu um, að Fossvogsdalur verði
gerður að útivistar- og íþróttasvæði.
Margt kemur til greina. Til dæmis
mætti hugsa sér 9 holu golfæfinga-
völl, göngubrautir sem nota má til
skíðagöngu á vetrum en skokks á
sumrum.
Fossvogsdalurinn er náttúru-
paradís eins og hann er. Það er því
engin þörf á að hrúga í hann of
miklu af mannvirkjum og kostnaði
þeim tengdum.
Sjálfstæðismenn leggja mikla
áherslu á umhverfíð. Við viljum
rækta opin svæði og hreinsa strand-
lengjuna þannig að hún verði aðlað-
andi til útivistar. Sú kemur tíð fyrir
næstu aldamót, að sjór verður hæfur
til baða í vogunum á ný. Að því
munum við sjálfstæðismenn vinna í
samvinnu við nágrannasveitarfélög-
in.
Skóla- og menningarmál
Sjálfstæðismenn vilja samfelldan
og lengri skóladag yngri barna.
Stefna viljum við að einsetnum skól-
um og að þeir verði miðstöðvar tóm-
stunda- og æskulýðsstarfs.
Skólinn er mikilvægasta uppeldis-
stofnun barnanna okkar utan heimil-
Gunnar Birgisson
„Sjálfstæðismenn hafa
sett fram heilsteypta
steftiuskrá í bæjarmál-
um Kópavogs, sem hef-
ur það meginmarkmið
að vilja hag bæjarins
og íbúa hans sem mest-
an. Við þessa steftiu-
skrá mun Sjálfstæðis-
flokkurinn standa fái
hann til þess styrk.“
isins. Fyrir framtíð þjóðarinnar er
mikiivægt að sú menntun, sem þar
er veitt skili sér í hæfum einstakling-
um og betur undirbúnum en annars
staðar gerist. Því verðum við að
stefna að aukinni skilvirkni í
menntakerfínu og auka gæði í skóla-
starfi og kennslu eftir föngum.
Ákvarðanir í skólamálum er best
að taka í samráði við foreldra. Ekki
eins og nú er staðið að málum með
fyrirhuguðum flutningi 12 ára
bekkja úr Kársnesskóla í Þingholts-
skóla án samráðs við foreldra. Enn
vafasamari virðist sú ráðagerð að
skipa lítt reyndan frambjóðanda Al-
þýðubandalagsins í skólastjórastöðu
við Kópavogsskóla og ganga þannig
fram hjá reyndum kennurum
skólans. Skoðanir foreldra ættu að
koma til álita við slíkar stöðuveiting-
ar.
Samkvæmt samningi við ríkið frá
1983 skal ríkið reisa hótel- og veit-
ingaþjónaskóla í Kópavogi. Efndir
hafa til þessa engar orðið eins og
því miður á fleiri sviðum samskipta
ríkis og sveitarfélaga. En flest sveit-
arfélög telja til skulda hjá ríkinu
vegna sameiginlegra framkvæmda.
Er tímabært að ríkið taki sig á og
greiði skuldir sínar við sveitarfélögin
í stað þess að heija með sífellt auk-
inni skattheimtu eins og nú síðast
með álagningu virðisaukaskatts á
framkvæmdir sveitarfélaga.
Við sjálfstæðismenn viljum knýja
á um, að þessi skóli verði reistur sem
fyrst í Kópavogi í samræmi við fyrir-
liggjandi samning.
Kosningarnar á laugardaginn
í kosningum á laugardaginn kjósa
Kópavogsbúar um það, hvort haldið
skuli áfram á braut aukins bæjar-
reksturs og minnkandi fram-
kvæmda. hvort haldið skuli áfram á
braut óreiðu í fjármálum og söfnun
dýrra skulda, ómarkvissra fram-
kvæmda og ábyrgðarlausra ákvarð-
ana í hagsmunamál Kópavogsbúa,
eins og í hinum dæmalausa samn-
ingi A-flokkanna við ríkið um bygg-
ingu íþróttahallarinnar.
Þar létu A-flokkarnir ginnast til
að skrifa undir samning um að
byggja vanhannað hús, sem hvorki
uppfyllir byggingarreglugerðir né
brunamálasamþykktir. Né heldur
rúmar höllin þeirra þann áhorfenda-
fjöjda, sem tilskilinn er af hálfu al-
þjóða handknattleikssambandsins.
Og ekki virðast kennslustofurnar
eiga að verða aðlaðandi að lokinni
keppni. í þeim verður 6,5 metra loft-
hæð og allt að 150 metra vegalengd
verður að leggja undir fót á milli
þeirra.
Kostnaður Kópavogs af hinni ráð-
gerðu framkvæmd A-flokkanna mun
nema um 1.200 milljónum króna
meðan ríkið greiðir aðeins 300 millj-
óna króna fast framlag. Alla áhættu
ætla þeir A-flokkamenn Kópavogi
að bera og fyrirliggjandi stækkun
hússins lendir á Kópavogi svo hundr-
uðum milljóna skiptir.
Við sjálfstæðismenn teljum að
A-flokkarnir hafí gert sig seka um
þvílík afglöp í samningum um þessa
mikilvægu framkvæmd, að þeir hafi
dæmt sig úr leik við það að gæta
hagsmuna Kópavogs í þessu máli
sem öðrum.
Við sjálfstæðismenn viljum fá
fram endurskoðun á þessum samn-
ingi á sanngirnisgrundvelli til þess
að þetta mál fái farsælan endi fyrir
Kópavog og að íþróttahöllin geti ris-
ið hér í Kópavogi okkur og allri þjóð-
inni til sóma.
Góðir Kópavogsbúar. Kjósum
Kópavogi farsæla framtíð á laugar-
daginn kemur. Kjósum D-listann
fyrir kraftmikinn Kópavog 1990-
1994.
Höfundur skipar 1. sæti D-Iistans,
lista SjálfstæðisBokks, íKópavogi.

STOLAR, BORÐ
LEGUBEKKIR
BLOMAKER
HJOLABORÐ OG FLEIRA
Gullfalleg garðhúsgögn í sumarbústað
inn, blómagarðinn eða garðstofuna.
Sterk og góð. Þau eru iitekta og þola að
standa úti allan órsins hring. Seljum
einnig bœði lítil og stór blómaker, ein
mest seldu blómaker í Evrópu.
Gœðavara ó góðu verði.
Þriggja dra óbyrgð.