Morgunblaðið - 12.02.1991, Blaðsíða 2

icet flAOHím .:-r irjDAUUUiiH 3i3/,jaT/uoH()-/
MORGUNBLÁÐIÐ ÞRlÐJUDÁGURT27YEBRTrÁR'199l
Saltsýra í heimahúsum:
Eiturgufa myndaðist
í húsi í Hlíðunum
Merkingar á umbúðum ekki fullnægj-
andi, segir Hollustuvernd ríkisins
MAÐUR í Hlíðunum í Reykjavík slapp með skrekkinn á laugardaginn
þegar hann var að þrífa steikarpönnu með saltsýru. Mikil eiturgufa
myndaðist og varð að kalla á slökkviliðið til að hreinsa íbúðina. Engin
slys urðu á fólki og er það talin mesta mildi því saltsýra getur verið
hættuleg fólki þegar hún er ekki meðhöndluð rétt.
Þegar slökkviliðið kom á vettvang
var mikil eiturgufa í íbúðinni.
Slökkviliðið taldi ekki um alvarlegt
tilfelli að ræða og hafði því ekki með
sérsérstakan hlífðarfatnað, sem nota
ber í slíkum tilvikum. Siökkviliðs-
maðurinn sem fór inn með hreinsun-
artæki varð strax var við ertingu í
húð, en hann sakaði ekki. Greiðlega
gekk samt að hreinsa íbúðina.
Að sögn varðstjóra slökkviliðsins
hafði járnsmiður bent manninum á
að gott væri að nota saltsýru til að
þrífa stál. Hann keypti fimm lítra
brúsa af saltsýru í apóteki og hafði
verið nokkra stund við þrifin þegar
hann varð var við ertingu í hálsi og
á húð. í upplýsingum slökkviliðsins
Isafjörður:
Fimm kopar-
krossum stolið
af legsteinum
FIMM koparkrossar voru um
helgina plokkaðir af legsteinum
í kirkjugarði ísfirðinga í Engidal.
Ekki hefur tekist að hafa upp á
sökudólgunum en málið er i rann-
sókn.
Að sögn lögreglunnar á ísafirði
var tilkynnt um hvarf á krossi af
legsteini í gærmorgun. Þegar málið
var kannað kom í ljós að fimm kopar-
krossar, 5x10 sentimetra stórir,
höfðu verið plokkaðir af legsteinum
í kirkjugarðinu í Engidal, sem er inn
í firði, á leiðinni inn á flugvöll og
því nokkuð afskekktur.
Þeir sem þarna voru að verki hafa
greinilega notað skrúfjám, eða önn-
ur verkfæri, til að ná krossunum af
legsteinunum. Einn krossinn hefur
brotnað þegar verið var að plokka
hann af og fannst hann í krikjugarð-
inum þannig að þjófamir hafa haft
fjóra á brott með sér.
Lögregluþjónn á ísafirði sagðist
sem betur fer ekki muna eftirsvipuð-
um verknaði áður.
um saltsýrur segir að þær tæri
málma, leður og klæði og venjuleg
byggingarefni. Steinsteypa og tæki
geta étist í sundur.
Daníel Viðarsson hjá Hollustu-
vernd ríkisins segir að trúlega hafi
merkingar á saltsýrubrúsanum ekki
verið fullnægjandi. Saltsýra væri
talsvert notuð af iðnaðarmönnum og
engin höft væm á sölu hennar.
„Það er ekki bannað að selja salt-
sým, en hins vegar er gerð krafa
um að hún sé rétt merkt. Þegar fólk
úti í bæ, sem kann ekki með efnið
að fara, getur keypt svona vöm, er
mikilvægt að merkingar séu réttar.
Svo mun ekki hafa verið f þessu til-
felli. Það virðist hafa vantað- upplýs-
ingar á þennan brúsa um hvað beri
að varast. Það skiptir til dæmis máli
hvort saltsýra er sett út í vatn eða
vatn út í saltsýru. Við munum í fram-
haldi af þessu máli hafa samband
við heilbrigðisfulltrúa í Iandinu og
biðja þá að skoða málið hjá sér og
gera viðeigandi ráðstafanir," sagði
Daníel.
Frá slysstað á Suðurlandsvegi.
Morgunblaðið/Árni Sæberg
Tveir létust í hörðum árekstri
TVEIR menn, Viðar Sigurðs-
son, 39 ára, og Sigurður Heiðar
Valdimarsson, 25 ára, létust í
hörðum árekstri á Suðurlands-
vegi, skammt austan Sand-
skeiðs klukkan tæplega tíu á
laugardagskvöld. Mennirnir
voru farþegar í framsætum
tveggja bUa, sem ekið var í
gagnstæðar áttir.
Talið að bíll á leið í austur hafi
runnið á hálum veginum, yfir á
gagnstæðan vegarhelming og í
veg fyrir bíl sem ekið var í vestur.
Áreksturinn var mjög harður
og þegar læknir kom á vettvang
voru mennimir tveir, farþegar í
framsætum beggja bílanna, látnir.
Farþegi í aftursæti annars bílsins
var mikið slasaður og kom í ljós
að hann var meðal annars mjaðm-
argrindarbrotinn. Ökumennimir
vora einnig fluttir á sjúkrahús en
voru ekki taldir mikið slasaðir.
Mennimir sem létust hétu: Við-
ar Sigurðsson, Suðurbraut 28,
Hafnarfirði. Hann var 39 ára
gamall og lætur eftir sig eigin-
konu og tvö böm, og Sigurður
Heiðar Valdimarsson, Heiðmörk
74, Hveragerði. Hann var 25 ára
gamall, ókvæntur og bamlaus.
Fargjaldastríð hafið í Atlantshafsflugi:
Flugleiðir lækka fargjöld sín
til jafns við British Airways
„FLUGLEIÐIR eiga í samkeppni
við British Airways og munu
lækka fargjöldin til London til
samræmis við lækkun breska
flugfélagsins, þó ég geti ekki
nefnt ákveðna krónutölu. Hvemig
við mætum lægri fargjöldum til
Bandarikjanna og inn á megin-
land Evrópu get ég ekki sagt til
um strax,“ sagði Pétur J. Eiríks-
son, framkvæmdastjóri markaðs-
sviðs Flugleiða. Fargjaldastríð
hófst í gær á flugleiðinni yfír
Atlantshaf er nokkur flugfélög
tilkynntu að þau færu að fordæmi
breska flugfélagsins British Air-
ways og lækkuðu fargjöld milli
Bandaríkjanna og Evrópu.
British Airways lækkaði fargjöld
á flugleiðinni í þeirri von að farþeg-
um fjölgi, en veralegur samdráttur
hefur orðið í farþegaflugi vegna
Persaflóastríðsins. Nýja fargjaldið
verður 33% lægra en svokallað 30
daga APEX-fargjald, eða 481 dollari
(tæpar 26 þúsund krónur) í miðri
viku og 521 dollari (rúmar 28 þús.
krónur) um helgar frá 6. apríl-31.
maí og í október. Frá 1. júní-30.
september verður gjaldið 588 dollar-
ar í miðri viku og 628 dollarar um
helgar, miðað við farmiða báðar leið-
ir. Verður það ekki háð skilmálum
sem hingað til hafa gilt um APEX-
fargjöld.
„Flugfélög hafa ávallt lækkað
fargjöld á vorin, en þá hafa þessi
lægri fargjöld verið háð ýmsum skil-
yrðum,“ sagði Pétur. „Núna hefur
verið létt á þessum skilmálum og
við munum fyrst í stað mæta þess-
ari lækkun á fargjöldum til London,
Iðnaðarráðherra hittir forstjóra Atlantsálsfyrirtækjanna í dag:
Reyni að fá framjákvæð
viðhorf um framhaldið
segir Jón Signrðsson iðnaðarráðherra
JÓN Sigurðsson, iðnaðarráðherra, kynnti stöðu álmálsins á fundi
ríkisstjórnarinnar í gær og var heimildarlagafrumvarpið um
byggingu álvers einnig til umræðu. Síðdegis hélt ráðherra svo
til New York en þar mun hann í dag eiga viðræður við aðalfor-
sljóra Atlantsálsfyrirtækjanna. Auk þess mun ráðherra eiga fundi
með forsvarsmönnum fjármálastofnana vestanhafs vegna fjár-
mögnunar verkefnisins.
Jón sagði í gær að fundurinn
með forstjóram Atlantsálsfyrir-
tækjanna væri mjög mikilvægur
fyrir framhald málsins. „Enda
þótt málið hafi lent í mótbyr, við-
ræður og samningagerð hafi taf-
ist að undanfömu vegna
stríðsástandsins, legg ég mikla
áherslu á að á þessum fundi komi
fram jákvæð viðhorf til framhalds
málsins. Ég vonast til að það tak-
ist þótt enginn ráði við
striðsástand. Það er rétt að reyna
að finna leiðir til að koma málinu
fram með fjárhagslega ábyrgum
hætti á sem stystum tíma. Fund-
urinn snýst um að finna hvaða
leiðir era bestar frá sjónarmiði
beggja aðila og komast að því
hvort menn sjá í land varðandi
samningagerðina," sagði Jón.
Fundurinn átti að fara fram
18.-19. janúar sl. en var frestað
þar sem forstjórar evrópsku álfyr-
irtækjanna vora í ferðabanni
vegna stríðsins. Mun ráðherra
hitta Paul Drack, forstjóra Alum-
ax, Max Cocher, forstjóra Ho-
ogovens aluminium, og Ulf Bo-
hlin, forstjóra Gránges. Sagði Jón
að forstjóramir myndu einnig
ræða stöðu málsins sín á milli í
dag. í för með Jóni eru Jóhannes
Nordal, formaður stjómar Lands-
virkjunar, Geir A. Gunnlaugsson,
formaður markaðsskrifstofu
Landsvirkjunar og iðnaðarráðu-
neytisins og Halldór Kristjánsson
lögfræðingur í iðnaðarráðuneyt-
inu.
Auk viðræðna við álversfor-
stjórana mun ráðherra eiga fund
með forsvarsmönnum J.P. Morg-
an bankans, sem hefur verið ráð-
gjafi um fjármögnun fram-
kvæmdanna, og Prudential-
Bache-verðbréfafyrirtækisins.
Kvaðst Jón ætla að ræða við þessa
aðila um útlitið á fjármagnsmörk-
uðum fyrir álvers- og virkjana-
framkvæmdir.
Hann sagði að engin ákvörðun
hefði verið tekin á ríkisstjómar-
fundinum í gær en beðið verði
eftir niðurstöðu viðræðna hans við
forstjóra álfyrirtækjanna.
Jón sagði að hugmyndir um
fjármögnun verksins hefðu alla
tíð íegið ljósar fyrir. „Sú aðferð
er algengust á sviði fjárfestinga
af þessu tagi að um verkefnafjár-
mögnun verði að ræða, en ekki
fyrirtækisfjármögnun á vegum
móðurfélaganna. Bankamir meta.
hversu arðvænlegt verkefnið er
og miklu skiptir að þama er um
mjög þekkt og traust fyrirtæki
að ræða sem munu ábyrgjast
lúkningu verkanna,“ sagði hann.
Jón benti einnig á að Atlantsál-
fyrirtækin leggja fram mikið eigið
áhættufe í álverið sem nemur
20-25% af heildarkostnaði verks-
ins eða 11-12 milljörðum ísl.
króna sem verða hlutafjárframlög
þeirra ef samningar takast.
þó ég geti ekki í svipan nefnt
ákveðná krónutölu. Við reiknum
ekki með að þessar lækkanir nái til
hinna Norðuriandanna, en þær koma
líklega fram á meginlandi Evrópu.
Ég bendi á, að flugfélög era alltaf
með einhver tilboð og það er hægt
að finna tilboðfargjöld milli London
og New York sem era lægri en nýtt
verð British Airways. Lægsta núna
er 99 pund, eða tæpar 10 þúsund
krónur. Nýjungin núna er að flugfé-
lögin lækka skráðu gjöldin, sem
hafa verið samþykkt af Alþjóðasam-
tökum flugfélaga. En það á líka eft-
ir að koma í ljós hve mörgum býðst
þetta lægra fargjald. Við getum tii
dæmis verið með 10 sæti í 189 far-
þega vél á lægra verði. Þannig gæt-
um við skráð lægra verðið, til að
fylgja markaðnum, en svo er annað
hversu mikið framboð við gætum
haft af þessum lægri fargjöldum."
í fréttaskeytum í gær kom fram
að þýska flugfélagið Lufthansa til-
kynnti að félagið myndi bjóða ný
sérfargjöld á flugleiðinni yfír
Norður-Atlantshaf. I síðustu viku
lækkaði félagið verð á 23 leiðum af
109 sem það flýgur vikulega. Banda-
rísku flugfélögin Pan American og
Trans World Airways sögðust lækka
fargjöld til jafns við British Airways
eða jafnvel bjóða betur.
14 og 15 ára
stúlkur staðn-
ar að betli
ÞRJÁR slúlkur, 14 og 15 ára,
voru handteknar fyrir betl í mið-
borg Reykjavíkur aðfaranótt
sunnudags. Þær gengu að veg-
farendum og báðu þá að gefa sér
peninga.
Stúlkurnar vora færðar á lög-
reglustöð þar sem foreldrar þeirra
sóttu þær.
Að sögn lögreglu hefur nokkuð
borið á betli unglinga undanfarið í
miðbænum.