Morgunblaðið - 12.02.1991, Blaðsíða 44

Morgunblaðið - 12.02.1991, Blaðsíða 44
44 MORGUNBLAÐIÐ ÞRIÐJUDAGUR 12. FEBRÚAR, 1991 > /VATHS- V•.•.:.:.;.:•• \l\9 s)1989 Universal Piesl Syndicats // Far þú cC undan mbr- Egh&cíað hú sért hraéskreiSart." Ast er. I-Z+ TM Reg. U.S. Pat OH.~altfights resetved e 1991 LosAngelesTimesSvndicete Því notaraðu ætíð hattinn — og þetta er erfðagripur í fjölskyldunni minni í marga ættliði ... HOGNI HREKKVÍSI <7^6Kjj_Ej?SKÍTHgLL j ^ 6^ ^%^ Hínn sanni boðskapur Til Velvakanda. Spámönnum Guðs til forna, Adam, Abraham og Móses, var veitt prestdæmisvald, vald til að starfa í nafni Guðs. Jesús valdi 12 postula og veitti þeim nauðsynlegt prest- dæmi til að framkvæma skylduverk sín. Pétur, Jakob og Jóhannes, sem fengið höfðu lykla ríkisins, urðu eftirmenn kirkju Krists. En eftir dauða postulanna varð fráhvarf. Prestdæmisvaldið glataðist og and- legt myrkur og glundroði varð um allan heim. Margar kirkjur spruttu upp og túlkuðu þær ritningar og framkvæmdu helgiathafnir sam- kvæmt eigin skilning og án guðlegs valds. I margar aldir grúfði myrkur yfir jörðinni. Þær kirkjur, sem stofnaðar voru á tímum hins mikla fráhvarfs, höfðu ekki prestdæmið. Afleiðingin varð sú, að þær gátu ekki tekið á móti leiðbeiningum frá Guði eða framkvæmt fyrirmæli sáluhjálpar. Eins og Jesaja sagði, þá höfðu þeir brotið lögin, brjálað boðorðunum og rofíð sáttmálann eilífa (Jesaja 24:5). Páll postuli sá fráhvarfið fyrir (II. Þessalonikubréf 2:1-3): „En að því er snertir komu drottins vors Jesú Krists og það, að vér söfnumst til hans, biðjum vér yður, bræður, að þér séuð ekki fljótir til að komast í uppnám eða láta hræða yður, hvorki af nokkrum anda né við orð eða bréf, sem væri það frá oss, eins og dagur drottins væri þegar fyrir höndum. Látið engan vílla yður á nokkurn hátt. Því að ekki kemur dagurinn nema fráhvarfið komi fyrst ..." Þegar Marteinn Luther var að stofnsetja lúthersku kirkjuna sagði hann eftirfarandi: „Fyrir mér vakir eigi annað en að siðbæta kirkjuna í samræmi við heilagar ritningar. Hin andlegu máttaröfl hafa ekki einungis orðið syndum spillt heldur algerlega eyðilögð. Hjá þeim er því eigLannað að finna en rangsnúna hugsun og vilja, sem er óvinur Guðs og andstæðingur. Ég segi í einföldum orðum að kristin trú er ekki lengur til meðal þeirra sem hefðu átt að varðveita hana." (Til- vitnun úr In Galat (1535) Weins IX, Luther and his times bls. 509). En Marteinn Luther hafðiengin völd frá Guði til að stofnsetja kirkju hér á jörðu. Það var ekkert prest- dæmi Guðs starfandi á jörðinni á þeim tíma. Eru þá sumar kirkjur byggðar á fölskum forsendum? 11. Pétursbréfi (5:2-3) segir: „Verið hirðar þeirrar hjarðar, sem Guð hefur falið yður. Gætið henriar ekki af nauðung, heldur af fúsu geði, að Guðs vilja, ekki sakir vansæmi- legs ávinnings, heldur af áhuga." Vansæmilegs ávinnings? Hvað get- ur falist í þeirri merkingu. Flestir prestar fá borgað fyrir þjónustu þá er þeir veita, ekki aðeins það, held- ur verður fólk að borga persónulega fyrir skírnir, fermingu og fleira. Eg hef hvergi fundið í Biblíunni ritningargrein sem segir að það kosti peninga að komast inn í ríki Guðs. Sannir prestdæmishafar taka ekki greiðslur fyrir þjónustu sína. Það vekur furðu mína að menn séu sendir í háskóla til að læra fagn- aðarerindi Jesú Krists. Fagnaðarer- indið er ekki svo torskilið að fólk þurfi í háskóla til að læra það. Fagnaðarerindi Jesú Krists á að vera hverjum manni auðskilið, bæði börnum og fullorðnum. Kirkja Krists hlýtur að bera nafn hans en ekki þeirra manna sem stofnsetja tilteknar kirkjur. Hann er hornsteinn kirkjunnar, kenndar eru kenningar hans og sáttmálar. Páll postuli skrifaði tíl Kólossu- manna (1:16-19): „Enda var allt skapað í honum í himnunum og á jörðinni, hið sýnilega og hið ósýni- Iega, hásæti og herradómur, tignir og völd. Allt er skapað fyrir hann og til hans. Hann er fyrri en allt, og allt á tilveru sína í honum. Og hann er höfuð líkamans, kirkjunn- ar, hann sem er upphafið, frum- burðurinn frá hinum dauðu. Þannig skyldi hann vera fremstur í öllu." Mig langar til að fá svar við einni spurningu. Af hverju hefur þjóð- kirkjan og aðrar kirkjur fellt úr eitt boðorð af boðorðunum 10? Ég var að lesa boðorðin 10 í bók einni, sem kennd er í skólanum hér á landi. Ég rak upp stór augu þegar ég sá að þriðja boðorðið hefur verið fellt úr og tíunda boðorðinu skipt í tvennt. Boðorðið sem vantar er svo hljóðandi: Þú skalt engar líkneskjur gjöra þér, engar myndir eftir því, sem er á himnum uppi o.s.frv. (Fimmta Mósebók 5:8-11). Þetta er eftir allt saman boð frá Guði, og ég er hissa á því að kirkja sem á að kenna fagnaðarerindið hefur fellt úr lög frá Guði. Hver prestur túlkar ritningarnar á sinn eigin hátt, í staðinn fyrir að kirkjan á að vera með einu og sömu kenn- ingarnar. Eru þá sumar kirkjur að leiða fólk afvega? Ég hef kynnt mér kirkjur og fundið eina sem að kennir sömu kenningar, hvort heldur er á ís- landi, í Russlandi, Ameríku, Evrópu eða hvar sem er í heiminum. Það er Kirkja Jesú Krists hinna síðari daga heilögu. Með þeirri kirkju hef- ur prestdæmið verið endurreist á jörðinni, til þess að fólk á okkar tímum geti fengið leiðbeiningar frá Guði, eins og til forna. Við erum ekki síður mikilvæg en fólkið á tím- um Abrahams og Móses. Við eing- um rétt á og höfum leiðbeiningar frá Guði nú á okkar tímum. Hún er með hinn sanna boðskap Jesús Krists. Roger Williams, sem var prestur hjá ensku baptistakirkjunni á 17. öld, sagði: Engin kirkja á jarð- ríki er stofnsett á réttum grunni" og enginn er sá maður, sem vald hefur tilað framfylgja lögum kirkj- unnar. Á því mun engin breyting verða fyrr en hið æðsta hðfuð kirkj- unnar sendir frá sér nýja postula, og ég vænti komu þeirra. (Pictures- que America bls. 502). Ég er þakklát að drottinn hefur sent okkur spámann og 12 postula til að leiða okkur á hinum síðari dögum. Margrét Annie Guðbergsdóttir, Stykkishólmi. Víkverji skrifar „ £NN A£>A N<3/e* FUOUANA ?J " Fréttir og fréttaskýringar fjöl- miðla, sem byggjast einvörð ungu á heimildarmönnum, sem ekki koma fram undir fullu nafni eru vandmeðfarnar. Sú aðferð við skrif eða gerð frétta og fréttaskýringa veitir óvönduðum blaðamönnum tækifæri til að koma sínum eigin sjónarmiðum á framfæri undir því yfirskini, að um einhverjar ótil- greinar heimnildir sé að ræða. Vík- verji minnist þess ekki, að dæmi um slíkt hafi komið upp hér á landi en slík tilvik hafa komið upp erlend- is. Hins vegar, og það er kjarni málsins í okkar fjölmiðlaumhverfí, skapar þessi aðferð hættu á, að fjól- miðlar og einstakir blaðamenn eða frétfamenn séu notaðir til þess að koma á framfæri upplýsingum um eitthvað, sem sagt er að sé að ger- ast en er ekki að gerast. En fréttin eða fréttaskýringin getur haft þau áhrif, að það gerist! Allir fjölmiðlar hér nota þá að- ferð í fréttum og fréttaskýringum að byggja í sumum tilvikum á heim- ildarmönnum, sem ekki koma fram undir fullu nafni. Blaðamenn Morg- unblaðsins hafa kynnzt því, að sum- um heimildarmönnum er hægt að treysta og öðrum ekki. í nokkrum tilvikum hefur blaðinu orðið á að birta fréttir eða fréttaskýringar, sem taldar voru byggðar á traustum ¦ heimildum en svo reyndist ekki ¦ -vera- -Eftir.slíka.reyjisJu..£r. öllum. upplýsingum frá heimildarmönnum, sem blaðið hefur þá reynslu af, tek- ið með mikilli varúð. Þessar hugleíðingar eru settar á blað vegna fréttaskýringar, sem fréttastofa Stöðvar 2 flutti sl. föstudagskvöld um forystumál Sjálfstæðisflokksins. Þar var því haldið fram, án þess að geta nok- kurra heimilda, að svonefndir fram- ámenn í Sjálfstæðisflokknum legðu nú að Davíð Oddssyni að gefa kost á sér við formannskjör, hvað sem liði óskum Þorsteins Pálssonar um endurkjör. Nú er það auðvitað teygjanlegt hugtak, hverjir éru framámenn í flokki. Væntanlega eru það þó menn, sem gegna trún- aðarstöðum í fremstu forystusveit, svo sem þingmenn, fulltrúar í mið- stjórn eða aðrir, sem, gegna ein- hverjum æðstu trúnaðarstöðum flokks. Með fyrirvara um, hversu teygj- anlegt þetta hugtak er, ætlar Vík- verji þó að leyfa sér að fullyrða, að innan Sjálfstæðisflokksins er engin skipulögð hreyfírig fyrir því á þessari stundu, að breyting verði á forystu Sjálfstæðisflokksins á næsta landsfundi, sem haldinn verður í marzmánuði. Alvöru könn- "1! á . yiðhorftp, æflafa), .frfofffif; , manna flokksins mundi áreiðanlega leiða í ljós ýmis konar gagnrýni á formennsku Þorsteins Pálssonar en jafnframt, að engin hreyfing væri fyrir því í þessum hópum að skipta beri um formann og jafnvel, að formaður Sjálfstæðisflokksins hafí fremur styrkt sig í sessi síðustu vikur og mánuði. Hitt er svo annað mál, að frétta- skýring af þessu tagi getur kallað fram einhver skoðanaskipti um málið, en þá er varla hægt að halda því fram með nokkrum rök- um, að um fréttaskýringu hafi ver- ið að ræða, heldur miklu fremur, að hér hafi verið á ferðinni áróður fyrir breytingum á forystu Sjálf- stæðisflokksins. Er það hlutverk fréttastofu Stöðvar 2 að flytja slík- an áróður? Lfklegasta skýringin á þessari fréttaskýringu er sú, að hér hafi verið á ferðinni óvandaðir heimild- armenn, sem vilji koma sh'kri hreyf- ingu af stað, en hafi ekki fundið hljómgrunn innan flokksins fyrir því og að fréttastofan hafi dottið í þann pytt að taka þá heimildarmenn trúanlega. Að því leyti hefur Vík- verji fyllstu samúð með fréttastof- unni. ------------------------.......*?•«*

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.