Morgunblaðið - 12.02.1991, Blaðsíða 12

Morgunblaðið - 12.02.1991, Blaðsíða 12
12 MORGUNBLAÐIÐ ÞRIÐJUDAGUR 12. FEBRÚAR 1991 Hlaupagikkir borgarstjórnar eftir Ólínu , Þorvarðardóttur Félagi minn Sigurjón Pétursson vandar mér ekki kveðjurnar í skammargrein í Morgunblaðinu sl. mjðvikudag undir fyrirsögninni: „Ólína hljóp á sig." Vont er mitt ranglæti en verra er mitt réttlæti — segir sá ágæti maður og er reið- ur. Ekki einungis fyrir viðleitni mína til þess að ná fram lækkun fasteignagjalda fyrir aldraða, held- ur ekki síður fyrir það að ég skuli undrast andstöðu hans við málstað- inn. En Sigurjón greiddi atkvæði gegn lækkuninni í borgarráði í síð- ustu viku, og einnig í borgarstjórn eins og frægt er orðið. Aðallega fínnst mér þó reiði hans stafa af því að Alþýðublaðið skuli hafa tekið eftir þessu — og haft eitthvað við afstöðu hans að at- huga. „Sigurjón hljóp til hægri" sagði blaðið af því tilefni í fyrir- sögn, og borgarfulltrúinn dró sam- stundis þá ályktun að afstöðu blaðs- ins bæri að rekja til mín. En það er versti misskilningur að ég beri ábyrgð á fyrirsögnum Alþýðublaðs- ins enda þótt ég eigi því láni að fagna að eiga þar skoðanabræður. . Sigurjón kýs þó ekki að svara mér á þeim vettvangi, né heldur í eigin málgagni (sem var?) Þjóðvilj- ánum. Hann skrifar að sjálfsögðu í Morgunblaðið, þar sem hann vek- ur verðskuldaða athygli á tillögu Nýs vettvangs um lækkun fast- eignagjalda. Það var vel gert og ekki skal ég amast við því hvar „sósíalistinn" finnur skoðunum sín- um farsælastan farveg. Þó verð ég að viðurkenna að mér þykir rauna- legt að sú samleið skuli liggja með sjálfstæðismönnum, enda þótt mig hafí um hríð grunað að svo væri komið. Tillögur Nýs vettvangs um lækkun fasteignagjalda Samkvæmt tillögu Nýs vett- vangs, sem Sigurjón reiddist svo illa, er gert ráð fyrir verulegri lækk- un fasteignagjalda frá því sem nú er. Við vettvangsmenn viljum miða við skattleysismörkin (57.000 króna mánaðartekjur) og reikna afsláttar- þrepin út frá sambærilegri tölu, en sjálfstæðismenn og Sigurjón vilja hafa berar örorku- og ellilífeyris- bæturnar sem viðmiðun, en það eru 39.000 krónur á mánuði. Nýr vett- Norðurland eystra: Listi Framsóknar ákvéðinn STJÓRN kjördæmaráðs Fram- sóknarflokksins í Norðurlands- kjördæmi eystra hefur ákveðið Iista flokksins fyrir komandi al- þingiskosningum. Guðmundur Bjarnason, heilbrigðis- og tryggingamálaráðherra, skipar fyrsta sæti listans. Valgerður Sverrisdóttir, alþingismaður, er í örðu sæti. Þriðja sætið skipar Jó- hannes Geir Sigurgeirsson bóndi, Guðmundur Stefánsson, fram- kvæmdastjóri, er í fjórða sæti, Dan- íel Árnason, fulltrúi, í því fimmta og Guðlaug Björnsdóttir, banka- starfsmaður í því sjötta; Hillur fyrir vörubretfi Traust og gott hillukerfi á góðu verði Hentar nánast allsstaðar og er fljótlegt í uppsetningu. Ávallt fyrirliggjandi. < V —— É t> o o 1 ri ft O O Q O Q 0 o O ð tti 0 c HILLUKERFl OG LYFtARAR - ÞAÐ EROKKAR FAG VMBOÐS- 06 HEWVERSL UNIN Leitið upplýsinga BÍWSHÖFÐA WSÍMI67Z444 TELEFAX672580 vangur gerir auk þess ráð fyrir fjór- um afsláttarþrepum (100%, 80%, 50% og 30%) upp að 76.700 króna mánaðartekjum einstaklings. Þetta finnst Sigurjóni trúlega fráleitt og telur 56.000 króna mánaðartekjur nægjanlegt hámark fyrir einstakl- ing. Nú ber þess að geta a upphaflega fiutti ég tillögu sem gekk mun lengra. Hún hlaut engan hljóm- grunn, þannig að á síðasta borgar- stjórnarfundi var flutt varatillaga sem áður hafði verið kynnt í borgar- ráði. Sú tillaga kom til móts við sjónarmið þeirra sem töldu fyrra tekjumarkið of hátt. Ég skal viður- kenna að ég hafði gert mér vonir um að málsvari Alþýðubandalags- ins myndi taka undir þau sjónarmið sem að baki lágu — og bera þá fram breytingartillögu færi svo að hann gæti ekki fellt sig við varatil- löguna. Það var hinsvegar borin von. Sigurjón Pétursson greiddi at- kvæði með tillögu sjálfstæðismanna sem gerir ráð fyrir óbreyttu fyrir- komulagi: Að einungis sé tekið til- lit til örorku- og ellilífeyristekna við niðurfellingu fasteignagjalda (39.000/mán.) eins og fyrr segir. Efstu mörkin miðast síðan við „dag- vinnulaun lágtekjustétta" eins og Sigurjón benti réttilega á í fyrr- nefndri skammargrein. Einmitt þess vegna verð ég að játa, að mér varð undarlega heitt innanbrjósts þegar ég fylgdist með handleggnum á Sigurjóni Péturssyni takast á loft er hann samþykkti þá tilhögun. Réttlætið verra en ranglætið? Sjálfum sér til afsökunar rekur Sigurjón ástæður fyrir afstöðu sinni í Morgunblaðinu og segir það órétt- læti að lækka fasteignagjöld fólks 67 ára og eldra „á meðan fullir skattar eru lagðir lögum samkvæmt á 66 ára og yngri, einstæðar mæð- ur jafnt og fólk sem skuldar yfir haus vegna öflunar húsnæðis, þótt tekjur þeirra séu jafnvel helmingi lægri." Nú ber á að láta, að yngra fólk, þ.m.t. lágtekjufólk sem „skuldar yfir haus" ber ekki fulla eigna- skatta, enda þótt það greiði full fasteignagjöld. Greiðslubyrði þess fólks gagnvart hinu opinbera er því ekki sambærileg við greiðslubyrði eldra fólks, sem er flest komið með skuldlausar eignir og greiðir af þeim full gjöld — án tillits til tekna. Staðreyndin er nefnilega sú að J,ekj- ur rýrna þegar komið er á efri ár, og eru þ.a.l. ekki í samræmi við eignastöðu. Þetta finnst Sigurjóni og þeim sjálfstæðismönnum ágætt fyrirkomulag. En það finnst mér ekki. Ég get ekki séð neitt réttlæti i því að aldraður einstaklingur sem hefur alla ævi greitt skatta og skyldur til samfélagsins sé látinn gjalda þess á efri árum að honum tókst á sínum tíma að koma yfir sig húsnæði sem hann kýs að búa í áfram. Það getur enginn skyldað nokkurn mann til að „minnka við sig" enda þótt Sigurjón Pétursson hafi einhvern tíma viðrað hugmynd- ir um þjóðnýtingu húsnæðis í borg- arstjórn. Fólk á rétt á því að búa í híbýlum sínum svo lengi sem það sjálft kýs, — og hið opinbera ætti að sjá sóma sinn í því að gera fólki það kleift. Hvar eru öldrunar- úrræðin Sigurjón? Þar að auki er ekki um auðugan garð að gresja í öldrunarúrræðum. SéreignastefnaSjálfstæðisflokksins hefur leitt það af sér, að fólk á fárra kosta völ. Hinar svokölluðu „þjónustuíbúðir" eru rándýrar sölu- íbúðir sem kostajafn mikið ogjafn- vel meira en húsnæðið sem viðkom- andi á nú þegar. Á síðasta ári kost- aði 2ja herbergja þjónustuíbúð með bílskýli um sjö milljónir króna. Aldr- aður einstaklingur er engu bættari fjárhagslega með slfka „minnkun". Við skulum ekki heldur gleyma því að í öldrunarmálum ríkir nánast neyðarástand í Reykjavík, þar sem aldraður einstaklingur þarf að bíða í þrjú ár eftir hjúkrunarvist og bið- listar á dvalarheimilin eru óralang- ir. Einmitt á sama tíma og borgar- yfirvöld standa ráðþrota frammi fyrir ástandinu er sorglegt að „mál- Ólína Þorvarðardóttir „Eg get ekki séð neitt réttlæti í því að aldrað- ur einstaklingur sem hefur alla ævi greitt skatta og skyldur til samfélagsins sé látinn gjalda þess á efri árum að honum tókst á sínum tíma að koma yfir sig húsnæði sem hann kýs að búa í áfram." svari hirina vest stöddu" í borgar- stjórn skuli ekki telja þörf á því að hlúa að þeim sem vilja og verða að búa heima. Já, vont er mitt réttlæti — segir Sigurjón, en verra þykir mér prinsippleysi „sósíalistans" í borg- arstjórn. Það er ekki nóg með að hann hlaupi til hægri, og síðan af sér hornin í Morgunblaðinu heldur hefur hann einnig hlaupist undan merkjum. Höfundur er borgarfulltrúi Nýs vettvangs. \B í 30 ár á íslandi Nýjung ! Suoa og skurdur með sama tækinu ! Með Migcut 250/50 hefur ESAB tekist að gera eitt tæki bæði fyrir PLASTMASKURÐ (50 Amp.) allt að 15 mm efnisþykkt og HLÍFÐARGASSUÐU (250 Amp.) Hafðu samband við sölumenn okkar sem veita allar nánari upplýsingar. Forysta ESAB er trygging fyrir gæðum og góðri þjónustu. = HÉÐINN = SELJAVEGI 2, SÍMI 624260 VERSLUN - RÁÐGJOF + Sokkabuxur 4 pör 490 kr. + Dómu/herraúlpur 2.490 kr. * Barnaúlpur 1.990 kr. 'jir Frottesloppar 1.990 kr. * Peysur 990 kr. Snorrabraut 56 (2. hæð), 16131 Opið frá kl. 12 -18, laugardag frá kl. 10 -16.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.