Morgunblaðið - 15.02.1991, Blaðsíða 23

22
MORGUNBLAÐIÐ FÖSTUDAGUR Í5.' FEBRUÁRÍðOl'
MORGUNBLAÐIÐ FÖSTUDAGUR 15. FEBRÚAR 1991
23
pltr0n®n®»lal>ií
Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Árvakur, Reykjavík
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-,
gjald 1100 kr. á mánuði innanlands. í lausasölu 100 kr. eintakið.
Viðbrögð
í Litháenmálinu
Akvörðun Alþingis um að
tekið skuli upp stjórn-
málasamband við Litháen var
rétt. Hún er í samræmi við fyrri
samþykktir þingmanna og þann
hug sem þjóðin ber til Eystra-
saltsríkjanna. Við eigum að gera
það sem í okkar valdi stendur
til að hjálpa þeim í sjálfstæðis-
baráttunni.
Frá því að Litháar lýstu yfir
sjálfstæði sínu 11. mars 1990
hefur verið ljóst, að það yrði
erfitt fyrir aðrar þjóðir að veita
þeim þann stuðning sem þær
vilja og Litháar sjálfir óska. Öll-
um er ljóst, að Kremlverjar hafa
í hendi sér að stöðva ferðir er-
lendra manna til Litháens og
höggva á tengsl landsins við
umheiminn. Sem fyrst þarf að
hrinda samþykkt Alþingis um
stjórnmálasambandið í fram-
kvæmd. Unnt er að gera það
með því til dæmis að fela sendi-
herra íslands í Stokkhólmi að
koma fram gegn Litháum og
fela innfæddum manni í Litháen
að gegna störfum ræðismanns
fyrir Island. Við höfum stjórn-
málasamband við úölda ríkja án
þess að hafa þar sendiráð og
oft líður langur tími á milli heim-
sókna sendiherra okkar til
þeirra.
Samhliða því sem unnið er
að framkvæmdahlið málsins
þarf að kynna það út á við.
Augljóst er að jafnvel á Norður-
löndunum er nauðsynlegt að
skýra fyrir stjórnmálamönnum,
hvað fyrir okkur vakir. Uffe
Ellemann-Jensen, utanríkisráð-
herra Dana, hefur sagt að
ákvörðun íslendinga um að taka
upp stjórnmálasamband við Lit-
háen svo fljótt sem kostur er sé
merkingarlaus þar til hægt sé
að koma á slíku sambandi í raun.
Þessi túlkun ráðherrans byggist
á of þröngu formlegu mati á
ályktun Alþingis. Hann kýs að
horfa fram hjá efnislegri hlið
málsins og því hve miklu máli
Litháar sjálflr telja hana skipta.
Uffe Ellemann-Jensen er vafa-
laust þeirrar skoðunar að
danska þingið eigi ekki að feta
í fótspor Alþingis, þótt meiri-
hluti Dana segist vilja stjórn-
málatengsl við Litháa, honum
hentar því vegna stjórnmála-
stöðunnar í Danmörku að gera
of lítið úr ákvörðun Alþingis.
Danski utanríkisráðherrann er
þannig dæmigerður fulltrúi
margra vestrænna stjórnmála-
manna sem finnst óþægilegt,
hve íslendingar ganga fast fram
í málinu. Óþægindin stafa af því
að þessir stjórnmálamenn eiga
undir högg að sækja á heima-
vettvangi gagnvart þeim, sem
þykir að þeir fari of hægt.
Háttsettur embættismaður í
bandaríska utanríkisráðuneyt-
inu brást allt öðru vísi við sam-
þykkt Alþingis en danski ut-
anríkisráðherrann, eins og sjá
má á forsíðu Morgunblaðsins í
gær. Embættismaðurinn hefur
skynjað, að samþykktin stappi
stálinu í Litháa. Hann segir
einnig, að mörg ríki hafi lýst
yfir því, að þau séu ekki tilbúin
til að ríða á vaðið og veita Lit-
háum formlega viðurkenningu
en þau séu tilbúin að sigla í kjöl-
far annarra. Síðan segir emb-
ættismaðurinn orðrétt: „Ég geri
því ráð fyrir að eftir að hafa
vegið og metið viðbrögðin og
áhrifin myndu aðrir fylgja dæmi
íslendinga. Ég get ekki sagt
nákvæmlega hvaða ríki það eru
sem myndu fara að dæmi íslend-
inga. Én ég get á hinn bóginn
fullyrt að mörg ríki, einnig
Bandaríkin, eru að velta fyrir
sér hver sé besta leiðin til að
styðja Eystrasaltsríkin.“
Megintilgangur íslendinga
hefur einmitt verið að stappa
stálinu í Litháa og sýna þeim í
verki, að þeir njóti stuðnings
utan landamæra sinna. Feti
fleiri í fótspor Alþingis er það
sigur fyrir Litháa og fagnaðar-
efni fyrir okkur.
Til þess að fæla ríkisstjórnir
og löggjafarþing frá því að stíga
sama skrefið og Alþingi gerði
hafa Kremlveijar flutt mótmæli
yfir Ólafi Egilssyni, sendiherra
Islands í Moskvu, og ákveðið að
kalla ígor N. Krasavin, sendi-
herra sinn á íslandi, heim til
skrafs og ráðagerða um óákveð-
inn tíma. í þessu felast þung
diplómatísk mótmæli en ekki
slit á stjómmálasambandi. Mót-
mælin staðfesta enn að ályktun
Alþingis hefur tilætluð áhrif.
Æskilegast væri að Sovétstjórn-
in kallaði fleiri sendiráðsmenn
sína heim frá Reykjavík og þeir
sneru ekki aftur, þannig að
dregið yrði úr hinum óeðlilega
fjölda sovéskra sendiráðsmanna
hér á landi, en fjöldi þeirra
stundar njósnir fyrir her og ör-
yggislögreglu á vegum GRU og
KGB. Þá hefðu verið slegnar
tvær flugur í einu höggi, stutt
við bakið á Litháum og fækkað
í sovéska sendiráðinu. Láti Sov-
étmenn samþykkt Alþingis bitna
á efnahagssamskiptum við Qkk-
ur þarf að vekja rækilega at-
hygli á því út á við. Það gæti
orðið vestrænum þjóðum hvatn-
ing til að halda frekar að sér
höndum í efnahagssamvinnu við
Sovétmenn.
Ályktun Alþingis um Litháen:
Sendiheira Islands í Moskvu
afhent formleg mótmæli
ÓLAFUR Egilsson, sendiherra íslands í Moskvu, var kallaður á fund
í sovéska utanríkisráðuneytinu á miðvikudagskvöld og honum afhent
formleg mótmæli sovéskra stjórnvalda vegna samþykktar Alþingis
um stjórnmálasamband við Litháen. Þá var einnig skýrt frá þvi á
fundinum að sovésk stjórnvöld hygðust kalla sendiherra sinn í
Reykjavík heim til Moskvu til ráðagerða. Þær upplýsingar fengust
hjá sovéska sendiráðinu í gær að rúm vika væri síðan sendiherrann
hélt til Moskvu frá Reykjavík. Vítalíj Tsjúrkín, talsmaður sovéska
utanríkisráðuneytisins, sagði á fréttamannafundi í Moskvu í gær að
sendiherrann yrði ekki sendur til Reykjavíkur á ný fyrr en skýring
bærist frá íslenskum stjórnvöldum. Þá varaði hann í yfirlýsingu sinni
við alvarlegum afleiðingum þess ef stjórnmálasamband við Litháen
verður tekið upp. Litháenmálið verður rætt á ríkisstjórnarfundi í dag.
„Þetta var stuttur fundur sem
átti sér stað um níuleytið á miðviku-
dagskvöld og ég var boðaður á með
klukkustundar fyrirvara,“ sagði
Ólafur Egijsson í samtali við Morg-
unblaðið. Ólafur fór ásamt Stefáni
L._ Stefánssyni, sendiráðsritara, á
fundinn í sovéska utanríkisráðu-
neytinu en þar voru fyrir þeir Júlí
Kvitsinskíj, aðstoðarutanríkisráð-
herra Sovétríkjanna, og Sergej
Zhúravljev, starfandi yfirmaður 2.
Evrópuskrifstofu sovéska utanríkis-
ráðuneytisins, en sú skrifstofa sér
m.a. um samskiptin við Norðurlönd.
Ennfremur var á fundinum Vadím
Vassílíjev, fulltrúi í ráðuneytinu og
túlkur, sem til skamms tíma starf-
aði í sendiráðinu í Reykjavík.
„Kvitsinskíj sagðist þurfa að bera
fram formleg mótmæli vegna álykt-
unar Alþingis síðastliðið mánudags-
kvöld varðandi stjómmálasamband
við Litháen," sagði Ólafur. „Hann
las upp orðsendingu sem síðan var
send áfram til íslenska utanríkis-
ráðuneytisins sama kvöld. Gekk
orðsending þessi út á að afstaða
sú sem Alþingi hefði tekið ætti sér
ekki grundvöll í þjóðarétti og væri
tilraun til íhlutunar í innanríkismál-
efni Sovétríkjanna þar sem Litháen
væri eitt af sovétlýðveldunum.“
Ólafur sagði að einnig hefði kom-
ið fram á fundinum að Sovétmenn
myndu kalla sovéska sendiherrann
á Islandi heim til að ráðfæra sig
við hann enda hefði komið fram
fyrir nokkrum dögum að hann væri
væntanlegur til Moskvu á næstunni.
í yfirlýsingu sem Tsjúrkín las á
fréttamannafundinum í gær sagði
að ákvörðun Alþingis væri án for-
dæmis og hún hefði engan lagaleg-
an grundvöll. ísland var sakað um
tilraun til íhlutunar í innanríkismál-
efni Sovétríkjanna. Einnig sagði þar
að aðgerðir sem ríkisstjórn Islands
kynni að grípa til að grundvelli
ályktunar Alþingis myndu stangast
á við skuldbindingar íslands gagn-
vart Sameinuðu þjóðunum og Hþls-
inki-sáttmálann. Ennfremur væri
ályktun Alþingis íhlutun í stjóm-
skipulega þróun Sovétríkjanna. Nýr
sambandssáttmáli væri í undirbún-
ingi af miðstjórnarvaldinu og lýð-
veldunum í sameiningu þar sem
meðal annars yrði kveðið á um sam-
skipti við erlend ríki. Ennfremur
varaði talsmaðurinn í yfírlýsingu
sinni við því að brot íslendinga
gegn hefðum í samskiptum ríkja
og gegn stjómmálasamskiptum Is-
lands og Sovétríkjanna gætu haft
alvarlegar afleiðingar.
Tsjúrkín var spurður á frétta-
mannafundinum hvað myndijgerast
ef önnur ríki fæm að dæmi Islend-
inga og svaraði hann því til að yfír-
lýsing sú sem hann las og viðbrögð-
in við ályktun Alþingis ættu að
gefa nægilega vísbendingu um af-
stöðu Sovétstjómarinnar.
Oljóst hvort full-
trúi frá Alþing-i
komist til Litháens
••
Orðugleikar með vegabréfsáritun
ENN er ekki þ'óst hvort að fulltrúar frá Alþingi munu taka þátt í
hátíðarhölcium í Litháen 16. febrúar nk. Þetta er fyrrum þjóðhát-
íðardagur landsins og kom boð frá Litháum í síðustu viku þess
efnis að fulltrúar Alþingis tækju þátt í hátíðarhöldunum.
Friðrik Ölafsson, skrifstofu-
stjóri Alþingis, sagði forseta Al-
þingis hafa samþykkt að taka
þessu boði og senda fulltrúa úr
röðum þingmanna til Litháens.
Ekki hefði enn verið ákveðið hvaða
þingmenn fæm ef af ferðinni yrði
né hve margir en líklega yrðu
þeir tveir.
„Það var hins vegar vitað mál
þegar þessi ákvörðun var tekin að
það gætu orðið örðugleikar á
framkvæmdinni af mjög skiljan-
legum og bersýnilegum ástæðum,"
sagði Friðrik. Hann sagði málið
enn vera í athugun og ekki enn'
fyllilega ljóst hvort að tæknilega
framkvæmanlegt væri að senda
fulltrúa frá Alþingi til Litháens.
Aðspurður um hvaða örðugleikar
væm helst á því sagði Friðrik það
vera í sambandi við vegabréfsárit-
un. Bjóst hann við að málið myndi
skýrast í dag.
Verktakar uggandi vegna
óvissu um álversframkvæmdir
Tilboðsgerð vegna virkjana í fullum gangi
VERKTAKAR eru uggandi yfir
síðustu fréttum af gangi við-
ræðna íslenskra stjórnvalda og
Atlantsálshópsins um álvers-
framkvæmdir hér á landi, að
Iðnaðarráðuneytið og Atlantsálshópurinn:
Sex til tíu mánuði þarf til
að ljúka fjármögnun álvers
EFTIRFARANDI sameiginleg fréttatilkynning var gefin út af iðn-
aðarráðuneytinu og Atlantsálshópnum að loknum viðræðum þess-
ara aðila í New York síðastliðinn miðvikudag, 13. febrúar:
Fulltrúar íslendinga og Atlants-
álshópsins áttu fund í dag til að
fara yfir stöðu samninga og ann-
arrar undirbúningsvinnu fyrir ál-
verið sem reisa skal á íslandi og
til að skiptast á skoðunum um
hvernig best skuli haldið á málum
við áframhald þeirrar vinnu.
Allir aðilar ítrekuðu eindreginn
vilja sinn til að halda Atlantsáls-
verkefninu áfram. Á fundinum var
fjallað um tvö mikilvægustu við-
fangsefnin sem nú þarf að leysa.
Það fyrra er að tryggja fjármögn-
un á sanngjömum kjörum og það
seinna að bæta arðsemi verkefnis-
ins þannig að fjárfesting allra
samningsaðila skili eðlilegri ávöxt-
un.
Útvegun fjármagns til álverk-
efnisins mun taka lengri tíma en
upphaflega var gert ráð fyrir
vegna ástandsins á alþjóðlegum
fjármagnsmörkuðum og þeirrar
sérstöku óvissu sem ríkir um þróun
kostnaðar, verðlags og gengis-
mála. Framvinda mála undanfam-
ar vikur hefur þó ekki dregið úr
áhuga samningsaðila á verkefn-
inu, hvorki af hálfu íslendinga né
Atlantsálshópsins. Hins vegar
gera samningsaðilar sér ljóst að
lengri tíma er þörf, líklega sex til
níu mánaða, til að ljúka fjármögn-
un verkefnisins. Áformað er að
ljúka samningsgerð innan næstu
þriggja mánaða.
Samningsaðilar munu halda
áfram undirbúningi sínum með
það fyrir augum að ljúka samning-
unum og afla verkefninu nauðsyn-
legra heimilda og samþykkis. Mik-
ilvægt er að fram komi á Alþingi
frumvarp til heimildarlaga á yfír-
standandi þingi til að tryggja laga-
legan ramma verkefnisins.
Atlantsálsverkefnið er hin fyrir-
hugaða álbræðsla sem reisa skal
á Islandi með 210 þúsund tonna
framleiðslugetu á ári. Álverkefnið
er í samvinnu ríkisstjómar íslands
og Atlantsálshópsins, en í honum
eru Alumax Inc. frá Bandaríkjun-
um og tveir evrópskir álframleið-
endur, Gránges AB frá Svíþjóð og
Hoogovens Aliminium BV frá
Hollandi.
Fundinn sátu af hálfu íslend-
inga: Jón Sigurðsson, iðnaðarráð-
herra, Jóhannes Nordal, formaður
stjómar Landsvirkjunar, Geir A.
Gunnlaugsson, formaður Mark-
aðsskrifstofu iðnaðarráðuneytisins
og Landsvirkjunar, og Halldór J.
Kristjánsson, skrifstofustjóri í iðn-
aðarráðuneytinu.
Af hálfu Atlantsálshópsins:
Paul E. Drack, aðalforstjóri Álum-
ax Inc., Robert R. Goble, aðstoðar-
forstjóri Alumax Primary Inc.,
Max Koker, fulltrúi stjórnar Ho-
pgovens Aluminium BV, Hans v.d.
Ros, aðstoðarforstjóri Hoogovens
Aluminium BV, og Ulf Bohlin,
aðstoðarforstjóri Gránges AB.
sögn Pálma Kristinssonar
framkvæmdastjóra Verktaka-
sambands Islands. „Ég vona að
við berum gæfu til að ljúka
þessu máli á farsælan hátt, en
vissulega er uggur í mönnum
vegna ýmissa ummæla sem
birst hafa um málið í fréttum
síðustu daga. Það yrði ekkert
annað en stórslys ef við klúðr-
uðum þessu máli vegna kosn-
ingaskjálfta sem greinilega er
farinn að segja til sín hjá ýms-
um stjórnmálamönnum," sagði
Pálmi í samtali við Morgunblað-
ið í gær.
Pálmi sagði að nú væri unnið
af fullum krafti að tilboðagerð
vegna Fljótsdalsvirkjunar og
stækkunar Búrfellsvikjunar.
Forval vegna jarðgangagerðar við
Fljótsdalsvirkjun fór fram á
síðasta ári og hefur Landsvirkjun
boðið 12 verktakasamsteypum að
taka þátt í útboðinu. Auk þess eru
í gangi útboð vegna annarra verk-
þátta við báðar virkjanirnar. Um
er að ræða alþjóðlegar fyrirtækja-
samsteypur, en Pálmi sagði að
alls muni fímm til sjö íslensk verk-
takafyrirtæki taka þátt í útboðum
í samstarfí við erlenda aðila.
Pálmi sagði ljóst að verktakar
munni verja gífurlegum fjárhæð-
um í tilboðsgerðina. Hann sagði
að lauslega mætti áætla kostnað-
inn á bilinu 20 til 40 milljónir
króna hjá hverjum bjóðanda og
að heildarkostnaður þeirra vegna
þessara útboða yrði á bilinu 300
til 500 milljónir. Hins vegar væri
erfítt að segja til um hversu stór
hluti kostnaðarins lenti á íslensku
fyrirtækjunum.
„Menn eru auðvitað felmtri
slegnir yfir síðustu fréttum af
gangi þessara viðræðna," sagði
Pálmi. „Svo virðist sem ýmsir telji
það sjálfsagt að etja verktökum
út þennan kostnað án þess að
fyrir hendi séu staðfestingar á því
að ráðist verði í framkvæmdir.
Auðvitað ganga verktakar út frá
því að hér sé alvara á ferðum þó
svo að allir fyrirvarar séu um
málið í útboðsgögnum Landsvirkj-
unar. Menn leika sér ekki að því
að stofna til þessa mikla kostnað-
ar nema þeir hafi trú á að hann
skili sér aftur til baka.“
Hann kvaðst reikna með að
erfitt yrði fyrir fyrirtækin að ná
inn tekjum fyrir þessum kostnaði
á þessu eða næsta ári, fari svo
að ekkert verði úr framkvæmdum.
„Verði það niðurstaðan, eru horf-
urnar í verktakaiðnaðinum væg-
ast sagt dökkar næstu eitt til tvö
árin.“
Pálmi sagði það koma undar-
lega fyrir sjónir, miðað við alvöru
málsins, að það væri farið að drag-
ast meðal annars vegna þess að
fulltrúar hinna erlendu álfyrir-
tækja treystu sér ekki til að fara
á milli landa af öryggisástæðum
vegna Persaflóastríðsins. „Það
skýtur nokkuð skökku við á sama
tíma og forsvarsmenn og verk-
fræðingar flestra verktakafyrir-
tækjanna verða að vera á stöðug-
um ferðalögum milli landa til að
funda um málin og bera saman
bækur sínar vegna tilboðsgerðar-
Kristján Ragnarsson, formaður LÍÚ:
Ekki fjárhagslega mögu-
legt að úrelda loðnuskip
Frumvarp lagt fram í gær um
breytingar á Hagræðingarsjóði
„ÞAÐ er ekki fjárhagslega mögulegt að úrelda loðnuskip núna og
því er það ekki inni í myndinni. Hins vegar er hugsanlegt að útgerð-
ir loðnuskipa fái einhverja fjárhagslega fyrirgreiðslu í Fiskveiðasjóði
vegna lítillar loðnuveiði í vetur. Það yrði gert með því að lengja lán
og þess háttar," segir Kristján Ragnarsson formaður Landssambands
íslenskra útvegsmanna.
Frumvarp sjávarútvegsráðherra
um breytingar á Iögum um Ha-
græðingarsjóð sjávarútvegsins var
lagt fram á Alþingi í gær. I frum-
varpinu er gert ráð fyrir að sjávar-
útvegsráðherra verði heimilt að út-
hluta loðnuskipum aflaheimildum
Hagræðingarsjóðs á fiskveiðitíma-
bilinu 1. janúar til 31. ágúst í ár,
eða 8 þúsund tonnum af botnfíski
í þorskígildum talið. Þetta eru þær
aflaheimildir, sem ekki nýttust
vegna álags á aflamark eða afla-
hámark við útflutning á óunnum
fiski á árinu 1990.
í frumvarpinu er einnig gert ráð
fyrir að sjávarútvegsráðherra verði
heimilt að úthluta loðnuskipum 5
þúsund tonna auknum úthafs-
rækjukvóta á þessu kvótatímabili.
í athugasemdum við frumvarpið
segir meðal annars að ástand út-
hafsrækjustofnsins sé óvenju gott
um þessar mundir.
„I tillögum Hafrannsóknastofn-
unar var á síðasta hausti lagt til
að leyfður heildarafli yrði aukinn
úr 22 þúsund lestum á árinu 1990
í 28 þúsund lestir á árinu 1991 en
það samsavarar 25 þúsund lestum
á yfírstandandi 8 mánaða fískveið-
itímabili. í framhaldi af þessum til-
lögum ákvað sjávarútvegsráðherra
að úthafsrækjuaflinn skyldi miðast
við 25 þúsund lestir á yfírstandandi
fiskveiðitímabili.
Lagt er til að ráðherra verði veitt
sérstök heimild til að auka það
magn og skipta aukningunni milli
skipa í loðnuflotanum. Er ráðgert
að auka heimildir til veiða á úthafs-
rækju um 5 þúsund lestir á tímabil-
inu. Vissulega er með þeirri veiði
farið allnokkuð fram úr tillögum
fiskifræðinga. í ljósi þess að ástand
stofnsins hefur batnað verulega á
undanförnum misserum verður þó
varla talið að óhæfíleg áhætta sé
tekin með þessari ákvörðun.“
Ákveðið hefur verið að heimila
íslenskum skipum að veiða 175
þúsund tonn af loðnu frá 13. febrú-
ar til 10. apríl í ár, „í úthlutun á
þessu magni er notuð venjuleg
skiptiregla og við lítum svo á að
nú sé ekki að bytja ný vertíð. Nokk-
ur loðnuskip fara þó ekki til loðnu-
veiða núna, þar sem þau ætla að
gera samkomulag við önnur loðnu-
skip um að fá rækjukvóta hjá þeim
í staðinn fyrir loðnukvóta," segir
Kristján Ragnarsson.
Hann segir að á þessar 175 þús-
und tonna loðnuveiðiheimildir hafí
ekki verið settar neinar framsals-
takmarkanir og það sé mjög mikil-
vægt, því mikið óhagræði væri í
því. „Samkvæmt þessu verða veidd
253 þúsund tonn af loðnu á þessari
vertíð. Það jafngildir 18 þúsund
tonnum í þorskígildum en meðal-
loðnuveiði undanfarin ár hefur hins
vegar verið 800-900 þúsund tonn,
sem hefur jafngilt að meðaltali 56
þúsund tonnum í þorskígildum. Við
sjáum því hvað á skortir í þessu *
sambandi," segir Kristján.
„Við byggjum hins vegar á fyrir-
heiti sjávarútvegsráðherra um að
loðnuskipiri fái 8 þúsund tonn af
botnfiski í þorskígildum talið úr
Hagræðingarsjóði, svo og 6 þúsund
tonna aukinn rækjuafla. Veiðiheim-
ildir loðnuskipanna yrðu því sam-
tals 32 þúsund tonn í þorskígildum,
eða 24 þúsund tonnum minni en
undanfarin ár. Við höfðum lagt til
að loðnuflotinn fengi þar að auki
10 þúsund tonn af þorski á þessu +
kvótatímabili en reiknum hins vegar
með að til þess komi ekki, þar sem
loðnuskipin hafa nú fengið að veiða
175 þúsund tonn af loðnu.“
Kristján Ragnarsson segir að
menn verði að sætta sig við þá
lausn, sem þarna sé fundin, þar sem
hér sé ekki auðvelt úr að bæta.
Heildarloðnuveiði 309 þús-
und tonn á þessari vertíð
Þar af um 22 þúsund tonn veidd vegna rannsókna
ÁKVEÐIÐ hefur verið að leyfa 43 íslenskum skipum að veiða
um 179 þúsund tonn af loðnu frá 13. febrúar síðastliðnum til 10.
apríl næstkomandi. Heildarloðnukvóti Islendinga á þessari vertíð
er 259 þúsund tonn en íslensku skipin veiddu 80 þúsund tonn í
haust af íslenska kvótanum. Júpíter RE veiddi 3 þúsund tonna
loðnukvóta, sem Einar Guðfinnsson hf. keypti af Grænlendingum
og 9 skip fengu að veiða samtals 21.980 tonn fyrir utan kvóta
vegna aðstoðar þeirra við loðnurannsóknir. Norsk og færeysk
skip veiddu samtals um 25 þúsund tonn af loðnu hér í haust og
því verða samtals veidd um 309 þúsund tonn á þessari vertíð ef
ekki verður bætt við kvótann.
í loðnuflotanum era 45 skip en
tvö þeirra, Guðrún Þorkelsdóttir
SU, sem er í eigu Hraðfrystihúss
Eskifjarðar hf., og Börkur NK, sem
er í eigu Síldarvinnslunnar hf. á
Neskaupstað, eru búin að veiða sína
kvóta, miðað við 250 þúsund tonna
heildarkvóta. Heildarloðnukvótinn
var ákveðinn til bráðabirgða 600
þúsund tonn í haust og þar af máttu
Islendingar veiða 78%, eða 468
þúsund tonn. Loðnukvótar Græn-
lendinga og Norðmanna vora því
samtals 132 þúsund tonn.
Af þessu magni veiddu Norð-
menn og Færeyingar samtals 25
þúsund tonn í haust og aflinn fékkst
í okkar lögsögu. Miðað við 309
þúsund tonna loðnukvóta mættu
Grænlendingar og Norðmenn hins
vegar veiða samtals 68 þúsund
tonn, eða 11% hvor þjóð, samkvæmt
samkomulagi íslendinga við þessar
þjóðir um nýtingu loðnustofnsins.
Erlend skip mega aftur á móti ekki
veiða loðnu í okkar lögsögu eftir
15. febrúar á hverri vertíð.
Grænlendingar eiga hvorki
loðnuskip né loðnuverksmiðjur og
hafa því framselt Færeyingum og
Evrópubandalaginu (EB) loðnu-
kvóta sinn. Halldór Ásgrímsson
sjávarútvegsráðherra sagði í sam-
tali við Morgunblaðið í haust að
EB-skip mættu ekki veiða loðnu-
kvóta Grænlendinga í íslenskri lög-
sögu. Færeyingar hafa keypt 10
þúsund tonn af loðnukvóta Græn-
lendinga en EB-skip mega sam-
kvæmt samkomulagi við Grænlend-
inga veiða 30 þúsund tonn af
loðnukvóta þeirra árlega. Líklegast
er að dönsk skip myndu vilja veiða
þennan kvóta en þau veiddu loðnu
úr okkar stofni fyrir nokkrum árum.
Loðnukvóti 45 íslenskra skipa frá
13. febrúar til 10. apríl næstkom-
andi er eftirfai-andi:
Tonn
Júpiter 6.545
Jón Kjartansson 4.032
Sigurður 6.771
Víkingur 3.218
Beitir * 6.635
Þórður Jónasson 1.911
Keflvíkingur 6.663
BjörgJónsdóttir 2.514
Víkurberg 1.710
Sunnuberg 6.040
Háberg 4.678
Gígja 5.235
Örn 1.318
Guðmundur Ólafur 2.849
Svanur 3.145
Rauðsey 4.851
Bergur 4.075
Harpa 7.400
Heimaey 4.738
Dagfari 4.738
Albert 4.919
Faxi 3.559 *
Súlan 502
Sighvatur Bjamason 4.047
Kap II 3.494
Húnaröst 4.986
Guðrún Þorkelsdóttir 0
Guðmundur 4.636
Börkur 0
Erling 3.084
Gullberg 4.919
Huginn 4.919
Höfrungur 3.522
Skarðsvík 4.919
Þórshamar 410
Bjarni Ólafsson 3.586'
Grindvíkingur 4.534
Hólmaborg 2.655
Hilmir 2.196
Sjávarborg 3.014
ísleifur 5.235
Jón Finnsson 4.919
Hákon 5.370
Pétur Jónsson 5.393
Helga II 8.144 J