Morgunblaðið - 06.03.1991, Blaðsíða 20

20
MORGUNBL'Af)IÐ MlLVIKUbAGUR 6. MARZ 1991
Morgunblaðið/Einar Falur
Tríó Reykjavíkur.
Reykjavíkurkvartettinn,
Blásarakvintett Reykjavíkur.
Afmælistónleikar
Tónlistarskólans
ÞRÍR vel þekktir tónlistarhópar leika í Bústaðakirkju miðviku-
daginn 6. mars, Tríó Reykjavíkur, Reykjavíkurkvartettinn og
Blásarakvintett Reykjavíkur.
Tilefnið er 60 ára afmæli Tón-
listarskólans í Reykjavík, en flest-
ir hljóðfæraleikaranna hafa
stundað nám og/eða kennslu við
skólann árum saman.
Tónleikarnir eru afmælisgjöf
flytjendanna til skólans á þessum
tímamótum.
Leikin verða verk eftir Mozart,
Karólínu Eiríksdóttur, Þorkel Sig-
urbjömsson og Carl Nielsen.
Aðgangur er ókeypis og allir
velkomnir meðan húsrúm leyfír.
Tónleikamir hefjast kl. 20.30.
Þjóðhagsstofnun um áhrif innri markaðar EB á íslenskan iðnað:
Samkeppnisstaðan versn-
ar vegna lægra vöruverðs
ÍSLENSK iðnfyrirtæki geta að jafnaði gert ráð fyrir versnandi sam-
keppnisstöðu vegna verðlækkunar á innfluttum iðnaðarvörum frá
Evrópubandalaginu (EB) þegar innri markaður bandalagsins verður
orðinn að veruleika. Hins vegar kemur afnám hafta á fjármagns-
markaði islenskum iðnfyrirtækjum til góða á sama hátt og fyrirtækj-
um innan EB, og gefur tækifæri á aðgangi að ódýrari fjármálaþjón-
ustu. Þetta eru meðal annars niðurstður Þjóðhagsstofnunar úr athug-
un á áhrifum evrópska efnahagssvæðisins (EES) á íslenskan iðnað.
í skýrslu Þjóðhagsstofnunar, sem
er nýkomin út, segir að í raun sé
um að ræða mat á áhrifum innri
markaðar Evrópubandalagsins á
íslenskan iðnað, frekar en samning-
um EFTA landanna og EB um evr-
ópskt efnahagssvæði. Þær breyt-
ingar sem vænta megi af markaði
EB á samkeppnisstöðu íslenskra
fyrirtækja séu í sjálfu sér óháðar
evrópska efnahagssvæðinu þótt
með EES samningunum verði áhrif-
in af Evrópusameiningunni líkust
því sem gerist meðal aðildarþjóða
EB.
Gert er ráð fyrir að almennt verð-
lag geti lækkað um allt að 6% í
EB eftir að innri markaðurinn verð-
ur að veruleika 1993. Þjóðhags-
stofnun telur að gangi þetta eftir
geti íslendingar búist við að verð
innflutnings frá Evrópubandalag-
inu lækki um svipað hlutfall. Þetta
gæti haft í för með sér viðskipta-
kjarabata upp á 0,5-1% af vergri
landsframleiðslu. Hins vegar gæti
lægra samkeppnisverð haft nei-
kvæð áhrif á samkeppnisstöðu inn-
lendra framleiðenda, þótt lægra
hráefnisverð myndi að nokkru leyti
bæta það upp.
Þjóðhagsstofnun segir, að tiltölu-
lega lítill hluti íslenskra fyrirtækja
starfí í þeim 40 iðnaðargreinum sem
taldar eru næmastar fyrir myndun
innri markaðar Evópu. Þarna er um
að ræða greinar eins og sælgætis-
gerð, skó- og fatagerð, leirsmíði,
ullarþvott og vinnslu, leirsmíði,
skipasmíði og skartgripagerð. Hins
vegar telur stofnunin að nokkrar
iðnaðargreinar gætu orðið fyrir
miklum áhrifum af auknu viðskipta-
frelsi í kjölfar samninga um EES,
sérstaklega ef tilslakanir verða á
viðskiptahindrunum með landbún-
aðarafurðir. Eru þetta m.a. slátrun
og kjötiðnaður, mjólkuriðnaður,
brauðgerð, annar matvælaiðnaður,
skinnaverkun og skipaiðnaður. Séu
þessar greinar taldar með væri um
þriðjungur af íslenskum markaði
næmur fyrir samkeppni vegna innri
markaðar EB og myndunar EES.
Fjárhagsáætlun Kópavogs samþykkt;
Heildartekjur bæjarins
áætlaðar 2.422 milljónir
„Skuldasöfnun hætt,“ segir Gunnar
l. Birgisson, formaður bæjarráðs
SÍÐARI umræða um fjárhagsáætlun Kópavogs fyrir 1991 fór fram
á bæjarstjórnarfundi s.l. fimmtudag. Heildartekjur bæjarfélagsins
eru áætlaðar tæpar 2.422 m.kr. Þar af eru sameiginlegar tekjur
áætlaðar 1380 m.kr., þjónustutekjur 393 m.kr., gatnagerðargjöld 515
m. kr. og framlög frá ríkinu eru rúmar 130 m.kr. Fjárhagsáætlunin
var samþykkt með atkvæðum meirihluta bæjarstjórnar en fulltrúar
minnihlutans sátu hjá við atkvæðagreiðsluna.
Gunnar I. Birgisson, formaður
bæjarráðs, segir að á síðasta ári
hafi verið neikvæður mismunur á
bæjarsjóði Kópavogs upp á 433
m.kr. en áætlanir hafí gert ráð fyr-
ir 71 milljón króna í tekjuafgang
til að greiða niður skuldir. „Fjár-
hagsáætlun fyrir árið 1990 var
mjög óraunhæf," segir Gunnar.
„Sameiginlegar tekjur voru ofáætl-
aðar um 60 m.kr., þjónustutekjur
um 100 m.kr. og síðan 'fóru rekstur
og framkvæmdir tæpar 280 m.kr.
fram úr áætlun aðallega vegna
óraunhæfrar áætlanagerðar. Þetta
var búið sem við tókum við og gát-
um ekki haft áhrif á fyrr en nú þar
sem núverandi meirihluti tók við á
miðju síðasta ári.“
Hann sagði stærsta útgjaldalið
bæjarsjóðs vera félagsmál en til
þeirra verður varið 405 m.kr. á
árinu. Til fræðslu- og menningar-
mála er varið 320 m.kr. og til æsku-
lýðs- og íþróttamála 250 m.kr. Þá
má nefna að tii framkvæmda á
nýjum götum og endurbyggingu
eldri gatna er áformað að veita 640
m.kr. á árinu.
„Helsta stefnubreyting frá fyrri
áætlunum er sú að við ætlum að
hafa nægilegt lóðaframboð í Kópa-
vogi. Við erum að vinna að tveimur
stórum verkefnum í því sambandi,
Digraneshlíðum og Smárahvammi.
Rekstur bæjarfélagsins og annað
er í mjög svipuðu horfi en við höfum
stokkað upp stjómkerfið þannig að
það er betur í stakk búið til að fást
við aðhald og betri nýtingu á fjár-
magni en verið hefur undanfarin
ár. Við gerum ráð fyrir að borga
ekki af skuldum á þessu ári en einn-
ig að taka ekki neitt að láni nema
fyrir því sem bæjarsjóður fór fram
úr í fyrra. Það sem við erum að
gera núna er að stöðva skuldasöfn-
unina,“ segir Gunnar. „Tillögur
minnihlutans gengu út á hækkun
tekna um 9 m.kr. og heildarhækkun
á fjárhagsáætlun um 33 m.kr.
Minnihlutinn hlýtur því á heildina
litið að hafa verið nokkuð ánægð-
ur.“
Guðmundur Oddsson, oddviti Al-
þýðuflokksins í bæjarstjórn Kópa-
vogs, sagði fulltrúa minnihlutans
hafa lagt fram mjög ákveðna bókun
við afgreiðsluna. Minnihlutinn hefði
lagj; sameiginlega fram nokkrar
breytingartillögur og hefði þar fyrst
og fremst verið um að ræða áherslu-
breytingar varðandi atriði sem
minnihlutanum hefði fundist vanta
inn í áætlun meirihlutans. „Tillögur
okkar vörðuðu fyrst og fremst þætti
í félags- og menningarmálum. Við
gerðum ekki ítarlegar breytingartil-
lögur við áætlunina sjálfa heldur
tókum nokkur atriði út úr. Ástæðan
fyrir því er að við teljum áætlunina
mjög óraunhæfa. Hún byggir fyrst
og fremst á 515 m.kr. tekjum af
gatnagerðar- og yfirtökugjöldum.
Ef að þau gjöld ekki skila sér þá
kemur gat á áætlunina því þegar
verður búið að ráðast í framkvæmd-
irnar. Þetta þýðir því einungis aukn-
ar lántökur í árslok,“ segir Guð-
mundur.
Hann segir meirihlutann hafa
haft uppi mörg orð um að hafa
tekið við slæmu búi og mikilli skuld-
setningu á síðasta ári en ætla svo
ekki að veija einni einustu krónu í
að borga upp lán. „Þeir hafa sjálfir
tekið um 400 m.kr. að láni á þeim
sjö mánuðum sem þeir hafa stjóm-
að sem- segir okkur að þrátt fyrir
allan hamaganginn fyrir kosningar
hefur staðan ekki reynst verri en
svo að þéir telja sig geta tvöfaldað
framkvæmdaféð og ekki látið krónu
í skuldir. Að vissu leyti er ég ekki
óhress með að hægt sé að leggja
fram svona fjárhagsáætlun. Það
sýnir að staða Kópavogsbæjar er
mjög sterk þó að ég óttist að áætl-
unin gangi ekki upp.“
o
C0
Helluborð
„Moon“ keramik yfirborð,
snertirofar, svartur rammi
eða stálrammi, fjórar
hellur, þaraftvær halógen
og ein stækkanleg,
hitaljós, tímastilling á
hellum.
TH 2010
Helluborð
Keramik yfirborð, svartur
eða hvítur rammi, fjórar
hellur, þar af tvær halógen
og ein stækkanleg,
sjálfvirkur hitastillir og
hitaljós.
TH490
Helluborð
„Moon“ kermik yfirborð,
stálrammi, fjórar hellur,
þar af tvær halógen,
sjálfvirkur hitastillir og
hitaljós.
TH 483 B
Helluborð
Keramik yfirborð, svartur
eða hvítur rammi, fjórar
hellur, þar af tvær
halógen, sjálfvirkur
hitastillir og hitaljós.
Funahöfða 19
sími 685680
V)