Morgunblaðið - 06.03.1991, Blaðsíða 21

MOflGyNBLAÐIB MH)yiKyfíAGb’R MARZ (1991
021
Tónlistarnemendur í Garðabæ.
Nemendatónleikar í Garðabæ
TÓNLISTARSKÓLAR Kópavogs daginn 7. mars kl. 19.00.
og Garðabæjar halda fyrri sam- Mjög fjölbreytt efni, m.a. koma
eiginlega nemendatónleika í hljómsveitir skólannna fram. Að-
Kirkjuhvoii, Garðabæ, fimmtu- gangur ókeypis og öllum heimill.
Fundur Eystrasaltsríkj-
anna um miðjan mánuð
STEINGRÍMUR Hermannsson
forsætisráðherra gaf á ríkis-
stjórnarfundi í gær skýrslu um
viðræður sem hann hefur átt við
forseta Eistlands, forseta Lett-
lands og varaforseta Litháens um
samskipti íslands og Eystrasalts-
landanna. Áformað er að halda
fund hér á landi með íslenskum
stjórnvöldum og þessum aðilum í
þarnæstu viku.
Þessi fundur var ákveðinn þegar
Edgar Savisaar, forsætisráðherra
Eistlands, var staddur í opinberri
heimsókn hér á landi fyrir
skemmstu. „Það virðist vera mikill
áhugi á því hjá fulltrúum allra
Eystrasaltslandanna að halda slíkan
fund og reyna þannig að samræma
sín mál og fá alþjóðlegan stuðning
við sína baráttu,“ sagði Steingrímur.
Hann sagði að fulltrúar Eistlands
ættu eftir að skýra frá niðurjtöðum
í viðræðum við sína nágranna í Lit-
háen og Lettlandi varðandi formleg-
ar viðræður hér á landi.
Siðferðileg skylda ríkis-
ins að jafna atkvæðisrétt
-segir Jón Steinar Gunnlaugsson, annar frummælenda
Raðstefna um jöfnun atkvæðisrettar:
„íslenska ríkinu er siðferðilega skylt að laga löggjöf sína að
mannréttindayfirlýsingu Sameinuðu þjóðanna þar sem kveðið eril
um jafnan atkvæðisrétt allra,“ sagði Jón Steinar Gunnlaugsson á
ráðstefnu um jöfnun atkvæðisréttar sem haldin var um helgina.
Ráðstefnan var haldin á vegum Samtaka sveitarfélaga á höfuðborg-
arsvæðinu og Sambands sveitarfélaga á Suðurnesjum. Frummæ-
lendur á ráðstefnunni voru Jón Steinar Gunnlaugsson hrl og Þor-
kell Helgason prófessor auk fulltrúa allra þingflokka.
„í mannréttindayfirlýsingu
Sameinuðu þjóðanna er kveðið á
um jafnan atkvæðisrétt allra
þegna. Yfirlýsingin hefur ekki
lagagildi hér á landi en hún var
hins vegar samþykkt m.a. af ís-
landi með vísan til stofnskrár Sam-
einuðu þjóðanna og til hennar er
einnig vísað í inngangi mannrétt-
indasáttmáþa Evrópu, sem fullgilt-
ur var af íslands hálfu 29. júní
1953. íslenska ríkinu er því sið-
ferðilega skylt að laga löggjöf sína
að yfirlýsingunni," sagði Jón Stein-
ar.
Þorkell Helgason fjallaði m.a.
um það hvernig misvægi atkvæða
eftir búsetu hefði þróast frá árinu
1959 þangað til kosningalögum
var breytt árið 1987.
„Það kemur í ljós þegar litið er
á þróunina á þessum tíma að það
hefur í vaxandi mæli hallað á Suð-
vesturlandið. Þegar kosningalögin
1959 tóku gildi má segja að hvert
atkvæði utan Suð-vesturlands hafi
verið jafngilt tveimur atkvæðum á
Suð-vesturhorninu. Þetta hlutfall
versnaði síðan i tímans rás þangað
til það var orðið svo að hver kjós-
andi á Vestfjörðum hafði fjórfaldan
atkvæðisrétt á við hvern kjósanda
á Reykjanesi. Eitt af meginmark-
miðum kosingalagabreytingarinn-
ar árið 1987 var að leiðrétta mis-
vægið þannig að það yrði ekki lak-
ara en það var árið 1959 og það
má segja að það hafi tekist. Mis-
vægið var hins vegar þegar orðið
þá og er því enn til staðar," sagði
Þorkell.
Að sögn Þorkels er misvægið
eftir búsetu enn meira áberandi
þegar skoðaðar eru atkvæðatölur
að baki einstökum þingmönnum.
„Sá þingmaður sem haft hefur
fæst atkvæði á bak við sig frá
1959 hefur verið með um 500 at-
kvæði. Á móti þessu hefur verið
hægt að benda á frambjóðendur í
Reykjavík og á Reykjanesi sem
ekki hafa komist á þing þó að
þeir hafi haft allt að 3500 atkvæði
á bak við sig. Þetta lagaðist lítið
sem ekkert með breytingunni
1987.“
Annað meginmarkmið kosning-
alagabreytingarinnar 1987 var að
tryggja jöfnuð á milli flokka á
landsvísu þannig að flokkar fengju
þann fjölda þingsæta sem þeir
ættu skilið á grundvelli heildar-
fylgis á landinu.
„Erfitt er að dæma um það hvort
að þetta markmið hafi náðst. Það
verður framtíðin að skera úr um.
Framsóknarflokkurinn hefur frá
1987 haft einu þingsæti of mikið
en hafði tveimur þingsætum of
mikið frá árinu 1959 til 1987 og
Stefán Valgeirsson hefði ekki náð
kjöri hefði landið verið eitt kjör-
dæmi. Flokkur mannsins safnaði
hins vegar það miklu fylgi saman
í öllum kjördæmum að á grund-
velli heildarfylgis hefði hann átt
að fá eitt þingsæti. Auk þess skorti
Alþýðubandalagið eitt þingsæti
upp á að ná þeirri tölu þingsæta
sem landsfylgi þeirra sagði til
um,“ sagði Þorkell.
NISSAN SUNNY
GJÖRBREYTTUR OG GLÆSILEGUR
Fyrir utan nýja hönnun má nefna
• Nýjar 16 ventla 1,6L og 2.0 L vélar
• Nýja 4ra þrepa sjálfskiptingu
• Nýja fjöörun og frábæra
hljóðeinangrun
• Verð frá kr. 869.000 stgr.
Nissan Sunny hefur fengið hreint
frábærar viðtökur og hvetjum við
því sem flesta að koma í reynslu-
akstur. ______
Ingvar
Helgason hf
Sævarhöfða 2
sími 91-674000