Morgunblaðið - 13.03.1991, Qupperneq 17

MORGUNBLAÐIÐ MIÐVIKUDAGUR 13. MARZ 1991
17
Dalabyggð svikin
um Gilsfjarðarbrú?
Sigurbjörn Sveinsson
„Á annan áratug hef-
ur verið bent á þver-
un Gilsfjarðar sem
heppilegustu lausnina
varðandi tengingu
Vesturlands- og Vest-
fjarðakjördæma á
þessu svæði og um
arðbæra framkvæmd
að ræða að áliti Vega-
gerðar ríkisins.“
eftir Sigurbjörn
Sveinsson
Fyrir Alþingi liggur nú lang-
tímaáætlun um framkvæmdir í
vegamálum til ársins 2002. Birtist
hún sem tillaga til þingsályktunar
og verður afgreidd nú á næstu
dögum fyrir þinglok. Þetta er end-
urskoðun áætlunar frá vorinu
1989 eins og venja er í þessum
efnum. Þegar áætlun þessi leit
dagsins ljós fyrir nokkru eftir þref
og hrossakaup stjórnmálamanna,
rak íbúa í Dölum og á sunnanverð-
um Vestfjörðum í rogastans, þar
sem vegagerð yfir Gilsfjörð hafði
verið ætlað rúm í áætluninni ein-
hvern tímann undir næstu alda-
mótum. Gekk það þvert á fyrri orð
þeirra manna, sem um þetta véla
og vonir heimamanna byggðu á.
Nú voru greinilega komin inn ný
gæluverkefni, sem þóttu fýsilegri
í augum fjöldans og milljónirnar,
sem menn þóttust hafa í handrað-
anum fyrir ekki svo löngu, voru
komnar út og suður.
Loforð þingmanna
Langlundargeð íbúa í Dölum og
Austur-Barðastrandarsýslu í
þessu rnáli hefur verið með ólíkind-
um. Arum saman hafa þeir ekið
ónýtan og stórhættulegan veg um
Gilsfjörð möglunarlaust gegn þeim
loforðum, að brátt myndi koma
betri tíð og birta myndi upp í vega-
málum þeirra. Hafist yrði handa
um_ brúargerðina von bráðar.
Á annan áratug hefur verið
bent á þverun Gilsfjarðar sem
heppilegustu lausnina varðandi
tengingu Vesturlands- og Vest-
fjarðakjördæma á þessu svæði og
um arðbæra framkvæmd að ræða
að áliti Vegagerðar ríkisins. Þetta
hefur yfirstjórn vegamála raunar
sýnt í verki með að veita á hverju
ári nokkru fé til rannsókna á veg-
arstæðinu. Er nú svo komið, að
litlu þarf þar við að bæta, svo að
vegagerðin sjálf geti hafist.
Á fundi með svokallaðri Gils-
fjarðarnefnd heimamanna um
þetta efni í mars á sl. ári, kom
fram einlægur vilji þingmanna
Vesturlands- og Vestfjarðakjör-
dæma til að framkvæmdir þessar
■ KVENNALISTINN efnir til
kynningarkvölds um hugmynda-
fræði Kvennaiistans miðvikudag-
inn 13. mars nk. kl. 20.30 á
Laugavegi 17, annarri hæð.
Kristín Ástgeirsdóttir reifar
málin og síðan verða umræður.
Tilgangur kynningarkvöldsins er
að fræða áhugasamar konur um
þá hugmyndafræði sem Kvenna-
listinn hefur að leiðarljósi.
(Fréttatilkynning)
■ NÁMSSTEFNA um kynfræði
og þroskahömlun verður haldin í
Borgartúni 6, Reykjavík, dag-
anna 14.-15. mars nk. á vegum
félags sálfræðinga sem starfa að
málefnum fatlaðra. Námskeiðið er
einkum ætlað starfsfólki sambýla,
vistheimila, skóla eða annarra
stofnana sem þjóna þroskaheftum.
■ GEÐHJÁLP, félag fólks með
geðræn vandamál, aðstandenda
þeirra og velunnara, heldur
fyrirlestur fimmtudagskvöldið 14.
marz kl. 20.30 á Geðdeild
Landspítalans í kennslustofu á
3. hæð. Fjallað verður um endur-
menntun og þjálfun út í atvinnulíf-
ið. Fyririesari er Guðrún Hannes-
dóttir í starfsþjálfun fatlaðra. All-
ir velkomnir. Áðgangur ókeypis.
mættu hefjast á árinu 1992 eða
1993. Það var álit þeirra, eins og
þeir orðuðu það í bókun, að fram-
kvæmdir ættu að hefjast umsvifa-
laust að lokinni byggingu Dýra-
fjarðarbrúar. Opinskáar umræður
urðu þá um hugsanleg áhrif jarð-
gangagerðar á Vestfjörðum á
þessa framkvæmd, sérstaklega ef
þeim yrði flýtt, eins og nú er raun
orðin á. Kom þá fram sú skoðun,
að afla ætti nýs fjár til þeirra fram-
kvæmda, og að þær myndu ekki
seinka þveruninni í Gilsfirði. Allir
virtust sammála um mikilvægi
þessarar vegagerðar. Hún yrði
næsta stórframkvæmd í vegamál-
um á Vestfjörðum á eftir Dýra-
fjarðarbrúnni og næsta stórverk-
efni á Vesturlandi, þegar hillti
undir lok nýs vegar um Mýrar.
Var til þess tekið, að það myndi,
auðvelda þessa framkvæmd alla,
að tvö kjördæmi stæðu að henni.
Sá var þó hængur á þessum ráða-
hag, að ekki gæfist tóm til að stað-
festa hann í vegaáætlun fyrr en
við endurskoðun hennar vorið
1991.
Vanefndir þingmanna
í febrúar sl. ákvað svo hrepps-
nefndin í Austur-Barðastrandar-
sýslu (Reykhólahreppi hinum nýja)
að fara á fund oddvita sinna á
Alþingi og vitja um innistæður
síðar og efndir fyrri loforða. Voru
Dalamenn og í för.
Nú var allt annað hljóð komið
í strokkinn. Engar líkur voru tald-
ar á því, að hægt yrði að byrja
vegagerðina á umræddum tíma
og var á þingmönnum að skilja,
að heimamenn mættu prísa sig
sæla, að hægt væri að koma meg-
inframkvæmdum fyrir á 2. tíma-
bili áætlunarinnar. Aðspurðir um
það, hvaða forsendur væru breytt-
ar frá fyrra ári, var því svarað,
að þær væru engar breyttar. Þetta
væri allt misskilningur, þar sem
augljóst væri, að sveitarstjórnar-
menn fyrir botni Breiðafjarðar
hefðu verið svo illa lesnir í gömlu
vegaáætluninni. Sveitarstjórnar-
menn þessir fóru orðlausir af fundi
þingmanna.
Svo kom tillagan til þingsálykt-
unar um langtímaáætlun í vega-
gerð. Þar var þetta allt staðfest.
Sátu þó þrír Vestlendingar í nefnd-
inni, sem undirbjó áætlunina, tveir
alþingismenn, sem tóku þátt í
svardögunum í mars 1990 og einn
bæjarstjóri. Hefði þeim átt að
renna blóðið til skyldunnar. Það
er stundum haft á orði, að veður-
minnið sé ótryggt, og virðist það
einnig gilda, þegar hin pólitísku
gjörningaveður geisa.
Til að fyllstu sanngirni sé gætt,
er skylt að minna á þingsályktun-
artillögu Matthíasar Bjarnasonar,
alþingismanns, sem hann lagði
fram í nóvember sl., og gerði ráð
fyrir, að byijað yrði á Gilsfjarðar-
brúnni 1992. Nýlega hefur verið
vakin athygli á þessum tillögu-
flutningi Matthíasar í blaðinu
Vesturlandi, sem sjálfstæðismenn
á Vestfjörðum gefa út. Ekki hefur
neitt farið fyrir stuðningi annarra
þingmanna við þessa tillögu Matt-
híasar á opinberum vettvangi, en
Friðjón Þórðarson, alþingismaður,
ritaði grein um sama efni í Morg-
unblaðið í janúar sl.
Enn má bæta um
Flestir ærukærir menn reyna
að bæta um betur, ef þeir misstíga
sig. Á það ekki síður við um stjórn-
málamenn en aðra. Ekki er öll
nótt úti enn og ef alþingismenn
Vesturlands- og Vestfjarða fara
umsvifalaust í málið, eins og þeir
orðuðu svo vel forðum, má bjarga
nokkru af þeirra orðstír í Breiða-
fj arð arby ggðum.
Þeim var lofað, að þeir yrðu
minntir á atburði þessa frammi
fyrir kjósendum sínum. Hefur það
loforð nú verið efnt.
Höfundur er læknir.
Macintosh fyrir byrjendur
©
<%>

Works - ritvinnsla, gagnasötnun, töflureiknir og stýrikerfi á
15 klst námskeiði fyrir byrjendur! Fáið senda námsskrá.

Tölvu- og verkfræöiþjónustan

Grensásvegi 16 - fimm ár f forystu

Innilega þakka ég fjölskyldu minni og öörum
œttingjum, fjœr og nœr, svo og Jjölmörgum vin-
um mínum, sem heiðruÖu mig og glöddu meÖ
heimsóknum, gjöfum, blómum og heillaóskum
á 70 ára afmœli mínu 4. mars sl. Hlýhug ykk-
ar og vinsemd geymi ég í hjarta mínu.
Guö blessi ykkur öll.
Kristján Páll Sigfásson.
JAMAICA er á
Hótel Loftleiðum
alla þessa viku
Dagana 13.-17. mars verður JAMAICA - vika á Hótel
Loftleiðum og það er öruggt að þú upplifir sanna
JAMAICA stemningu í mat og drykk, auk þess sem
leikin verður JAMAICA - tónlist.
í hverju hádegi og á hverju kvöldi matreiða meistarakokkar
frá JÁMAICA fjölda bragðgóðra rétta og suðræn lög fylla
kvöldið stemningu, sem erfitt er að lýsa.
Matseðill:
Rauðbaunasúpa
Regnbogasalat
Sterkkryddaður kjúklingur
eða
smjörsteikt smálúða með fersku grænmeti
Sætkartöflu-búðingur
Bjór og romm frá JAMAICA verður á boðstólum.
Sláðu til og komdu til JAMAICA á Hótel Loftleiðum.
FLUGLEIÐIR
...þegar matarilmurinn liggur í loftinu
Borðapantanir í síma 22321.
KKRCHER
HREINSIVÉLAR
RYKSUGUR
Mikið úrval af ryksugum
fyrir blautt og þurrt.
GÓLFÞVOTTAVÉLAR
Léttar og meðfærilegar
vélar fyrir íþróttahús,
verksmiðjur, verzlanir,
hótel o.fl.
IU0»«ER
SÁPUR í úrvali
Teppasápa RM 60
0.8-10-20 kg.
TEPPAHREINSIVÉLAR
Margar stærðir af hinum
vinsælu teppahreinsivélum
frá KÁRCHER.
Sölu- og þjónustuaðilar
Geisli - Vestmannaeyjum, Glitnir - Borgarnesi
Póllinn - ísafirði, Rafgas - Akureyri
RAFLAGNIR - TÖLVULAGNIR - MÓTORVINDINGAR
VERZLUN - ÞJÓNUSTA
SKEIFAN 3E-F. BOX 8433. 128 REYKJAVlK
1>V'