Morgunblaðið - 27.04.1991, Blaðsíða 52
i
Davíð Oddsson fékk umboð í gær:
Ætlar sér örfáa daga
til stj órnarmyndunar
Davíð Oddsson, formað-
ur Sjálfstæðisflokksins,
tekur við umboði til
myndunar starfhæfrar
meirihlutastjórnar frá
forseta íslands, Vigdísi
Finnbogadóttur.
Fyrsti formlegi fundur formann-
anna verður haldinn í Viðey í dag
DAVIÐ Oddsson, formaður Sjálfstæðisflokksins, gekk á fund Vigdísar
Finnbogadóttur, forseta íslands, laust fyrir kl. 18 i gær og veitti forset-
inn honum umboð til myndunar ríkisstjórnar er njóti meirihluta á Al-
þingi.
Davíð sagði í samtali við Morgun-
blaðið er hann kom af fundi forseta
að hann og Jón Baldvin myndu hitt-
ast á fyrsta formlega stjórnarmynd-
unarfundi sínum í Viðey kl. 14 í
dag. Davíð sagðist ætla sér skamm-
an tíma til stjórnarmyndunar, þótt
hann hefði fengið ótímabundið um-
boð forseta. „Ég vona að við þurfum
ekki meira en fjóra daga til stjórnar-
myndunar. Ég er bjartsýnn á að það
takist,“ sagði Davíð.
Þingflokkur Sjálfstæðisflokksins
kemur saman til fundar kl. 10 fyrir
hádegi í dag og þar verður farið
yfir gang mála í viðræðunum við
^Alþýðuflokkinn. Báðir flokksfor-
mennirnir sögðu í gær að þeir væru
ásáttir um að hraða viðræðum sínum
eftir megni, svo og að gera ekki
langan og ítarlegan stjórnarsátt-
mála, heldur sameiginlega, stutta
stefnuyfirlýsingu.
Davíð var spurður hvort stífar
kröfur Alþýðuflokksins torvelduðu
samninga: „Alþýðuflokkurinn hefur
verið í sterkri stöðu. Við erum jú
stærri flokkur, en við viljum endilega
að þannig sé farið af stað í upphafi
þessa samstarfs að hvorugur flokk-
urinn gangi yfir hinn,“ sagði Davíð.
Jón Baldvin var í tæpa klukku-
stund hjá forseta, og sagði er hann
kom af fundi hennar að hann hefði
greint frá viðræðum sínum við for-
menn fráfarandi samstarfsflokka,
fulltrúa Kvennalista og Davíð Odds-
son,_ formann Sjálfstæðisflokksins.
„Ég tel þessar könnunarviðræður
hafa leitt í ljós að það eru meiri líkur
á því að við gætum náð málefna-
legri samstöðu með Sjálfstæðis-
flokknum, til þess að tryggja hér á
næsta kjörtímabili starfhæfa meiri-
hlutastjórn. Mín niðurstaða var sú
að ég mælti með því við forseta ís-
lands að formanni Sjálfstæðisflokks-
ins yrði falið formlegt umboð til að
gera tilraun til að mynda meirihluta-
stjórn," sagði Jón Baldvin við frétta-
menn.
Jón Baldvin greindi einnig frá því
að einn þingmaður Alþýðuflokksins,
“Gunnlaugur Stefánsson, hefði lýst
þeirri skoðun sinni á þingflokksfundi
í gær að hann teldi enn ekki þraut-
Tvennt flutt
á slysadeild
ALVARLEGT umferðarslys varð
á Kleppsvegi á móts við Laugar-
ásbíó í gærkvöldi. Tveir voru
fluttir á slysadeild en ekki var
rb’óst hvort þeir væru lífshættu-
lega slasaðir.
Tildrögin voru þau að hópur
unglinga gekk út á götuna. Varð
einn þeirra fyrir bíl sem ekið var í
vesturátt. Okumanni bíls, sem kom
á eftir þeim fyrri, tókst að sveigja
til hliðar og lenti bíllinn við það á
,ljósastaur. Farþegi í þeim bíl kast-
aðist úr bílnum og var hann fluttur
á slysadeild.
reynt um að ná samstöðu með þeim
flokkum sem Alþýðuflokkurinn hef-
ur starfað með síðan haustið 1988.
Steingrímur Hermannsson, for-
maður Framsóknarflokksins, sagði í
samtali við Morgunblaðið í gær að
það kæmi honum ekki á óvart að
Alþýðuflokkur væri að mynda nýja
Viðreisnarstjórn með Sjálfstæðfs-
flokki. Jón Baldvin hefði tjáð sér
strax fyrir tveimur mánuðum að
þetta kæmi til greina.
Ólafur Ragnar Grímsson, for-
maður Alþýðubandalagsins, tjáði
Morgunblaðinu í gær að hann teldi
þetta svartasta dag í sögu íslenskrar
jafnaðarmannahreyfmgar og Jón
Baldvin Hannibalsson hefði með
þessari ákvörðun svikið íslenska
jafnaðarmenn.
Sjá einnig viðtöl á miðopnu.
Morgunblaðið/Sverrir
íslendingur sigldi um-
hverfís jörðina á 241 degi
HAFSTEINN Jóhannsson, 57 ára gamall íslendingur, sigldi einn
umhverfis jörðina á seglskútu á 241 degi, 25.099 sjómílna leið, án
þess að gera hlé á siglingunni. Hann lagði upp frá Björgvin í Nor-
egi 15. ágúst 1990 á skútu sinni, Eldingu, sem hann smíðaði sjálf-
ur, og kom í höfn í Southampton á Englandi 19. apríl sl.
Hafsteinn sagði í samtali við
Morgunblaðið að erfiðasta þrautin
í þessari löngu ferð hefði verið
þegar stálvírar í mastri skútunnar
tóku að trosna og slitna í átökum
við höfuðskepnurnar. Skútuna,
sem er 63 fet, smíðaði hann sjálfur
í frístundum.
Hafsteinn sigldi frá Björgvin
suður fyrir Góðrarvonarhöfða í
Afríku, suður fyrir Astralíu og
Nýja Sjáland og suður fyrir Horn-
höfða, syðsta tanga Argentínu,
norður með strönd Brasilíu og vest-
ur fyrir Azoreyjar. Daginn áður
en hann sigldi fyrir Hornhöfða
hafði geisað þar mikið fárviðri en
Hafsteinn hreppti stinningsvind á
þessum hluta leiðarinnar. Daginn
eftir var þar skollið á sama fárvið-
rið. „Ég var bara heppinn þegar
ég fór fyrir Hornið því það er svo
sterkur straumur þarna. Þetta var
hættulegasti hluti leiðarinnar en
gæfan var mér hliðholl," sagði
Hafsteinn.
Hann hefur búið í mörg ár í
Noregi og starfar í álbræðsluverk-
smiðju í Husnes.
„Ég smíðaði bátinn og varð að
nota hann til einhvers. Ég fékk frí
í eitt ár í vinnunni og dreif mig í
þetta. Meiningin var að enda sigl-
inguna í Noregi en allir vírar í
mastrinu slitnuðu svo ég komst
ekki lengra. Fyrsti vírinn slitnaði
við Góðrarvonarhöfða og síðan
hver á fætur öðrum. Ég var orðinn
uppiskroppa með varavíra. Storm-
ar eru tíðir á þessum slóðum og
góð átök á vírunum.“
Hafsteinn stóð straum af kostn-
aði við heimssiglinguna sjálfur og
kvaðst hann vera fyrstur manna í
Noregi til að sigla umhverfís jörð-
ina.
Hann sagði að einveran hefði
ekki þjakað sig í þessari löngu
ferð. Hann hafði vistir til tveggja
ára um borð í skútunni. „Maður
hefur um nóg að hugsa um borð
og svo heyrði ég fréttir tvisvar á
dag í norska útvarpinu."
Southampt
ATLANTS-
HAF
IF- i i.l. -I 'i
Umhverfis jörðina á 241 degi, 25.099 sjómíina leíð
Elding, seglskútan sem Hafsteinn Jóhannsson sigldi á umhverfis
jörðina.
I