Morgunblaðið - 13.06.1991, Side 41

ll
I i2I .1*1 HUOAOl)TMMFi QIQAJ8MU0510W:
MORGUNBLAÐIÐ FIMMTUDAGUR 13. JÚNÍ 1991
41
Sólstingur með réttu
Kvikmyndir
Arnaldur Indriðason
Með sólsting („Too Much Sun“).
Sýnd í Regnboganum. Leik-
stjóri: Robert Downey. Aðal-
hlutverk: Robert Downey,
Laura Ernst, Jim Haynie, Eric
Idle, Ralph Macchio.
í þessum hvimleiða og þreytandi
kalíforníska sumarfarsa, sem
reyndar heitir því viðeigandi nafni
Með sólsting, leika Eric Idle og
Laura Ernst systkini er von eiga
á hundruða milljóna dollara arfi
eftir föður sinn. Eina sem þau
þurfa að gera er að eignast barn
innan 12 mánaða. Það er aðeins
einn hængur þar á. Hann er hommi
og hún lesbía.
Þar með er sett í gang einhver
hallærislegasta endaleysa sem
maður hefur orðið vitni að i bíó í
langan tíma. Til að gera langa og
leiðinlega sögu stutta kemur í ljós
að systkinin eiga, nánast fyrir til-
viljun, sinn soninn hvor frá því í
gamla daga og þeir eru nú, fyrir
ennþá meiri tilviljun, félagar í fast-
eignabraski. En áður en það kemur
í ljós verður þú að sitja undir nán-
ast óþolandi lönguvitleysu.
Það er erfitt að sjá nákvæmlega
um hvað gamanið á að snúast því
hér er engu gríni til að dreifa.
Kannski í kringum hina ótrúlega
yfirborðskenndu veröld samkyn-
hneigðra, eins og henni er lýst í
myndinni. Systkinin eru verulega
ófyndnar skrípafígúrur sem búa
með öðrum ófyndnum skrípafígúr-
um. í höndum leikaranna er hver
og ein persóna myndarinnar hrút-
leiðinleg. Yfirdrifinn ofleikur er
boðorð dagsins og það keppast all-
ir við að standa sig. Þetta á meira
að segja við um breska háðfuglinn
Eric Idle, sem þó er skárstur af
liðinu og reynir a.m.k. að sýna
gamanleik. Allir aðrir reyna að
láta eins og bjánar.
Synina týndu leika karatestrák-
urinn Ralph Macchio og Robert
Downey og kannski eru þeir
ófyndnastir af öllum. Macchio er
svona stælgæi sem reddar öllu í
gegnum þráðlausan síma og er
svalur með afbrigðum en Downey
er leiklistarnemi sem er með ægi-
lega „fyndinn“ breskan hreim á
hreinu. Af hveiju þeir reka saman
fasteignasölu sem selur land í Sov-
étríkjunum er fyrir hvem sem er
að ráða í en hefur eflaust eitthvað
að gera með „fjörlegan" húmor
myndarinnar.
Kannski er til nærtæk skýring
á vitleysunni. Kannski hafa hlutað-
eigandi verið með sólsting allan
tímann. Kannski vona þeir að svo
hafi verið.
BRÆÐRABYLTA
Með tvo í takinu („Sibling Riv-
alry“). Sýnd í Bíóhöllinni. Leik-
stjóri: Carl Reiner. Aðalhlut-
verk: Kirstie Alley, Bill Pullman,
Carrie Fisher og Jamie Gertz.
í hinni svart kómísku gaman-
mynd Með tvo í takinu fer Kirstie
Alley með hlutverk heldur bældrar
eiginkonu læknis, sem hefur mun
meiri áhuga á læknavísindunum
en konunni sinni og er hið mesta
dauðyfli. Hún heldur því framhjá
honum með næsta karlmanni sem
hún hittir. Hann stendur við af-
greiðslukassa í stórmarkaði en inn-
an skamms liggja þau bæði inni á
næsta hótelherbergi.
Ekki nóg með það. Hann vaknar
ekki eftir ástaratlotin og hún held-
ur að hún hafi drepið hann í ákafa
sínum. Hún lætur sig hverfa en inn
í herbergið kemur gardínusölu-
maður og sá heldur að hann hafi
drepið hann þegar hann rekur
gardínustöng óvart í höfuðið á
honum. Hann finnur veski eigin-
konunnar, hringir í hana og játar
á sig verknaðinn. Sölumaðurinn á
bróður í löggunni sem stefnir á
lögreglustjóraembættið og má ekki
vamm sitt vita. Sá fer að vera með
systur eiginkonunnar. Og loks
kemur í ljós að líkið á hótelinu er
mágur eiginkonunnar, bróðir
læknisins leiðinlega.
Með tvo í takinu er kannski
dulítið flókin en sárameinlaus og
fislétt gamanmynd frá Carl Reiner
(„AIl Of Me“), tilviljanakennd með
afbrigðum en skopleg að mörgu
leyti og með mörgum ágætis lei-
kurum og hlægilegum persónu-
gerðum. Ber þar hæst Bill Pullman
í hlutverki örvinglaða gardínusölu-
mannsins sem gengur inná líkið
og tekur alla sök á sig. Pullman
gefur frábærlega kómíska lýsingu
á aulabárði, hokinn og hálfslóttug-
ur og heimskulegur. Þá er fjöl-
skylda læknisins hin spaugilegasta
með Carrie Fischer í fararbroddi.
Allir eru þar læknar sem líta niður
á ómenntaða eiginkonuna og syst-
ur hennar og gi’ípa allir ábúðarm-
iklir til friðþjófsins þegar- heyrist
bíb. Þá er Sam Elliott góður í ör-
litlu hlutverki friðilsins.
Reiner kann vel að mynda upp-
nám og óðagot úr kringumstæðum
sem oft.teygja dulítið á raunveru-
leikanum og hann á gott með að
fá leikara inná sína tíðni. Og þótt
frásögnin detti sumstaðar niður og
endirinn sé full alvörugefmn og
sykursætur miðað við það sem á
undan er gengið (Reiner er ekki
sterkastur á því • sviði), leiðist
manni sjaldan heldur hefur lúmskt
gaman af.
HJOLABRETTABUÐIN
SKEIFUNNI 11 (kjallara), sími 679890
Opnum í dag með nýjar vörur frá: Pacer, Santa Cruz,
New Deal, H- Street, Life, Small Room, World Industries, Blind, Real,
S.M.A., Planet Earth, Blockhead, Alva, o.fl. o.fl.
HJOLABRETTADEILD
SKEIFUNNI 11
i
i
i
i
!
i
i
i
i
!
I
I
I
Kópal-Steintex
Úrvals málning á venjuleg hús
Þcgar þú málar húsið þitt þarftu að gera þér
grcin fyrir þcim kostum scm bjóðast. Sé
húsið þitt steinhús, í eðlilegu ástandi
og ekki er að vænta nokk-
urra breytinga á því, þá not-
ar þú Kópal-Steintex frá
Málningu hf., hefðbund-
na, vatnsþynnanlega, plast-
málningu í hágæðaflokki.
Kópal-Steintex er auðvelt
í notkun, gefur steininum
góða vatnsvörn, sem auka
má enn með VATNS-
VARA-böðun fyrir málun, án þess að
hindra „öndun" steinsins. Kópal-Steintex
gefur slétta og fallega áfcrð, hylur
vel og fæst í mörgum falleg-
um litum, og einn þeirra er
örugglega þinn. Til að ná
bestu viðloðun við stein
skaltu grunna hann fyrst
tneð Steinakrýli og mála
síðan yftr með Kópal-Stein-
texi, einkum ef um duft-
smitandi fleti er að ræða.
Næst þegar þú sérð fallega málað hús - kynntu þér þá hvaðan málningin er
Imálning't
- það segir sig sjdlft-