Morgunblaðið - 05.10.1991, Blaðsíða 30

30
MORGUNBLAÐIÐ LAUGARDAGUR 5. OKTÓBER 1991
Sá barnið hvergi, en
glerbrotin voru um allt
segir Sigríður Ingvarsdóttir
ÞAU hrósa happi yfir því hversu
vel fór, Sigríður Ingvarsdóttir
og Hermann Einarsson, þegar
— þrefalt gler í glugga á barnaher-
bergi í húsi þeirra splundraðist
yfir allt herbergið óveðursnótt-
ina, en Hermann hafði þá
skömmu áður sótt dóttur þeirra,
Mörtu, og flutt hana í hjónaher-
bergið.
Hermann gat ómögulega sofnað
allt kvöidið og hafði á sér andvara,
enda mikil læti í veðrinu. Herbergis-
gluggi Mörtu snýr í hánorður, en
þau Sigríður og Hermann hafa til
öryggis látið setja þrefalt gler í alla
glugga hússins sem þannig snúa.
Um tvöleytið um nóttina fór Her-
mann og náði í barnið og flutti það
í hjónaherbergið, en Marta er ný-
lega orðin þriggja ára.
„Eg vaknaði rétt fyrir fjögur um
nóttina við gífurlega sprengingu í
húsinu, rauk framúr og inn til
Mörtu og sá þá ekki annað en gler-
brot út um allt herbergið. Ég hróp-
aði upp yfir mig: Hvar er barnið?
en ég hafði í fátinu ekki tekið eftir
því að hún var í herberginu hjá
okkur,“ segir Sigríður.
Aðkoman í herbergi Mörtu var
ófögur, stærsta rúðan. hafði le,nt á
koddanum hennar, en út um allt
herbergið voru glerbrot. Flísarnar
stóðu út úr skáp, sem stóð á móts
við gluggann, þannig að krafturinn
hefur verið mikill. „Við vorum nýbú-
in að kaupa ný húsgögn í herbergið
hennar, en hún varð þriggja ára í
september. Henni gremst mest að
nú eru húsgögnin heldur óhrjáleg,"
segir Sigríður, en gólfdúkur í her-
berginu er líka ónýtur.
Þau Sigríður og Hermann gengu
frá öllu lauslegu umhverfis húsið
og límdu rúður í eldhúsinu niður
þar sem búið var að spá illviðrinu.
„Ég hélt þó að við værum örugg
með þrefalda glerið, en það er mik-
il guðsmildi að ekki fór verr,“ sagði
Sigríður.
Morgunblaðið/Rúnar Þór
Marta litla getur hrósað happi yfir að faðir hennar, Hermann, sótti
hana í barnaherbergið óveðursnóttina og flutti í hjónaherbergið, en
nokkru síðar splundraðist rúðan í glugganum og þeyttust glerbrotin
um allt. A myndinni eru þau Hermann Einarsson, Sigríður Ingvars-
dóttir og Marta.
Morgunblaðið/Rúnar Þór
Hjónin Stella. og Páll urðu fyrir miklu tjóni er þakplötur rifnuðu
af húsi þeirra við Hvanneyrarbraut og tjörupappi á eftir. Allt fór á
flot í húsinu og höfðu þau ekki undan að ausa því út. Tíkin Snotra,
sem er í eigu dótturdóttur þeirra hefur sjálfsagt ekki upplifað ann-
að eins og á óveðursdaginn.
Horfðum á þakplöturnar rifna
af húsinu og gátum ekkert gert
- segir Páll Gunnlaugsson við Hvanneyrarbraut á Siglufirði
HJÓNIN Stella Einarsdóttir og Páll Gunnlaugsson urðu fyrir miklu
tjóni í óveðrinu á Siglufirði, en snemma á fimmtudagsmorgun byrj-
uðu þakplötur að rifna af þaki húss þeirra við Hvanneyrarbraut 61.
I kjölfarið varð tjörupappinn laus og þar sem úrhellisrigning var
leið ekki að löngu þar til allt var á floti inni í íbúðinni.
„Lætin byijuðu um kl. 8 um
morguninn, þá byijuðu plöturnar
að rifna af þakinu og við gátum
ekkert gert, stóðum bara við næ'sta
hús og horfðum á þær flettast af
þakinu hveija á fætur annarri,"
segir Páll. Þau reyndu að hlaupa
eftir plötunum sem kostur var til
að hindra skemmdir, en tvær af
bárujárnsplötunum lentu á næstu
húsum og brutu upp timburklæðn-
ingar.
Eftir að þakplöturnar höfðu horf-
ið út í veðilr og vind fór tjörupapp-
inn að rifna líka og þar sem slagveð-
ursrigning var fór vatnið beint inn
í íbúðina. Fór allt á flot, einkum í
eldhúsi og borðstofu. „Við vorum
með 12 til 14 dollur undir þar sem
mest var og undum vatnið upp í
handklæði, en höfðum ekki undan,“
segir Páll, en 3-4 menn voru að
störfum í húsinu að jafnaði allan
daginn. Þegar tók að læga um kl.
16 var unnt að koma plasti á þakið
og dró þá heldur úr vatnsflaumnum.
Páll bjóst við að þau ásamt son-
um sínum tveimur yrðu að flytja
úr húsinu um tíma, en þau eiga
innangengt í íbúð sonar síns á
staðnum. Hann sagði enn ekki ljóst
hversu mikið tjónið yrði, það yrði
þó allmikið, en þar sem hann væri
vel tryggður myndi tryggingafélag
eflaust taka einhvern þátt í greiðslu
þess. „Þetta er auðvitað afar
óskemmtileg reynsla, en við skulum
vona að aftur komi vor í dalinn."
Fárviðrið á Siglufirði:
Mikil eftirsjá að gömlu
beinamj öls verksmiðj unni
- segir Birgir Steindórsson í stjórn
Áhugamannafélags um síldarminjasafn.
„ÞAÐ er mikil eftirsjá að þessu húsi, mciningin var að varðveita
húsið og koma fyrir í því stærri munum sein t.engjast síldarárunum
hér á Siglufirði,“ sagði Birgir Steindórsson, sem sæti á í stjórn
Ahugamannafélags um síldarininjasafn á Siglufirði, en í fárviðrinu
sem gekk yfir Siglufjörð á fimmtudag hrundi gamla beinamjölsverk-
smiðjan við Snorrabraut til grunna.
Þetta er annað stóra áfallið sem
félagið verður fyrir, en þrátt fyrir
mótlætið sagði, Birgir að menn
væru ekki á því að gefast upp.
Búið er að setja upp vísir að sjó-
minjasafni og frá því það var'opnað
á’ afmælisdegi Siglufjarðarkaup-
staðar 20. maí síðastliðinn hafa á
þriðja þúsund manns skoðað safnið.
Fyrirhugað er að koma safninu
fyrir í svokölluðum „Róalds-
bragga“, en fyrir nokkru var unnið
við að flytja húsið og vildi þá ekki
betur til en svo, að þegar verið var
að lyfta því á nýjan grunn feykti
hvöss vindhviða því um koll og
skemmdist það mikið.
Birgir sagði að sífellt stærri hóp-
ur fólks hefði gengið til liðs við
félagið og væri unnið ötullega að
því að gera það sem best úr garði.
I sumar hefur mikið verið unnið í
gömlu beinamjölsverksmiðjunni, en
Þór Magnússon þjóminjavörður
hvatti þá Siglfirðinga til að varð-
veita húsið. „Við höfum ekki lagt
mikið fé í endurbætur á húsinu, en
margar vinnustundir. Það er því
óskemmtilegt að horfa upp á það
hrynja til grunna," sagði Birgir.
Húsið var byggt í kringum 1930
og þar var um áratugaskeið starf-
rækt beinamjölsverksmiðja. Timbr-
ið sem notað var í húsið var flutt
inn frá Noregi og sagði Birgir að
undirstöðurnar hefðu verið farnar
að fúna og gefa sig. Beinamjöls-
verksmiðjan var þriggja hæða hús
með risi og lofthæðin 4-5 metrar á
hverri hæð.
Morgunblaðið/Rúnar Þór
Birglr Steindórsson sem sæti á í stjórn Áhugamannafélags um sildar-
minjasafn á Siglufirði við rústir gömlu beinamjölsverksmiðjunnar,
sem hrundi til grunna í fárviðrinu aðfaranótt fimmtudags. Til stóð
að gera húsið upp og koma þar fyrir stærri hlutum er tengjast síldar-
árunum á Siglufirði.
Athugasemd
VEGNA fréttar í Morgunblaðinu
2. október „Ætt.móðir sæmd ridd-
arakrossi" óskar starfsmannafé-
lagið Sókn að eftirfarandi at-
hugasemd komi fram í blaðinu
sem fyrst:
„Félagið sem Aðalheiður Hólm
stofnaði 1934 hét „Starfsstúiknafé-
lagið Sókn“ en ekki „Verkakvenna-
félagið Sókn“. Nafnabreyting úr
„Starfsstúlknafélag“ í ' „Starfs-
mannafélagið" átti sér stað 1978.
Aðalheiður Hólm er ekki eini heið-
ursfélagi Sóknar, þeir hafa verið
íleiri, en annar núlifandi heiðursfé-
lagi Sóknar er Margrét Auðunsdótt-
ir, sem var formaður félagsins árin
1956-1972.
Starfsm;in nafélagö Sókn lýsir
yfir ánægju og stolti með að Aðal-
heiði Hólm, stofnanda og fyrsta
formanni félagsins, skuli hafa
hlotnast verðskuldaður heiður er
hún var sæmd riddarakrossi hinnar
íslensku fálkaorðu, og sendir Aðal-
heiði og ættingjum hennar nær og
fjær, hamingjuóskir í tilefni þess.“
■ VETRARSTARF Árbæjar-
kirkju er nú hafið, og frá síðastliðn-
um vetri hefur orðið sú breyting
að guðsþjónustur eru kl. 11 ár-
degis, og á sama tíma verða barna-
messur í safnaðarheimili kirkjunn-
ar. Guðsþjónustur verða kl. 14
þriðja sunnudag hvers mánaðar.
Hópferðabíll frá Guðmundi Jónas-
syni _mun fara strætisvagnaleiðir
um Ártúns-, Selás- og Árbæjar-
hverfi. Barnastarfið hófst 29.
september síðastliðinn. Æskulýðs-
starf unglinga 13 ára og eldri verð-
ur kl. 20-22 á sunnudagskvöldum
í vetur. Kynningarfundur fyrir
unglinga er fermast eiga vorið 1992
verður sunnudaginn 6. október kl.
20. Starf með 10-12 ára börnum
verður í vetur á miðvikudögum kl.
17-18, og verður fyrsti fundurinn
miðvikudaginn 9. október.
Mömmumorgnar fyrir mæður og
feður með lítil börn verða á þriðju-
dögum kl. 10-12. Starf fyrir aldr-
aða hófst um miðjan september
með opnu húsi í umsjón Vilborgar
Eddu. Opna húsið er starfrækt á
miðvikudögum frá kl 13.30 til 17,
og er þá spilað og föndrað, en einn-
ig verður farið í ferðalög og á list-
sýningar. I lok samveru eru fyrir-
bænastundir í umsjón presta safn-
aðarins, en hægt er að koma fyrir-
bænarefnum til þeirra eða umsjón-
arkonu opna hússins. Kirkjan hefur
ennfremur á sínum snærum öldrun-
arfulltrúa er sinnir öldruðum ein-
staklingum, sem ekki komast úr
húsi vegna lasleika eða aldurs.
Leikfimi fyrir aldraða er alla
þriðjudaga kl. 14 og fótsnyrting
alla mánudaga kl. 14.
Hvassviðri,
ekki þjófur
Viðvörunarkerfi fór í gang í
gullsmíðaverlun í Reykjavík í
fyrrinótt. Engin merki sáust þó
um að brotist hefði verið inn í
verslunina og er taliö að veðrið
liafi þarna gert mönnum grikk.
Lögreglan fór að verkstæðinu og
kannaði hvort óboðinn gestur hefði
reynt að fara þar inn. Þess sáust
engin merki. Talið er að rigningin
og rokið, sem börðu rúður verslunat-
innar, hafi sett næmt kerfið í gang.