Morgunblaðið - 06.12.1991, Blaðsíða 28

no28
MORGUNBLAÐIÐ FÖSTUDAGÚR 6. DESEMBER 1991
EFTIR VERÐLAUNAÐAN
OG MARGFALDAN
METSÖLUHÖFUND
EÐVARÐ INGÓLFSSON
Gegnum bernskumúrinn er
spennandi unglingabók sem
fjallar um Birgi 15 ára. Móðir
hans á við drykkjuvandamál
að atríða og hann tekur það
nærri sér. Hann þorir aldrei að
bjóða félögum sínum heim af
ótfa við að upp komist.
Inn I söguna fléttast ástamál,
samskipti við skólafélagana—
gleði þeirra og vonbrigði með
tilveruna.
Eðvarð er höfundur metsölu-
bókanna Fimmtán ára á
föstu, Sextán ára í sambúð,
Haitu mér — slepptu mér!
svo að einhverjar séu nefndar.
Eðvarð hlaut verðlaun Skóla-
málaráðs Reykjavíkur fyrir
bestu frumsömdu barna- og
unglingabókina 1988, Meiri-
háttar stefnumót.
GEGNUM BERNSKUMURINN
ER POTTÞÉTT UNGLINGABÓK

Má hringvegnr-
inn missa sig?
eftirGrím Norðdahl
I. kafli
í sumar rættist langþráður
draumur minn að komast upp á
Vatnajökul. Að aka þar um hjarn-
breiðurnar í sumarhita, er ógleym-
anlegt. Að auki að fara um jökullón-
ið, er eins og að vera kominn út á
grænlenskan fjörð með borgarísjök-
um. Jöklaferðum á Homafirði á ég
að þakka að draumurinn rættist.
En þessu fylgdi annað og
óskemmtilegra; skilningur á því að
ef ekkert verður að gert mun enginn
hringvegur vera til eftir ótrúlega fá
ár.
Mælingar sem gerðar hafa verið
á Hala í Suðursveit sýna það ljós-
lega.
Arið 1978 eru 138 metrar frá
vegi að sjávarkambi, 1990 eru eftir
62 metrar og vestan Jökulsár, þar
sem 1978 voru 385 metrar, eru árið
1990 eftir 277 metrar. Þá hefur í
sumar orðið mikil landeyðing, þrátt
fyrir óvenju mild veður. Jökullónið
hefur stækkað gífurlega, ef til vill
vegna óvenjulegra hita og blíðviðris,
sem þýðir að á flóðinu fellur sjórinn
í vaxandi mæli inn í jökullónið, og
svo þegar fjarar, fer hann með ógur-
legum straumþunga til baka. Það
er ekki fyrir óstyrkta sandbakka að
standast slík átök.
II. kafli
Vestfirsk frásögn er til af pilti,
sem gekk fyrir forvaða, undir björg-
um sem aðeins var fært um fjöru,
til þess að biðja sér konu, fann stúlku
og bar upp erindið: „Vilt þú eiga
mig, Gunna?”
Stúlkan var hljóð og svaraði fáu.
Þá sagði piltur: „Segðu já eða nei,
— sjórinn bíður ekki eftir.”
Nú stendur íslensk þjóð frammi
fyrir því að segja já, eða nei. Vill
hún bjarga hringveginum eður ei.
Svarið verður að koma fljótt, —
sjórinn bíður ekki.
Vegagerðin í Austur-Skaftafells-
sýslu, ber vitni um mikla verkkunn-
áttu, fyrirhyggju og rökrétt vinnu-
brögð.
Hringveginum verður að þjarga.
Hvað sem það kostar. Jafn sjálfsagt
er að leita allra hugsanlegra leiða
til að gera það á sem hagkvæmastan
og öruggastan hátt. Eini ljósi punkt-
urinn við þann mikla kostnað, sem
hlýtur að fylgja þessum fram-
kvæmdum, er það sem drengskapar-
maðurinn Ólafur Thors sagði um
einhver útgjöld: „Það er tekið úr
einum vasanum og látið í hinn.”
Mikið af kostnaðinum er atvinnu-
tekjur þeirra sem verkið vinna. Ég
efa að almenningur geri sér ljóst
hvað það er stutt síðan að vegagerð
hófst á landi hér.
Faðir minn var verkstjóri við að
leggja Hverfisgötuna árið 1904, frá
Læknum, þar sem nú heitir Lækjar-
torg og inn að Rauðárá, þar sem
nú er Hlemmur, sem og veginn upp
Mosfellssveit að Laxnesi. Einnig
_fyrstu vegi frá nokkrum kaupstöð-
um, til dæmis frá Akureyri fram að
Grund.
Nú er vitað að fjármunum ríkisins
eru takmörk sett og vel má vera að
það þurfí að vinna að þjóðarsátt um
að fresta þörfum framkvæmdum
annars staðar, meðan þetta for-
gangsverkefni er unnið.
Þjóðin má gjarnan taka sér í
munn það sem Vigdís, amma mín,
sagði oft: „Ekki grípa í rass á góðum
degi.”
III. kafli
Það mun hlægja Islendinga ef
Ægir konungur og hans hvítfextu
og freku dætur komast að raun um
að íslendingar eiga harðari og hald-
betri efni handa þeim að fást við,
en mjúkan, skaftfellskan ljörusand,
ef þeim er það kappsmál að vinna
óbætanleg skemmdarverk á vega-
keffí þjóðarinnar.
Höfundur er bóndi & Úlfarsfelli í
Mosfellsbæ.
------» ♦ ♦----
Aðalfundur
bókmennta-
félagsins
AÐALFUNDUR Hins íslehska
bókmenntafélags verður haldinn
í Iðnaðarmannahúsinu við Tjörn-
ina (Iðnó), laugardaginn 7. des-
ember 1991, kl. 14.00.
Dagskrá: Venjulega fundarstörf,
sbr. 18.-21. gr. félagslaga. Að þeim
loknum mun Eyjólfur Kjalar Emils-
son dósent flytja erindið: Sólin og
heillirinn í Ríki Platons.
(F réttatilky nning)