Morgunblaðið - 21.01.1992, Blaðsíða 28

28
MORGUNBLAÐIÐ ÞRIÐJUDAGUR 21. JANÚAR 1992
Fyrirtæki
Bón- og bílaþvotta-
stöðin tekurnýja bíla-
þvottavél ínotkun
NÝ bílaþvottavél var tekin í notkun rétt fyrir áramót í Bón- og bíla-
þvottastöðinni að Bíldshöfða 8 í Reykjavík. Nýja vélin tekur mun
stærri bíla en sú sem fyrir var og eins er biðtíminn styttri á álagstím-
um eftir að bílaþvottavélarnar eru orðnar tvær.
í frétt frá Bón- og bílaþvottastöð-
inni kemur fram að tjöruþvottur,
öápuþvottur, bónun og þurrkun taki
5-10 mínútur. Þá sé hægt að fá
bílinn ryksugaðan og vélarþveginn,
nýjan vökva á rúðupissið og ný
þurrkublöð.
Ennfremur kemur fram að að-
staða til að handbóna bíla og
þrífa að innan hafi verið bætt til
muna, en þessa þjónustu þarf að
panta sérstaklega. í bílaþvotta-
stöðinni er hægt að fá ieigðar
djúphreinsivélar til að hreinsa
teppi og ákiæði bæði fyrir bíla
og til heimilisnota.
Á bílaþvottastöðinni vinna 8-10
manns.
■-iim-r Morgunblaðið/Þorkell
PVOTTUR — Bón- ogbílaþvottastöðin að Bíldshöfða 8 hefur tekið í notkun nýja bílaþvottavél.
Frábært 12 vikna námskeið fyrir börn og unglinga 10-16 ára!
Sæti laus á laugardögum og sunnudögum!
Hringið strax og leitið nánari upplýsinga.
Tölvu- og verkfræðiþjónustan
Verkfræðistofa Halldórs Kristjánssonar
Grensásvegi 16*stofnuð 1. mars 1986 (Q
&

4? SPÆNSKUNÁMSKEIÐ
8 víkna hagnýt spænskunámskeið hefjast 27. janúar
fyrir byrjendur og lengra komna. Hentar fólki á öllum
aldri. Kennt í fámennum hópum. Upplýsingar og innrit-
un í skólanum Ármúla 36 og í síma 91-685824 milli kl.
14:00-18:00 og laugard. 11:00-14:00.
Málaskólinn HOLA - lifandi tunga -
Ármúla 36, sími 91-685824.
HVERSU TRYGG ERU
GÖGNIN ÞÍN?
Komdu og kynntu þér bandstöðvarnar
frá ARCHIVE
Núna með „DATA COMPRESSION"
allt að 8 GB.
ARCHIVEL XL, 60 Mb............Verð m/vsk. kr. 29.731,-
ARCHIVE VIPER 150,150 Mb.... Verð m/vsk. kr. 83.664.-
ARCHIVE VIPER 525, 525 MB.... Verð m/vsk. kr. »9.145,-
ARCHIVE PYTHON, DAT, 2,0 GB.. Verð m/vsk. kr. 179.219,-

-BQÐEIND SF:
AUSTURSTRÖND 12
170 SÉLTJARNARNES
SÍMI 612061
FAX 612081
Bílar
Innrás Japana íEvrópu
er aðeins rétt að hefjast
Heldur hefur hægt á sókn jap-
anskra bílaframleiðenda inn á
Bandaríkjamarkað en í Evrópu er
hún rétt aðeins að byrja. Toyota,
Nisan og Honda eru nú öll með
verksmiðjur í rekstri eða i smíðum
í Bretlandi en Mitsubishi og Mazda
hafa heldur valið samstarf við
gamalgróna framleiðendur, Volvo
í Svíþjóð og Ford í Evrópu.
Búist er við, að hlutur Japana í
evrópskri bílaframleiðslu eigi eftir
að aukast mikið á næstu árum. Hafa
embættismenn hjá Evrópubandalag-
inu til dæmis áætlað, að japönsk
fyrirtæki muni framleiða 1,2 milljón-
ir fólksbifreiða og lítilla vöru-
flutningabifreiða í Vestur-Evrópu
um aldamótin. Þá gætu Japanir ver-
ið komnir með 18% markaðarins en
hlutur þeirra er nú 12,5%.
Þetta væri þó allt í mesta hófi
miðað við það, sem Japönum tókst
í Bandaríkjunum á síðasta áratug,
enda telja Japanir Evrópu ekki vera
auðunnið vígi. „Dagskipunin var allt-
af Bandaríkin fyrst, síðan Evrópa,"
segir John Lawson, markaðsfræðing-
ur hjá Nomura-rannsóknastofnun-
inni í London, „og vegna þess, að
þeir litu á Bandaríkin sem stærri og
auðveldari bráð.“
Á það ber líka að líta, að hingað
til hefur Evrópa verið samsafn af
einstökum mörkuðum með alls kyns
girðingum á milli en það er nú að
breytast. Með tilkomu innri mark-
aðarins verður auðveldara fyrir Jap-
ani að mata allt svæðið frá fáum
stöðum og innflutningshöft verða
alveg afnumin um aldamótin. Bíla-
innflutningur Japana þangað til hef-
ur hins vegar verið frystur í núver-
andi magni.
Vandamálið nú er hins vegar póli-
tískt. Sumir japanskir framleiðendur
óttast, að árangur þeirra í Bandaríkj-
unum geti komið í bakið á þeim —
að reynt verði á síðustu stundu að
útiloka þá frá hinum eftirsótta Evr-
ópumarkaði. I því ljósi er litið á
ákvörðun Mitsubishi og Mazda um
að leita samstarfs við evrópska fram-
leiðendur áður en það verður um
seinan.
Sjálfir segjast Japanir ekki vera
með neina útþenslustefnu í huga
umfram það, sem þegar hefur verið
nefnt, 1,2 milljónir fólks- og lítilla
vöruflutningabifreiða, en innan iðn-
aðarins draga menn þó enga dul á,
að það geti breyst gefi markaðurinn
ástæðu til.
Sérfræðingar segja, að tvö japönsk
fyrirtæki, Toyota og Nissan, geti
auðveldlega aukið framleiðsluna í
Evrópu mjög mikið og bæði gera
raunar ráð fyrir að geta tvöfaldað
hana. Stefna þau að framleiðslu
200.000 bíla hvort um aldamótin en
ef sú framleiðsla yrði tvöfölduð er
hætt við, að brunaboðarnir færu af
stað í evrópsku höfuðborgunum. Þess
vegna er líklegt, að Japanir fari sér
hægar í sókninni í Evrópu en í
Bandaríkjunum.
Efnahagsmál
Þjóðveijar óttast sam-
drátt í efnahagslífinu
Eftir mikinn hagvöxt i næstum
níu ár samfleytt eru Þjóðverjar
farnir að ðttast, að samdrátturinn
sé á næsta leiti. Hagfræðingar eru
þó flestir á því, að þótt eitthvað
dragi úr uppganginum þurfi það
ekki að þýða neina kreppu en
þeir benda á, að þegar sameining-
armóðurinn renni af mönnum
megi litlu muna hvort ástandið
verði aftur eðiilegt eða hvort við
taki efnahagsleg lægð.
Nýleg vaxtahækkun í Þýskalandi
um hálft prósent getur haft veruleg
áhrif á framvinduna á næstunni en
einnig skiptir miklu, að gætt verði
hófs í launakröfum, að það takist
að draga úr opinberum útgjöldum,
að efnahagsástandið í Bandaríkjun-
um batni og síðast en ekki síst, að
kyrrt verið í Austur-Evrópu.
Wolfgang Röller, einn af æðstu
yfirmönnum Dresdner Bank, hefur
gagnrýnt þýska seðlabankann fyrir
vaxtahækkunina en í Þýskalandi er
vaxtastigið nú hærra en það hefur
verið allt frá stríðslokum. Segir hann
seðlabankann augljóslega þeirrar
skoðunar, að samdráttur sé eina
svarið við auknum verðbólguþrýst-
ingi!
Venjan er oft sú, að þá er talað
um samdrátt minnki þjóðarfram-
leiðslan eða hagvöxturinn tvo árs-
fjórðunga í röð og samkvæmt þess-
ari skilgreiningu er samdrátturinn
hafinn í Þýskalandi. Á öðrum og
þriðja ijórðungi síðasta árs minnkaði
framleiðslan um hálft prósent í
vesturhluta Þýskalands. Seðlabank-
inn vísar þessu raunar á bug en í
atvinnulíflnu ríkir þó meiri svartsýni
en um langt skeið.
Efnahagssamdráttur víða um
heim hefur haft slæm áhrif á.þýska
efnaiðnaðinn og er búist þar við
niðurskurði og uppsögnum strax og
reikningarnir fyrir síðasta ár hafa
verið gerðir upp. Þá hafa eriendar
pantanir á vélum og verkfærum lfka
minnkað og kemur það sér sérstak-
lega illa nú þegar eftirspurnin í
austurhlutanum, sem jókst mjög éft-
ir sameininguna, hefur fallið saman.
Raunar er búist við, að „útflutning-
ur“ vesturhlutans til austurhlutans
minnki verulega á þessu ári. í spám
OECD, Efnahags- og framfarastofn-
unarinnar, hafði áður verið gert ráð
fyrir 2,2% hagvexti í Þýskalandi á
þessu ári en endurskoðuð spá hljóðar
nú upp á 1,8%.
Löngum er horft til Bandaríkjanna
þegar efnahagsmál eru annars vegar
og samdráttur þar hefur áhrif um
allan heim. Nýlega lækkaði banda-
ríski seðlabankinn vextina um eitt
prósentustig en margir óttast, að
jafnvel það nægi ekki til að örva
efnahagslífið. Hafa Þjóðveijar áf
þessu áhyggjur enda hafa 10% af
þýskum útflutningi farið til Banda-
ríkjanna.