Morgunblaðið - 03.03.1992, Side 27

MORGUNBLAÐIÐ ÞRIÐJUDAGUR 3. MARZ 1992
27
Losiú ykkur viú vöðvabolgu
og steitu
Huddstotd Þordjdros Ásgeirssooar,
Bugðulæk 11, sími 91 -677930
býðurfram þjónustu sína
með ýmsum árangursríkum
nuddaðferðum eftir því sem við á.
Félagsmaður í Félagi
fslenskra nuddara
Þorbjörn Ásgeirsson,
nuddfrædingur
Reuter.
Þak kaffihúss hrundi
Tuttugu og þrír létust og tuttugu og tveir særðust er þak kaffihúss
í austurhluta Jerúsalem hrundi síðdegis á laugardag. Þakið var byggt
úr steinum og leir og vó mörg tonn. Er talið að það hafi hrunið vegna
mikilla rigninga að undanförnu en þessi vetur hefur verið sá vætusam-
asti í ísrael síðan mælingar hófust. Á myndinni má sjá björgunarsveit-
ir leita að líkum i rústum kaffihússins.
Kazakhstan vill fá aðild
að Evrópubandalaginu
Búist við aðild Ungveija að bandalaginu fyrir aldamót
Bandaríkin:
Demókratar boða róttækan
uppskurð á heilbrigðiskerfínu
Alma-Ata, Búdapest. Reuter.
STJÓRNVÖLD í Kazakhstan,
einu af Mið-Asíulýðveldum Sam-
veldisins, hafa hug á að ganga í
eða tengjast Evrópubandalaginu
en munu taka upp samstarf við
araba- eða Asíuríki að öðrum
kosti. Utanríkisráðherra Portúg-
als sagði á laugardag, að Ung-
verjar gætu vænst þess að fá
aðild að Evrópubandalaginu á
tímabilinu 1995-2000.
„Við höfum fullan hug á að
ganga í Evrópubandalagið,“ sagði
Núrsúltan Nazarbajev, forseti Kaz-
akhstan, á laugardag að viðstödd-
um Frans Andriessen, sem fer með
utanríkismál í EB, en hann var þá
á ferð um nokkur samveldisríkin til
að kanna framtíðarsamskipti þeirra
og EB. Andriessen tók ólíklega í
yfirlýsingu Nazarbajevs og benti
á, að samkvæmt Rómarsáttmálan-
um væri aðild að EB bundin við
Evrópuríki.
Nazarbajev sagði, að Kazakhstan
væri evrasískt ríki og væri aðild
að EB ekki möguleg yrði það að
tengjast araba- eða Asíuríkjunum
nánari böndum. Sagði hann, að
Kazakar fengju boð um það dag-
lega. .
Evrópumenn hafa af því nokkrar
áhyggjur, að múslimaríkin í Mið-
Asíu gangi bókstafstrúnni á hönd
og íranir hafa gert sér mjög dælt
við þau að undanförnu. Andriessen
hvatti hins vegar til nánari sam-
skipta Mið-Asíuríkjanna og Evrópu-
bandalagsins á flestum sviðum.
í viðræðum Andriessens við aðra
leiðtoga semveldisríkjanna kom
fram, að Hvíta Rússland og Eystra-
saltsríkin stefna að aðild að EB upp
úr aldamótunum og Úkraínumenn
eitthvað síðar.
Anibal Cavaco Silva, utanríkis-
ráðherra Portúgals, sem er nú í
forsæti fyrir Evrópubandalaginu,
sagði á fréttamannafundi með Joz-
sef Antall, forsætisráðherra Ung-
verjalands, í Búdapest, að Ungverj-
ar mættu vænta aðildar að EB á
ofanverðum þessum áratug. Sagði
hann það mundu verða nánar
ákveðið á leiðtogafundi EB-ríkj-
anna í Lissabon í júní.
New York. Frá Huga Ólafssyni, fréttaritara
FYRIR utan bágt efnahags-
ástand og meint kvennafar Bills
Clintons, eins frambjóðanda
Demókrataflokksins, hafa heil-
brigðismál verið einna efst á
baugi í baráttunni fyrir forseta-
kosningarnar sem fram fara í
nóvembermánuði. Skoðana-
kannanir sýna að eitt helsta
áhyggjuefni kjósenda er að
lenda í fjárhagskröggum vegna
heilsubrests og demókratar
vonast til að geta klekkt á
George Bush forseta með því
að boða róttækar umbætur á
kerfinu.
Enginn dregur í efa að heil-
brigðiskerfið í Bandaríkjunum er
komið í ógöngur. Bandaríkjamenn
eyða hlutfallslega meiru í heilsu-
gæslu en nokkur önnur vestræn
þjóð, um áttunda hluta þjóðar-
tekna. Samt býr stór hluti Banda-
ríkjamanna við öryggisleysi sem
þekkist ekki í Vestur-Evrópu eða
öðrum löndum þar sem ríkistrygg-
ingar taka stærsta fjárhagsskell-
inn af fólki sem slasast eða veik-
ist alvarlega. Um 35 milljónir
Bandaríkjamanna eru ótryggðar
gegn heilsumissi og helming allra
gjaldþrota einstaklinga má rekja
til hárra sjúkrahúsareikninga.
Ríkið rekur reyndar umfangs-
mikið og flókið sytyrkjakerfi, sem
einkum er ætlað til að hjálpa öldr-
uðum og hinum fátækustu, en
gagnast þó ekki láglaunafólki sem
er rétt fyrir ofan fátæktarmörk.
Flestir eru tryggðir hjá almennum
tryggingafélögum í gegnum
vinnuveitendur sína. Ekki bjóða
samt allir upp á tryggingar fyrir
starfsfólk og sum fyrirtæki neita
að ti-yggja þá sem eru heilsuveilir
við ráðningu. í ótraustu atvinnu-
ástandi eins og nú ríkir óttast
fólk að missa heilsutrygginguna
um leið og vinnuna.
Þetta ástand hjálpaði lítt þekkt-
um demókrata í Pennsylvaníu að
vinna aukakosningar til öldunga-
deildarinnar í nóvember síðast-
Bandaríkjamenn verja tiltölulega inestu í heilbrigðiskerfið en
samt. er það í ógöngnm.
liðnum en hann hét kjósendum
að beijast fyrir lágmarkstrygg-
ingum fyrir alla. Þetta kom öllum
á óvatt þar sem heilbrigðismál
hafa sjaldan verið fyrirferðarmikil
í bandarískum stjórnmálum. Ósig-
urinn kom flatt upp á repúblík-
ana, sem tefldu fram vinsælum
ráðherra og fyrrum ríþisstjóra
Pennsylvaníu í „öruggt" repúblík-
anasæti.
Frambjóðendur demókrata
hafa reynt að fylgja eftir þessum
sigri og hafa allir lagt fram tillög-
ur til úrbóta. Einn þeirra, Bob
Kerrey, hefur gert það að helsta
stefnumáli sínu að koma á kerfi
svipuðu og í Kanada. Þar var
heilbrigðiskerfið ríkisvætt fyrir
20 árum með árangri sem þar-
lendir telja góðan.Demókratar eru
samt ekki sammála um rétta lyf-
seðilinn, sem meðal annars sést á
því að nú liggja um 30 fruntvörp
um breytingar á skipan heilbrigð-
ismála fyrir bandaríska þinginu.
Bush forseti hefur fordæmt
hugmyndir demókrata og í stað-
.inn lagt til aukinn skattaafslátt
fyrit' fátæka og millistéttina til
að kaupa tryggingar. Með þessu
segist hann geta fækkað hinum
ótryggðu niður í fimm milljónir
án þess að gera allsheijar upp-
skurð á kerfinu. Hann segir að
aukin ríkisafskipti muni draga úr
vali manna á milli lækna og skapa
skrifræðisbákn. Aðrir benda hins
vegar á að óvíða er meiri yfírbygg-
ing á heilbrigðiskerfinu en í
Bandaríkjunum þar sem sjúkra-
hús verða að eiga við skriffinna
hinna ýmsu stofnana ríkis og
borga auk fjölda tryggingarfé-
laga, sem öll hafa mismunandi
skilmála og eyðublöð.
Á meðan stjórnmálamenn
karpa um lækningaaðferðir þarf
hinn bandaríski „meðaljón“ hins
vegar að greiða sem svarar 130
þúsundum ÍSK á ár í heilbrigðis-
þjónustuna, sem er tvöfalt meira
en Þjóðvetjar og Japanir borga
og þrefalt á við Breta. Bandaríkja-
maðurinn lifir hins vegar ekki
lengur en hinir og ungbarnadauði
er minni í 23 löndum en í Banda-
ríkjunum. Góð heilsa verður ekki
metin til fjár en margir eru þreytt-
ir á að borga okurverð fyrir kerfi
sem hvorki skilar góðri heilsu né
fjárhagslegu öryggi.
Tákn nákvæmninnar
NACHI
KÚLULEGUR
Nachi legur er japönsk gæóavara
á sérsaklega hagstæóu verói.
Allaralgengustu tegundir
fáanlegará lager.
Sérpantanir eftir þörfum.
1U lás oiðfúj
HÖFÐABAKKA 9 112 REYKJAVÍK SÍMI91-670000 og 685656