Morgunblaðið - 19.06.1992, Síða 24

24
MORGUNBLAÐIÐ FÖSTUDAGUR 19. JÚNÍ 1992
Menntamálaráðherra um setningu
skólastjóra Víðistaðaskóla:
Starfsreynsla Eggerts
Levy réði úrslitum
Menntamálaráðherra hefur
sett Eggert J. Levy skólastjóra
Víðistaðaskóla I Hafnarfirði.
Auk Eggerts sótti Magnús Jón
Árnason yfirkennari við skól-
ann um stöðuna. Menntamála-
ráðherra, Ólafur G. Einarsson
segir báða umsækjendur hafa
verið hæfa en það að Eggert
skyldi hafa 11 ára reynslu sem
skólastjóri hafi ráðið úrslitum
um ráðninguna. „Ég vil ekki
hafa það sem meginreglu að
menn hafi vísan framgang inn-
an þess skóla sem þeir starfa.
Því var skólastjórastaðan ekki
„eign“ Magnúsar líkt og sumir
virðast hafa gefið sér. Að full-
nægðum hæfniskröfum eiga all-
ir að hafa jafnan rétt til lausrar
stöðu," segir menntamálaráð-
herra.
Kennararáð Víðistaðaskóla
ásamt starfsmönnum hans mæltu
með ráðningu Magnúsar svo og
meirihluti skólanefndar. Þá hefur
bæjarstjórn Hafnarfjarðar lýst yfir
stuðningi við Magnús í starfið.
Gísli Ágúst Gunnlaugsson formað-
ur skólanefndar Hafnarfjarðar
segir að ákvörðun ráðherra hafi
vakið reiði bæjarbúa og starfs-
manna skólans. „Magnús hefur
hér mikið traust en ég ætla ekki
að setja neitt út á manninn sem
hefur verið settur í starfið. Auðvit-
að vonar maður að hann standi
sig í starfi úr því sem komið er.“
Sagði Gísli, að Magnús ætti
langan og farsælan starfsferil við
skólann og mikla reynslu af stjóm-
un. „Maður skilur ekki að það
skuli vera hlaupin pólitík í málið,“
segir Gísli en Magnús ér fulltrúi
Alþýðubandalagsins í bæjarstjórn
Hafnarfjarðar. Gísli sagði, að eng-
inn vafi léki á að Eggert J. Levy
væri hæfur í starfið en skólanefnd-
in teldi Magnús hæfari.
Menntamálaráðherra segist
fyrst og fremst leita eftir faglegu
áliti. „Eg fékk faglegt álit fræðslu-
stjóra sem tók ekki afstöðu heldur
taldi hann báða umsækjendur
hæfa. Ég geri ekkert sérstaklega
mikið með umsögn pólitískt kjör-
inna stjómvalda líkt og skóla-
nefndin er, en þar er farið eftir
pólitískum línum. Nýlega skipaði
ég skólastjóra í Eyjafjarðarsveit
þar sem ég skipaði framsóknar-
mann en gekk fram hjá sjálf-
stæðismanni eftir að fræðslustjóri
mælti með þeim sem ég skipaði.
Mjög skiljanlegt er að kennarar
skrifí undir stuðningsyfirlýsingu
við samkennara sinn,“ segir Ólafur
G. Einarsson.
Eggert J. Levy er fæddur 26.
apríl árið 1947 og lauk hann kenn-
araprófi árið 1971 og stúdents-
prófi árið 1972. Hann var kennari
við Húnavallaskóla árin 1972 til
1975 og skólastjóri þar árin 1975
til 1986. Síðan kennari við
Brekkubæjarskóla á Akranesi árin
1986 til 1988 og frá 1988 kenn-
ari við Árbæjarskóla í Reykjavík.
Frönsk herskip í Sundahöfn
Franskt herskip, Tourville, með um 300 manna áhöfn og minna olíubirgðaflutningaskip, lögðu að
Sundahöfn í gærmorgun og hafa hér stutta viðkomu. Þau verða almenningi opin til sýnis í dag
kl. 14.30-17.30. Skipin láta úr höfn á sunnudag.
landi í
á milli
Keflavíkurflugvöllur:
Frísvæði hugsanlega sett á
stofn innan nokkurra mánaða
Forsenda gæti verið að einkavæða rekstur flugvallarins
FRÍIÐNAÐARSVÆÐI gæti orðið á Keflavíkurflugvelli í upphafi
næsta árs ef áætlanir utanríkisráðuneytisins ganga eftir og samning-
ur um evrópskt efnahagssvæði kemst í gildi. Nauðsynleg forsenda
þess að koma þessu svæði á fót gæti verið að einkavæða rekstur
flugvallarins til að gera hann samkeppnishæfari og auka um hann
umferð. Einnig þarf að setja lög og reglugerðir um skattaundanþág-
ur á frísvæðinu.
Dan Charny, annar eigandi
bandaríska fyrirtækisins High Tech
Marketing (HTM), Magnús
Norðdahl sölustjóri ÁCO hf. sem
er umboðsfyrirtæki HTM á íslandi
og Steinar Trausti Kristjánsson hjá
Háskóla íslands, hafa unnið skýrslu
um frísvæði á íslandi fyrir utanrík-
isráðuneytið en HTM stefnir að því
að hefja samsetningu á tölvubúnaði
fyrir Norðurlanda- og Evrópumark-
að á slíku svæði um leið og það
verður að veruleika.
Grundvöllur slíks frísvæðis er
samningurinn um evrópskt efna-
hagssvæði en með honum skapast
forsendur fyrir erlend fyrirtæki að
komast inn á Evrópumarkað með
því að stunda starfsemi hér á landi,
svo framarlega sem starfsskilyrði
séu samkeppnishæf. Jón Baldvin
Hannibalsson utanríkisráðherra
sagði á blaðamannafundi, þar sem
skýrslan um frísvæðið var kynnt,
að þetta sýndi fram á möguleikana
sem EES-samningurinn veitti Is-
lendingum nú þegar fyrirsjáanlegur
væri samdráttur í efnahags- og
atvinnulífi.
Jón Baldvin sagði, að á frísvæði
á Keflavíkurflugvelli yrði ekki keppt
við iðnað sem byggði á ódýru vinnu-
afli heldur yrði stefnt að því að fá
þangað hátæknifyrirtæki sem nýttu
sérhæft og vel menntað yinnuafl
sem nóg væri af á íslandi.
Fram kom á fundinum að ýmsir
annmarkar eru á að koma upp frí-
svæði á íslandi. Engin lög eru um
skatta fyrirtækja eða skattaundan-
þágur á slíku svæði, engir styrkir
eru í boði fyrir slík fyrirtæki, lítið
sem ekkert áhættufjármagn, há
tíðni verkfalla, hár byggingakostn-
aður og hár kostnaður við markaðs-
setningu frísvæðis. Innlendur
markaður er lítill, flutningsgjöld
með flugi eru há til og frá Islandi
og ekkert raunverulegt fraktflug.
Þá er Keflavíkurflugvöllur ekki
samkeppnishæfur. Á móti eru kost-
ir frísvæðis m.a. þeir, að lega lands-
ins gerir markaðssetningu frísvæðis
og flutninga til og frá svæðinu auð-
veldari, vörur sem íslendingar settu
saman og flyttu á Evrópumarkað
væru þar á jafnréttisgrundvelli þar
sem þær teldust íslenskar sam-
kvæmt upprunareglum efnahags-
svæðisins, mikil umferð er um ís-
lenska flugstjórnarsvæðið og líklegt
að hægt væri að auka verulega
umferð um Keflavíkurflugvöll með
réttri markaðssetningu. Jón Baldvin
sagði að ríkisstjómin væri reiðubúin
að skoða þann möguleika að einka-
væða rekstur vallarins til að gera
hann samkeppnishæfari og þar
kæmi til greina að innlendir og er-
lendir aðilar rækju völlinn sem sam-
starfsverkefni.
Ríkisstjórnin hefur rætt skýrsl-
una um frísvæðið og gerir utanríkis-
ráðherra ráð fyrir að hún muni sam-
þykkja framkvæmdaáætlun um
undirbúning svæðisins á næsta
fundi. Sú áætlun felst í að komið
verði á starfshópi, skipuðum fulltrú-
um úr bandarísku og íslensku við-
skiptalífi auk fulltrúa ríkisstjómar-
innar, sem myndi leita leiða til að
auka umferð um Keflavíkurflugvöll
og skilgreina hvaða lög og reglu-
gerðir þyrfti að setja til að skapa
samkeppnisfært umhverfi. Hópur-
inn myndi byija á að markaðssetja
íslenskt frísvæði meðal bandarískra
fyrirtækja með ársveltu á bilinu
25-125 milljónir bandaríkjadala eða
1,5 til 7,5 ínilljarða króna. Þegar
er vitað um nokkur bandarísk fyrir-
tæki sem hafa áhuga á að starfa á
íslensku frísvæði.
Dan Charny annar eigandi HTM
og einn höfunda skýrslunnar um
frísvæði á íslandi sagði á blaða-
mannafundinum, að góð menntun
íslendinga væri fjárfesting' sem
þjóðin gæti nýtt fjárhagslega. Hins
vegar vantaði íslendinga reynslu á
því sviði og nokkur tortryggni ríkti
gagnvart erlendum fyrirtækjum.
Hins vegar væri stuðningur og
skilningur almenningsálitsins og
viðskiptalífsins nauðsynleg for-
senda þess að komið yrði á fót frí-
svæði. Charny sagðist vonast til að
hægt yrði að hefja samsetningu á
nýrri smátölvu, sem HTM er að
setja á markað, á frísvæði á Kefla-
víkurflugvelli í kringum næstu ára-
mót.
Evrópskir verktak-
ar þinga í Reykjavík
EVRÓPUSAMBAND verktaka heldur þing sitt hér í Reykjavík um
þessar mundir. Þingfulltrúar eru um 250, en alls koma hingað 350
erlendir gestir vegna þingsins.
Störf þingsins hófust í gær með
nefndafundum en í dag verður það
formlega sett við hátíðlega athöfn
í Háskólabiói. Þá munu meðal ann-
arra flytja ávörp Peter Galliford,
formaður Evrópusambands verk-
taka, Ármann Örn Ármannsson,
varaformaður Verktakasambands
íslands, Jón Sigurðsson, viðskipta-
og iðnaðarráðherra, og Markús Örn
Antonsson, borgarstjóri.
Meginviðfangsefni þingsins er
hvemig verktakar geti í störfum
sínum tekið tillit til náttúrunnar og
umhverfisins. Ráðstefnudeild Sam-
vinnuferða-Landsýnar hefur annast
allan undirbúning og skipulagningu
þingsins.
Skrúfað frá vatni
og reynt að kveikja í
REYNT var að kveikja í íbúð við Seljabraut aðfaranótt 17. júní og
um leið var skrúfað frá vatni og vaskar íbúðarinnar stíflaðir. Fólk
í fjölbýlishúsi þessu vaknaði klukkan sjö að morgni við vatnsleka
úr íbúð á efri hæð. I ólæstri íbúðinni svaf eigandinn ölvunarsvefni,
að sögn lögreglu.
Skrúfað hafði verið frá vatni á
baðherbergi og í eldhúsi en tappar
settir í. Kveikt hafði verið á öllum
hellum eldavélar og þær settar á
fullan straum jafnframt því sem
ýmiskonar drasli hafði verið staflað
á hellurnar. Öryggi hafði hins vegar
slegið út rafmagni áður en eldur
braust út.
Ibúðareigandinn var að sögn lög-
reglu grunlaus um orsakir þessa
ástands en kvaðst ótryggður fyrir
skemmdum af þessu tagi.