Morgunblaðið - 19.06.1992, Blaðsíða 41

41
MORGUNBLAÐIÐ FÖSTUDAGUR 19. JÚNÍ 1992
minnihluta, ásamt Framsóknar-
flokknum. Þá gerðist það sem eng-
inn átti voii á fyrirfram. Samþykkt
var að leita eftir því að Björgvin
yrði áfram bæjarstjóri og hann
féllst á það. Ég fullyrði að það hefði
hann ekki gert nema af því að hann
treysti á að skynsemi og þekking
Björns yrðu kjölfesta í nýju sam-
starfi, sem og varð. Björn sat eftir
þetta í bæjarstjórn í tvö kjörtímabil
sem oddviti meirihlutans og var því
í tólf ár í Bæjarstjórn Kópavogs.
Það var slítandi starf, ekki síst fyr-
ir mann sem ekki gekk heill til skóg-
ar en vildi ávallt allra vanda leysa.
Það sýnir ennfremur traust manna
til Björns að eftir að núverandi
meirihluti sjálfstæðis- og framsókn-
armanna í Kópavogi tók við stjórn-
artaumunum var hann enn til
kvaddur að leysa erfið verkefni og
fórst það vel úr hendi eins og allt
annað.
Björn þjáðist af sykursýki og
þurfti því margs að gæta, en hrædd-
ur er ég um að á stundum hafi
kapp hans við störf orðið þess vald-
andi að hann hafi ekki farið nógu
vel með sig.
Fyrir allmörgum árum reistu þau
hjón sér sumarbústað í landi Múla-
kots á Síðu. Þeim stað unni Björn
öðrum fremur. Þar sagðist hann
ætla að eiga náðuga daga í ellinni,
og þangað fóru þau hjón oft til að
losna úr erli þéttbýlisins. Síðustu
ferðina þangað fór hann fyrir um
hálfum mánuði. Hann hafði fengið
vægt hjartaáfall í vor og beið eftir
frekari rannsókn. Fyrir austan tóku
veikindin sig upp aftur og hann var
fluttur á Borgarspítalann þar sem
hann lést.
Með Birni er genginn mikill
drengskaparmaður. Maður sem
hafði ákveðnar skoðanir en virti líka
skoðanir annarra. Maður sem var
harður í baráttu en samt hvers
manns hugljúfi, og naut trausts og
virðingar samferðamanna. Hann
lifir í minningu okkar sem þekktum
hann og störfuðum með honum.
Við hjónin sendum Huldu, börn-
um þeirra og aðstandendum öllum
innilegar samúðarkveðjur.
Magnús Bjarnfreðsson.
Kópavogur er ævintýri í íslensk-
um byggðamálum. Fátæku fólki var
vísað frá höfuðborginni, oftast
vegna þess að skoðanir og lífssýn
voru í ósamræmi við hið einlita
flokksræði meirihluta borgarstjórn-
ar. Þá héldu margir yfir Fossvogs-
dalinn. Fjölskyldur reistu hús á
holtinu og melunum, fyrst án mik-
ils skipulags, en smátt og smátt óx
blómleg byggð Kópavogs.
Á nokkrum áratugum varð bær-
inn verðugur keppinautur höfuð-
borgarinnar, næstur í stærðarröð
íslenskra kaupstaða. Það var kraft-
mikil forystusveit sem mótaði þessa
þróun, víðsýnir og stórhuga menn
sem litu á hin fjölmörgu vandamál
einungis sem nýtt ákall um farsæl-
ar lausnir.
Skólar og íþróttavellir, götur,
torg og brýr, verslanahverfi og iðn-
aðarsvæði, listasöfn og félagsheim-
ili, mannlíf og menning. Kópavogur
varð á mörgum sviðum sú fyrir-
mynd sem aðrir bæir tóku mið af
þegar rætt var um framfarir.
Björn Ólafsson verkfræðingur
var í fremstu sveit þeirra forystu-
manna sem báru ábyrgð á glæsi-
legri uppbyggingu bæjarins. Hann
var einróma valinn arftaki Finn-
boga Rúts Valdimarssonar og Ólafs
Jónssonar og stýrði öflugri fylkingu
Alþýðubandalagsmanna í Kópavogi
í röskan áratug. Það var vandasamt
að setjast í öndvegi bæjarstjórnar
þar sem Finnbogi Rútur og Olafur
höfðu setið með glæsibrag og við
mikinn orðstír, en Björn Ólafsson
bætti þriðja sigurkaflanum við sögu
Alþýðubandalagsins í Kópavogi.
Björn hafði forystu um fram-
kvæmdir sem færðu Kópavogi brag
nútímaborgar. Hann gerði umönn-
un og félagslega þjónustu að for-
gangsmáli og ætíð síðan hefur
Kópavogur verið fyrirmynd annarra
á þeim sviðum. Hann lagði mikla
áherslu á uppbyggingu íþróttaað-
stöðu sem veitt gæti æskufólki
Kópavogs möguleika á að þjálfa sig
til sigurs í fjölmörgum keppnis-
greinum. Hann mótaði hugmyndir
um æðri menntun í Kópavogi,
menntaskóla sem yxi í íjölþætta
miðstöð verkmenntunar í þágu at-
vinnuuppbyggingar og framfara.
Þótt Björn tæki sér hvíld frá
önnum bæjarstjórnar, sem oft
reyndu á þrek hans og heilsu, var
hugurinn áfram heitur þegar hags-
munir Kópavogs voru í húfi. Því
kynntist ég vel þegar hann kom oft
til fundar við mig í fjármálaráðu-
neytinu á síðasta kjörtímabili til að
leggja fram tillögur og hugmyndir
um nýbyggingar fýrir Menntaskól-
ann í Kópavogi. Þau mál höfðu lengi
verið í skúffum aðgerðarleysis og
lítils áhuga í ráðuneytum fjármála
og mennta. Það var fyrst og fremst
stórhugur, ákafi og einbeitni Björns
Ólafssonar sem komu því til leiðar
að við félagar hans, sem um hríð
veittum þessum ráðuneytum for-
stöðu, vorum reiðubúnir að glæða
byggingarmál Menntaskólans í
Kópavogi nýju lífi. Eftir margra ára
hlé hófust framkvæmdir á ný og
vorið 1991 var undirritaður samn:
ingur um byggingaráfanga næstu
ára. Þau hús eru nú tekin að rísa,
minnisvarðar um sókndjarfan for-
ystumann og góðan dreng sem
ávallt starfaði í þágu bæjarins og
átti fagra drauma um framtíð æsk-
unnar.
Á kveðjustund rifjast upp hve
glaður Björn var þegar æskufólk
Kópavogs fyllti sal Menntaskólans
til að fagna því að byggingarmál
skólans væru í höfn. Þá skein sól
úti en samt var hugur Björns heit-
ari af gleði.
Alþýðubandalagsmenn í Kópa-
vogi og Reykjaneskjördæmi kveðja
góðan vin og traustan félaga, for-
ystumann sem yið eigum mikið að
þakka. Þær voru margar stundirnar
þegar Bjöm Ólafsson færði mér
dýrmæt. ráð og skynsamlegar
ábendingar. Það var gott og gjöfult
að eiga hann að félaga og vini.
Fyrir fáeinum vikum hittum við
hjónin Björn á sjúkrahúsi, kátan
og hressan og í huga hans var til-
hlökkun vegna verkefna sem biðu.
Handtakið var traust, brosið fjör-
ugt, augun kát og kímnin í fyrir-
rúmi. Samt reyndist það síðasta
kveðjustund. Við færum fjölskyldu
Björns samúðarkveðjur. Minning-
ing mun lengi geyma orðstír góðs
drengs sem skilaði glæsilegu verki
í þágu samferðamanna og samborg-
ara.
Ólafur Ragnar Grímsson
Með Birni Ólafssyni er genginn
einn atkvæðamesti forystumaður á
sviði bæjarmála Kópavogs um langt
skeið. Um leið sjáum við Alþýðu-
bandalagsmenn á bak traustum
foringja og félaga, sem allt fram
til hinstu stundar vann að þeim
erfiðu verkefnum sem við fólum
honum til úrlausnar.
Kynni okkar Björns hófust haust-
ið 1979 þegar ég tók að mér út-
...... — • — ——1_

--■Is frP

JE X. . ±
Stórhöfða 17, vtð Gullinbrú,
síml 67 48 44
Macintosh fyrir byqendur
Grunnatriði Macintosh, Works - ritvinnsla, gagnasöfnun, teikning,
töflureiknir og stýrikerfi á 15 klst námskeiði fyrir byrjendur.
Tölvu-ogverkfræðiþjónustan
Verkfræðistofa Halldórs Kristjánssonar (fSl
Grensá^ve^i 16 • stofnuð 1. mars 1986 (£)'*
qP
gáfu á Kópavogi, málgagni Alþýðu-
bandalagsins í bænum. Þá sat Bjöm
í öndvegi bæjarráðs eins og svo
oft, bæði fyrr og síðar. Kom það
oftast í minn hlut að skrifa fréttir
og frásagnir úr bæjarstjórn og varð
samstarfið við Björn afar ánægju-
legt og gefandi. Sátum við oft lang-
ar stundir á verkfræðistofu hans í
Ármúlanum og urðu þær samræður
mér hinn besti skóli. Minnti Björn
mig einmitt á þá fyrirlestra eftir
að ég hafði verið valinn til að skipa
efsta sæti á lista Alþýðubandalags-
ins við síðustu byggðakosningar og
skaut því að mér í glettni að eitt-
hvað hefði sú uppfræðsla gert mér
gott. Fyrir hana vil ég þakka nú
og heita því að vinna bænum okkar
gagn í þeim anda sem hann gerði
á sínum tíma.
Björn Ólafsson var kjörinn í bæj-
arstjórn árið 1974. Eftir kosning-
arnar 1978 varð hann oddviti nýs
meirihluta og er á engan hallað
þótt fullyrt sé að énginn annar
bæjarfulltrúi á þeim tíma hafi mót-
að stefnuna af eins mikilli festu og
hann. Björn var ráðríkur með sterka
vitund um hæfileika sína á vett-
vangi stjómmálanna og hann nýtti
sér þá eiginleika til fulls. Undir
handaijaðri hans sem formanns
bæjarráðs og forseta bæjarstjórnar,
mótaðist félagsmálabærinn Kópa-
vogur og teknar voru mikilvægar
ákvarðanir í fjölmörgum framfara-
málum. í því sambandi hafði Bjöm
sérstakan áhuga á fræðslu- og fé-
lagsmálum en lét sig ekki síður
varða stjórnsýslu bæjarins og stefn-
umörkun um verklegar fram-
kvæmdir.
Björn kaus að hætta í bæjar-
stjórn fyrir kosningarnar 1986, eft-
ir 12 ára veru þar. Hafði hann á
orði að það væri hollt fyrir flokkinn
að fá inn nýtt blóð en um leið tæki-
færi fyrir hann sjálfan til að ein-
beita sér að verkfræðistörfunum
sem honum fannst að hefðu setið
á hakanum í önnum stjómmálaiína.
Því miður urðu árin hans á þeim
endumýjaða vettvangi allt of fá.
Þrátt fyrir að Bjöm Ólafsson
hætti í bæjarstjórn, hafði hann sem
fyrr brennandi áhuga á bæjarmál-
efnum Kópavogs. Sat hann m.a. í
stjórn verkamannabústaða á ámn-
um 1986-1990, en einmitt á þeim
ámm var lyft grettistaki í bygging-
um félagslegra íbúða. Man ég að
Björn þrýsti fast á okkur bæjarfull-
trúa þáverandi meirihluta að afla
aukins fjár til bygginganna og sagði
réttilega að þörfín fyrir húsnæði til
handa þeim sem minna mættu sín
væri ekki síður brýn nú en á ámm
áður.
Eins og áður sagði lét Björn
Ólafsson skólamál mjög til sín taka
og var hann í forsvari fyrir samn-
ingum sem gerðir vom snemma á
níunda áratugnum um uppbygg-
ingu grunn- og framhaldsskólanna
í Kópavogi. Hann var ötull baráttu-
maður fyrir eflingu Menntaskólans
í Kópavogi og barðist hart fyrir því
að hús yfír matvælagreinar iðn-
fræðslunnar og Hótel- og veitinga-
skólinn risi á lóð MK. Vann hann
að þessu máli allt til dauðadags sem
fulltrúi bæjarstjórnar Kópavogs í
bygginganefnd skólans. Sýndi sú
skipan hans í það embætti hversu
mikils trausts Bjöm Ólafsson naut,
langt út fyrir flokkspólitísk mörk.
Draumar hans um öflugt musteri
þessarra æðstu menntastofnunar
Kópavogs voru einmitt teknir að
rætast þegar kallið kom hinn 12.
júní sl. - allt of snemma.
í persónulegu lífi kynntist ég
Birni ekki mjög náið. Ég veit hins
vegar að hann var traustur félagi
og að margir munu sakna vinar í
stað. Ég tel mig einn þeirra. Að
leiðarlokum vil ég þakka Birni
Ólafssyni hollráð og persónulega
velvild í minn garð en þó miklu
fremur fyrir það óeigingjarna starf
sem hann vann í þágu Alþýðuband-
alagsins og bæjarbúa allra. Ég
votta Huldu og fjölskyldu hennar
mína innilegustu samúð.
Valþór Hlöðversson
Fleirí greinar um Björn Ólafs-
son bíða birtingar og verða
birtar í blaðinu næstu daga.
Storno
Verö frá kr. 79.580
stgr. m. vsk. (tilbúinn í bílinn)
Verð i mat 1992
Toktu engo dhsttu
ó ferðolögutn
og hofðu farsímann
með
Söludeildir í Ármúla 27, Kirkjustræti, Kringlunni
og á póst- og símstöðvum um land allt.
PÓSTUR OG SÍMI
Viö spörum þér sporin
Storno farsíminn tryggir þér gott
samband við umheiminn þegar þú ert á
ferðalagi, hvort sem þú ert í óbyggðum,
sumarbústaðnum eða bara í umferðinni.