Morgunblaðið - 30.06.1992, Blaðsíða 21

MORGUNBLAÐIÐ ÞRIÐJUDAGUR 30. JÚNÍ 1992
21
Gorbatsjov
segir
ástandið
liættulegt
MÍKHAÍL Gorbatsjov, fyrrum
Sovétforseti, sagði í viðtali við
samveldissjónvarpið á sunnu-
dag að hann teldi ástandið í
Rússlandi nú vera gífurlega
alvarlegt og jafnvel stórhættu-
legt. „Eg held að málum sé
svona komið vegna þess að al-
varleg mistök hafa átt sér stað
við stefnumörkun og ekki síst
við framkvæmd efnahagsum-
bótanna," sagði Gorbatsjov.
Hann bætti því við að hann
teldi að leggja bæri sérstaka
áherslu á einkavæðingu. Um
þjóðerniseijur innan samveldis-
ins sagði Gorbatsjov að þróunin
í átt að sjálfstæði lýðveldanna
væri óstöðvandi. Hins vegar
teldi hann að enn væri hægt
að grípa í taumana og móta
samveldið þannig að það yrði
uppbyggt á svipaðan hátt og
Evrópubandalagið nú.
Lík Exxon-
forstjóra
finnst
LÍK Sidney Resos, forstjóra
Exxon International, stærsta
dótturfyrirtækis Exxon-olíu-
fyrirtækisins, fannst í skógi í
suðurhluta New Jersey á laug-
ardagskvöld. Reso, sem var 57
ár gamall, hafði verið rænt af
heimili sínu fyrir tveimur mán-
uðum. Fyrrum öryggisvörður
hjá fyrirtækinu og eiginkona
hans voru handtekin fyrir
nokkru vegna málsins og hafa
verið lagðar fram ákærur á
hendur þeim.
Harðlínu-
menn skipaðir
í embætti
TVEIR harðlínumenn hafa ver-
ið skipaðir í há embætti innan
rússneska hersins. Annars veg-
ar hefur Alexander Lebed verið
skipaður yfírmaður rússneska
hersins í Moldovu og hins vegar
hefur Borís Gromov tekið við
embætti sem aðstoðarvarnar-
málaráðherra Rússlands. Þeir
eru báðir harðir þjóðemissinnar
og er talið líklegt að þetta sé
tákn um að rússneski herinn
(áður Rauði herinn), sem er enn
í öllum lýðveldum Samveldis
sjálfstæðra ríkja, muni láta til
sín taka í auknum mæli í þjóð-
ernisátökum. Þannig lét Lebed
hafa það eftir sér í viðtali að
herinn myndi ekki sitja aðgerð-
arlaus og horfa upp á annað
„þjóðarmorð“ líkt og það sem
átt hefði sér stað í Moldovu
19.-22. júní sl.
Franskur bær
hafnar inn-
flytjendum
ÍBÚAR franska smábæjarins
Hautmont greiddu á sunnudag
atkvæði um tillögu borgar-
stjóra bæjarins þess efnis að
komið yrði í veg fyrir að fleiri
innflytjendur myndu setjast þar
að. Alls voru 87% þeirra sem
greiddu atkvæði fyigjandi til-
lögunni. Hautmont, sem er í
grennd við belgísku landamær-
in, hefur átt við mjög erfitt
efnahagsástand að stríða und-
anfarin ár og eru 30% atvinnu-
færra manna í bænum atvinnu-
laus sem stendur. Innflytjend-
ur, flestir af norður-afrískum
uppruna, eru 18% íbúa þessa
17 þúsund manna bæjarfélags.
Maastricht og fjárhagsáætlun
ganga fyrir aðildarviðræðum
Brussel. Frá Kristófer M. Kristinssyni, fréttaritara Morgunblaðsins.
LEIÐTOGAR Evrópubandalags-
ins ítrekuðu á fundi sínum í
Lissabon fyrir helgina nauðsyn
þess að Maastricht-samkomulag-
ið verði staðfest áður en kemur
til formlegra viðræðna við ný
aðildarríki að bandalaginu.
í yfírlýsingu fundarins segir
jafnframt að ekki verði gengið til
neinna aðildarsamninga fyrr en ný
fimm ára fjárhagsáætlun EB liggi
fyrir. John Major, forsætisráðherra
Bretlands, sem tekur við forsæti í
ráðherraráðinu um mánaðamótin,
sagði að beðið yrði eftir viðbrögðum
dönsku stjórnarinnar við úrslitum
þjóðaratkvæðagreiðslunnar þar í
landi 2. júní. Poul Schluter, forsæt-
isráðherra Danmerkur, sagði hins
vegar að Danir biðu eftir því hvern-
ig Bretar og Frakkar afgreiddu
Maastricht-samkomulagið. Sam-
kvæmt niðurstöðum leiðtogafund-
arins verða Danir að gera upp við
sig í nánustu framtíð hvort þeir
vilja vera með í EB eða ekki.
í yfirlýsingu sem birt var að lokn-
um leiðtogafundinum í Lissabon á
laugardag er lögð áhersla á þann
ásetning allra aðildarríkjanna, utan
Danmerkur, að staðfesta Maastric-
ht-samkomulagið eins og ekkert
hafi í skorist.
Á fundinum tóku leiðtogarnir af
allan vafa um nauðsynlegar for-
sendur þess að viðræður við ný
aðildarríki gætu hafíst. Þó svo að
Bretar hafi heimild til að hefja nú
þegar könnunarviðræður við þau
aðildarríki Fríverslunarbandalags
Evrópu (EFTA) sem þegar hafa
sótt um aðild að EB (Svíþjóð, Finn-
land, Austurríki og Svissland) heíj-
ast formlegar aðildarviðræður við
þessi ríki ekki fýrr en EB hefur
leyst innri vandamál sín. Það er
annars vegar staðfesting Maastric-
ht-samkomulagsins og hins vegar
afgreiðsla fjárhagsáætlunar banda-
lagsins fyrir árin 1993-1997. Sam-
kvæmt tillögum framkvæmda-
stjómarinnar eiga framlög aðildar-
ríkjanna í heild að hækka um þriðj-
ung og sérstökum sjóði komið á fót
til að styrkja atvinnulíf og bæta lífs-
kjör í fátækari aðildarríkjunum.
Gert er ráð fyrir að til kjarajöfnun-
ar innan EB fari rúmlega helming-
ur þeirrar hækkunar sem fram-
kvæmdastjórnin leggur til. Ríkin í
norðurhluta bandalagsins hafa ver-
ið treg að samþykkja þessa hækkun
en væntanlegir þiggjendur styrkj-
anna, Portúgal, Grikkland og írland
með Spán í broddi fylkingar, setja
þessar nýju áherslur á efnahagsleg-
an jöfnuð sem skilyrði fyrir aðild
nýrra ríkja að EB. Reiknað er með
því að afgreiða íjárhagsáætlunina
á leiðtogafundi í Edinborg í desem-
ber.
Eina afdráttarlausa ákvörðunin
sem leiðtogarnir tóku var að endur-
ráða Jacques Delors sem forseta
framkvæmdastjórnarinnar næsta
kjörtímabil, en kjörtímabii forsetans
er tvö ár. Aðrir meðlimir fram-
kvæmdastjómarinnar verða valdir
á leiðtogafundinum í Edinborg og
ræðst þá af afdrifum Maastricht-
samkomulagsins hvort kjörtímabil
þeirra verður tvö ár eða fjögur.
A
Ovænt heimsókn Frakklandsforseta til Sarajevo:
Flestir lofa þor Mitterrands
Reuter
Gæsluliðar Sameinuðu þjóðanna koma þyrlu
föruneytis Mitterrands í slyól eftir að hún hafði
laskast í skotárás múslima á flugvöllinn. I bak-
sýn til vinstri sést skriðdreki serbneskra sveita
í Ijósum logum.
London, Sar^jevo. Reuter.
EVRÓPSKIR stjórnmálamenn
lofuðu í gær óvænta ferð Franco-
is Mitterrands Frakklandsfor-
seta til Sarajevo á sunnudag og
sögðu hana bera vott um hug-
rekki og mannúð. Margir ýjuðu
þó að þvi að ferðin hefði verið
farin fyrst og fremst til að hressa
upp á fölnandi ímynd hins 75 ára
gamla forseta heima fyrir og til
að stela senunni af öðrum evr-
ópskum leiðtogum, sem hafí ver-
ið látnir vita af henni með litlum
eða engum fyrirvara.
Mitterrand fór óvænt af leiðtoga-
fundi Evrópubandalagsins í Lissa-
bon á sunnudag og flaug til
Sarajevo, þar sem harðir bardagar
höfðu geisað í Dobrinja-hverfinu í
nágrenni flugvallarins. Gæslulið
Sameinuðu þjóðanna tók á móti
honum og ók honum inn í borgina
í brynvarinni bifreið. Mitterrand
hitti forseta Bosníu-Herzegovínu,
Alija Izetbegovic, að máli og kynnti
sér ástandið í borginni.
Þegar forsetinn ætlaði burt úr
Sarajevo eftir sex stunda heimsókn
braust út skothríð á flugvellinum.
Mitterrand og föruneyti hans leit-
uðu skjóls 200 metrum frá serb-
neskum skriðdreka sem skaut á
sveitir múslima, en þær náðu að
særa sex Serba og löskuðu einnig
þyrlu sem aðstoðarmenn Mitterr-
ands komu í. Mitterrand fór með
annarri þyrlu frá
Split í Króatíu, en
þaðan flaug hann í
einkaþotu sinni heim
'til Parísar.
Helmut Kohl,
kanslari Þýskalands,
lofaði ferð Mitterr-
ands til Sarajevo og
sagði að hann hefði
verið látinn vita af
ferðinni fyrirfram.
Douglas Hurd, utan-
ríkisráðherra Bret-
lands, sagði að hinn
roskni forseti hefði
sýnt hugrekki til að
varpa ljósi á þján-
ingar fólks og slíkt
væri virðingarvert.
Hins vegar lét utan-
ríkisráðherra Belgíu, Jean-Luc De-
haene, í ljós nokkra óánægju og
sagði að þó að forsetinn hefði sýnt
mikið hugrekki væru aðgerðir sem
ákveðnar væru sameiginlega meira
virði en „það sem mætti kalla per-
sónulegan sigur án áþreifanlegs
árangurs."
OPIl) I ALLT
SUHAR f
SIJIHJRVLUI

SUMARKORT -frjáls mætinc
Sumarkort býður upp á frjálsa mætingu,
eins oft og þú vilt innan þeirrar
tímalengdar og á þeim tímum dags sem
þú sjálf velur. Þetta er nýjung hjá okkur
og vonumst við til þess að hún eigi eftir
að þjóna þér vel.
4 eða 8 VIKUR
fyrir konur á öllum aldri.
Kortin gilda í 4 eða 8 vikur.
5 daga vikunnar getur þú mætt eins oft
og þú vilt.
Ljósatímar fylgja fyrir þær sem vilja.
Barnapössun fyrir hádegi.
SVONA FERÐ ÞÚ AÐ:
Þú kemur eða hringir í síma 813730 og
pantar kort;
Gutt kort fyrir morguntíma.
Grænt kort fyrir síðdegistíma.
Rautt kort fyrir kvöldtíma.
SUÐURVERI - HRAUNBERGI 4