Morgunblaðið - 13.08.1992, Blaðsíða 2

MORGUNBLAÐIÐ FIMMTUDAGUR 13. ÁGÚST 1992
Arnarfjörður:
Mokveiði
á þorski í
dragnót
Bíldudal.
MOKVEIÐI hefur verið undan-
farnar vikur á þorski í dragnót
í Arnarfirði. Dragnótarbátar
fiska frá 4 upp í 7 tonn yfir dag-
inn og sumir 5 tonn yfir nóttina.
Þorskurinn er mjög góður, að
sögn Sindra Más Björnssonar skip-
stjóra á Hallgrími Ottóssyni BA.
Sindri segist ekki muna eftir öðru
eins fiskeríi í firðinum. Nokkrir
bátar eru á svæðinu, m.a. Ýmir BA,
sem er í eigu sömu aðila og eiga
Hallgrím Ottósson. Á sex dögum
er Hallgrímur búinn_ að físka 27
tonn af þorski og Ýmir eitthvað
svipað. Þeir landa aflanum til Út-
gerðarfélags Bílddælinga hf. Tog-
arinn Sölvi Bjamason BA var kom-
inn með 25 tonn eftir sex daga
veiði sem er mjög lélegt og var
væntanlegur inn um helgina.
R. Schmidt
Gatnamót Vesturlandsvegar og Stuðlaháls
Slökkviliðsmenn vinna við að ná ökumanninum úr stórskemmdum bílnum.
Morgunblaðið/Ingvar
Tvö slys á sama stað
á skömmum tíma
MAÐUR var fluttur á sjúkrahús til rannsóknar eftir harðan
árekstur tveggja bíla á Vesturlandsvegi við gatnamót Stuðlaháls.
Tvö slys urðu á þessum sama vegarkafla á skömmum tíma.
Maðurinn, sem fluttur var á
sjúkrahús, ók öðrum bílnum en
farþega hans og ökumann hins
bílsins sakaði ekki. Kalla þurfti
til tækjabíl slökkviliðsins að losa
manninn úr stórskemmdum bíln-
um. Hann var fluttur á slysadeild
Borgarspítalans og reyndust
meiðsli hans minni en talið var í
fyrstu, að sögn lögreglu.
Vegna slyss þessa stöðvaðist
umferð um Vesturlandsveg um
hríð en skömmu eftir að umferð
var aftur hleypt á varð annað slys
á svipuðum slóðum. Þar lentu
þrír bílar í aftanákeyrslu og var
kallað á sjúkrabíl þar sem óttast
var að 4 mánaða bam sem sat í
barnastól í einum bílnum hefði
slasast. Að sögn lögreglu reyndist
það hins vegar lítið meitt.
Miðinn
hjá SVR
í 100 kr.
NÝ gjaldskrá SVR gengnr í gildi
15. ágúst. Sama dag héfst sala
grænna korta í samstarfi við Al-
menningsvagna bs. sem þá hefja
akstur. Handhafi græna kortsins
ferðast ótakmarkað um höfuð-
borgarsvæðið í 30 daga.
Samkvæmt nýju gjaldskránni
hækka einstök fargjöld fullorðinna
úr 70 kr. í 100 kr. Farmiðaspjöld
með 5 miðum kosta 500 kr., farmiða-
spjöld með 10 miðum kosta 900 kr.,
farmiðaspjöld aldraðra og öryrkja
með 20 miðum kosta 500 kr. eins
o g áður og græna kortið kostar 2.900
kr. Fargjöld barna hækka ekki. Ein-
stök fargjöld kosta 25 kr. og farmiða-
spjöld með 22 miðum 300 kr.
Græna kortið kostar 2000 kr. til
15. september.
----♦ ♦ ♦--
Bakhús við
Vailarstræti
tekin niður
BORGARRÁÐ hefur einróma sam-
þykkt að heimila niðurrif bakbygg-
inga við Hótel Vík á Vallarstræti 4.
Þeir húshlutar sem rifnir verða eru
416 fermetrar eða 1.066 rúmmetrar
að stærð. Gert var samkomulag við
eigendur Hótel Víkur um að þeir
geti nýtt þá fermetra og rúmmetra
sem rifnir verða til greiðslu gatna-
gerðar- og bílastæðagjalda verði síð-
ar byggð nýbygging á lóðinni.
Morgunblaðið/EG
Fyrsta verk
Atlantsáls
er hafið
Vogum Vatnsleysuströnd.
FYRSTA verk sem Atlantsál
stendur fyrir vegna fyrirhugaðs
álvers á Keilisnesi á Vatns-
leysuströnd er hafíð. Að sögn
Vilbergs Þórs Jónssonar hjá
Virki sf. í Vojrum, sem sér um
framkvæmdirnar, verða byggð
5 lítil hús, sem verða flutt inn
á Vatnsleysuströnd, og notuð í
sambandi við mengunarrann-
sóknir á staðnum vegna fyrir-
hugaðra álversframkvæmda.
EG.
Nýnemum fækkar um
2-300 í Háskóla íslands
SVEINBJÖRN Bjömsson háskólarektor telur að á milli 250-300 færri
nýnemar skrái sig til náms í Háskóla íslands skólaárið 1992-1993.
Hann segir að ekkert verði ákveðið um niðurfellingu námskeiða á
Háskólaráðsfundi í dag, en hins vegar verði þau mál rædd.
„Ég held að það stefni í að nýnem-
ar verði 200-300 færri nú en á sama
tíma i fyrra, sem þýðir að nýnemar
verða um 1.700 í stað um 2.000 í
fyrra,“ sagði Sveinbjöm. Hann sagði
að 20. ágúst yrði tekin ákvörðun um
umsóknir 125 stúdenta, sem sótt
hefðu um skólavist of seint. „Sú
ákvörðun ætti að vera byggð á því
að við tækjum við nýnemum í þær
greinar þar sem það veldur ekki veru-
legum aukakostnaði. Annars verðum
við að láta viðkomandi deild meta
það hvort hún treysti sér til þess að
taka við fleiri nemendum," sagði
Sveinbjörn.
Hann sagði að á fundi Háskóla-
ráðs í dag yrði engin ákvörðun tekin
um niðurfellingu námskeiða. „Það
sem fyrst og fremst verður gert í
dag er að fá fram hjá deildum hvaða
afleiðingar það mun hafa ef þær
fara ekki fram úr fjárlögum. Ég á
ekki von á því að það verði auðvelt
viðureignar að sjá fram úr því. Við
höfum deilt peningunum þannig út
að enginn á að búa við meiri skerð-
ingu en 10% yfir árið. Það voru hins
vegar fæstir sem gátu nokkuð sparað
á vormisseri vegna þess að þá var
búið að ráða menn til kennslu og
ákveða hvað ætti að kenna. í reynd
kemur niðurskurðurinn nú því út sem
20% hjá mörgum kennslueiningum á
haustmisserinu," sagði Sveinbjörn.
Aðspurður um hugsanlega niður-
fellingu námsbrauta sagði Svein-
björn: „Fjöldatakmörkun sparar
mest, ef hægt er að loka einhverri
ákveðinni námsbraut. Það er ekki
búið að ræða neitt um það, en það
yrði væntanlega mál sem hver deild
skoðaði. Þetta er nokkuð sem verður
rætt fyrir næsta skólaár, en slík
ákvörðun hefur áhrif í mörg ár.“
Sjá ennfremur miðopnu.
Geitungar hafa nú numið land í öllum landshlutum
Geitungabú
í örum vexti
BÚ GEITUNGA eru í örum vexti þessa dagana
en geitungabú eru nú í öllum landshlutum.
Sérfræðingar Náttúrufræðistofnunar íslands
segja að best sé að leiða návist geitunganna
hjá sér ef fólk rekst á bú þeirra.
Að sögn Erlings Ólafssonar hjá Náttúrufræði-
stofnun Islands vaxa bú geitunga hröðum skrefum
þessa dagana. Erlingur sagði að kuldakastið í
sumar hefði haft áhrif á geitunga og aðrar tegund-
ir sem hafa numið hér land undanfarin ár. Kuida-
kastið hefði tafíð framgang þeirra en ekki eytt
þeim. Erlingur sagði að geitungabú væri að finna
í öllum landshlutum eða um sunnanvert Vestur-
land, Suðurland, Austurland og austanvert Norður-
land.
Hann sagði að þroski búanna væri ósköp eðlileg-
ur miðað við árstíma og íslenskar aðstæður. Ekki
væri hægt að miða við ástandið í fyrra því að þá
hefði þroski búanna verið mánuði á undan áætlun.
Erlingur sagði að vöxtur geitungabúanna næði
hámarki upp úr miðjum ágúst og fram eftir mán-
uðinum, en búin gætu verið í gangi fram að fyrstu
næturfrostum í haust.
Aðspurður um breytingar hjá öðrum skordýrum
vegna kuldakastsins og mikils fjölda fíðrilda sem
sjást nú víða sagði Erlingur að hann hefði ekki
tekið eftir marktækum breytingum í skordýrarík-
inu vegna kuldakastsins. Hann sagði að reyndar
væri töluvert af fiðrildum en það væru ætíð mikl-
ar sveiflur hjá fiðrildategundum milli ára vegna
flókins samspils ótal náttúruþátta.
Skipaflutningar fyrir Grænlendinga:
Tilboði Eimskipa
hafnað og samið
við danskt félag
HEIMASTJÓRNIN á Grænlandi hefur hafnað tilboði Eimskipa um að
annast vöruflutninga til og frá Grænlandi og innan Grænlands. í stað-
inn var samið við danska fyrirtækið J. Lauritzen A/S.
Eftir því sem segir í frétt frá Eim-
skipum setti fyrirtækið fram hug-
myndir um að stofnað yrði hlutafé-
lag, 60% þess yrði í eigu Eimskipa
og 40% í eigu Grænlendinga. Hlutafé
hefði átt að verða um 1,2 milljarðar
króna. „Lagði Eimskip fram tillögur
um heildarrekstur hins nýja félags,
um uppbyggingu stærstu hafna í
Grænlandi, mönnun og fjárhagsáætl-
anir til lengri tíma, svo dæmi séu
nefnd," segir í tilkynningunni.
Flutningar til og frá Grænlandi
nema árlega um 200.000 tonnum.
Það hefði markað tímamót ef heima-
stjórnin hefði valið Eimskip til sam-
starfs um verkefnið og þar með í
fyrsta sinn valið fyrirtæki utan Dan-
merkur til samstarfs um verkefni af
þessari stærð á Grænlandi.
I' orsvarsmenn Eimskipa segja að
ánægjulegt samstarf hafí verið við
Grænlendinga varðandi tilboðið og
Eimskip hafí áfram áhuga á sam-
starfí við grænlenska viðskiptaaðila
hér á landi eða erlendis.