Morgunblaðið - 13.08.1992, Blaðsíða 20
20
MORGUNBLAÐIÐ FIMMTUDAGUR 13. ÁGÚST 1992
Hluthafafundur í íslenska útarpsfélaginu hf.:
Samþykkt að selja um 7% til
Sigurjóns Sighvatssonar
HLUTHAFAFUNDUR í íslenska útvarpsfélaginu hf. samþykkti mót-
atkvæðalaust í ga;r að selja eigið hlutafé félagsins, að nafnvirði um
38 milljónir kr., sem er tæplega 7% af heildarhlutafé félagsins, til fyrir-
tækisins Overt Operations Inc., sem er í eigu Siguijóns Sighvatssonar
kvikmyndaframleiðanda í Bandaríkjunum. Bréfin eru seld á sölugeng-
inu 1,6. og söluverð því tæplega 70 millj. kr.
Tilboð Siguijóns barst fyrst á
stjómarfundi í ísl. útvarpsfélaginu
30. júlí en var vísað til hluthafafund-
ar 12. ágúst fyrir tilstuðlan minni-
hluta stjómarinnar. Á hluthafafund-
inum í gær kom fram staðfesting frá
lögmanni Siguijóns, Óskari Magnús-
syni, að Overt Operations Inc. vildi
halda við tilboð sitt þrátt fyrir að
frestur sá sem upphaflega var gefínn
hafí verið mnninn út. Fulltrúar fyrir
90,5% hlutafjár í íslenska útvarpsfé-
laginu sátu hluthafafundinn í gær.
Jóhann J. Ólafsson stjómarfor-
maður fsl. útvarpsfélagsins sagði á
fundinum að tilboðið hafí komið fram
þegar deilur voru uppi á milli hlut-
hafa en þær hefðu nú verið farsæl-
lega verið til lykta leiddar.
Ríkisverðbréf:
Nafnávöxt-
un hefur
lækkað á
bréfunum
ÞJÓNUSTUMIÐSTÖÐ ríkisverð-
bréfa hefur tekið tilboðum í bréf
að nafnvirði 1.600 milljónir króna
frá því útboð fóru af stað þann
10. júní sl. Alls hafa borist tilboð
í bréf að upphæð um 3 milljarðar
króna. Meðalnafnávöxtun hefur
farið lækkandi á þessum bréfum
eða úr 11,49% í fyrsta útboðinu
niður í 11,08% í þvi síðasta sem
var um síðustu mánaðamót.
Pétur Kristjánsson framkvæmda-
stjóri þjónustumiðstöðvarinnar segir
að sú lækkun sem orðið hefur á
meðalávöxtun á þessum bréfum á
þeim 50 dögum sem liðnir eru frá
því útboð hófust sýni að fjármagns-
markaðurinn hafí trú á að verðlag
haldist stöðugt hérlendis næstu sex
mánuðina.
Ríkisverðbréf eru til sex mánaða
og eru að upphæð 2, 10 eða 50 millj-
ónir króna hvert. „Það að vextir
hafa lækkað á þessum bréfum að
undanfömu, eða frá því útboð hó-
fust, sýnir að fjármagnsmarkaðurinn
telur að dregið hafí úr áhættunni við
kaup á þeim og metur ástandið svo
að verðlagsþróun verði stöðug hér-
lendis, að minnsta kosti næstu sex
mánuðina,“ segir Pétur. Næsta útboð
á ríkisverðbréfum verður þann 26.
ágúst.
Við endurskoðað uppgjör í apríl
sl. var bókhaldsleg eiginfjárstaða
íslenska útvarpsfélagsins neikvæð
um 140 milljónir en eftir söluna til
Overt Operations Inc. er eiginíjár-
staða félagsins neikvæð um rúmar
70 milljónir kr. Jóhann sagði að með
tilboði sínu mæti kaupandinn stöðu
félagsins jákvæða um 750 milljónir
króna, þar sem í verðinu kæmi m.a.
fram mat hans á viðskiptavild og
dreifíkerfí félagsins og öðrum duld-
um eignum.
„Við gerðum ráð fyrir að eiginfjár-
staðan yrði neikvæð um 12,5 millj.
um næstu áramót en þessi sala gerir
það að verkum að við verðum örugg-
lega með jákvæða bókhaldslega eig-
infjárstöðu, hugsanlega um 60 milij-
ónir króna,“ sagði Jóhann.
í tilboði Siguijóns er gert ráð fyr-
ir að kaupverð greiðist þannig að 15%
tilboðsfjárhæðar greiðist 18. ágúst
en eftirstöðar verði með skuldabréfi
til tíu ára og breytist eftir lánskjara-
vísitölu og beri 5% fasta vexti. Greitt
verði af skuldabréfínu árlega og til
tryggingar greiðslu verði sjálfskuld-
arábyrgð Siguijóns Sighvatssonar
eða aðrar tryggingar sem stjóm ísl.
útvarpsfélagsins samþykkir.
Jóhann Oli Guðmundsson varafor-
maður stjórnar félagsins sagðist í
samtali við Morgunblaðið vera
ánægður með að samkomulag hefði
náðst um mjög alvarleg ágreinings-
efni innan Fjölmiðlunar sf. en áhrif
þeirra hefðu leitt inn í fleiri félög.
„íslenska útvarpsfélagið hefur goldið
fyrir vikið en nú hafa deiluaðilar náð
samkomulagi og persónulega hlýt ég
að vera mjög ánægður.“
Um söluna til Overt Operations
Inc. sagði Jóhann Óli að Siguijón
Sighvatsson hefði skapað sér mjög
gott orð sem fagmaður á sínu sviði
erlendis og auk þess væri hér um
mjög fjárhagslega öflugan aðila að
ræða með víðtæk sambönd, sem
ættu án efa eftir að skila félaginu
mikilvægum viðskiptasamböndum.
Jóhann Óli var spurður hver hann
teldi að yrðu áhrif samkomulagsins
innan Fjölmiðlunar sf. og af sölu
hlutabréfa í Útvarpsfélaginu til Sig-
uijóns á þá valdabaráttu sem staðið
hefur í kringum Stöð 2. „Þegar talað
er um blokkamyndun hefur það ver-
ið þannig, að menn hafa rekist fyrir
mismunandi sjónarmiðum til ólíkra
mála og þar með talið sig hafa mis-
munandi hagsmuni að veija. Fyrir
mér hefur þetta alltaf verið afar ein-
falt. íslenska útvarpsfélagið þarf að
geta starfað í þjóðfélaginu sem fyrir-
tæki og sem fjölmiðill og menn mega
ekki gleyma að það er almennings-
hlutafélag. Ég tel að ekki þurfí að
vera nokkur grundvöllur fyrir
blokkamyndun innan þess félags.
Farsæld fyrirtækisins hlýtur að vera
meginmarkmiðið en ég verð að játa
að til þess viðhorfs hafa verið skiptar
skoðanir. Mér sýnist að með tilvísun
til þess samkomulags sem hefur
náðst á milli þessara hópa hafí menn
í stórum dráttum fallist á þetta
grundvallarsjónarmið," svaraði
hann.
Kápa sýningarskrárinnar.
Sotheby’s í London:
Islensk frímerki á
kápu sýningarskrár
FÁGÆT íslensk frímerki frá Alþingishátiðinni 1930 verða boðinn
upp hjá Sotheby’s uppboðsfyrirtækinu í London 10. september næst-
komandi. í tilefni af uppboðinu, þar sem verðmæt frímerki frá
mörgum löndum verða boðin upp, hefur fyrirtækið gefið út sýningar-
skrá og er mynd af íslensku frímerlgunum, sem gefin voru út í til-
efni af Alþingishátíðinni 1930, á kápunni.
Um er að ræða 49 síðna bók
með frímerkjunum þar sem saga
útgáfu þeirra er jafnframt rakin.
Frímerkin voru gefín út til að minn-
ast þess að 1.000 ár voru liðin frá
því að Alþingi var stofnað. Þeir sem
áttu sæti í hátíðamefndinni fengu
eitt eintak hennar og auk þess
helstu ráðamenn landsins. Bókin
er metin á 5-6 þúsund sterlings-
pund, eða 520-625 þúsund ÍSK.
Þá verður boðið upp eitt einstakt
frímerki frá árinu 1873 sem metið
er á 100-150 pund. Loks verður
boðið upp lítið safn íslenskra frí-
merkja frá árunum 1873-1940.
Safnið er metið á 1.800-2.200
pund, 187-229 þúsund ÍSK.
„Ég lít á þetta sem mikinn heið-
ur fyrir ísland og íslenska frí-
merkjasafnara og góða landkynn-
ingu,“ sagði Sigríður Ingvarsdóttir,
fulltrúi Sotheby’s á íslandi.
EES á Alþingi:
Óvíst hvort samkomlag um af-
greiðslu EES-samnings haldi
FORYSTUMENN stjórnarandstöðuflokkanna hittu Davíð Oddsson
forsætisráðherra og Jón Baldvin Hannibalsson utanríkisráðherra að
máli í gærmorgun til að ræða um meðferð EES samningsins á Al-
þingi í framhaldi af bréfi þvi sem þeir sendu forsætisráðherra í
fyrradag. Davíð Oddsson forsætisráðherra sagði ekki hafa skilið
málafylgu forystumanna stjórnarandstöðunnar þannig að þeir ætluðu
sér að hlaupa frá samkomulaginu sem gert var í vor. Enda hefðu
menn að vonum miklar áhyggjur af því hvar það myndi enda ef það
gerðist að skriflegt samkomulag um málsmeðferð sem væri gert
milli flokka yrði brotið.
Forsætisráðherra sagði að menn
hefðu rætt málin, farið yfir sam-
komulagið og gert grein fyrir sínum
sjónarmiðum. Hann og Jón Baldvin
Hannbalsson utanríkisráðherra
mætu það svo ríkisstjórnin hefði
hvergi brugðist samkomulaginu,
það sem menn gætu helst tæpt á
væri það að viðmiðunarstundaskrá
um hvernær frumvörp kæmu fram
Þriggja daga afmælishátíð
Kringlunnar byrjar í dag
Tónleikar og tískusýningar meðal atríða í tilefni 5 ára afmælisins
MIKIÐ verður um dýrðir í
Kringlunni í dag og næstu tvo
daga í tilefni af 5 ára afmæli
verslunarmiðstöðvarinnar.
Meðal dagskrárliða hátíðardag-
ana þrjá má nefna upplestur,
myndlistarsýningu fimm ára
barna, tónlistarflutning og
tískusýningu.
Af nokkrum dagskrárliðum má
nefna útitónleika Skífunnar milli
kl. 16.30 og 19 í dag. Koma þar
fram hljómsveitimar Síðan skein
sól, Silfurtónar, In memoriam,
Strigaskór nr. 42 og Sororicide. Á
morgun munu síðan Iclandic Mod-
els sýna hausttískuna 1992. Jan-
framt fer fram hárgreiðslusýning.
Á laugardaginn munu síðan hljóm-
sveitirnar Júpíters og Exizt láta í
sér heyra en sama dag verður leit-
að að nýjum fyrirsætum í Kringl-
unni.
Af öðrum áhugaverðum atrið-
um má nefna upplestur úr verð-
launabarnabókinni Benjamín dúfu,
harmonikkuleik Karls Jónatans-
sonar og tónleika Sinfóníuhljóm-
sveitar æskunnar. Á torginu milli
Kringlunnar og Borgarkringlunn-
ar verða Ieiktæki fyrir böm en
sjálf verslanamiðstöðin verður
skreytt með viðeigandi hætti með-
an á afmæh'nu stendur.
hefði ekki staðist varðandi nokkur
frumvörp. Varðandi stjórnarskrár-
þátt málsins sagði forsætisráðherra
að engu öðru hefði verið lofað en
því að álit sérfróðra manna um
hvort samningurinn bryti í bága við
stjórnarskránna yrði tilbúið um
mánaðarmótin júní/júlí og það hefði
gengið eftir. Aðrir sérfræðingar
hefðu síðar skilað álitum. Væri það
í sjálfu sér ágætt að hafa rök bæði
með og móti en það breyti ekki
afgreiðslu málsins.
I herbúðum stjómarandstæðinga
hefur mjög verið rætt um að leggja
fram frumvarp til breytinga á
stjórnarskrá til að fyrirbyggja alla
stjórnskipulega óvissu um EES.
Aðspurður sagði forsætisráðherra
ekkert athugunarvert við það að
efasemdarmenn legðu slíkt frum-
varp fram en sig undraði að flokkar
sem unnið hefðu að EES-málinu í
eitt og hálft ár hefðu þá ekki undir-
búið slíka stjómarskrárbreytingu
fyrir síðustu kosningar.
Kristín Ástgeirsdóttir formaður
þingflokks Samtaka um Kvenna-
lista sagðist ekki geta sagt að þessi
fundur hefði verið árangursríkur.
Það væri ljóst að mikil skoðanamun-
ur væri umstöðu þessa máls. Ríkis-
stjórnin teldi sig hafa staðið við það
samkomulag sem gert var í vor.
En forystumenn stjórnarandstöðu
hlytu að vekja athygli á því að þetta
EES-mál væri mun skemmra á veg
komið en til hefði staðið og því hlyti
að verða erfitt að standa við tíma-
setningar um afgreiðslu málsins.
Hún vildi líka benda á óvissa stöðu
EES-samningsins gagnvart stjórn-
arskránni og var það harmsefni að
það hefði komið mjög skýrt fram á
fundinum að ríkisstjórnin væri ekki
reiðubújn til að taka af allan vafa
um það atriði.
Kristín horfði með nokkrum
kvíða til komandi þingstarfa. Það
væri afar erfítt að byija að ræða
þessi mál þegar heildarmyndin lægi
ekki fyrir. En nú í augnablikinu sæi
hún ekki fram á annað en umræður
um þetta mál hæfust í næstu viku
og framhaldið yrði að ráðast.
Steingrímur Hermannsson for-
maður Framsóknarflokksins sagði
að í sjálfu sér hefði ekki komið
neitt ákveðið út úr þessum fundi
en þó hefði vonandi einhveijum
misskilningi verið eytt. Forystu-
menn stjórnarandstöðunnar hefðu
skrifað bréf vegna þess að þeir
höfðu af því áhyggjur að ekki yrði
unnt að standa við þetta samkomu-
lag af því að ýmis mikilsverð mál
væru ekki fram komin. Steingrímur
nefndi t.d. frumvörp til að tryggja
eignarrétt íslendinga á orkulindum,
landi og frumvarp um skattamál
hefði samkvæmt tímaáætlun átt að
vera framkomið um miðjan júní en
það væri ókomið. Samningurinn við
Evrópubandalagið um sjávarút-
vegsmál væri enn ókominn og það
væri afar erfítt að taka afstöðu án
þess hafa hann undir höndum.
Steingrímur sagði einnig að misvís-
andi lögfræðiálit um stjórnarskrár-
þáttinn hefðu sannarlega ekki ein-
faldað málið. Sú spurning væri
óhjákvæmileg hvort ríkisstjórnin
ætlaði sér virkilega að beija þetta
mál í gegnum Alþingi þrátt fyrir
efasemdir virtra fræðimanna. Það
hefði honum helst heyrst. Stein-
grímur dró enga dnl á það að hann
teldi það nánast skyldu að leggja
fram frumvarp til breytinga á
stjórnarskránni.