Morgunblaðið - 12.01.1993, Blaðsíða 26
I
26
Hart barist
í Angóla
Harðir bardagar hafa geisað
í Huambo, annarri mikilvæg-
ustu borg Angóla, undanfarna
þijá daga. Stjómarerindrekar í
höfuðborginni, Luanda, töldu í
gær að stjórnarherinn hefði náð
yflrhöndinni og flestir liðsmenn
UNITA-hreyfíngarinnar hefðu
flúið til úthverfa í borginni.
Stjómarherinn hélt því fram á
sunnudag að hann hefði náð
höfuðstöðvum Jonasar Savimb-
is, leiðtoga UNITA, í Huambo
á sitt vald en hann vísaði því
algjörlega á bug í gær.
Ný stjórn á
Irlandi
Verkamannaflokkurinn á ír-
landi samþykkti á sunnudag
að mynda samsteypustjóm með
Fianna Fail, flokki Alberts
Reynolds forsætisráðherra.
Búist er við að Reynolds verði
endurkjörinn forsætisráðherra
á þinginu í dag. Hann myndar
síðan stjórn sem mun hafa
mesta þingmeirihluta á bak við
sig í sögu landsins.
Óeirðir í
Bombay
Sharad Pawar, varnarmála-
ráðherra Indlands, 'hefur fyrir-
skipað indverska hemum að
binda enda á óeirðir í Bombay
sem hafa kostað hartnær 200
manns _ lífið undanfama sex
daga. Óeirðarseggir kveiktu í
verslunum og börðust við lög-
reglu á götunum um helgina.
Vilja útlagana
heim
Farouk Kaddoumi, sem fer
með utanríkismál innan Frelsis-
samtaka Palestínumanna
(PLO), sagði í gær að Palest-
ínumenn myndu ekki hefja frið-
arviðræður að nýju við ísraela
fyrr en þeir leyfðu palestínsku
útlögunum í suðurhluta Líban-
ons að snúa aftur til ísraels.
Palestínskur útlagi í S-Líban-
on.
MORGUNBLAÐIÐ ÞRIÐJUDAGUR 12. JANÚAR 1993
Kirkjugrið í óveðrinu
íbúar Quendale í Hjaltlandi hlaupa til kirkju á sunnudag þegar óveður geisaði á eyjunum. Stormar gengu yfir Bretlandseyjar í gær og í Skotlandi
náði vindhraðinn á köflum 160 kílómetrum á klukkustund.
Óveður í Færeyjum
Tjónið óverulegt vegna
hagstæðrar vindáttar
MIKIÐ óveður hefur gengið yfir Færeyjar undanfarna daga og
náði veðurofsinn hámarki aðfaranótt mánudagsins og snemma á
mánudagsmorgun. Mestur mældist vindhraðinn 77 metrar á sek-
úndu fyrir norðan Þórshöfn og er það meira en í óveðrinu mikla
árið 1988. Mun minna tjón varð þó vegna óveðursins nú og er
talið mega rekja það til þess hversu vel fólk var undir storminn
búið og að vindátt hafi verið hagstæð.
Benny Samuelsen, blaðamaður á
Dimmalaætting í Þórshöfn, sagði í
samtali við Morgunblaðið að þegar
fyrir lá að óveður myndi skella á
hefði verið gripið til margvíslegra
ráðstafana. Neglt hefði verið fyrir
glugga á húsum og allar björgunar-
sveitir á eyjunum verið í viðbragðs-
stöðu áður en veðrið skall á. Þær
hefðu hins vegar lítið þurft að láta
til sín taka. Ekkert hús hefði eyði-
lagst í veðrinu en þakplötur hefðu
fokið af tveimur húsum, öðru í
Klakksvík og hinu í Suðurvogi, um
helgina. Þá hefðu orðið skemmdir
á húsi í Suðurvogi í gærmorgun.
Þá varð töluvert tjón í smábátahöfn-
inni en fjórir til fimm bátar, sem
þar voru við bryggju, sukku og
höfnin sjálf er taíin ónýt.
í óveðrinu árið 1988 nam tjón í
Færeyjum tugmilljónum danskra
króna og skemmdust til að mynda
bifreiðar fyrir um 18 milljónir dan-
skra króna. Tryggingafélög í Fær-
eyjum hafa ekki enn náð að safna
upplýsingum um skemmdir af völd-
um veðursins um helgina en ljóst
er að það er einungis brot af tjón-
inu 1988.
Benny sagði lífið að mestu hafa
gengið sinn vanagang í Færeyjum
í gær, þrátt fyrir veðrið. Þó hefðu
samgöngur legið niðri að nánast
öllu leyti og flestir skólar verið lok-
aðir. Mætti það annars vegar rekja
til þess að olíukynding í sumum
skólabyggingum var óvirk vegna
veðurs sem og að fólk vildi ekki að
börnin væru úti í óveðrinu.
Verst var veðrið í bænum Sumba,
syðst á Suðurey, en þar búa rúm-
lega fimm hundruð manns. En þó
vindhraðinn hafi verið mikill var
veðuráttin hagstæð og urðu því litl-
ar sem engar skemmdir á húsum.
í gær var enn hvasst í Færeyjum
og búist við áframhaldandi hvass-
viðri.
Fárviðri á Bretlandseyjum
Oflugir stormar gengu yfir Bret-
landseyjar í gær og í Skotlandi
náði vindhraðinn á köflum 160 kíló-
metrum á klukkustund. í suður-
hluta Bretlands var vindhraði einnig
mikill. Tré rifnuðu upp með rótum
og veðrið olli fjölmörgum umferðar-
slysum. Þá lentu mörg skip og bát-
ar í vandræðum. Mikill snjór féll í
Wales og þurfti að fella þar niður
alla lestarumferð vegna fannfergis.
Karl Bretaprins hafði áformað
að heimsækja Hjaltland í gær ásamt
föður sínum Filippusi prins til að
kanna skemmdir vegna olíulekans
úr olíuflutningaskipinu Braer, sem
strandaði við eyjarnar í síðustu
viku. Þeir urðu hins vegar að fresta
för sinni þar sem allt flug til Hjalt-
lands lá niðri í gær vegna veðurs.
John MacGregor, samgönguráð-
herra Bretlands, sagði í gær að
strand Braer vekti upp margar
spurningar um siglingar olíuflutn-
ingaskipa í kringum Bretland og
að ríkisstjómin hygðist láta gera
nýja úttekt á því hvernig tryggja
mætti öryggi betur.
ara og eldri
JAZZ
7 til 12 ára
FJÖR
/ / /
HJA SOLEYIVETUR!
NYTT! aérobic NYTT!
10 til 13 ára