Morgunblaðið - 12.03.1993, Blaðsíða 21

að hafa yfir að ráða skipakosti til
að uppfylla á hagkvæman hátt
flutningaþarfir landsmanna. Við
teljum að þessi stefna hafí verið
farsæl, enda hafa skuldir Eimskips
sem hlutfall af rekstrartekjum ekki
aukist allan síðasta áratug. Á sama
tíma hafa flutningsgjöld lækkað
verulega.
Örar breytingar, bæði í flutnin-
gatækni og í viðskiptum okkar við
önnur lönd, hafa kallað á tíðar
breytingar á skipakosti. Til að
tryggja yfirráðarétt yfir skipum og
að manna þau íslenskum áhöfnum
hefur Eimskip þurrleigt skip, sem
er það leiguform þegar skip er leigt
án áhafnar oftast til nokkurra ára.
Þurrleiguskip verður í flestum til-
vikum að skrá erlendis, þar sem
þau eru í eigu erlendra aðila, jafn-
vel þótt þau séu mönnuð íslenskum
áhöfnum. Þetta er hluti af skýring-
unni hvers vegna hlutfallslega fleiri
skip hafa verið skráð erlendis.
Ánnað sem hefur gert íslenska
skráningu miður áhugaverða er hve
kostnaðarsamt það er að skrá og
afskrá skip hér á landi. Yfírleitt er
hægt að hafa íslenskar áhafnir á
skipum sem skráð eru erlendis. Það
ætti að vera áhugavert fyrir stjórn-
völd að stuðla að breytingu á regl-
um og kostnaði við skráningu skipa
hér á landi.
Hagkvæm og samkeppnisfær
flutningaþjónusta er
sameiginlegt markmið
Rétt er að minna á þá staðreynd
að það eina sem hefur tryggt og
mun tryggja það að samgöngur
verði áfram í höndum íslendinga
er að þjónustan sé samkeppnisfær
og búi við svipuð starfsskilyrði og
nágrannaþjóðir okkar, t.d. Danir
og Norðmenn. Við verðum alltaf
að vera viðbúin því að mæta öflugri
samkeppni frá erlendum aðilum.
Eimskip leggur höfuðáherslu á að
rekstur félagsins sé hagkvæmari
en rekstur keppinautanna. Félagið
þarf ekki einungis að vera skrefí
framar en innlendir keppinautar,
heldur þarf reksturinn einnig að
geta staðist erlendum aðilum snún-
ing. Það er ekkert sem tryggir sjálf-
krafa að samgöngur til og frá land-
inu verði áfram aðallega í höndum
íslendinga sjálfra.
Ef við ætlum að tryggja sam-
keppnishæfni má ekki láta undan
þrýstingi um að viðhalda úreltum
vinnubrögðum og viðhorfum og við
verðum að keppa að því að auka
sífellt hagkvæmni í rekstri. Einnig
ber að fagna hvers konar viðleitni,
t.d. stéttarfélaga og stjórnvalda, til
að auka samkeppnishæfni flutn-
ingafyrirtækja og gera skráningar-
reglur skipa hér á landi sambæri-
legar við þær sem eru í nágranna-
löndum okkar,
Sameiginlegt markmið allra þjóð-
félagsafla hlýtur að vera að gera
flutningaþjónustu hér á landi enn
hagkvæmari en verið hefur til hags-
bóta fyrir íslenskt atvinnulíf og al-
menning í landinu. Til þess að það
takist þurfum við að tryggja sam-
bærilegar reglur og starfsskilyrði
og eru í nágrannalöndum okkar.
Höfundur er framkvæmdastjóri
þróunarsviðs Eimskips
STROMBERG
STIMPILKLUKKUR
MORGUNBLAÐIÐ FOSTUDAGUR 12. MARZ 1993
■m
21
Loð Sláturfélagsins við Skúlagötu seld fyrir 23,6 milljónir króna
Hugsanlega byggt fyrir aldraða
BORGARRÁÐ hefur samþykkt að taka 23,6 milljón króna
tilboði hæstbjóðanda Byggingarfélags Gylfa og Gunnars
hf. í lóðina við Skúlagötu 20. Eitt annað tilboð barst frá
Húsvirkja hf., sem bauð rúmar 20 milljónir.
Að sögn Gylfa Héðinssonar,
hefur enn ekki verið tekin ákvörð-
un um hvað verður byggt á lóð-
inni en þar er gert ráð fyrir um
80 til 100 íbúða byggð. „Hugsan-
lega verða byggðar íbúðir fyrir
eldri borgara en það mundi henta
vel, þar sem Reykjavíkurborg hef-
ur þegar byggt þjónustumiðstöð á
næstu lóð,“ sagði hann.
Tilboðum yrði hafnað
Ólína Þorvarðardóttir, Nýjum
vettvangi, lagði fram bókun þess
efnis að hún vildi endurskoða fyrri
ákvörðun frá árinu 1985 um niður-
rif Sláturfélagshússins, með því
að hafna báðum tilboðunum. „Ég
tel að með niðurrifi hússins sé
verið að afmá merka byggingu
sem í ljósi sögu sinnar og útlits
hefði átt að standa óhögguð. Verð-
mæti lóðarinnar tel ég vera mun
meira en þær 23 mkr. sem nú
hefur verið ákveðið að selja hana
á,“ segir í bókuninni.
Hvetjandi fyrir atvinnulífið
í bókun Markúsar Amar Ant-
onssonar borgarstjóra segir, að
borgarráð. hafi samþykkt sam-
hljóða á fundi 16. febrúar síðastlið-
inn, meðal annars með atkvæði
Ólínu, sölu á lóð Sláturfélagsins
með útboði og tilskildu niðurrifi
þeirra bygginga sem fyrir eru.
Hærra tilboðið var 23,6 millj. en
að auki mun borgin fá 20 til 25
milljónir í gatnagerðargjöld af
væntanlegum byggingum. Fram-
kvæmdir við þær yrðu auk þess
hvetjandi fyrir atvinnulífið í borg-
inni.
Katrín. Fjeldsted Sjálfstæðis-
flokki, sagði í sinni bókun að hún
greiddi atkvæði með því að gengið
yrði að tilboði í lóðina í ljósi for-
sögu málsins. Hún teldi hins vegar
að eftirsjón væri að byggingum
Sláturfélagsins og að þær hefði
mátt fella inn í nýtt skipulag.
Harðjaxlinn frá
Ameríku
Nú er nýr Ford Ranger kominn til landsins, pallbíllinn sem hefur ótrúlega möguleika
í útfærslu og þú getur valið um margskonar aukabúnað.
Rangerinn er mjög sterkbyggður og ótrúlega sparneytinn prátt fyrir öfluga vél.
Með nýrri hönnun, að utan sem innan, hafa náðst enn betri aksturseiginleikar og hann er
þýður sem fólksbíll. Rað er ekki að furða að Ford Ranger skuli vera mest seldi
pallbíllinn í Bandaríkjunum í áratug.
Rangerinn er fyrir þá sem vilja öðruvísi bíl; glæsilegan og öflugan.
Sýnum Ford Ranger í
dag frá kl. 13-17.
Komdu og reynsluaktu.
Hefurþú ekið Ford.....nýlega?
G/obus?
-heimur gceða!
Lágmúla 5, siml 91-6815 55