Morgunblaðið - 06.04.1993, Blaðsíða 4
4
MORGUNBLAÐIÐ ÞRIÐJUDAGUR 6. APRÍL 1993
Kaupfélags-
stjórar skípa
undirbún-
ingssljórn
Kaupfélagsstjórar ákváðu
á fundi um helgina að vinna
að stofnun félagsskapar um
sameiginleg innkaup og
dreifingu, hugsanlegrar
smásölukeðju, til að yfirtaka
rekstur matvöruþáttarins í
heildverslun Miklagarðs hf.
Skipuðu þeir undirbúnings-
sljórn til að vinna að þessu.
Pálmi Guðmundsson kaupfé-
lagsstjóri á Höfn í Hornafirði
sagði í gær að stjómin hefði ekki
verið kölluð saman til fundar og
því hefði stefnan ekki verið mörk-
uð. Óljóst væri hveijir myndu eiga
aðild að þessum samtökum en til
tals hefur komið að það verði
bæði kaupfélög landsins og einka-
verslanir. Bjóst hann við að lítið
gerðist í þessum málum fyrr en
eftir páska.
Stöðug illviðri hafa verið á vetrarvertíðinni á Suðurnesjum
„Erfiðasta vertíð
sem ég hef stundað"
Kcflavík.
„STÖÐUG illviðri og þrálátar vestlægar áttir hafa gert vertíðina
með eindæmum erfiða og þetta er örugglega erfiðasta vertíð sem
ég hef stundað," sagði Rúnar Hallgrímsson skipstjóri á netabátnum
Happasælum KE 94 frá Keflavík í samtali við Morgunblaðið um
vetrarvertíðina suðvestanlands sem nú stendur sem hæst. í sama
streng tóku Ragnar Ragnarsson skipstjóri á dragnótabátnum Arn-
ari KE 260 frá Keflavík og Bjarni Þórarinsson sem rær með hand-
færi á Unni ÁR 7 frá Selfossi en þeir sækja frá Sandgerði. Þeir
félagar eru sammála um að vel hafi fiskast á vertíðinni þrátt fyr-
ir erfiða tíð en Bjarni hefur þó aðeins komist í 5 róðra en lendir nú
í 15 daga fiskveiðibanni, ásamt flestum bátunum, sem tekur gildi
frá og með 7. apríl.
Bjarni býr á Selfossi en lætur
sig ekki muna um að keyra á milli.
„Hann var skólastjóri og kennari
í 20 ár og var jafnframt skipstjóri
á humarbátum á sumrin. Nú hefur
hann alfarið snúið sér að sjó-
mennskunni og er þetta fjórða ver-
tíð hans í Sandgerði. Bátur Bjarna
er ganggóður og notfærir hann sér
það með að sækja langt þegar
gefur og hefur hann sótt allt að
Eldeyjarboða sem er um 50 sjómíl-
ur frá landi og hefur verið að fá
á milli 1 og 2 tonn í róðri.
Ragnar á Arnari sagði að drag-
nótabátarnir væru mest á svoköli-
uðum Hafnarleir og á Eldeyjar-
svæðinu. Veiðin hefði verið ágæt
þegar gefið hefði og hefðu þeir
aðallega verið að veiða rauðsprettu
að undanförnu. Ragnar sagðist vel
geta skilið þau sjónarmið sem
Morgunblaðið/Björn Blöndal
Landað í Sandgerði
BJARNI Þórarinsson á Unni ÁR 7 frá Selfossi við löndun í gær.
lægju að baki veiðibanninu, að
gefa hrygningarfiskinum næði til
að hrygna. En bannið kæmi mis-
jafnlega við menn og sér fyndist
að það kæmi illa-við krókaleyfis-
bátana. Rúnar Hallgrímsson á
Happasælum sagði að þrátt fyrir
ótíðina væru þeir búnir að ná sínum
kvóta og gott betur, en fiskverðið
væri það lágt núna að lítið vit væri
í að kaupa kvóta. Þeir hefðu aðal-
lega verið í Bugtinni með netin og
hefðu verið að fá vænan fisk eða
um 100-120 fiska í tonnið. Þorsk-
urinn væri nú fullur af loðnu og
gerðu þeir að öllum fiski og reikn-
aði Rúnar með að landa 15 tonnum
í gærkvöidi. - BB
VEÐUR
VEÐURHORFUR I DAG, 6. APRIL
YFIRLIT: Skammt norðvestur af (rlandi er minnkandi 969 mb. lægð sem
hreyfist austur. Um 1.200 km suður af Hvarfi er 983 mb. lægð sem fer
heldur vaxandi og þokast norðnorðaustur. Yfir Norðaustur-Grænlandi
er 1.030 mb. hæð sem þokast austur.
SPÁ: Austlæg átt, víðast kaldi. Skúrir verða norðan til á Austurlandi,
léttskýjað vestast á landinu en annars staðar verður skýjað með köflum.
Hiti verður á bilinu 2-9 stig.
VEÐURHORFUR NÆSTU DAGA:
HORFUR Á MIÐVIKUDAG, FIMMTUDAG OG FÖSTUDAG: Austan
og norð-
austanátt, sumsstaðar nokkuð hvöss, einkum á fimmtudag og föstudag.
Vætusamt austanlands, en úrkomulaust að mestu vestanlands. Hiti 2-6 stig.
Nýír veðurfregnatímar: 1.30. 4.30, 7.30, 10.45, 12.45, 16.30, 19.30,
22. 30.Svarsími Veðurstofu íslands — Veðurfregnir: 990600.
Heiðskírt Léttskýjað Hálfskýjað Skýjað
r r r * r *
r r * r
r r r r * r
Rigning Slydda
* * *
* *
* * *
V V V
Snjókoma Skúrir Slydduél Él
Alskyjað
Sunnan, 4 vindstig.
Vindörin sýnir vindstefnu
og fjaðrirnar vindstyrk,
heii fjöður er 2 vindstig.^
10° Hitastig
V Súld
= Þoka
ftig..
FÆRÐA VEGUM: (Kl. 17.30 ígær)
Færð á landinu er víöast með besta móti, þó er ófært um Möðrudalsör-
æfi og Vatnsskarð eystra en Vopnafjarðarheiði er jeppafær. Farið er
að bera á takmörkunum á öxulþunga vegna aurbleytu á útvegum víða
um land og eru þessar takmarkanir sýndar með merkjum við viðkom-
andi vegi.
Upplýsingar um færð eru veittar hjá Vegaeftirliti í síma 91-631500 og
ígrænnilínu 99-6315. Vegagerðín.
VEÐUR VIÐA UM HEIM
kl. 12.00 í gær að ísl. tírrn hiti veður Akureyri 7 skýjaö Reykjavlk 8 rígning
Bergen 8 hálfskýjað
Helslnki 1 rigning
Kaupmannahöfn 5 þokumóða
Narssarssuaq vantar
Nuuk *6 þoka
Osló 2 snjókoma
Stokkhólmur 3 rigning
Þórshöfn 6 alskýjað
Algarve 17 heiðskírt
Amsterdam 8 rigning
Bercelone 16 hálfskýjeð
Berlín 10 mistur
Chicago 2 alskýjað
Feneyjer 16 léttskýjað
Frankfurt 11 skýjað
Gtasgow 8 skúr
Hamborg vantar
London vantar
LosAngeles vantor
Lúxemborg vantar
Madríd vantar
Malaga vantar
Mailorca vantar
Montreal vantar
NewYork 4 skýjað
Orlando 19 alskýjeð
Parfs 9 rigning
Madeira 21 háffskýjað
Róm 13 léttskýjað
Vfn 12 léttskýjað
Washington 4 alskýjað
Winnipeg 0 léttskýjað
Heimild: Veöurstofa iaiands
(Byggt é veðutspá kl. 16.15 f gæt)
ÍDAGkl. 12.00
Flugleiðir
Lækkuð fargjöld
til New York
og Baltimore
FLUGLEIÐIR munu bjóða lækkuð fargjöld til New York og Balti-
more á tímabilinu 20. april til 1. júní. Verður sama fargjald boðið
á báða þessa staði, eða 31.900 krónur, en miðað er við sjö daga
bókunarfyrirvara. Ódýrasta fargjald til New York er í dag 42.600
krónur, og er það miðað við 14 daga bókunarfyrirvara, og sam-
bærilegt fargjald til Baltimore er nú 45.350 krónur.
Að sögn Einars Sigurðssonar
blaðafulltrúa Flugleiða eru þau far-
gjöld sem boðin verða til New York
og Baltimore þau ódýrustu sem boð-
in hafa verið til Bandaríkjanna. Mið-
að er við sjö daga lágmarksdvöl og
30 daga hámarksdvöl, og verður far-
þegum heimilt að fljúga til annars
staðarins og heim frá hinum.
„Þetta er viðleitni til þess að mæta
auknum áhuga á Bandaríkjunum, og
verið að teygja verðið niður til þess
að flug þangað verði samkeppnisfært
í verði við flug til Evrópu. Það er
mjög vel selt til Flórída í apríl og
maí, en þangað er flogið tvisvar í
viku og er uppselt í margar ferðir
þangað. Ferðum þangað verður síðan
flölgað í sumar,“ sagði Einar.
Hann sagði að mikið hefði verið
bókað í flug til Orlando næsta einn
og hálfan mánuð, og til þess að
tryggja að allir komist þangað sem
hug hafa á verða boðnar ferðir þang-
að um Baltimore. Þaðan verður farið
með tengiflugi innan Bandaríkjanna
og verður þetta á sama verði og
beint flug til Orlando.
Undiiréttur vísar tyrk-
neska forræðismálinu
aftur til Hæstaréttar
UNDIRRÉTTUR í Istanbul í Tyrklandi hefur farið að kröfu lög-
fræðinga Halims Al, fyrrum eiginmanns Sophiu Hansen, og vísað
forræðismáli Sophiu og Halims til Hæstaréttar. Lögmennirnir
krefjast þess að Hæstiréttur endurskoði afstöðu sína og staðfesti
fyrri dóm undirréttar þess efnis að skjólstæðingur þeirra fái for-
ræði yfir dætrum sínum og Sophiu Hansen. Eins og kunnugt er
vísaði Hæstiréttur málinu aftur til undirréttar vegna formgalla
í meðferð þess.
Hasíp Kaplan, lögfræðingur
Sophiu, segir að mótmæli 1 ög-
mannanna gagnvart Hæstarétti
séu einsdæmi í sögunni og máls-
meðferðin sömuleiðis. Hann segir
að frávísun undirréttar verði að-
eins til að tefja fyrir málarekstrin-
um. Hæstiréttur sendi málið vænt-
anlega aftur til undirréttar með
enn ákveðnari skipunum um að
taka það fyrir.
Um leið og ljóst varð að undir-
réttur hefði orðið við kröfu lög-
manna Halims fór Hasíp Kaplan
til fundar við Hæstarétt í Ankara.
Enn liggur ekki fyrir hvenær
sakadómur í Istanbul tekur öðru
sinni fyrir kærumál gegn Halim
A1 vegna 12 brota á umgengnis-
rétti Sophiu gagnvart dætrum
þeirra.
Bifreið valt
út í Bugðu
BIFREIÐ með tveimur kon-
um valt út í ánna Bugðu í
Kjós aðfaranótt sunnudags-
ins.
Grunur leikur á að um ölvun
við akstur hafi verið að ræða
en ökumaður bifreiðarinnar
virðist ekki hafa hitt á brúna
yfir ánna á þeim stað sem bif-
reiðin valt út af veginum. Kon-
urnar báðar sluppu ómeiddar
úr þessu óhappi og fór þar bet-
ur en á horfðist. Bifreiðin var
fjarlægð með krana.