Morgunblaðið - 06.04.1993, Blaðsíða 32
32
MORGUNBLAÐIÐ VIDSKIPTl/ÆTVINNULÍF FÞRIÐJUDAGUR 6. APRÍL 1993
Euro Disney í Frakklandi gera ráð fyrir tapi á yfirstandandi ári.
Skemmtigarður
Euro Disney tapar
EURO Disney greindi frá þvl í byrjun sl. viku að liðlega 10 milljón-
ir manna hefði heimsótt skemmtigarðinn nálægt París frá byrjun
og að til stæði að jafna út miklar árstíðabundnar aðsóknarsveiflur
með aðlögun aðgöngumiðaverðs. Þrátt fyrir þenna fjölda gesta og
verðaðlögun gerir fyrirtækið ráð fyrir tapi á yfirstandandi fjárhags-
ári sem lýkur í september nk.
Forsvarsmenn skemmtigarðsins
segjast eftirleiðis hækka miðaverð
yfír sumur og jól, þegar garðurinn
annar vart gestum, í um 250 franka
(um 2750 kr.) fyrir fullorðna og
175 franka fyrir böm en lækka
miðanna á tímabilinu frá nóvember
til febrúarloka fyrir utan hátíðamar
í 175 franka fyrir fullorðna og 125
franka fyrir börn. Önnur tímabil
kostar miðinn 225 franka fyrir full-
orðna og 150 franka fyrir börn en
það var miðaverðið sem gengið var
út frá þegar garðurinn opnaði.
Bílaframleiðsla
Grunsemdir um spillingu
koma sér illa fyrir Fiat
Tveir starfsmenn þess handteknir á erfiðum tíma í sögu fyrirtækisins
Hlutabréfin á uppleið
FIAT-verksmiðjurnar, flaggskipið í ítölskum iðnaði, hafa ekki frem-
ur en mörg önnur stórfyrirtæki á Ítalíu farið varhluta af herferð-
inni, sem nú er farin gegn spillingu í landinu. í siðasta mánuði voru
Francesco Paolo Mattioli, fjármálastjóri Fiats, og Antonio Mosconi,
framkvæmdasljóri Toros, tryggingarfélags í eigu Fiats, handteknir
og gefið að sök að hafa greitt mútur til stjórnmálaflokka í landinu.
Koma þessi mál upp á erfiðum tíma í sögu fyrirtækisins og forsvars-
menn þess reyna nú hvað þeir geta til að draga úr hugsanlegum
skaða af þeirra völdum.
Fyrir tæpu ári eða í maí í fyrra
var Enzo Papi, framkvæmdastjóri
Cogefar-Impresit, byggingarfyrir-
tækis í Torínó í eigu Fiats, handtek-
inn og fangelsaður í 55 daga en
sleppt þegar hann hafði játað að
hafa greitt um 70 milljónir ísl. kr.
í mútur til að fá samning um fram-
kvæmdir við neðanjarðarlestina í
Mílanó. Var hann yfirheyrður aftur
fyrir skömmu og í framhaldi af því
voru þeir Mattioli og Mosconi hand-
teknir en þeir sátu báðir í stjórn
Cogefar-Impresit á sínum tíma.
Agnelli að hætta
Stjórnendur Fiats hafa tekið upp
hanskann fyrir þá Mattioli og Mosc-
oni en hver sem útkoman verður
kemur þetta mál upp á afar slæm-
■ • • ■
eV-
iplomat frá MORE
Diplomat fistölvan hentar þeim sem vilja nýta tímann vel,
vinna fljótt og skipulega hvar og hvenær sem er.
Diplomat fistölvan er búin 486 örgjörva, stækkanlegu
4 MB innra minni og allt að 200 MB hörðum diski.
Diplomat fistölvan er búin fjölbreyttum tengimöguleikum
og getur því tengst öllum helstu jaðartækjum.
Diplomat fistölvan er lítil en hefur alla eiginleika
fyrirferðamiklu einkatölvanna.
Kynntu þér kostina.
TRAUST LAUSN
TRYGG FRAMTÍÐ
71
Z.
BOÐEIND
AUSTURSTRÖND 12 • SIMI: 612061 • FAX: 612081
um tíma fyrir fyrirtækið. Það er
nú að glíma við að koma fram með
nýjar gerðir, sem líklegar eru til
að seljast vel; að ná alþjóðlegum
samstarfssamningum við aðra
framleiðendur og síðast en ekki síst
að fylla það skarð, sem verður með
brotthvarfi Giovannis Agnellis.
Hann hefur stýrt Fiat í 30 ár en
ætlar að hætta í júní á næsta ári.
Raunar er þegar ákveðið, að bróðir
hans, Umberto Agnelli, taki við af
honum en engu að síður er talið
óhjákvæmilegt að gera verulegar
breytingar á stjórnkerfí fyrirtækis-
ins.
Það auðveldar ekki þetta verk,
að Fiat hefur gengið illa á sínum
helstu mörkuðum og spillingará-
kærur og ókyrrð á heimamarkaðin-
um, sem stendur undir 44% sölunn-
ar, yrðu aðeins til að bæta gráu
ofan á svart.
Mattioli hefur starfað hjá Fiat
síðan 1975 og hann hefur verið
talinn mjög líklegur til að taka við
af Cesare Romiti, aðalfram-
kvæmdastjóra Fiats, en hann ætlar
að hætta á sama tíma og Agnelli.
Hefur Mattioli meðal annars séð
um að skipuleggja þá tugmilljarða
króna íjárfestingu, sem Fiat telur
nauðsynlegt að leggja I fram til
aldamóta.
Spillingarmálin hafa ekki bitnað
á Fiat enn og raunar hafa hluta-
bréf í fyrirtækinu hækkað í verði
að undanförnu. Er það rakið til
orðróms um, að Fiat ætli að selja
frá sér ýmsa óskylda starfsemi, til
dæmis verslanahringinn Rinasc-
ente, tryggingarfyrirtækið Toro og
byggingarfyrirtækið Cogefar-
Impresit, og einnig til hugsanlegs
samstarfssamnings við aðra bíla-
framleiðendur. Raunar hefur Agn-
elli útilokað samstarf við Japani en
vill ekkert segja um líkur á sam-
starfí við framleiðendur í Evrópu.
Því hefur að vísu verið fleygt, að
þessum orðrómi hafi beinlínis verið
komið af stað með það fyrir augum
að hækka hlutabréfin í Fiat og gera
fyrirtækið þannig eftirsóknarverð-
ara til samstarfs.
Hafa trú á Fiat
Talið er, að hækkun hlutabréf-
anna í Fiat megi að töluverðu leyti
rekja til kaupa erlendra fjárfesting-
arstofnana. Forsvarsmenn þeirra
virðast trúa því, að Fiat muni hagn-
ast á gengislækkun lírunnar og
einnig, að nýju gerðirnar muni selj-
ast vel þegar markaðurinn tekur
við sér á næsta ári -eins og spáð
er. Þangað til verður Fiat að treysta
á guð og lukkuna og vona, að Matti-
oli sleppi úr höndum dómaranna.
Eða eins og Agnelli sagði fyrir
skemmstu:
„Það er alltaf mikið áhyggjuefni
að lenda í klónum á dómurunum.
Það er líkt því að liggja á skurðar-
borðinu — maður vonar að vel gangi
en áhættan er mikil.“
Erlent
SAS hættir
flugi til
Portúgal
SAS hefur ákveðið að hætta áætl-
unarflugi til Portúgal 1. maí nk.
Astæðan þess að SAS er að hætta
flugi til Portúgal, um tíma að
minnsta kosti, er sú að fjárhagslega
hefur flugið ekki staðið undir sér.
SAS hefur flogið þangað sjö sinnum
í viku undanfarið. 40 starfsmenn
SAS í Portúgal munu missa vinn-
una.
AGA sýnir ~
hagnað
SÆNSKA gasfyrirtækið AGA var
rekið með hagnaði upp á 1.480
milljónir sænskra króna á sl. ári
. samanborið við hagnað upp á 1.430
milljónir árið áður. Afkoman er í
samræmi við áætlanir ársins og
arðgreiðslur voru 11%. Búist er við
áframhaldandi hagnaði á þessu ári.
Mikið tap
Skandia
SKANDIA Group hefur tilkynnt tap
Erruívandræöum...p
... mefl fermingargjöfina !
SNmpilpenni er glæsileg gjöf!
l,DfDBÚaDS
upp á um 2,5 milljarða sænskra
króna á síðastliðnu ári en árið 1992
var tap upp á um 580 milljónir
sænskra króna. Heildariðgjöld juk-
ust í fyrra og voru 43,9 milljarðar
sænskra króna samanborið við
37,68 milljarða árið áður. Fyrirtæk-
ið tapaði m.a. miklu vegna fellibyls-
ins Andrew.
Teiknimynda-
seríur vaxandi
auglýsingamiðill
TEIKNIMYNDABLÖÐ fyrir börn
eru vaxandi auglýsingamiðill m.a.
fyrir bandarískrar skyndibitakeðjur
og leikfangaframleiðendur, þ.á.m.
Burger King sem nú gefur út sitt
eigið teiknimyndablað. Þess konar
markaðssetning er ekki síst vegna
vaxandi samkeppni um auglýsinga-
pláss í kring um barnaefni í sjón-
varpi. Sú samkeppni hefur hækkað
verð auglýsinganna mikið.
UNIStore-
brand sektað
STÆRSTA tryggingafélag Noregs,
UNI Storebrand, hefur verið sektað
um 3,2 milljónir norskra króna þar
sem fyrirtækið tilkynnti ekki til
réttra yfirvalda í Osló um tilraunir
fyrirtækisins til að ná stjórnartau-
munum í sænska samkeppnisfyrir-
tækinu Skandia. Sú niðurstaða
fékkt að UNI Storebrand hefði
brugðist tilkynningaskyldu sinni sjö
sinnum á tímabilinu ágúst 1991-
ágúst 1992. Þessar tilraunir grófu
undan fjáhagsstöðu fyrirtækisins,
en UNI greiddi meira en 4 milljarða
sænskra króna fyrir 28% hlutafjár
í Skanda en verðið féll síðar um
helming.