Morgunblaðið - 29.04.1993, Síða 43

MORGUNBLAÐIÐ FIMMTUDAGUR 29. APRÍL 1993
43
Opið bréf til forseta Islands,
Yigdísar Finnbogadóttur
Frá Birni S. Stefánssyni:
Heil og sæl.
Ég minnist orða háskólakennara
í lögum um miðjan janúar, að það
hefði orðið skrýtið að halda þjóðarat-
kvæðagreiðslu um lög um samning,
sem ekki var lengur til. Nú, þremur
og hálfum mánuði síðar, þegar stend-
ur fyrir dyrum að staðfesta með lög-
um EES-samning sem í þetta sinn
er til, vaknaði með mér sú spurning,
hverjir kunni að vera andvígir því
af umhyggju fyrir virðingu embættis
forseta landsins, að hann leggi stað-
festingu laganna fyrir þjóðina. Þing-
menn, sem kynnu að telja forseta í
slíkum vanda, geta brugðizt við því
með því að standa að því að setja í
EES-lögin, að þau taki því aðeins
gildi, að þau hafi verið samþykkt
með þjóðaratkvæði innan ákveðins
tíma.
Það var boðskapur þinn 13. janúar
sl., að ekki mætti spilla forsetaemb-
ættinu sem tákni sameinaðrar þjóðar
og þess yrði bezt gætt með því að
staðfesta EES-lögin. Viðbrögð al-
mennings við söfnun undirskrifta,
sem nú fer fram, undir yfirlýsingu
og ósk til forseta íslands um að
leggja lögin um endanlegan EES-
samning fyrir þjóðina samkvæmt
heimild stjórnarskrárinnar, með
áherzlu á, að þar sé réttur, sem ekki
megi taka frá þjóðinni, sýna, að það
varð ekki til að styrkja embættið sem
tákn sameinaðrar þjóðar að leyfa
þjóðinni ekki að ráða EES-málinu.
Margir tjá það, hvað þeim þótti niður-
lægjandi, að hvorki Alþingi né for-
seti Islands skyldu leyfa þjóðinni að
greiða atkvæði um málið.
Eins og aðrar undirskriftasafnanir
er þessi söfnun annmörkum háð.
Ýmsir vilja aldrei taka þátt í slíku.
Undirskriftatalan segir ekki hvort
nokkur sé á öndverðri skoðun. Undir-
skriftasöfnun er ekki leynileg. Með
réttu eða röngu eru ýmsir varir um
sig af ótta við að þeir gjaldi þess
hjá vinnuveitanda sínum að sinna
málinu. Fólk sinnir ekki máli nema
það telji líklegt, að tekið verði tillit
til skoðunar þess. Margir sem gengu
fram í því í fyrra að senda áskorun
til Alþingis um þjóðaratkvæða-
greiðslu eru sárir og hafa ekki geð
í sér að sinna málinu nú, þótt þeir
eigi sömu ósk.
Þeir eru ef til vill flestir, sem eiga
með sér þá ósk, að þú leggir málið
íyrir þjóðina, en telja ekki til neins
að bera hana fram við þig eftir það
sem á undan er gengið. í sjónarmiði
þínu um að gæta virðingar forseta-
embættisins, sem er vitaskuld
fremsta skylda forseta, felst að sjálf-
sögðu að meta hvað almenningur
telur rétt og skylt að gera. Umræður
um málið síðar í janúar hafa styrkt
þá skoðun, sem lesa má á undir-
skriftablaðinu, að forsetaembættið
skuli m.a. mótast af virðingu fyrir
rétti þjóðarinnar til að ráða örlaga-
ríkustu málum til lykta með þjóðarat-
kvæðagreiðslu.
Undirskriftasöfnun hefði ekki haf-
izt nema af því að þeir sem að henni
stóðu trúðu því, að forseta landsins
væri ljúft að taka tillit til álits al-
mennings. Þeir reynast hins vegar
býsna margir sem ekki eru sannfærð-
ir um það. Ég vænti þess, að þér sér
kærkomið að lýsa því hér í blaðinu,
hvemig þú metir álit almennings í
þessu efni, til að eyða óvissu sem
gætir alltof víða. Ef nefnd yrði tala
æskilegra undirskrifta eða nauðsyn-
legra, yrði það kærkomin leiðbeining
fyrir þá sem safna undirskriftum.
Viðbrögð almennings hér í Reykjavík
og víða um land benda til þess, að
talan mætti vera býsna há án þess
að vera óyfirstíganleg. Það er ekki
mikill tími til stefnu, en stjómarskrá-
in gerir þó ráð fyrir því, að dragast
megi allt að tveimur vikum að stað-
festa lög.
Önnur aðferð til að kanna hug
almennings er úrtaksskoðanakönn-
un. Með henni gæfist tækifæri til
að spyrja samtímis, hvort viðkom-
andi vildi að forseti Islands legði lög-
in fyrir þjóðina til staðfestingar eða
hvort viðkomandi væri andvígur því.
BJÖRN S. STEFÁNSSON
VESTURVALLAGÖTU 5
REYKJAVÍK
Um fréttamat
Frá Kristni Kristmundssyni:
ENGAN þarf að undra þótt skoðanir
séu skiptar á svonefndu fréttamati
sjónvarpsstöðva. Hitt ætti að vera
ágreiningslaust að talsmönnum
fréttastofa sé skylt að sýna háttvísi
og skýra sjpnarmið sín ef fréttum
er hafnað. Á því er misbrestur.
Hinn 13. apríl sl. var haldið hátíð-
legt 40 ára afmæli Menntaskólans
að Laugarvatni. Um 300 manns sóttu
veglegt afmælishóf þetta kvöld, nem-
endur, starfsmenn og fjöldi gesta,
þ. á m. menntamálaráðherra og
ráðuneytisstjóri menntamálaráðu-
neytisins. Gert hafði verið viðvart á
fréttastofu ríkissjónvarpsins með
góðum fyrirvara og varð ekki annað
ráðið af viðbrögðum þess starfs-
manns, sem rætt var við, að honum
þætti full ástæða til að birta frétt
af afmælinu. Staðfesting þess þótti
fengin með komu fréttaritara á vett-
vang enda tók hann svipmyndir af
því sem fram fór og viðtöl bæði við
VELVAKANDI
GÆLUDYR
Kettlingar
KETTLINGAR fást gefins.
Upplýsingar í síma 682489.
Kettlingur
AF SÉRSTÖKUM ástæðum
vantar 5 mánaða læðu gott
heimili. Mjög blíð og góð. Upp-
lýsingar í síma 611075 eftir
kl. 17.
Kettlingur týndur
SÍÐASTLIÐINN fimmtudag
hvarf 4 mánaða kettlingur af
heimili sínu að Kópavogsbraut
41. Þetta er fress, svartur utan
hvítur á loppum, trýni og kvið.
Hann er lítill og ómerktur, en
síminn hjá honum er 45535.
Páfagaukur
LÍTILL páfagaukur fæst gef-
ins. Búr og tilheyrandi fylgir.
Upplýsingar í síma 42653.
Köttur heimakominn
UNGHÖGNI einn hefur gert
sig heimakominn á Njálsgötu
39b síðustu vikuna eða svo.
Hann er talinn með síamsblóð,
gljásvartur allur utan hvítur á
bringu, tám og aðeins í kring
um munn. Augun ljós. Er
drengurinn ómerktur, en ef ein-
hver kannast við hann, er hann
í síma 19817.
Síamsfress fæst gefins
SÍAMSFRESS óskar eftir góðu
heimili. Karfa og fleiri fylgi-
hlutir. Upplýsingar í síma
22789 eftir kl. 17.
TAPAÐ/FUNDIÐ
Budda fannst
ÞAU SEM svara í síma 23418
fundu buddu með lyklum,
strætómiðum og einhverju
fleiru á Sólvallagötu síðastlið-
inn föstudag. Sá sem týndi
henni getur vitjað hennar í
umræddum síma.
Gullkeðja
18 KARATA karlmannsgullk-
eðja týndist dagana 5. til 7.
apríl. Ékki er fullljóst hvar eig-
andinn var er keðjan brast og
týndist, en ekki er þó útilokað
að það hafi verið á hafnarsvæð-
inu í Reykjavík, hugsanlega
nærri afgreiðslu Akraborgar.
Herdís og Ingvi eru að leita að
keðjunni og þau eru í síma
30665.
Bindisnæla
HEIMIR tapaði silfurlitaðri
bindisnælu inn við Laugardals-
höll á laugardaginn. Hann von-
ar að einhver hafi fundið hana
og síminn er 670413.
Myndavél tapaðist
MYNDAVÉL, Olympus AF-10
Super, tapaðist í miðborg
Reykjavíkur föstudaginn 16.
apríl. Finnandi vinsamlegast
hringi í síma 73322.
Aðalfundur Nýaldarsamtakanna
Aðalfundur Nýaldarsamtakanna verður haldinn
í sal samtaknanna á 3 hæð, Laugavegi 66,
fimmtudaginn 6. maí og hefst hann kl. 20.30.
Venjuleg aðalfundarstörf.
Að loknum fundi mun Magnús Skarphéðinsson
halda fyrirlestur um Tilraunafélagið.
Stjórnin.
Viltu gera góð kaup?
Allt á hálfvirði
á afsláttarstandinum
menntamálaráðherra og undirritað-
an í tilefni afmælisins.
Engin frétt hefur enn birst í sjón-
varpinu og í dag, 23. apríl, fengust
þau svör hjá fréttastofu sjónvarps
að farist hefði fyrir að birta fréttina,
aðsent myndefni ekki fundist þegar
til átti að taka, nú þætti of langt
um liðið og efnið hefði verið endur-
sent fréttaritaranum. Ég benti á að
10 dagar væri ekki langur tími mið-
að við 40 ár og var á það fallist.
Ekki veit ég hvernig framkoma
af þessu tagi er metin í þeirri virðu-
legu og mjög umtöluðu stofnun, rík-
issjónvarpinu. Hitt veit ég að hér um
slóðir er mörgum misboðið og telja
þeir að óvirðing hafi verið gerð skól-
anum og þeim sem hlut eiga að
máli, þ.m.t. menntamálaráðherra.
Síðast en ekki síst er með slíku fram-
ferði valtað purkunarlaust yfír dug-
legan og áhugasaman fréttaritara
af landsbyggðinni.
Heils hugar styð ég þá sem vilja
standa vörð um ríkissjónvarpið og
efla veg þess og viðgang. Vinnubrögð
eins og hér er lýst eru ekki til þess
fallin.
KRISTINN KRISTMUNDSSON,
Laugarvatni.
LEIÐRETTIN GAR
Hárgreiðslu-
stofa
í frétt í Morgunblaðinu í fyrra-
dag, þar sem skýrt er frá nýrri
hárgreiðslustofu í miðbæ Hafnar-
fjarðar, segir að starfsemi hár-
greiðslustofunnar, sem var á
Reykjavíkurvegi 16, hafi verið lögð
niður. Það er ekki rétt, þar sem þar
er rekin hárgreiðslu- og snyrtistof-
an Húð og hár. Beðist er velvirðing-
ar á þessu
Villa í andláts-
tilkynningu
, í Morgunblaðinu sl. laugardag
birtist tilkynning um andlát og út-
för Arthurs L. Rose. Rangt var
farið með dánardag í tilkynning-
unni, en hið rétta er að Arthur
andaðist 20. apríl og var jarðsettur
23. apríl. Heimilisfang aðstandanda
misritaðist einnig, en Þóra Odds-
dóttir Rose býr að 6336 Diane Rd,
Jacksonville, Florida 32211, USA.
Beðist er velvirðingar á þessum
mistökum.
Minkapelskápur og jakkar,
pelsfóðurkápur
og jakkar,
leðurkápur
og jakkar.
Margt nýtt
á standinum
þessa viku.
Greiðslukjör
við allra hæfi.
Fallegur fatnaður
frííK-
PEISINNÍ
Kirkjuhvoli • sími 20160 L
Okeypis lögfræðiaðstoð
verdur veitt í síðasta sinn
á þessum vetri í kvöld á milli
kl. 19.30 og 22.00 ■ síma 11012.
ORATOR, félag laganema.
Tónleikar Magneu
eru í kvöld
í frétt í Morgunblaðinu í gær af
burtfarartónleikum Magneu Tóm-
asdóttur í Norræna húsinu var dag-
setninginn röng, eins og nærri
mátti geta, þar sem nefndur var
23. apríl. Tónleikarnir eru í kvöld,
fimmtudagskvöld 29. apríl og hefj-
ast klukkan 20:30. Beðist er vel-
virðingar á þessum mistökum.
Fitubrennsla
Síðasta 8 vikna námskeiðiö
fyrir sumariö hefst 3. maí
Engin fitubrennslunámskeiö í sumar
í boði eru fitubrennslutímar I og II
I fyrir byrjendur.
li fyrir þá, sem eru í einhverri þjálfun og vilja taka
vel á (pallar notaðir).
• Fitumæling og vigtun
• Matarlistar og ráðleggingar
• Fyrirlestrar um megrun og mataræði
Sá sem missir 8 kíló eða fleiri fær frítt
mánaðarkort hjá Ræktinni.
Látið skrá ykkur strax.
Takmarkaður fjöldi kemst að.
Upplýsingar í síma 12815 og 12355.
ræhtin
S.f
FROSTASKJÓL 6 • SÍMAR 12355 & 12815
SÓLBAÐSTOFA . AEROBIK . LÍKAMSRÆKT