Morgunblaðið - 02.06.1993, Síða 30
30
MORGUNBLAÐIÐ MIÐVIKUDAGUR 2. JÚNÍ 1993
MORGUNBLAÐIÐ MIÐVIKUDAGUR 2. JÚNÍ 1993
31
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Kringlan 1, 103 Reykjavík. Símar: Skiptiborð 691100. Auglýsingar:
691111. Áskriftir 691122. Áskriftargjald 1200 kr. á mánuði innan-
lands. ( lausasölu 110 kr. eintakið.
Siglufjarðarkaup-
staður 7 5 ára
Tröllaskagi skilur að Eyja-
fjörð og Skagafjörð. Hann
er krýndur miklum fjallgarði
sem teygir þverhnípt björg í sjó
fram. Inn í skagann skerst frá
norðri lítill fjörður, varinn fjöll-
um á þrjá vegu — og nesi í
norður, gegn öldum úthafsins.
Þetta er Siglufjörður, lífhöfn
sæfarenda frá landnámstíð og
miðstöð síldveiða og síldariðn-
aðar lungann úr öldinni, eða þar
til stofninn hrundi vegna ofveiði
og/eða breytinga í lífríki sjávar.
Dönsku einokunarverzluninni
var aflétt árið 1788. Þá hófst
svokallað fríhöndlunarskeið.
Þetta sama ár var stofnuð fyrsta
verzlunin í Siglufirði. Þijátíu
árum síðar, 20. maí 1818, lög-
gilti konungur Siglufjörð sem
verzlunarstað. Þetta tvennt varð
upphaf byggðar á Þormóðseyri,
þar sem Siglufjarðarkaupstaður
stendur nú. Fram yfir síðustu
aldamót bjuggu þó Hvann-
hreppingar (sveitarfélagið hét
Hvanneyrarhreppur til þess
tíma að Siglufjörður fékk kaup-
staðarréttindi) að stærstum
hluta á útvegsbýlum á Siglu-
nesi, í Siglfirði, í Héðinsfirði og
Úlfsdölum.
Árið 1880 er stofnað félag í
Siglufírði um síldveiðar með nót
við land, eða í svokallaða síldar-
lása. Það er þó ekki fyrr en um
1903, er Norðmenn heú’a síld-
veiðar í hringnót og reknet, að
síldarævintýrið fer að taka á sig
mynd í íslandssögunni. Árið
1907 er sett hafnarreglugerð
fyrir Siglufjörð og hafnarsjóður
stofnaður. Það er á þessum
árum sem hjólin fara að snúast
í síldariðnaðinum, síldarplön eru
byggð, síldarbræðslur og tunnu-
verksmiðja og ýmsar stoðgrein-
ar veiða og vinnslu styrkjast.
Um það bil er síldarævintýrið
hefst, á fyrstu árum nýrrar ald-
ar, eru Siglfirðingar innan við
150 talsins. Segull síldarinnar
dregur síðan fólk til Siglufjarðar
hvaðanæva af landinu. Þar sezt
og að erlent fag- og framtaks-
fólks, tengt veiðum og vinnslu
síldar og verzlun með síldaraf-
urðir. Arið 1910 eru íbúarnir
rúmlega 1.500 og árið 1920
2.500 en flestir verða þeir rúm-
lega 3.100, seint á fimmta ára-
tugnum. Sú tala gat síðan tvö-
til þrefaldast í landlegum, þegar
erlendir og innlendir síldveiði-
sjómenn bættust í hóp heima-
manna og aðkomins síldverk-
unarfólks.
Siglfirðingar bjuggu snemma
í haginn fyrir vaxandi þéttbýli:
Sparisjóður Siglufjarðar var
stofnaður 1873, hreppsnefnd
var kjörin 1874, héraðslæknir
ráðinn 1879, skipuleg barna-
fræðsla hófst 1883, vatnsveita
var tekin i notkun 1911 og raf-
veita 1913. Siglufjörður fékk
síðan kaupstaðarréttindi á 100
ára verzlunarafmæli staðarins
20. maí 1918, eftir langa og
stranga baráttu, sem leidd var
af séra Bjama Þorsteinssyni,
sóknarpresti þeirra, þjóðkunnu
tónskáldi og safnara íslenzkra
þjóðlaga. Siglfírðingar fagna
því 75 ára kaupstaðarafmæli
um þessar mundir.
Norðmenn námu í vissum
skilningi Island öðru sinni þegar
þeir hófu síldveiðar hér við land
um síðustu aldamót. Siglufjörð-
ur hafði og náin tengsl við aðr-
ar síldveiði- og síldarneyzluþjóð-
ir. Þar þróaðist því fjölþætt og
sérstætt, þjóðlegt og alþjóðlegt,
félags- og menningarlíf.
Síldin og síldarplássin voru
þungvæg í þjóðartekjum. Þann-
ig námu síldarafurðir 21-45%
af útflutningstekjum 1961-68.
En hrun Norðurlandssíldarinn-
ar, sem skók afkomuundirstöð-
ur þjóðarinnar á sinni tíð, lék
síldarplássin illa. Og alverst
Siglufjörð, sem hafði öll sín af-
komuegg í síldarkörfunni. Þar
hefur þó rætzt tiltölulega vel
úr málum. Og með hliðsjón af
stöðu sjávarútvegs og efna-
hagsmála á líðandi stundu eru
atvinnumál þar i bærilegu
standi. Morgunblaðið ámar
Siglfírðingum framtíðarheilla í
tilefni kaupstaðarafmælisins.
Stórslysa-
laus hvíta-
sunnu-
umferð
Frekar kalt var um land allt
um hvítasunnuhelgina. Kuldinn
réð því að umferð á vegum var
með minna móti. Fólk sótti þó
mikið í sumarbústaði en tjald-
stæði vom nánast auð og dans-,
leikir fásóttir. Eftir því sem
bezt er vitað var umferðin stór-
slysalaus, þótt ekki væri hún
slysalaus, því miður. En það er
út af fyrir sig fagnaðarefni þeg-
ar mikil umferðarhelgi líður hjá
án fleiri eða meiri óhappa en
þó urðu.
Fyrirbyggjandi eftirlit og,
leiðbeiningar lögreglu og um-
ferðarráðs stóðu fyrir sínu sem
oft áður. Reynslan sýnir okkur
að ef við leggjumst öll á eitt
þá getum við bætt umferðina
og fækkað slysunum.
Ætluðu að kanna net við ósa Hólsár
V élarvana gúm-
báta rak á haf út
Hellu.
ÞAÐ óhapp átti sér stað að kvöldi hvítasunnudags að Zodiac-gúmbátur
varð vélarvana skammt undan landi á Þykkvabæjarfjöru. Fjórir menn
hugðust kanna netatrossur sem virtust hafa verið lagðar ólöglega rétt
upp í landsteinum. Mennina rak hratt undan vindi á haf út en kallaður
var til björgunarbátur frá Björgunarsveitinni Dagrenningu á Hvolsvelli
en vél hans bilaði einnig. Tókst síðan að koma vél annars bátsins í lag
og komust allir í land heilu og höldnu.
Þykkvabæingarnir hugðust kanna
hver væri eigandi netatrossa sem lágu
frá árósi Hólsár ve§tur undan strönd-
inni á nokkurra km kafla, um 100
metra frá landi. Hólsá heitir þar sem
Þverá, Eystri- og Ytri-Rangá koma
saman og renna til sjávar. Grunur lék
á að ólöglega hafi verið staðið að lögn
þeirra en í veiðilögum segir, að aðeins
megi leggja net í tveggja km radíus
frá árósi. Mennimir voru komnir að-
eins nokkra metra frá landi þegar
bilun varð í vél bátsins en vindur stóð
á haf út og rak gúmbátinn hratt frá
landi. Félögum mannanna sem stóðu
í fjörunni og horfðu á varð strax ljóst
að bilun hafði orðið. Kölluðu þeir til
lögreglu og björgunarbát frá Björgun-
arsveitinni Dagrenningu á Hvolsvelli.
Fór sá bátur til aðstoðar með tvo
menn innanborðs en svo óheppilega
vildi til að véi þess báts bilaði einnig
þegar þeir áttu skamman spöl eftir
að landi.
Hvorugur bátanna var búinn tal-
stöð, en félagar mannanna sáu nú
báða bátana reka lengra frá landi án
þess að nokkuð fengist við ráðið. Vind-
ur var talsverður og sjáanlegt að
mennimir réðu ekki við að róa til
lands. Kallað var í björgunarbát frá
Vestmannaeyjum en þá höfðu bát-
sveijar skotið upp neyðarblysum sem
skipveijar Hafnarrastar komu auga
á, en báturinn Hafnarröst var á leið
til Þorlákshafnar. Kom hann að mönn-
unum skömmu síðar eða um svipað
leyti og björgunarbátur Slysavarnafé-
lagsins í Vestmannaeyjum. Einnig
komu á vettvang tveir gúmbjörgunar-
bátar frá Stokkseyri og Eyrarbakka.
Þegar hér var komið við sögu hafði
bátsveija á öðrum vélarvana bátnum
tekist að gera við vél hans til bráða-
birgða og gat hann því siglt sjálfur í
land með hinn í togi. Mönnunum var
aldrei hætta búin og varð ekki meint
af volkinu.
Veiðifélagið kærði atburðinn
Að sögn Sveins Siguijónssonar á
Galtalæk, varaformanns Veiðifélags
Rangæinga, er litið mjög alvarlegum
augum á netalögn sem þessa, því
netunum er lagt rétt við árósinn þar
sem lax og silungur ganga upp til
hrygningarstöðva sinna. Hann sagði
að komið hefði í ljós að um ýsunet
hefði verið að ræða, en þau hafa sömu
möskvastræð og laxanet sem notuð
eru til veiði í vötnum. Veiðifélagið
hefði kært atburðinn og var eigandan-
um í framhaldi af því gert að taka
netin upp. Sveinn kvaðst afar óhress
með að ekkert eftirlit hefði verið af
hálfu lögreglunnar þegar netin voru
dregin og því ekkert vitað hversu
mikið af laxi og silungi hefði verið í
þeim.
- A.H.
Morgunblaðið/Aðalheiður Högnadóttir
Til lands eftir hrakninga
BÁTSVERJAR gúmbátanna tveggja koma að landi á Þykkvabæjarfjöru
í fylgd björgunarbátanna. Mennirnir voru blautir og kaldir eftir nokk-
urra tíma hrakninga.
Iðnlánasj óði heimilt
að stofna Hraun hf.
m ............
■
Morgunblaðið/Halldór B. Nellett
Hæsti kletturinn horfinn
FOKKER-flugvél Landhelgisgæslunnar flaug yfir Kolbeinsey í gær og
var myndin, sem er til vinstri hér að ofan, tekin þá. Með samanburði á
henni og myndinni til hægri, sem tekin var í fyrra, sést að kletturinn
austan við þyrlupallinn (hægra megin á myndinni) hefur horfið í vetur
og ber það saman við það sem sjómenn úr Grímsey sögðu í vor. Klettur-
inn var hærri en þyrlupallurinn og lítur út fýrir að um tveir metrar
hafi brotnað ofan af honum.
Stjórnarseta starfsmanna Iðnlánasjóðs hins vegar talin óeðlileg
VIÐSKIPTARÁÐUNEYTIÐ hefur komist að þeirri niðurstöðu
að lagaákvæði komi ekki í veg fyrir að Iðnlánasjóður stofni hlut-
afélag, eins og Rekstrarfélagið Hraun, til að taka við atvinnu-
rekstri skuldunauta, ef það er talið nauðsynlegt til að tryggja
innheimtu krafna. Það er hins vegar ekki talið vera í samræmi
við nýju samkeppnislögin og eðlilega viðskiptahætti að í stjórn
Rekstrarfélagsins Hrauns hf. sitji starfsmenn Iðnlánasjóðs. Jafn-
framt telur ráðuneytið það ámælisvert að yfirlýstur tilgangur
Iðnlánasjóðs með stofnun félagsins komi hvorki fram í stofnsamn-
ingi þess eða samþykktum. I framhaldi af þessari niðurstöðu
hafa starfsmenn sjóðsins vikið úr stjórn félagsins og samþykkt-
um þess verið breytt.
Viðskiptaráðuneytinu barst
kvörtun frá Steypustöðinni þann
18. maí sl. vegna Rekstrarfélagsins
Hrauns, ásamt lögfræðilegri grein-
argerð þar sem bent var á að Iðn-
Iánasjóður hefði ekki heimild í lög-
um til þátttöku í stofnun félagsins.
Iðnlánasjóður sendi í framhaldi af
því inn til ráðuneytisins lögfræði-
lega greinargerð þar sem talið var
að stofnun félagsins væri fyllilega
lögleg enda væri hún liður í því að
gæta hagsmuna sjóðsins.
Lögfræðiálit
Viðskiptaráðuneytið óskaði síðan
eftir lögfræðilegu áliti Markúsar
Sigurbjörnssonar, prófessors, um
heimild Iðnlánasjóðs til að taka
þátt í stofnun rekstrarfélagsins.
Markús komst að þeirri niðurstöðu
að Iðnlánasjóði hafi verið heimilt
að eiga hlut að stofnun félagsins
að uppfylltu því skilyrði að það
hafí verið nauðsynlegt til að tryggja
kröfur sínar á hendur þrotabúi Oss
húseininga hf. Ennfremur væri
Iðnlánasjóði heimilt að vera hlut-
hafi í rekstrarfélaginu og eiga aðild
að rekstri þess. Niðurstaða ráðu-
neytisins var sömuleiðis á þann veg
að lagafyrirmæli væru ekki því til
fyrirstöðu að sjóðurinn stofnaði fé-
lag til að taka við atvinnurekstri
skuldunauta ef slíkt væri talið
nauðsynlegt til að tryggja eða auka
líkur á innheimtu krafna.
Iðnlánasjóður lýsti því yfir gagn-
vart ráðuneytinu að það væri von
sjóðsins að nýr eigandi tæki við
rekstri félagsins fyrir 1. september.
Ráðuneytið gerði athugasemd við
að þessi yfirlýsti tilgangur Iðnlána-
sjóðs hafi hvorki komið fram í
stofnsamningi né samþykktum og
telur þetta ámælisvert. Sömuleiðis
gerði ráðuneytið athugasemd við
stjórnarsetu starfsmanna Iðnlána-
sjóðs og er í því sambandi bent á
að meðal viðskiptamanna Iðnlána-
sjóðs séu öll helstu fyrirtæki lands-
ins í steinefnaiðnaði. Sjóðurinn hafi
því aðgang að reikningum og öðr-
um upplýsingum um helstu sam-
keppnisaðila rekstrarfélagsins. Er
því beint til Iðnlánasjóðs að hann
tryggi að í stjórn félagsins taki
sæti óháðir aðilar.
Hlutliafafundur í gær
í framhaldi af niðurstöðu ráðu-
neytisins var boðað til hluthafa-
fundar í gær hjá Rekstrarfélaginu
Hrauni hf. þar sem kjörnir voru
þrír nýir stjórnarmenn í stað starfs-
manna Iðnlánasjóðs. Jafnframt var
samþykktur viðauki við samþykktir
þar sem fram kemur að tilgangur
félagsins sé ennfremur að tryggja
hagsmuni Iðnlánasjóðs vegna
gjaldþrots Óss húseininga hf. með
því að halda rekstri í horfinu.
Niðurgreiðslur auknar á nokkrum tegundum búvara frá og með 1. júní
3,7 til 8,5%
verðlækkun
NOKKRAR tegundir búvara lækkuðu í verði um 3,7 til 8,5% í gær
vegna aukinna niðurgreiðslna sem ákveðnar voru í tengslum við
kjarasamningana. Lækkun verður á rjóma, skyri, osti, nautgripa-
kjöti, eggjum, kjúklingum og svínakjöti. Hins vegar breytist ekki
verð á mjólk, smjöri, kindakjöti, hrossakjöti og grænmeti.
Niðurgreiðslurnar samsvara
lækkun virðisaukaskatts úr 24,5 í
14% á þeim búvörum sem ekki voru
svo mikið niðurgreiddar. Algengar
búvörur eins og mjólk, undanrenna,
kindakjöt og grænmeti lækka ekki
í verði vegna þess að virðisauka-
skattur af þeim hefur verið niður-
greiddur. Rjómi, skyr og ostar
lækka um 8,4%. Hins vegar lækkar
smjörið ekki að þessu sinni, en það
mun væntanlega lækka sem þessu
nemur þegar virðisaukaskatturinn
verður lækkaður í 14% um næstu
áramót.
Verð á nautgripakjöti lækkar,
einnig egg, kjúklingar og svínakjöt.
Verðlagning þessara vara er fijáls
í smásölu þannig að útsöluverð ligg-
ur ekki fyrir fyrr en eftirnokkra
daga. Til viðmiðunar má nefna að
Breyting á verði nokkurra
landbúnaðarafurða
vegna kjarasamninga
Q
Smásöluverð Verðið var Veröið er nú Lækkun % breyting
Rjómi, 0,5 lítri kr. 294 kr. 269 25 kr. -8,5%
Skyr, 1 kg 131 120 11 kr. -8,4%
Ostur, 45% 774 709 65 kr. -8,4%
Nautgripakjöt, heilir og hálfir skrokkar
Stjörnuflokkur, UN* 603 572 31 kr. -5,1%
1. flokkur, UN1 538 518 20 kr. -3,7%
Viðmiðunarverð frá framleiðendum
Kjúklingar, 1. fl., 1 kg 300 276 24 kr. -8,0%
Svínakjöt,Grís1., 1 kg 340 319 21 kr. -6,2%
Egg, 1 fl„ 1 kg 260 245 15 kr. -5,8%
heildsöluverð og hámarkssmásölu-
verð nautgripakjöts í heilum og
hálfum skrokkum lækkar um 3,7
til 5,1%, viðmiðunarverð á eggjum
og svínakjöti til framleiðenda lækk-
ar um nálægt 6% og kjúklingar um
8%. Hrossakjöt hefur enn ekki
lækkað í verði.
Bygging stórhýsis í
Hafnarfirði hafin
Verktakafyrii'tækið Fjarðarmót í Hafnarfirði hefur hafið fram-
kvæmdir við umdeilt stórhýsi við Fjarðargötu í miðbæ Hafnarfjarðar.
Undanfarnar tvær vikur hefur verið unnið við uppsteypu grunns bygg-
ingarinnar en áætlað er að stórhýsið verði fullfrágengið að utan 1.
maí 1994 og ennfremur að öllum framkvæmdum Ijúki vorið 1995.
Hálft annað ár er liðið frá því að
Hafnarfjarðarbær úthlutaði Miðbæ
Hafnarfjarðar hf. lóðinni við Fjarðar-
götu. í húsinu verða ýmsar verslanir
og skrifstofur auk bókasafns og hót-
els. Að sögn Viðars Halldórssonar,
verkefnisstjóra hjá Miðbæ Hafnar-
fjarðar hf., fór útboð ekki fram á
framkvæmdunum. Fyrirtækið gerði
þess í stað samning þann 13. maí
við verktakafyrirtækið Fjarðarmót í
Hafnarfirði um allar framkvæmdir
við byggingu hússins. Áður hafði
verið samið við Suðurverk hf. og
Grétar Sveinsson um jarðvinnu á
lóðinni.
Framkvæmdum lýkur 1995
Á lóðinni verður húsið að öllum
líkindum risið að liðnu tæpu ári en
Viðar gerir ráð fyrir því að það verði
fullfrágengið að utan og uppsteypt
1. maí næstkomandi. Verslanir í
húsinu verða aftur á móti tilbúnar í
kringum 1. ágúst sama ár en Viðar
telur að líklega muni þær opna um
mánaðamótin október nóvember
1994. Skrifstofurými hússins verður
tilbúið um svipað leyti en síðasta
áfanganum verður loks náð með fyr-
irhugaðri opnun hótels vorið 1995.
Hafnarfjarðarbær kaupir
Viðar segir að samningar hafi
þegar tekist við Hafnarfjarðarbæ um
kaup á hluta húsbyggingarinnar eða
um 7-8% rýmisins en þangað á með-
Bankamenn telja
uppsagnir í Lands-
banka ólöglegar
SAMBAND íslenskra bankamanna hefur sent bankastjórn Landsbank-
ans bréf þar sem fram kemur það álit lögfræðings sambandsins,
Sveins Sveinssonar, að uppsagnir 74 starfsmanna bankans nýlega
bijóti í bága við ákvæði laga um hópuppsagnir. Krefst sambandið
þess að uppsagnirnar verði dregnar til baka, að öðrum kosti verði
farið með málið fyrir dómstóla. Starfsfólk Landsbankans efndi í gær
til aðgerða til að vekja athygli á málstað sínum.
Anna G. ívarsdóttir, formaður
Sambands íslenskra bankamanna,
sagði að nú vær beðið viðbragða
frá bankastjórn Landsbankans við
bréfí sem sambandið sendi frá sér
um helgina. í bréfínu kemur fram
að það sé álit lögfræðings sam-
bandsins að uppsagnir starfsfólks
nýlega hafi brotið gegn ákvæðum
í lögum um hópuppsagnir, m.a. að
því er varðar að uppsagnir taki
fyrst gildi 30 dögum eftir að til-
kynning um fyrirhugaðar uppsagn-
ir hafí borist stjórn vinnumiðlunar
í hveiju umdæmi. Ennfremur að
tilkynna beri fulltrúum starfs-
manna um uppsagnirnar og til-
greina þá einnig fjöldatölur sem og
ástæður uppsagna.
„Við teljum að uppsagnir geti
ekki verið fyrirhugaðar þegar búið
er að segja fólkinu upp. Þá teljum
við að bankinn hafí ekki leitað eft-
ir samkomulagi við okkur, það var
ekkert við stéttarfélagið talað,“
sagði Anna og vísaði til ákvæðis
um að leita eftir slíku samkomulagi
bæði í kjarasamningi bankamanna
og í lögum um hópuppsagnir.
Dropi í hafið
„Við gerum okkur alveg grein
fyrir því að okkur á eftir að fækka,
en við höfnum þeirri leið sem farin
var við uppsagnimar. Við teljum
að um sýndarmennsku sé að ræða,
þessi aðgerð skilar litlum sparnaði,
miðað við þær tölur sem bankinn
er að glíma við er þetta dropi í
hafið,“ sagði Anna.
Engar óvenjulegar tafir urðu í
afgreiðslu í aðalbanka Landsbanka
íslands í gær og sagði Karl Hall-
björnsson, svæðisstjóri aðalbank-
ans, að dagurinn hefði gengið fyrir
sig eins og aðrar dagar um mánaða-
mót.
Um aðgerðir starfsmanna Lands-
bankans í gær, sagði Anna að við-
skiptavinir hefðu sýnt samstöðu
sem sést hefði af því að fáir hefðu
komið í bankana. Þessi mánaðamót
hefðu verið róleg, en tilgangi að-
gerðanna hefði verið náð, þ.e. að
vekja athygli á uppsögnunum.
Hefja flug frá Kaupmannahöfn til Hamborgar
Gert ráð fyrir 42
þúsund farþegum
HALLDÓR Blöndal, samgönguráðherra, opnaði nýja áætlunarflug-
leið Flugleiða milli Kaupmannahafnar og Hamborgar í gær. Flugleið-
in verður í beinu framhaldi af flugi félagsins milli íslands og Kaup-
mannahafnar. Flogið verður tvisvar á dag nema laugardaga þegar
er flogið einu sinni. Flugleiðir gera ráð fyrir að flytja um 42.000
farþega milli Kaupmannahafnar og Hamborgar á árinu.
Sigurður Helgason, forstjóri
Flugleiða, sagði að með þessari
þjónustu opnaði félagið íslending-
um flug milli íslands og Evrópu
kvölds og morgna alla daga vikunn-
ar allt árið. Með aukinni ferðatíðni
til Kaupmannahafnar væri farþeg-
um tryggð tíð og örugg tengiflug
með flugvélum SAS og hefðu félög-
in gert með sér samning um 5-10%
verðlækkun í tengiflugi frá íslandi
til borga víðs vegar um Evrópu.
Að auki sagði Sigurður að félag-
ið væri að opna nýjan markað milli
Kaupmannahafnar og Hamborgar
og fjölga þar með farþegum um
meira en 5%. Svo væri verið að
auðvelda íslendingum ferðir til
Þýskalands, greiða fyrir viðskiptum
og styrkja íslenska ferðaþjónustu
með því að opna greiða leið milli
íslands og Þýskalands allt árið.
al annars að flytja bókasafn Hafnar- þátt í kostnaði við byggingu bíla-
fíarðar. Bærinn mun ennfremur taka geymslu í kjallara hússins.
Morgunblaðið/Bjarni
Grunnur að stórhýsi
NU er unnið við að steypa grunn byggingarinnar sem rísa á í miðbæ
Hafnarfjarðar.