Morgunblaðið - 02.06.1993, Blaðsíða 34

34
MORGUNBLAÐIÐ MIÐVIKUDAGUR 2. JÚNÍ 1993
Tónleikar
í Akureyr-
arkirkju
KÓR Akureyrarkirkju, undir stjórn
Bjöms Steinars Sólbergssonar,
Óskar Pétursson tenór og Antonia
Hevesi orgelleikari halda tónleika
í Akureyrarkirkju annaðkvöld,
fimmtudagskvöld, 3. júní kl. 20.30.
Á fyrri hluta tónleikanna leikur
Antonia Hevesi, organisti Siglu-
fjarðarkirkju, tvö' orgelverk og
Óskar Pétursson tenór syngur tvö
einsöngslög. Á síðari hluta tónleik-
anna flytur kór Akureyrarkirkju
verk eftir Róbert A. Ottósson, Jak-
ob Tryggvason, Pál ísólfsson, Jón
Hlöðver Áskelsson, Mendelssohn,
G. Fauré og Cesar Franck. Ein-
söngvari með kómum er Óskar
Pétursson.
Morgunblaðið/Rúnar Þór
A hraðferð
á Greifann
LITLU munaði að illa færi þegar
ökumaður bifreiðar missti stjórn
á henni og ók á vegg og rúðu á
veitingahúsinu Greifanum við
Glerárgötu á hvítasunnudag.
Þetta gerðist við aðalinngang
veitingastaðarins.
Fimm manns sátu við borð við
dyrnar og þykir mesta mildi að
enginn skyldi slasast. Rúðan brotn-
aði, en svo „vel“ vildi til að aðal-
höggið kom á steyptan bita við hlið
dyranna en ekki á gluggann. Menn-
imir á myndinni, Karl F. Jónasson
og Þorvarður Guðmundsson, standa
við gluggann, en þeir voru meðal
matargestanna sem fengu þennan
óboðna og óvænta gest að borði
sínu.
Morgunblaðið/Rúnar Þór
Hrossarekstur í Hegranesi
SKAGFIRSKIR hestamenn reka hross í hús í blíðunni sem menn, hestar og hundar nutu á Norðurlandi nýlega.
Sunnu-
kórinn á
söngför
SUNNUKÓRINN á ísafirði verður
í tónleikaferð um Norðurland dag-
ana 4.-6. júní. Kórinn syngur í
Miðgarði í Skagafirði á föstudag-
inn 4. júní kl. 20.30 og í Samkomu-
húsinu á Akureyri á laugardag kl.
16.
í Miðgarði syngur Rökkurkórinn
í Skagafirði með kórnum, og á Akur-
eyri mun kór Glerárkirkju syngja
með honum. Einsöngvarar með kórn-
um eru Guðrún Jónsdóttir sópran-
söngkona, sem hefur getið sér gott
orð fyrir leik sinn í Leðurblökunni,
sem sýnd er hjá Leikfélagi Akur-
eyrar þessa dagana, og Reynir Inga-
son, tenór. Stjórnandi kórsins er
Beáta Joó. Undirleik annast Sigríður
Ragnarsdóttir á píanó og Ingibjörg
Snorradóttir og Messíana Marsellíus-*.
dóttir, sem leika á harmonikku.
Söngskráin er fjölbreytt, íslensk og
norræn lög. Aðgöngumiðasala er við
innganginn.
(Úr fréttatilkynningu)
Hátt í 100 umsóknir um nám í kennaradeild Háskólans á Akureyri
Þetta kallar á aukíð hús-
næði og aukinn mannafla
- segir Guðmundur Heiðar Frímannsson forstöðumaður kennaradeildar
1 GÆR höfðu 93 umsóknir borist um nám í kennaradeild Háskólans
á Akureyri, er umsóknarfrestur rann út. Deildin er nýsett á laggirnar
og hefst kennaranám við skólann í haust. Umsóknir eru mun fleiri
en reiknað var með, að sögn Guðmundar Heiðars Frímannssonar,
forstöðumanns deildarinnar.
Guðmundur Heiðar sagði við
Morgunblaðið að skv. lögum yrði
skólinn að taka við öllum sem sæktu
um, ekki væri heimild til annars.
„Það er hægt að bregðast við þessu
á tvennan hátt. í fyrsta lagi að taka
við öllum og biðja um aukafjárveit-
ingu. Það verða eflaust ekki allir
sem koma sem sækja um — það er
eðlilegt að 20-25% detti út af ýmsum
ástæðum; sumir sækja til dæmis um
á fleiri stöðum og kjósa ef til vill
að fara frekar annað. En þó afföll
yrðu þessi yrðu 70 manns eftir og
það er mun meira en við reiknuðum
með. Hin leiðin er sú að fara fram
á heimild ráðuneytis til að velja úr
þeim sem sækja um.“ Guðmundur
sagðist reikna með að það skýrðist
í næstu viku hvað yrði ofan á í þess-
um efnum.
Guðmundur var spurður við hve
mörgum umsóknum um nám hefði
verið búist. „Upphaflega, í skýrslu
til menntamálaráðherra sem lögð
var fram í júní 1992, var gert ráð
fyrir 35 en ekki löngu eftir að ég
byijaði að vinna þótti mér ekki óeðli-r
legt að umsóknir gætu orðið 50.
Þó voru uppi efasemdir en er á leið
veturinn bjuggumst við við 40-50
umsóknum; aldrei svona miklu,“
sagði Guðmundur, og sagði að-
spurður að háskólamenn á Akur-
eyrir kættust yfír þessum mikla
ljölda umsókna. „Þetta er umtals-
verð viðurkenning fyrir stofnunina.
Henni hefur verið legið á hálsi fyrir
að vera dýr og með fáa nemendur.
En þama sjá menn umtalsverða
fjölgun nemenda. En þetta em ekki
bara gleðitíðindi; þetta kallar á auk-
ið húsnæði og aukinn mannafla til
að sjá um ýmislegt í kringum þennan
hóp,“ sagði Guðmundur Heiðar Frí-
mannsson við Morgunblaðið í gær.
Þess má og geta að reiknað er
með að umsóknum gæti enn fjölgað
nokkuð — orðið um 100 — því þær
sem póstsendar voru í gær eru gild-
ar þó þær berist skólanum síðar.
*
Um 2.500 manns komu á vel heppnaða sýningu, EyFRIM 93
Sýnir áhuga fólks
á söfnunardóti
EyFRÍM 93, frímerkjasýning
sem Félag frímerkjasafnara á
Akureyri stóð fyrir um helgina
í íþróttahöllinni, þótti takast
mjög vel. Þar voru, auk margra
frímerkjasafna, sýndir marg-
víslegir hlutir sem fólk hefur
safnað og kenndi þar margra
grasa. Þá sýndi handverksfólk
í Eyjafirði einnig framleiðslu
sína.
„Sýningin gekk ákaflega vel
og var mjög vel sótt. Við áætlum
að að minnsta kosti 2.500 manns
hafi komið á sýninguna þessa
þijá daga, og það sýnir hve mik-
ill áhugi er á svona söfnunard-
óti,“ sagði Sveinn Jónsson, for-
maður sýningamefndar, við
Morgunblaðið. Sýningin stóð yfir
frá /östudegi til sunnudags.
„í anddyrinu sýndi handverks-
ÁHUGI fólks á söfnun er mikill.
fólk frá Eyjafirði sína framleiðslu
á ýmsum skemmtilegum heima-
gerðum munum og minjagripum.
Þetta var bæði sölusýning og
framleiðslusýning á mismunandi
hugðarefnum fólksins. í aðalsaln-
um voru svo sýndir 260 rammar
með frímerkjum og fjölmörgu
öðru efni sem fólk safnar sam-
an,“ sagði Sveinn - en nefna má
gömul verkfæri, fulla sígarettu-
pakka, gleraugu, bankakort, ölm-
FJÖLDI fólks lagði leið sína í íþróttahöllina um helgina.
iða, spil, fingurbjargir, vasahnífa,
mynt og seðla, vínflöskur og
happaþrennur — bæði skafnar og
óskafnar. Þá var hljómplötusafn
til sýnis, en eigandi þess, Valgarð-
ur Stefánsson, fékk verðlaun fyrir
skemmtilegasta safnið í flokki
annars en frímerkja. Það voru
sýningargestir sem völdu. „Hann
var með fágætar hljómplötur og
sagði sögu þeirra með alls konar
fræðslu."
Eins og sjá má á upptalning-
unni hér að framan virðast því
engin takmörk sett hveiju fólk
safnar. Sveinn játti því, en sagði
áhugann mikinn og aðalatriðið að
hafa gott hugmyndaflug. Þá væri
hægt að safna ótrúlegustu hlut-
um.
Afturgöng-
ur Ibsens hjá
LA í haust
FYRSTA verkefni Leikfélags Ak-
ureyrar á næsta leikári verður
Afturgöngur eftir Henrik Ibsen.
Sveinn Einarsson leikstýrir verk-
inu á fjölum LA, en hann setti
leikritið einmitt upp í vetur í
Kaupmannahöfn og hlaut mikið
lof danskra gagnrýnenda fyrir.
Yfirstandandi leikári er að ljúka,
og undirbúningur hafinn fyrir það
næsta, en fyrsti samlestur á Aftur-
göngum einmitt í dag. Verkið er
meðal helstu verka skáldjöfursins og
er löngu orðið sígilt, segir í frétt frá
Leikfélaginu. Þar segir ennfremur
að þrátt fyrir það hafi Sveinn þótt
ná áherslum í sýningu sinni sem vís-
uðu beint í líf okkar í dag og gerðu
verkið ótrúlega nútímalegt. Sveinn
leikstýrir einnig hjá LA, sem fyrr
segir, en Sigurður Karlsson, gesta-
leikari frá LR, verður í einu aðalhlut-
verkanna. Með önnur stór hlutverk
í sýningunni fara Sunna Borg, Krist-
ján Franklín Magnús, Þráinn Karls-
son og Rósa Guðný Þórsdóttir. Leik-
mynd og búninga gerir Elín Edda
Ámadóttir.