Morgunblaðið - 17.08.1993, Blaðsíða 20

20
MORGUNBLAÐIÐ ÞRIÐJUDAGUR 17. ÁGÚST 1993
Endurskoðuð fjárhagsáætlun til umræðu í bæjarstjórn
Tekjur hækka um
8,5 milljónir króna
Utgjöld bæjarins hækka á móti um 7,8 milljónir króna
TILLAGA um endurskoðaða
fjárhagsáætlun Bæjarsjóðs Ak-
ureyrar verður lögð fram á
fundi Bæjarsljórnar Akureyrar
í dag, þriðjudag.
Halldór Jónsson bæjarstjóri á
Akureyri sagði að í endurskoðaðri
fjárhagsáætlun væri verið að gera
' ýmsar leiðréttingar við þá áætlun
sem samþykkt var í lok síðasta
árs. Tillögurnar fela m.a. í sér að
- skatttekjur hækka um tæplega 8,5
i’ milljónir og rekstrarútgjöld hækka
' um 7,8 milljónir. Þá hækkar liður-
inn gjaldfærður stofnkostnaður
um rúmlega 9,6 milljónir sem m.a.
stafar af því að keyptar voru fleiri
lóðir en reiknað hafði verið með
við gerð fjárhagsáætlunar og eign-
færð fjárfesting lækkar um tæpar
6 millónir króna, m.a. vegna þess
að nýr strætisvagn sem fyrirhugað
er að kaupa færist yfir á næsta ár.
Nýtt langtímalán
I fjármagnsyfirliti lækka vaxta-
gjöld langtímalána um 6,5 milljón-
ir, en langtímalán hækka um 10
milljónir króna, en nýtt lán væri
tekið til að fjármagna kaup bæjar-
ins á íbúðum í húsnæði fyrir aldr-
aða við Lindarsíðu. Niðurstaða
endurskoðaðrar fjárhagsáætlunar
væri því sú að veltufjárstaðan
batnaði um 13,8 milljónir króna.
Halldór sagði að Akureyrarbær
og fleiri sveitarfélög stæðu frammi
fyrir því að fá lægri upphæð að-
stöðugjalda'en áætlað hafi verið,
en í áætluninni hafi menn reiknað
með að fá um 220 milljónir, en
reyndin orðið sú að upphæðin nam
um 200 milljónum króna. Það mál
væri til skoðunar hjá Sambandi
íslenskra sveitarfélaga.
Halldór sagði að stofnunum og
deildum bæjarins væri ætlað láta
enda ná saman, en óvæntir atburð-
ir settu strik í reikninginn og þeim
þyrfti að mæta, m.a. hefði tekj-
uspá fyrir Skíðastaði ekki staðist
og því yrði að lækka útgjaldahlið-
ina á móti og eins væri fyrirsjáan-
legt að tekjur af rekstri tjaldstæð-
is í ár yrðu minni en búist var við.
Kostnaður
á bæjarskrif-
stofum lækk-
aði um 5,8%
Morgunblaðið/Golli
Nýtt leikár
FYRSTI samlestur var hjá Leikfélagi Akureyrar í gær, á Ferðinni
til Panama, en það er fyrsta verkefni nýhafins leikárs.
Fyrsta verkefni leikársins hjá LA
Samlestur hafinn á
Ferðinni til Panama
ÁRSSKÝRSLA Akureyrarbæjar
er komin út og var henni dreift
í hús í bænum í vikimni. í henni
er að finna ítarlegar greinar-
gerðir um starfsemi deilda og
stofnana Akureyrarbæjar.
Fram kemur m.a. í ársskýrslunni
að íbúar Akureyrar voru 14.671
1. desember síðastliðinn og hafði
fjölgað um 234 frá 1. desember
1991 eða um 1,62%.
I skýrslunni kemur fram að
kostnaður við bæjarstjóm, bæjar-
ráð, endurskoðun og fleira nam
tæplega 18,7 milljónum og er það
sama upphæð og árið áður. Kostn-
aður við rekstur bæjarskrifstof-
anna nam 72 milljónum króna á
liðnu ári og lækkaði um 4,2 milljón-
ir frá fyrra ári eða um 5,8%.
Á árinu 1992 voru 2.453 laun-
þegum greidd vinnulaun hjá Akur-
eyrarbæ að upphæð 942 milljónir
króna, en ársverk hjá bænum voru
710 talsins.
Viðvarandi atvinnuleysi
Halldór Jónsson bæjarstjóri segir
í ávarpi sínu að nokkur umræða
og kraftur hafí farið í atvinnumál
á árinu, en atvinnuleysi var viðvar-
andi í bænum. „Sú þróun sem ver-
ið hefur í atvinnumálum á undan-
förnum misserum er mikið
áhyggjuefni og brýnt að ríki, sveit-
arfélög og fyrirtæki sameini krafta
sína til þess að mæta þeim vágesti
sem atvinnuleysið er. “
LEIKARAR hjá Leikfélagi
Akureyrar komu saman í gær
í upphafi nýs leikárs til að lesa
saman yfir fyrsta verkefni leik-
ársins, Ferðina til Panama eftir
Martin Truthmann.
Leikstjóri er Ingunn Jensdóttir
og er þetta fyrsta leikstjórnarverk-
efni hennar hjá LA. Með hlutverk
í þessu leikriti, sem er fyrir fólk
eldra en fjögurra ára, fara Aðal-
steinn Bergdal, Sigurþór Albert
Heimisson og tveir nýútskrifaðir
leikarar Dofri Hermannsson og
Anna María Gunnarsdóttir sem
leika í fyrsta sinni norðan heiða.
Búninga, leikmynd og dýragerfi
gerir Anna G. Torfadóttir, en Snæ-
björn Arngrímsson íslenskaði leik-
ritið.
----------------
Samúel sýn-
ir í Karolínu
SAMÚEL Jóhannsson listmálari
opnaði um helgina sýningu á
akrýlteikningum og akrýlmál-
verkum í Café Karolínu í Gróf-
argili.
Samúel hefur haldið 10 einkasýn-
ingar á Akureyri og Reykjavík auk
þess sem hann hefur tekið þátt í
fjölda samsýninga.
Sýningin stendur til 12. septem-
ber næstkomandi.
Til sölu á Akureyri
Fjölnota húsnæði í miðbæ Akureyrar.
Stærð samtals 169 fm.
Á efri hæð er hægt að innrétta íbúð, en neðri
hæðin hentar vel fyrir hverskonar þjónustu,
smáiðnað eða verslun.
Viltu skapa þér framtíð?
Hugsaðu málið og hafðu samband við
Fasteignasöluna hf.,
Gránufélagsgötu 4, Akureyri.
Sími 96-21878. Fax 96-11878.
Hermann R. Jónsson, sölustjóri.
Morgunblaðið/Golli
Ur öskunni til Óðinsvéa
HALLDÓR Guðlaugsson „öskukall“ tók stúdentspróf í vor og
ætlar að stunda háskólanám í norrænum fræðum í Óðinsvéum
næstu árin.
Öskukarl á leið í háskólanám
Er ásamatíma-
punkti og fyrir
aldarfjórðungi
„ÉG ER að pakka niður af fullum krafti,“ segir Halldór Guð-
laugsson, sem sagði starfi sínu við sorphreinsun hjá Akur-
eyrarbæ lausu í sumar, heldur í vikunni austur á Seyðisfjörð
í veg fyrir Norrönu en hann er á leið í háskólanám í Óðinsvé-
um. Halldór tók stúdentspróf með starfi sínum sem öskukall
á Akureyri og útskrifaðist síðasta vor.
„Það má eiginlega segja að
ég sé á sama tímapunkti nú og
var fyrir 25 árum síðan,“ segir
Halldór, sem hlakkar til að hefja
nám í norrænum fræðum við
Háskólann í Óðinsvéum í Dan-
mörku. „Ungarnir eru flognir úr
hreiðrinu og þá getur maður
bytjað upp á nýtt.“
Halldór er fæddur á bænum
Hvammi skammt sunnan Akur-
eyrar en hann hefur á 44 ára
langri æfi sinni lagt gjörva hönd
á margt, stundað almenna verka-
mannavinnu hér á landi og í
Færeyjum, verið í bændaskóla
og stundað hefðbundin bænda-
störf og verið til sjós. Eftir að
hafa unnið á Kjötiðnaðarstöð
KEA um skeið fór honum að leið-
ast inniveran og sótti um að
komast að í útivinnu hjá Akur-
eyrarbæ. „Það er ekki minn stíll
að sitja inni allt sumarið," segir
hann.
Stíf stundaskrá
Með starfi sínu hjá sorphreins-
unardeildinni stundaði Halldór
nám fyrst við Menntaskólann á
Akureyri en öldungardeildarnám
var síðan flutt yfir í Verkmennta-
skólann á Akureyri og þaðan
lauk hann stúdentsprófi síðastlið-
ið vor. „Það er þægilegt starf
að vera í öskunni, þetta er akk-
orðsvinna, menn klára ákveðin
hverfi og geta þá hætt. Það gafst
því einhver tími til að lesa heima
áður en skólinn byijaði,“ sagði
Halldór.
Sumum þætti eflaust nóg að
stunda fulla vinna ásamt námi,
en Halldór hefur verið ötull þátt-
takandi í félagslífinu, e_r í Kirkju-
kór Akureyrar og Áhugaljós-
myndarklúbbi Akureyrar svo
eitthvað sé nefnt. „Þeir sem hafa
áhuga á lífinu reyna auðvitað að
taka þátt í því á meðan þeir eru
lifandi og mér finnst engu máli
skipta hvort menn eru 15 eða
50 ára.“
Halldór fer með Norrönu frá
Seyðisfirði á fímmtudaginn áleið-
is til Danmerkur en þar hyggst
hann leggja stund á 3-4 ára há-
skólanám í norrænum fræðum.
„Veit maður nokkurn tíma hvað
gerist fyrr en að því kemur,"
sagði Halldór aðspurður um
hvert framhaldið yrði að loknu
háskólanámi. „Það er ýmislegt
sem kemur til greina en maður
hugsar það ekkert upphátt enn-
þá.“