Morgunblaðið - 21.09.1993, Side 5
MORGUNBLAÐIÐ ÞRIÐJUDAGUR 21. SEPTEMBER 1993
5
Flugleiðir nota erlent
kjöt í millilandaflugi
INNFLUTT kjöt er meðal þess sem Flugleiðir bjóða farþegum sínum
upp á í flugi á milli landa. Félagið notar einnig innlent kjöt auk þess
sem stundum eru keyptir tilbúnir matarskammtar á flugvöllum erlendis.
Að sögn Einars Sigurðssonar,
blaðafulltrúa Flugleiða, er kjöt keypt
erlendis af fyrirtækjum sem sérhæfa
sig í flugvélamat. Kjötið er skammt-
að niður í flugeldhúsinu í Leifsstöð
og hitað í vélunum áður en það er
borið fram. Einar segir að kjötið fari
í raun aldrei inn í landið þar sem
flugeldhúsið sé innan tollsvæðisins.
Flugleiðir bjóða einnig erlendan
mat sem ekki er unninn hér á landi.
Þá er um að ræða tilbúna skammta
sem keyptir eru þegar vélar félagsins
hafa viðdvöl á erlendum flugvöllum.
Á sama hátt selur félagið tilbúna
skammta í vélar erlendra flugfélaga
sem hér hafa viðdvöl. Á fyrstu átta
mánuðum þessa árs voru seldir
70.000 matarskammtar í erlendar
flugvélar og fara þessi viðskipti vax-
andi ár frá ári, að sögn Einars.
Morgunblaðið/Jón Svavarsson
Ölvaður olli slysi
ÖLVAÐUR ökumaður slapp ökklabrotinn úr afar hörðum árekstri við vöru-
bíl og rútu á Reykjanesbraut við Kaplakrika á laugardag. Bíll mannsins
hafði sveigst milli akreina um skeið meðan á ferð hans suður Reykjanes-
brautina stóð og loguðu allar símalínur hjá lögreglunni að tilkynna um akst-
urslag mannsins. Aður en lögreglan kom á staðinn hafði maðurinn lent í
árekstri við malarflutningabíl sem var á leið til Reykjavíkur. Höggið við
áreksturinn var svo mikið að annar framhjólbarði vöruflutningabílsins fór
af felgunni. Af vörubílnum þeyttist fólksbíllinn á rútu sem á eftir kom og
meðfram hliðinni á henni áður en hann snerist út af veginum og staðnæmd-
ist við hraunjaðarinn. Hvorki ökumann vöruflutningabílsins né ökumann og
farþega rútunnar sakaði. Farið var með manninn á slysadeild Borgarspítal-
ans en þar var ekki unnt að skoða hann vegna ástands hans og var hann
færður í fangageymslur í Hafnarfirði.
Búnaðarbanki Islands lækkar forvexti víxla um 1,5%
Morgunblaðið/Sverrir
Forsetinn heimsækir MS félagið
MS félag íslands átti 25 ára afmæli í gær og af því tilefni var opið hús í dagvistinni í Álandi 13 í Reykjavík.
Forseti Islands, frú Vigdís Finnbogadóttir, kom í heimsókn og sést hún á myndinni ræða við MS félaga.
Meðal annarra gesta voru Markús Öm Antonsson, borgarstjóri, og Páll Sigurðsson, ráðuneytisstjóri í heilbrigð-
isráðuneytinu. Páll flutti ræðu og kveðjur ráðherra og gaf félaginu fyrirheit um áframhaldandi fjárstuðning
við nýbygginguna að Sléttuvegi 5. Félaginu voru færð blóm og gjafir, m.a. afhenti Arnþór Helgason 50 þús-
und krónur frá Öryrkjabandalagi íslands.
Hækkun lánskjaravísitölu
3,3% umreiknað til eins árs
HÆKKUN lánskjaravísitölu milli ágúst og september varð 0,27% sem
jafngildir 3,3% hækkun á heilu ári. Lánskjaravísitalan sem gildir fyrir
októbermánuð er 3.339. Til samanburðar hefur vístalan siðustu þijá
mánuði hækkað um 7,1% umreiknað til eins árs, síðustu sex mánuði
um 3,8% og siðustu 12 mánuði um 3,2%.
Vísitala byggingarkostnaðar í
september er 195,7 stig og hækkaði
um 0,5% frá ágústmánuði. Síðustu
12 mánuði hefur vísitalan hækkað
um 3,6%, en síðustu þijá mánuði
hefur hækkunin numið 2,9% sem
jafngildir 12,3% hækkun á heilu ári.
Launavísitala októbermánaðar er
óbreytt frá fyrra mánuði. Þá hækkar
húsaleiga um 0,1% frá 1. október ef
samningar um íbúðar- og atvinnu-
húsnæði fylgja vístölu húsnæðis-
kostnaðar eða breytingum meðal-
launa. Hækkunin reiknast á þá leigu
sem er í september og leiga helst
síðan óbreytt í næstu tvo mánuði.
Búnaðarbanki lækkar
víxilvexti
Búnaðarbanki íslands lækkar vexti
víxla og viðskiptavíxla um 1,5% á
vaxtabreytingardegi í dag og einnig
óverðtryggða innlánsvexti á óbundn-
um og bundnum sérkjarareikningum
um 1,5%. Meðalforvextir víxla eftir
breytingu eru 17,2% og forvextir við-
skiptavíxla 20,0%. Aðrar innláns-
stofnanir breyta ekki vöxtum. Næsti
vaxtabreytingadagur er 1. október.
VERfl RÐEINí
853.000
Þú þarft ekki að eyða yfir milljón
til að eignast vandaðan og rúm-
góðan fjölskyldubíl.
Komdu við hjá okkur og reynslu-
aktu P0l\IY sem svo sannarlega
er verðlagður með hagsmuni
neytenda í huga.
Innifalið í verði eru góð hljómflutningstæki
(útvarp/seguiband og hátalarar) og ryðvörn
HYunoni
...til framlíðar
BIFREIÐAR & LANDBÚNAÐARVÉLAR HF. • ÁRMÚLA 13 • SÍMI: 68 12 00 • BEINN SÍMI: 3 12 36
ÖRKN 2114-96-21