Morgunblaðið - 23.10.1993, Blaðsíða 29

MORGUNBLAÐIÐ LAUGARDAGUR 23. OKTÓBER 1993
29
Ekki er allt gull...
Kvikmyndir
Sæbjöm Valdimarsson
Bíóhöllin/Háskólabíó: Fyrir-
tækið - The Firm Leikstjóri
Sidney Pollack. Handrit
David Rabe, Robert Towne
og David Rayfiel, byggt á
skáldsögu Johns Grishams.
Tónlist Dave Grusin. Kvik-
myndatökusljóri John Seale.
Aðalleikendur Tom Cruise,
Gene Hackman, Ed Harris,
Jeanne Tripplehom, Hal
Holbrook, Holly Hunter,
David Strathaim, Gary Bus-
ey, Steven Hill, Wilford Brim-
ley, Paul Sorvino. Bandarísk.
Paramount 1993.
Mitch McDeere (Cruise) er
að útskrifast frá lagadeild Har-
vardháskóla með láði og atvinn-
utilboðin streyma inn. Eitt ber
af öðrum; tiltölulega lítið en
stöndugt ■ lögfræðifyrirtæki í
Memphis býður honum gull og
græna skóga.
Allt fer af stað eins og í ævin-
týri. Hús, bíll, ráðherralaun. En
McDeere kemst líka fljótlega á
snoðir um að tvær hliðar eru á
þessari paradís. Engin starfs-
maður hefur hætt störfum hjá
fyrirtækinu öðru vísi en í líkkist-
unni og það vill gerast ansi
stjórnsamt um einkahagi starfs-
mannanna. Þegar svo alríkislög-
reglumaðurinn Tarrance (Harr-
is) fer að blanda sér í málin
fara augu McDeere að opnast.
Og góð ráð dýr.
Myndin er sem kunnugt er
byggð á mikilli metsölubók og
skýrir það að nokkru vinsældir
hennar vestan hafs. Engu að
síður er hún þó örugglega meiri
skemmtun þeim sem eiga hana
ólesna. Breytingar eru vissulega
óhjákvæmilegar þegar ritverk
eru kvikmynduð og Fyrirtækið
hefur ekki farið varhluta af þeim
og þær eru fæstar til bóta. Mik-
ið er gert úr hjónabandsmálum
Cruise, stirfin ástamálin, grátur
og uppnám taka alltof mikin
tíma og slæva spennuna auk
þess sem Tripplehorn er frá-
hrindandi og stíf i hlutverki eig-
inkonu unga lögmannsins. Þá
er lítil glóra í póstsvindlinu og
samningunum í lokin, þar hefðu
þeir betur haldið sig við sögu-
þráð Grishams, handritshöfund-
arnir þrír. Lengdin er mikil og
hún bitnar ekki síst á hæggeng-
um miðkafla þar sem verður
alvarlegt spennufall.
Á hinn bógin er Fyrirtækið
fagmennleg útlits, John Seale,
kvikmyndatökumaður Peter
Weirs, sér um þann þátt ásamt
snjöllum útlitshönnuðum sem
skapa einkar gott andrúmsloft
auðlegðar, valda og spillingar í
íburðarmiklum húsakynnum
fyrirtækisins í Memphis. Og
leikhópurinn er ekki árennileg-
ur. Cruise, sá feiknavinsæli leik-
ari, (sem á einnig stóran þátt í
velgengni myndarinnar) kemst
skammlaust frá sínu hlutverki
en það er þó Hackman einn sem
vekur hana til lífsins, í hlutverki
gamalreynds lögmanns hjá fyr-‘
irtækinu sem orðinn er lang-
þreyttur á tvískinnungnum.
Ekki síst minnisstæður þar sem
hann liggur, úrsérgenginn ein-
sog rómverskur sukkkeisari, eft-
ir nætursvall og lokauppgjörið
blasir við. Karlar á borð við
Holbrook, Harris, Brimley og
Hill bregðast ekki og gefa hlut-
verkum sínum nauðsynlegan
myndugleika. Busey, Strathaim
og einkum Hunter, standa þó
uppúr aukaleikarahópnum, það
er í rauninni Tripplehorn ein sem
rýrir framvinduna.
Bókin Fyrirtækið var ekki
aðeins einkar læsileg spennu-
saga heldur jafnframt ádeila á
græðgi, kennslustund í að menn
geta teygt sig auðveldlega of
langt ef þeir blindast af áfergj-
unni. Pollack, sem gerði ágætar
spennumyndir fýrir tæpum
tveim áratugum og handritshöf-
undurinn Towne, sem var einnig
uppá sitt besta um það leyti,
hafa einungis gert breytingar
til hins verra, því miður, en
Fyrirtækið er þó engu að síður
ásjáleg skemmtun þar sem útlit-
ið ber af öðru.
Gjaldskylda framlengd
EINS og kunnugt er var samið
við Bifreiðagæsluna hf. í
Keflavík um rekstur og umsjón
með bifreiðastæðum við Flug-
stöð Leifs Eiríkssonar.
Tekin var upp gjaldskylda á
tímabilinu 1. apríl 1993 til 31.
október 1993 fyrir afnot langtíma-
stæða norðan og vestan við flug-
stöðina» Stæðisgjald er 220 kr.
fyrir hvern byijaðan sólahring. Á
afmörkuðum svæðum fyrir framan
aðalanddyri flugstöðvarinnar er
óheimilt að leggja bifreiðum leng-
ur en 3 klst. samfleytt. Á þessum
bílastæðum er hægt að leggja bif-
reiðum ókeypis.
Ákveðið hefur verið að fram-
lengja þessa þjónustu til og með
31. desember 1993.
SÉRPANTANIR
pí» jft- 0 I Borgartúni 29
Kasparov fær sigurlaiuiin
Skák
Margeir Pétursson
GARY Kasparov tryggði sér á
fimmtudaginn sigur í heims-
meistaraeinvíginu við Nigel
Short í London. Kasparov hefur
nú 12‘/2 vinning í einvíginu en
Short V/i. Sigurlaunin í einvíginu
eru rúmlega eitthundrað milljón-
ir íslenskra króna, en Short fær
í sinn hlut rúmlega sextíu millj-
ónir. Þrátt fyrir að úrslitin séu
ráðin verða fjórar siðustu skák-
irnar tefldar. Kasparov tefldi
mun traustar í 19. og 20. skákun-
um en oft áður í einvíginu og tók
enga áhættu. Með jafntefli í
þeirri 19. á þriðjudaginn náði
hann 12 vinningum og tryggði
sér þar með heimsmeistaratitil-
inn. Jafnteflið í þeirri 20. færði
honum síðan sigur i einviginu.
Gary Kasparov
Strax eftir fyrstu vikuna í einvíg-
inu var orðið nokkuð ljóst að áskor-
un Shorts myndi misheppnast. Þá
þegar hafði Kasparov náð þriggja
vinninga forskoti sem hann jók síð-
an í sex vinninga. Short náði ekki
að vinna skák fyrr en í þeirri 16.
og minnkaði muninn um vinning.
Sóknartaflmennska Englendingsins
var ávallt frískleg og þrívegis missti
hann af tækifærum til vinnings,
Fimm vinninga munur gefur því
ekki fyllílega rétta mynd af gangi
mála. Þótt Kasparov hafí sannað
yfirburði sína hefur hann teflt bet-
ur.
19. einvígisskákin:
Hvítt: Gary Kasparov
Svart: Nigel Short
Spánski leikurinn
1. e4 - e5, 2. Rf3 - Rc6, 3. Bb5
— a6, 4. Ba4 — d6
Steinitz afbrigðið. Fyrr á öldinni
var það vinsælt í heimsmeistaraein-
vígjum, en sást síðast á þeim vett-
vangi hjá þeim Smyslov og Botvinn-
ik í Moskvu 1954. Það er augljóst
að Short hefur gefíð upp á bátinn
þær varnir sem hann hefur undir-
búið fyrir einvígið.
5. Bxc6+ — bxc6, 6.d4 — exd4
Heimsmeistararnir Capablanca
og Smyslov voru vanir að leika 6.
— f6 í þessari stöðu.
7. Dxd4 - Rf6
Nýr leikur í stöðunni. 7. — c5,
8. Dd3 - Re7, 9. Rc3 - Bb7, 10.
Bd2 — Dd7 sást í skák enska alþjóð-
lega meistarans Hartstons og Frið-
riks Ólafssonar í Las Palmas 1974,
en Friðrik vann hana skemmtilega
á svart.
8. 0-0 - Be7, 9. e5 - c5, 10. Dd3
— dxe5, 11. Dxd8+ — Bxd8, 12.
Rxe5 - Be7, 13. Hel - 0-0, 14.
Bg5 - Be6
Short hefur verið ófeiminn við
að taka á sig tvípeð í endatafli í
einvíginu og Kasparov hefur ekki
náð að refsa honum fyrir það. Þótt
öll peð svarts verði stök eftir 15.
Rc6 — Bd6, 16. Bxf6 — gxf6 má
hann þó vel við una vegna biskupap-
arsins.
15. Rd2 - Hfe8, 16. h3 - h6, 17.
Bh4 - Had8, 18. Rdf3 - g5, 19.
Bg3 - Bd5, 20. Hadl - Kg7, 21.
c4 - Bb7, 22. Hxd8
Svarta staðan er vel virk og
Kasparov einfaldar taflið til jafnte-
flis. Það er vart hægj, að lá mannin-
um það að tryggja sér heimsmeist-
aratitilinn.
22. - Hxd8, 23. Rc6 - Bxc6, 24.
Hxe7 - Hdl+, 25. Kh2 - Re4!?
Fórnar peði fyrir fullnægjandi
bætur. 25. — Bxf3, 26. gxf3 —
Hd2 var litlausari leið til jafnteflis.
26. Hxc7
Kasparov bauð hér jafntefli sem
Short þáði. Það þjónaði engum til-
gangi að hafna boðinu, því eftir 26.
- Bd7! 27. Re5 á hann vart ann-
arra kosta völ en leika 27. — Rd2
(27. — Be6, 28. Rg4! er betra á
hvítt) 28. Hxd7 — Rfl+ og þrá-
skáka.
20. einvígisskákin:
Hvítt: Nigel Short
Svart: Gary Kasparov
Sikileyjarvörn
1. e4 - c5, 2. Rf3 - d6, 3. d4 -
cxd4, 4. Rxd4 — Rf6, 5. Rc3 —
a6, 6. Bc4 — e6, 7. Bb3 — b5, 8.
0-0 - Be7, 9. Df3 - Dc7, 10. Dg3
- 0-0, 11. Bh6 - Re8, 12. Hadl
- Bd7, 13.a3
í 18. skákinni lék Short hér 13.
Rf3
13. — Rc6, 14. Rxc6 — Bxc6, 15.
Bf4 - Db7, 16. Hfel - a5, 17. e5
Kasparov hefur hafíð minnihluta-
árás á drottningarvæng sem er al-
geng mótspilsaðferð í Sikileyjar-
vörn. Án þessarar einföldunar gæti
svartur náð frumkvæðinu.
17. - dxe5, 18. Bxe5 - Bf6, 19.
Hd4 - Ild8, 20. Hxd8 - Bxd8,
21. Re2 - a4, 22. Ba2 - b4, 23.
axb4 - Dxb4, 24. Bc3 - Db7, 25.
Rd4 - Rf6, 26. Rxc6 - Dxc6, 27.
Hdl - Be7, 28.h3 - Ha8, 29.
Hd4 - Re8, 30. Dd3 - Bf6
Losnar við hvíta biskupaparið og
jafnar taflið.
31. Hc4 - Da6. 32. Bxf6 - Rxf6,
33. Dd2 h6, 34. Hd4 - Db6, 35.
c3 — a3
36. bxa3 og Short bauð jafntefli
sem Kasparov þáði. Eftir 36. —
Hxa3 má segja að svartur standi
sjónarmun betur í jafnteflisstöðu.
Hæpið var fyrir Short að reyna 36.
b4 vegna 36. — Rd5!?— Dxb4, 24.
Bc3 - Db7, 25. Rd4 - Rf6, 26.
Rxc6 — Dxc6, 27. Hdl — Be7,
28.h3 - Ha8, 29. Hd4 - Re8, 30.
Dd3 - Bf6
Húsnæðisnefnd Reykjavíkur óskar eftir umsóknum um kaup á 230 nýjum og eldri
félagslegum eignaríbúðum, sem koma til afhendingar fram á haustið 1995. Enn-
fremur er óskað eftir umsóknum um 35 nýjar félagslegar kaupleiguíbúðir, sem
afhentar verða á sama tíma. Um ráðstöfun, verð og greiðsluskilmála þessara íbúða
gilda lög nr. 86/1988 með áorðnum breytingum.
Umsóknareyðublöð verða afhent á skrifstofu Húsnæðisnefndar Reykjavíkur, Suður-
landsbraut 30, og verða þar einnig veittar allar almennar upplýsingar.
Skrifstofan er opin mánudaga - föstudaga frá kl. 9-12 og 13-16.
Umsóknum skal skila eigi síðar en 19. nóvember 1993.
Húsnæðisnefnd Reykjavíkur