Morgunblaðið - 08.01.1994, Blaðsíða 18

18
MORGUNBLAÐIÐ LAUGARDAGUR 8. JANUAR 1994
Viðræður um sameiginlegt vinstra framboð
Flestir gætu sameinast
um Ingibjörgu Sólrúnu
-segir hvorki fráleitt né sjálfgefið að gefa kost á sér
VIÐRÆÐUR, sem aðilar kalla óformlegar, hafa staðið milli full-
trúa Alþýðubandalags, Framsóknarflokks, Kvennalista og Al-
þýðuflokks vegna komandi borgarstjómarkosninga. Eitt af því
sem komið hefur til tals er sameiginlegt framboð. Valdimar
Kr. Jónsson, fulltrúi Framsóknarflokks, segir að ef eitthvað
verði úr þessu verði það að ganga fram í þessum mánuði. Hann
segir að þvi sé ekki að leyna að Ingibjörg Sólrún Gísladóttir,
þingkona Kvennalista, sé það borgarstjóraefni sem flestir geti
sameinast um. Sjálf segir Ingibjörg hvorki fráleitt né sjálfgefið
að hún gefi kost á sér. „Ég vil auðvitað bara meta það; sjá
hvort fólk kemur sér saman um vænlegan málefnagrundvöll og
svo sigurstranglegan lista. Þá er ég alveg tilbúin að athuga
það,“ sagði Ingibjörg Sólrún í samtali við Morgunblaðið í gær.
Valdimar sagði -ljóst að sumir
flokkar, s.s. Framsóknarflokkur og
Kvennalisti, hefðu gefíð í skyn að
þeir ætluðu að bjóða fram eigin
lista. „En óneitanlega ruglaði mál-
ið að sameiginlegt framboð hefur
komið betur út í skoðanakönnun-
um heldur en sundrað," sagði hann
og bætti við að þessi niðurstaða
hefði ýtt við fólki að ræða málin
yfir kaffibolla.
Hann lagði hins vegar áherslu
á að viðræðumar væru á óform-
legu stigi og talsvert í land að al-
varlega væri verið að ræða sameig-
inlegt framboð. Hann sagði ljóst,
í almennri umræðu, að Ingibjörg
Sólrún Gísladóttir væri það borgar-
stjóraefni sem flestir gætu orðið
sammála um.
Hann sagði að hingað til hefðu
aðallega staðið yfir viðræður á
milli Alþýðubandalags, Kvenna-
lista og Framsóknar. Lítið hefði
verið rætt við Alþýðuflokk.
Flókið mál
Ámi Þór Sigurðsson, formaður
kjördæmaráðs Alþýðubandalags-
ins, sagði að mjög óformlegar
umræður hefðu átt sér stað og
sameiginlegt framboð væri eitt af
því sem rætt hefði verið um. Hins
vegar væri ljóst að slíkt væri afar
erfitt. Flókið mál væri að koma
saman framboðslista fyrir kannski
4 flokka. Slíkt segði sig nánast
sjálft.
Aðspurður sagðist hann ekki
geta neitað því að nafn Ingibjargar
Sólrúnar Gísladóttur hefði verið
nefnt sem borgarstjóraefni. Hann
sagði að á næstu dögum skýrðist
hvort umræðunum yrði myndaður
formlegur farvegur.
Ákveðinn vilji fyrir
sameiginlegu framboði
Guðrún Ögmundsdóttir, borgar-
fulltrúi Kvennalista, staðfesti að
óformlegar viðræður hefðu átt sér
stað. Sameiginlegt framboð hefði
verið hálft upp á borð og ekki upp
á borði. Ákveðinn vilji væri fyrir
slíku í öllum flokkum en tíminn
myndi leiða í ljós hvort úr yrði.
Hún sagði að fólk myndi halda
áfram að spjalla saman. „Síminn
stoppar ekki hingað og þangað til
að ræða málin. Sennilega hætta
umræðumar ekki fyrr en fram
kemur ákveðinn listi frá einhveij-
um flokkanna," sagði hún.
Guðrún sagði að alltaf væri til
staðar umræða um Ingibjörgu Sól-
rúnu Gísladóttur sem hugsanlegt
borgarstjóraefni. Hún stæði hins
vegar mishátt. „Það yrði auðvitað
fengur fyrir Kvennalistann en sjálf
hefur Ingibjörg Sólrún ekki gefið
neitt formlegt svar,“ sagði Guðrún.
Fulltrúaráð Alþýðuflokks utan
viðræðna
Bolli Valgarðsson, í fulltrúaráði
Alþýðuflokksins, sagði að bréf
hefði verið sent til hinna flokkanna
vegna möguleika á sameiginlegu
framboði í nóvember. Ekkert hefði
komið út úr því og fulltrúaráðið
stæði fyrir utan allar viðræður.
Hann kvaðst aðspurður vænta
þess, ef til þess kæmi að fulltrúar
hinna flokkanna lýstu yfir áhuga
á samstarfi, að fulltrúaráð kæmi
saman og tæki afstöðu til þess.
Saman í höfn
ÁSBJÖRN og Þerney liggja nú í Reykjavíkurhöfn vegna verk-
falls sjómanna.
Afli mínnsta togarans
meiri en þess stærsta
ÁSBJÖRN, minnsti togari Granda hf. veiddi 300 tonnum
meira á seinasta ári en Örfisey, stærsti togari fyrirtækisins.
Afli Ásbjörns var 5.400 tonn en Örfisey veiddi 5.100 tonn.
Veiðiferðir Ásbjörns standa yfirleitt ekki lengur en í viku í
senn og landar togarinn í heimahöfn, en Örfisey stundar
aðallega úthafsveiðar og frystir um borð.
Ásbjörn er smíðaður árið 1978 og Ásbjöm nálægt honum að
og er um þrefalt minni að öllu
leyti en Örfisey sem smíðuð er
1988. „Afli Örfiseyjar var af-
skaplega góður á seinasta ári
en það er án engan hallað þótt
maður viðurkenni að þetta er
frábær árangur hjá svona litlu
skipi. Mér vitanlega kemst ekk-
ert skip af sömu stærðargráðu
þessu leyti, segir Sigurbjöm
Svavarsson, útgerðarstjóri
Granda hf. Hann segir mikla
ánægja ríkja innan fyrirtækisins
með afla skipsins og ljóst að
langt sé þangaðtil því verði lagt.
Skipstjóri á Ásbimi er Magn-
ús Garðarson en skipstjóri Örfis-
eyjar er Trausti Egilsson.
Félagsmálaráðuneytið um málefni Austur-Eyjafjallahrepps
Oddvitinn áminntur vegna
óreiðu á bókhaldi hreppsins
FÉLAGSMÁLARÁÐUNEYTIÐ
hefur með bréfi til hrepps-
nefndarmanna í Austur-Eyja-
fjallahreppi lýst því yfir að það
telji óhjákvæmilegt að áminna
fyrverandi oddvita Austur-
Eyjafjallahrepps vegna bók-
haldsóreiðu á skrifstofu hrepps-
ins. Þá óskar ráðuneytið eftir
því að hreppsnefndin taki af-
stöðu til þess hið allra fyrsta
hvort hún telji rétt að óska eft-
ir opinberri rannsókn á meðferð
oddvitans á fjármunum hrepps-
Tillögnr samtaka sjómanna um breytingar á sljórn fiskveiða
Vilja banna allt framsal á kvóta
nema um jöfn skipti sé að ræða
SAMTÖK sjómanna afhentu forsætisráðherra í gær tillögur sínar
til lausnar kjaradeilu sjómanna og útgerðarmanna, en verkfall hefur
nú staðið frá upphafi árs. TiUögurnar eru í fjórum liðum og byggj-
ast allar á lagabreytingum. Sú fyrsta kveður á um að leyfa skuli
frjálsa sókn í þær tegundir, sem fyriséð er að náist ekki að loknum
8 mánuðum fiskveiðiársins. Önnur er að banna skuli allt framsal
kvóta, nema um sé að ræða jöfn skipti á veiðiheimildum. Sú þriðja
kveður á um að allur fiskur skuli fara á uppboðsmarkaði eða miða
skuli verð á fiski við markaðsverðið og sú þriðja um að réttarstaða
sjómanna verði betur tryggð með lagasetningu. Ferð tillögugerð
samataka sjómanna um breytingar á lögum um stjórn fiskveiða hvað
varðar framsal aflaheimilda hér á eftir.
Tillögugerð samtaka sjómanna veiðiársins.
er á þá leið að breyta skuli lögum
um stjómun fiskveiða með ýmsum
hætti. í fyrsta lagi bætist ný máls-
grein við 3. grein laganna og verði
hún svo: „Ef útlit er fyrir að ekki
takist að veiða leyfðan heildarafla
tiltekinna tegunda að mati Fiski-
stofu, þegar 8 mánuðir eru liðnir
af fiskveiðiárinu, skal ráðherra af-
nema aflamark þeirra tegunda fyrir
það tímabil, sem eftir er af fiskveiði-
árinu. Ráðherra er heimilt að stöðva
veiðar, þegar leyfðum heildarafla
tiltekinnar tegundar er náð.“ í
greinargerð með tillögu þessari er
tekið fram að þessi leið sé nauðsyn-
leg til að tryggja að sem næst leyfð-
ur hármarksafli veiðist innan fisk-
Þá er lagt til að önnur málsgrein
11. greinar laganna hljóði svo: „Við
eigendaskipti á fiskiskipi fylgir afla-
hlutdeild þess, nema aðilar geri sín
á milli skriflegt samkomulag um
annað, enda sé fullnægt ákvæðum
3., 4. og 5. mgr. þessarar greinar."
Lagt er til að nýr málsliður komi
við 5. málsgrein 11. greinar svo
hljóðandi: „Þó skal óheimilt að fram-
selja aflahlutdeild fiskiskips í þeirri
tegund, næstu fimm árin frá því ári
að telja, sem það bætti við sig afla-
hlutdeild frá öðru skipi.“ Þama er
lagt til að takmarka eigi framsal á
aflahlutdeild eða varanlegum kvóta
þannig, að kaupi útgerð varanlegan
kvóta, til dæmis í þorski, verði henni
óheimilt að selja þorskhlutdeild frá
sér næstu fimm árin.
Þá er lagt til að fyrsta málsgrein
12. greinar laganna verði svohljóð-
andi: „Heimilt er að skipta á afla-
marki milli skipa, enda sé um jöfn
skipti á tegundum að ræða að mati
Fiskistofu." Þama er í raun lagt til
að heimild til að færa aflamark
milli fiskiskipa verði felld niður
nema um sé að ræða jöfn skipti á
tegundum.
Lagt er til að önnur málsgrein
12. greinar verði svohljóðandi: „Til-
kynna skal Fiskistofu fyrirfram um
skipti á aflamarki tegunda milli
skipa og öðlast hún ekki gildi fyrr
en stofan hefur staðfest móttöku
tilkynningar um skiptin frá þeim,
sem hlut eiga að máli.“ Og að þriðja
málsgrein hljóði svo: Annar flutn-
ingur á aflamarki milli skipa verði
óheimill."
Loks er tillaga um að útgerðar-
maður skuli sjá til þess að afli sé
seldur á löggildum uppboðs- og fjar-
skiptamarkaði. Sé afli ekki seldur á
fiskmarkaði, skal verð einstakra
tegunda á aflanum vera ákveðinn
hundraðshluti af meðalverði mark-
aða innanlands.
ins. Loks skorar ráðuneytið á
hreppsnefndina að sjá til þess
að rekstur skrifstofu hreppsins
verði framvegis með þeim hætti
að ekki skapist hætta á óreiðu
á ný og að skil á ársreikningum
verði framvegis í lagi.
Félagsmálaráðuneytið felldi tvo
úrskurði um málefni Austur-Eyja-
fjallahrpps í júni síðastliðnum,
meðal annars um ársreikninga og
ijármái. í framhaldi af því fékk
ráðuneytið Endurskoðun hf. til að
yfirfara reikninga hreppsins árin
1990 og 1991 og skilaði Endur-
skoðun hf. skýrslu um skoðun sína
í byijun desember. Þar koma með-
al annars fram það álit að veruleg
óreiða hafi verið á flokkun skjala,
þar með taldra bókhaldsgagna, og
nauðsynlegri úrvinnslu þeirra á
skrifstofu sveitarfélagsins. Fram
kom að kjörinn oddviti sveitarfé-
lagsins var samþykkjandi að víxli
sem sveitarsjóður átti í árslok
1991 og að upplýst hafi verið að
víxillinn hafi verið gefinn út til að
jafna stöðu á viðskiptareikningi í
árslok og að ekki hafi legið fyrir
samþykkt hreppsnefndar vegna
þessarar peningaúttektar. Oddvit-
inn greiddi víxilinn í maí 1993,
rúmu ári eftir gjalddaga. Þá er
gerð athugasemd við innra eftirlit
hjá sveitarfélaginu, meðal annars
með tekjum og gjöldum.
Tekin afstaða til opinberrar
rannsóknar
Hreppsnefndin óskaði eftir því að
Endurskoðun hf. aðstoðaði við að
ganga frá reikningsskilum fyrir
hreppinn vegna ársins 1992.
Ráðuneytið fékk hann í árslok og
þar voru gerðar ýmsar leiðrétting-
ar vegna fyrri ára.
í bréfi ráðuneytisins sem barst
hreppsnefndarmönnum í gær er
vísað til skýrslu Endurskoðunar
hf. um óreiðu í fjármálum hrepps-
ins og sagt að dráttur á skilum á
ársreikningum verði að teljast
ámælisverður. „Jafnframt er ljóst
að framangreindur dráttur stafar
af miklu leyti af verulegri óreiðu
í daglegum rekstri hreppsins...
Umsjón með daglegum rekstri
hreppsins hefur oddviti, sem telst
opinber starfsmaður, m.a. um
varðveiðslu skjala, innheimtu
tekna og aðra umsýslu á fjármun-
um hreppssjóðs. Starfi þessu fylg-
ir mikil ábyrgð því öll meðferð á
fjármunum sveitarfélags snertir
hagsmuni allra íbúa viðkomandi
sveitarfélags. Með hliðsjón af fyrr-
greindri óreiðu telur ráðuneytið
óhjákvæmilegt að áminna oddvita
þann, sem þá starfaði, Guðrúnu
Ingu Sveinsdóttur, alvarlega
vegna þeirra embættisfærslna,"
segir i bréfi ráðuneytisins. Þá er
óskað eftir því að breppsnefndin
taki afstöðu til þess hið allra fyrsta
hvort hún telji rétt að óska eftir
opinberri rannsókn á meðferð odd-
vitans á fjármunum hreppsins.
Ráðuneytið tekur fram a.ð miðað
við aðstæður allar telji hún að
farin hafi verið besta leiðin til að
greiða úr þeirri óreiðu sem skap-
ast hafði í fjármálum hreppsins,
það er með því að hreppsnefndin
óskaði aðstoðar Endurskoðunar
hf. við frágang ársreiknings fyrir
árið 1992.
Guðrún Inga Sveinsdóttir til-
kynnti hreppsnefnd í síðasta mán-
uði að hún tæki sér tveggja mán-
aða frí frá oddvitastörfum en hún
situr áfram í hreppsnefnd. Vara-
oddvitinn hefur nú einnig sagt af
sér og þriðji hreppsnefndarmaður-
inn tekið við oddvitastörfum.