Morgunblaðið - 23.01.1994, Blaðsíða 17

MORGUNBLAÐIÐ SUNNUDAGUR 23. JANÚAR 1994
17
Bandalagi kommúnista spáð sigri í kosningunum á Ítalíu 27.-28. mars
Eini mögnleiki borgara-
flokkanna er samfylking
KAFLASKIPTI urðu í ítalskri sögu um síðustu helgi þegar Oscar
Luigi Scalfaro forseti rauf þing og boðaði tii nýrra kosninga á
pálmasunnudag síðast í mars. Þá lauk því, sem sumir kalla Fyrsta
ítalska lýðveldið, tímabili ótrúlegrar spillingar, sem teygði anga
sína út um allt þjóðfélagið. Síðustu tvö ár hafa einkennst að upp-
Ijóstrunum, handtökum og spillingarákærum og spilltastir allra
voru þeir, sem haft hafa töglin og hagldirnar í ítölskum stjórnmál-
um allt frá stríðslokum, kristilegir demókratar og sósíalistar. I
kosningunum á síðasta ári biðu þessir flokkar mikið afhroð og í
kosningunum framundan virðist fátt geta komið í veg fyrir stórsig-
ur kommúnista, Lýðræðisbandalags vinstrimanna, PDS, og flokks
harðlínukommúnista. Kosningabandalagi þessara flokka og græn-
ingja er spáð allt að 40% atkvæða. Eina von mið- og hægriflokka er
að efna til samfylkingar sín í milli en hvort það tekst á þeim stutta
tíma, sem er fram til kosninga, er óvíst á þessari stundu.
• ^ arlo Azegiio Ciampi, fyrrver-
andi seðlabankastjóri, sem
tók að sér á síðasta ári að stýra
ítölsku ríkisstjóminni til bráða-
birgða, er að flestra dómi b.esti
forsætisráðherra allra þeirra 52
ríkisstjóma, sem veriðjiafa á ítal-
íu eftir stríð. Hann hafði verk að
vinna, að koma í gegn verulegum
breytingum á kosningakerfinu og
taka til í fjármálum ríkisins, og
hvort tveggja leysti hann vel af
hendi. Fjárlagafrumvarpið, sem
margir þingmenn samþykktu
nauðugir viljugir, einkennist í
fyrsta sinn um langt skeið af að-
haldi og niðurskurði, og vonast
er til, að nýja kosningakerfið
greiði leiðina fyrir heiðarlegum
stjómarháttum.-
ítalir hafa notast við hlutfalls-
kosningakerfi allt frá stríðslokum
en nú verða 75% þingmanna í
neðri deild þingsins kosnir í ein-
menningskjördæmum. Á það að
koma í veg fyrir framboð fjölda
smáflokka og tryggja stöðugra
stjómarfar en um leið verður það
líka enn brýnna fyrir mið- og
hægriflokkana að sameinast gegn
kosningabandalagi vinstrimanna.
Stór hluti þingmanna
grunaður um spillingu
Þingmenn kristilegra demó-
krata og sósíalista börðust í
lengstu lög gegn því, að boðað
væri til nýrra kosninga enda hafa
þeir mest að missa. Fæstir þeirra
eiga afturkvæmt í þingið og með
þingrofinu vom þeir einnig sviptir
þinghelgi. Margir þeirra mega því
búast við, að lögreglan banki upp
á hjá þeim einhvem daginn en
áður hefur fullur þriðjungur 945
þingmanna í neðri deildinni og
öldungadeildinni og fjórir fyrrver-
andi forsætisráðherrar verið
ákærðir eða bendlaðir við spillingu
með einum eða öðrum hætti.
Þegar Ciampi forsætisráðherra
hafði lýst því yfir, að starfi sínu
og þingsins væri lokið, lagði hann
fram lausnarbeiðni sína og Scalf-
aro forseti ggMHHH
ákvað að ijúfa
þing og boða til
kosninga.
Verða þær á
pálmasunnu-
dag 27. mars og einnig mánudag-
inn 28. af tillitssemi við ítalska
gyðinga.
Kommúnistar á Italíu eins og
víðar hafa löngum kunnað þá list
að mynda bandalög við ýmsa hópa
til að styrkja stöðu sína en það
sama verður ekki sagt um mið-
og hægriflokkana. Ástandið á
þeim vængnum einkennist af al-
gerri upplausn. Kristilegi demó-
krataflokkurinn, sem var lagður
formlega niður í síðustu viku, hef-
ur klofnað í tvo flokka, Þjóðar-
Spillingunni mótmælt
Á SÍÐASTA ári var víða efnt til mótmæla í Italíu gegn spilling-
unni, sem er raunar alls ekki bundin við sfjórnmálamennina eina,
heldur gegnsýrir allt þjóðfélagið. Hér er verið að krefjast þess,
að hreinsað verði til á þinginu. Það verður gert í kosningunum
í mars.
BAKSVIÐ
eftir Svein Sigurðsson
flokkinn og Miðflokkinn, og Sós-
íalistaflokkur Bettinos Craxis,
fyrrverandi forsætisráðherra, fyr-
irfinnst varla lengur nema að
nafninu til. Raunar er hann á göt-
unni, búinn að missa ofan af sér
húsnæðið, og
hann og raunar
flestir stjórn-
málaflokkanna
eru í raun
gjaldþrota.
Norðursambandið stærst
Stærsti flokkurinn á hægri-
vængnum nú er Norðursambandið
undir forystu Umbertos Bossis en
það hefur haft um 16% fylgi í
skoðanakönnunum að undan-
förnu. Helsta stefnumál þess hefur
verið að gera Ítalíu að sambands-
ríki til að auðugur norðurhlutinn
þurfí ekki að borga jafn mikið
með fátækum suðurhlutanum og
verið hefur og auk þess hefur
flokkurinn hamrað á spillingu
gömlu flokkanna. Á hina hreinu
ímynd hans hefur þó fallið veru-
lega eftir að upp komst, að hann
hafði þegið mútur frá efnafyrir-
tækinu Ferruzzi-Montedison.
Bossi þótti svo bíta höfuðið af
skömminni með því að lýsa yfir
eftir yfirheyrslur hjá lögreglunni,
að framlög til flokksins væru rétt-
lætanleg, hvaðan sem þau kæmu.
Á eftir Norðursambandinu hef-
ur nýfasistaflokkurinn, MSI, mest
fylgi á hægrivængnum samkvæmt
skoðanakönnunum eða um 10%.
Hefur hann nokkuð reynt að þvo
af sér fasistastimpilinn en í flest-
um málum er stefna hans afar
óijós. Á ítalska þinginu eru fleiri
flokkar en hér hafa verið nefndir
en þeir eru smáir og í kosningun-
um á síðasta ári fékk enginn þeirra
meira en 5% atkvæða.
Tvö önnur stjómmálaöfl hyggj-
ast bjóða fram í kosningunum í
mars, annars vegar Forza Italia,
flokkur fjölmiðlakóngsins Silvios
Berlusconis, og hins vegar ítalski
sáttmálinn, flokkur umbóta-
sinnans Marios Segnis, sem barð-
ist hvað mest fyrir breytingum á
kosningakerfinu. Berlusconi virð-
ist reyndar ekki eiga annað erindi
í pólitíkina en beijast gegn því,
að kommúnistar ráðist gegn fjöl-
miðlaveldinu hans eins og þeir
hafa hótað að gera en hann hefur
þó þann fyrirvara á framboði, að
geti borgaraflokkamir komið sér
saman gegn kommúnistum, sé
hann tilbúinn til að draga sig í hlé.
Sundurlyndi
borgaraflokkanna
Segni stefnir aftur hærra ög
segir óhikað, að hann ætli sér að
verða forsætisráðherra á Ítalíu.
Þess vegna hefur hann nú forystu
um að sameina mið- og hægri-
flokkana í eitt kosningabandalag.
Það verður þó erfitt verk eins og
sést á því, að Mino Martinazzoii,
formaður Þjóðarflokksins, lýsti því
yfir í síðustu viku, að hann gæti
vel hugsað sér samstarf við flokk
Segnis en ekki við klofningsflokk-
inn úr kristilegum demókrötum,
Miðflokkinn, og ekki við Norður-
sambandið. Andstaðan við síðar-
nefnda flokkinn byggist aðallega
á því, að Martinazzoli óttast, að
bandalag við hann myndi færa
honum Norður-Ítalíu á silfurfati.
Norðursambandið og Forza Italia,
flokkur Berlusconis, geta hins
vegar vel hugsað sér að starfa
saman, einkum eftir að Umberto
Bossi dró í land með að skipta
Ítalíu í sambandsríki, en hvort eða
hvar nýfasistaflokkurinn kemur
inn í myndina er ekki vitað
enn. „Stór hluti ítölsku þjóðar-
innar bíður eftir tækifæri til að
fá að kjósa einn lýðræðissinnaðan
umbótaflokk. Það er skylda okkar
að láta hann líta dagsins ljós,“
sagði Segni í síðustu viku en ljóst
er, að án samstarfs Þjóðarflokks-
ins og Norðursambandsins mun
sá draumur ekki rætast.
Ef ítölsku borgaraflokkamir
geta ekki brotið odd af oflæti sínu
og sameinast í eina fylkingu fyrir
kosningarnar í mars mun fyrsta
vinstristjórnin taka við stjórnar-
taumunum á Ítalíu að þeim lokn-
um. Achille Occhetto, leiðtogi Lýð-
ræðisbandalags vinstrimanna og
líklegur forsætisráðherra, hefur
þá náð takmarki sínu, ekki vegna
eigin verðleika eða flokksins, held-
ur vegna þess, að andstæðingar
hans urðu spillingunni að bráð.
Jassí
Djúpinu
JAZZTRÍÓ skipað Sigurði
Flosasyni saxófónleikara, Eð-
varði Lárussyni gítarleikara og
Þórði Högnasyni bassaleikara
kemur fram í Djúpinu næstkom-
andi sunnudagskvöld.
Tríóið leggur áherslu á flutning
jassstandarda, þekktra sem
óþekktra, og verður boðið upp á
fjölbreytt úrval verka á tónleikun-
um. Aðgangseyrir er kr. 500.
--------♦ » »--
Kvöldmessa í
Breiðholtskirkju
SÉRSTÖK kvöldguðsþjónusta
með altarisgöngu og nýrri tón-
list verður í kvöld kl. 20.30 í
Breiðholtskirkju í Mjódd.
Messa verður í samvinnu Breið-
holtssafnaðar og samtakanna
Ungt fólk með hlutverk, en sam-
tökin hafa um alinokkurn tíma séð
um sairtkomur í kirkjunni öll
sunnudagskvöld kl. 20.30.
Þú svalar lestrarþörf dagsins
ásíðum Moggansj_____________x
Kjósum málsvara umhverfis- og heilsuverndar
Ólaf F. Magnússon
lækni og varaborgarfulltrúa
í 4. - 6. sœti
í prófkjöri Sjálfstæöisflokksins
Ólafur hefur einkum beitt sér í heilbrig&is- og umhverfismálum, en aukib umferðar-
öryggi og bættar gönguleiöir um borgina eru einnig sérstök áhugamál hans.
Hann hefur verib virkur í störfum sínum fyrir Sjálfstæðisflokkinn og beitti sér af einurð
gegn tilkomu svonefndra heilsukorta og tilvísunarkerfis í heilbrigðisþjónustunni.
HELSTU STEFNUMÁL:
• Réttlátari fjölskyldustefna
• Ráðdeildarsemi með almannafé
• Markviss atvinnuuppbygging
• Verndun og varbveisla útivistarsvæða
• Bættar göngu- og hjólreiðaleiðir
• Fjölgun undirganga við umferðaræðar
• Öflugar mengunarvarnir
• Aukið umferðaröryggi
• Frestun stórframkvæmda við Korpúlfsstaði og
bílastæðahús í miðbænum
• Hagkvæmni og fjölbreytni í öldrunarþjónustu
• Valfrelsi í heilbrigðisþjónustu
• Heilsuverndarstöðin áfram
í þjónustu Reykvíkinga
,
Munum baráttu Olafs fyrir opnu útivistarsvæði og
hagsmunum almennings í Fossvogsdal