Morgunblaðið - 23.01.1994, Blaðsíða 11

MORGUNBLAÐIÐ SUNNUDAGUR 23. JANÚAR 1994
11
Aerosp. Super Puma — Notuð — Bell — Notuð — Aerosp. Dolphin Aerosp. Super Puma - Ný -
AS 332L1 214 ST TF-SIF AS-332L1
kr. kr. kr. kr.
Áætlað kaupverð (án afísingarbún.) 625.000.000 560.000.000 210.000.000 795.000.000
Rekstur miðað við fiugst. á ári, kr./klst.:
Eldsneyti og olíur 16.000 13.000 9.000 16.000
Varahlutir 109.696 . 79.948 64.000 109.696
Eldsneyti og varahlutir alls 125.696 92.948 73.000 125.696
Eldsneyti, olíur og varahlutir:
á ári (400 flugstundir) 50.278.400 37.179.200 29.200.000 50.278.400
Húftrygging 4,22% 26.375.000 23.632.000 8.862.000 33.549.000
vextir 7% 43.750.000 39.200.000 14.700.000 55.650.000
Alls kr. 120.403.400 100.011.200 52.762.000 139.477.400
Afísingarbúnaður í nýja eða notaða AS- 332L1 er áætlaður kr. 50.000.000.
Samanburður á reksturskostnaði nýrra og notaðra björgunarþyrlna, sem LHG hefur borist tilboð um,
og núverandi björgunarþyrlu TF-SIF.
mánuðina, annars
eru þau yfirleitt tvö
í gangi.“
Nýtt varðskip
tímabært
Erlendum fiski-
skipum hefur fækk-
að mjög á íslandsm-
iðum frá því fiskveiði-
lögsagan var færð út
í 200 mílur. Færeyingar
hafa hér veiðiheimildir
fyrir vissu magni og sama
gildir um tvö belgísk skip
sem mega veiða hér svo lengi sem
þeim er haldið til veiða. Þær veiði-
heimildir verða ekki framseldar til
annarra skipa. EES samningurinn
opnar einnig fyrir skip EB sem mega
veiða hér sem nemur 3000 karfaí-
gildistonnum. íslenski flotinn sækir
æ lengra, mengunarvarnir verða
stærri þáttur og allt kallar þetta á
öflugt eftirlit á miðunum. Hvað líður
endurnýjun varðskipaflotans?
„Ég held að það sé alveg ljóst að
við þurfum á betri skipakosti að
halda. Varðskipin eru orðin gömul
og kreíjast æ meira viðhalds. Ég
hef lagt til að við byggjum nýtt
2500 tonna varðskip. Danir eru ný-
búnir að byggja fjögur varðskip sem
eru 3500 tonn hvert og íslendingar
hafa séð þau hér við bryggju. Ég
tel að við þurfum ekki jafnstór varð-
skip og Danir en talsvert stærri skip
en við höfum í dag, bæði til björgun-
ar og iöggæslu. Það verður að hafa
í huga að þegar önnur skip halda í
land vegna veðurs þá þurfa varðskip-
in oft að halda til hafs til björgunar-
starfa. Ef við miðum við hafsvæðið
sem Landhelgisgæslan starfar á og
verkefnin þá tel ég að það veiti ekki
af þetta stóru skipi.“ Hafsteinn hef-
ur lagt til að kannað verði með
smíði nýs varðskips hér innanlands
til að hleypa lífi í íslenskan skipa-
smíðaiðnað. Hann sér ýmsa kosti í
því sambandi varðandi samstarf inn-
lendra skipasmíðastöðva. Eins væri
mögulegt að láta smíða skipið að
hluta erlendis og ljúka smíðinni hér
innanlands. Aðaiatriðið er þó að
Landhelgisgæslan fái nýtt varðskip.
Engar kostnaðartölur liggja fyrir,
enda málið rétt að komast í um-
ræðu, en Hafsteinn telur ekki fjarri
lagi að varðskip af þessari stærð
með tilheýrandi búnaði geti kostað
um 2 milljarða króna.
„Þegar ég kom til Landhelgis-
gæslunnar og sá skipakostinn fannst
mér augljóst að hann þyrfti að end-
urnýja. Við verðum að ráðast sem
fyrst í þetta og ég vona að ég sjái
skipaða nefnd á næstu vikum til að
kanna smíði nýs varðskips."
Staðsetning LHG
Staðsetning Landhelgisgæslunn-
ar hefur oft borið á góma og lagt til
í nefndaráliti að flytja stofnunina til
Keflavíkur. Þegar Hafsteinn starfaði
hjá stofnuninni fyrir 20 árum gældi
hann við þá hugmynd að Gæslan
fengi aðstöðu í Sketjafirði. Þar væri
hægt að hafa skipalægi og flugþjón-
ustuna á sömu slóðum. Ef reist
væri hús fyrir höfuðstöðvarnar í
Sketjafirði gæti stofnunin haft til
umráða afgirt svæði fyrir starfsem-
ina á einum stað. Stendur til að flytja
höfuðstöðvar Land-
helgisgæslunnar?
„Við erum með
aðstöðu á þremur
stöðum, í höfninni, á
flugvellinum og við
Seljaveg. Þar höfum
við ágætis húsnæði
og það hefur verið
endurbætt undanfar-
ið. Ef það borgar sig
fyrir rekstur LHG að
fara til Keflavíkur þá
kemur það vel til greina.
Það hefur bara ekki verið sýnt
fram á hagkvæmni þess að flytja
stofnunina þangað. Menn mega ekki
gleyma því að skipin þurfa full-
komna hafnaraðstöðu, höfn sem
hægt er að fara um í hvaða veðri
sem er. Ég er ekki viss um að Kefla-
víkurhöfn uppfylli þau skilyrði. Þessi
hugmynd held ég að byggist fyrst
og fremst á byggðasjónarmiðum
með það í huga að dreifa ríkisfyrir-
tækjum um landið. En ég útiloka
ekkert.“
Hafsteinn sér ýmislegt sem mælir
gegn flutningi LHG út á land, á það
ekki síst við um flugþjónustuna. Ef
til dæmis flugþjónustan væri á
Keflavíkurflugvelli þá þýddi það að
flugáhafnirnar yrðu að flytja suður
eftir eða gista þar á vöktum og bak-
vöktum. Yfirleitt er sjúkraflug þyrl-
unnar í tengslum við Borgarspítal-
ann og læknar þaðan í áhöfn.
Aukin þjálfun og einkennisföt
Starfsmenn Landhelgisgæslunnar
gegna löggæslu- og björgunarstörf-
um bæði á sjó og landi. Hafsteinn
telur ástæðu til að endurskoða þjálf-
un starfsmanna með tilliti til þeirra
starfa sem þeir gegna. „Það eru
gerðar miklar kröfur til Landhelgis-
gæslunnar, þar af leiðandi þurfa
starfsmenn hennar að vera líkam-
lega og andlega undir það búnir að
leysa erfið verkefni. Mér finnst mega
auka líkamsþjálfun og láta hana
taka mið af þjálfun lögreglumanna.
Jafnframt þarf að gera hvern starfs-
manna öruggari í því sem lýtur að
skyndihjálp. A því sviði þarf að fjölga
upprifjunarnámskeiðum og viðhafa
sífellda endurþjálfun á sviði björgun-
arstarfa. Mér finnst starfsmenn hafa
tekið mjög vel í þessar hugmyndir
og þeir fúsir til að leggja ýmislegt
á sig í því sambandi."
í jólablaði Gæslutíðinda, frétta-
blaðs Landhelgisgæslunnar, er grein
eftir Hafstein þar sem meðal annars
er Ijallað um einkennisklæðnað og
framkomu starfsmanna Gæslunnar.
Er forstjórinn að boða heraga í
stofnuninni?
„Nei, það stendur ekki til að Land-
helgisgæslan fái hernaðarlegt yfir-
bragð, það er alls ekki meiningin.
En menn verða að átta sig á því að
notkun einkennisfatnaðar fylgja
ýmsir siðir sem rétt er að hver starfs-
maður þekki. í dag eru ýmsar útgáf-
ur af einkennisfatnaði í notkun innan
stofnunarinnar, en ekki nógu skýrar
reglur um notkun hans. Þannig eru
menn jafnvel á sama stað og tíma
í tveimur til þremur ólíkum útgáfunt
af einkennisfötum. Þetta þarf að
samræma. Einkennisfötin verða að
vera þægileg og táknræn, henta sín-
um tilgangi. Þetta eru ekki skraut-
búningar. Öll kunnátta um notkun
einkennisfata leiðir aðeins til meiri
hróðurs Landhelgisgæslunnar og
eykur á virðingu starfsmanna og það
traust sem þeim er sýnt.“
Fylgja þessu að einhvetju leyti
hertar kröfur til nýrra starfsmanna?
„Ef menn hyggja á frama sem
skipstjórnarmenn innan Landhelg-
isgæslunnar verða þeir að fara í
framhaldsnám í varðskipadeild
Stýrimannaskólans, þannig að það
eru gerðar til þeirra meiri kröfur en
almennra skipstjórnenda. Mér finnst
ekki óeðlilegt að undirmenn gangist
undir sérstaka þjálfun líkt og ég hef
þegar lýst. Ég lít svo á að Landhelg-
isgæslan hafi mjög góðu starfsfólki
á að skipa og aukin þjálfun yrði því
til stuðnings í daglegu starfi."
Virðulegt yfirbragð
Hafsteinn leggur ríka áherslu á
að Landhelgisgæslan hafi það virðu-
lega yfirbragð sem henni ber. Hann
minnist á að hressa þurfi upp á
ímynd stofnunarinnar í fleiru en lýt-
ur að einkennisbúningum. Hann vill
endurnýja merki Landhelgisgæsl-
unnar og hafa þar landvættina í
fyrirrúmi, enda gegndu þeir einskon-
ar landhelgisgæslu. Þá hefur hann
hugsað sér að breyta útliti höfuð-
stöðvanna við Seljaveg þannig að
þær einkennist meira af hlutverki
Landhelgisgæslunnar en nú er. Eins
er hugmyndin að kynna starfsemi
Landhelgisgæslunnar með nýjum
hætti. Næsta sumar er ætlunin að
bjóða ungu fólki að kynnast störfum
Landhelgisgæslunnat' og sjó-
mennsku af eigin raun með því að
vinna um borð í varðskipum tvo til
þtjá túra. Þetta verður unnið í sam-
vinnu við sveitarfélög og bindur
Hafsteinn vonir við að þetta ásamt
öðru verði til þess að hefja stofnun-
ina til aukins vegs og vit'ðingar.
Þegar Hafsteinn hvarf frá starfi
blaðafulltrúa og lögfræðings Land-
helgisgæslunnar opnaði hann eigin
málflutningsstofu og starfaði á þeim
vettvangi þar til hann tók við for-
stjórastarfinu hjá Landhelgisgæsl-
unni. Eru mikil viðbrigði að gerast
embættismaður eftir mörg ár í
einkarekstri?
„Mér líkaði mjög vel að starfa sem
hæstaréttarlögmaður og því er ekki
að neita að þetta eru talsverð við-
brigði. Forstjórastarfið hjá Land-
helgisgæslunni er áhugavert og ég
vona að ég geti haft hér áhrif til
góðs og eflt stofnunina. Ef mér
finnst ég ekki geta gert það gagn
hér sem ég óska þá get ég alltaf
horfið aftur að málflutningsstörf-
um.“
Framtíðarmarkmið Hafsteins eru
öll á þann veg að gera veg Landhelg-
isgæslunnar sem mestan. Hann ber
metnað fyrir hennar hönd og starfs-
manna, hann lítur einnig svo á að
Landhelgisgæslan sé andlit íslands
út á við. „Landhelgisgæsla er stolt
hverrar þjóðar," segir Hafsteinn.
„Ég held að það sé tekið eftir því
ef við gerum ekki meiri kröfur en
þær að við látuni okkut' nægja göm-
ul tæki til endurnýjunar á búnaði
stofnunarinnar, eins það að halda
úti 34 ára gömlu skipi á erfiðu haf-
svæði. Ég held að slíkt þekkist
hvergi í heiminum.“
GÖNGUM HREINT
TIL VERKS
Frestum Korpúlfsstöðum
"Við verðum að sníða okkur stakk eftir vexti. Þess vegna
getur Reykjavíkurborg ekki ráðist í endurbyggingu
Korpúlfsstaða."
Löggæsla aftur til borgarbúa
"Það er nauðsynlegt fyrir okkur borgarbúa að yfirstjórn
löggæslu verði færð aftur undir borgaryfirvöld frá ríkinu."
Niður með skattana
"Við verðum að tryggja að flutningur verkefna frá ríki til
sveitarfélaga leiði til skattalækkunar á einstaklinga en
ekki hækkunar."
Fellum niður skatt af skrifstofu- og
verslunarhúsnæði
"Látum ekki söguna frá vinstri meirihlutanum 1978-1982
endurtaka sig þegar hvert fyrirtækið á fætur öðru flúði frá
Reykjavík. Á kjörtímabilinu verður að fella niður skatt af
skrifstofu- og verslunarhúsnæði í áföngum. "
Dagvistunarmál í lag
"Borgin getur aldrei leyst dagvistunarmálin án samvinnu
við aðra. Við verðum að g ípa til endurskipulagningar
með samstarfi borgaryfirvalda, fyrirtækja og einstaklinga."
Byrgjum brunninn
"Borgin verður að taka frumkvæði og samræma starf
opinberra aðila og félagasamtaka í forvörnum gegn
ofbeldi og vímuefnum. í þessum efnum verðum við að .
standa saman."
Aukum áhrif almennings.
Borgarfulltrúar eru kjörnir af borgarbúum til að gæta hagsmuna
þeirra. Þeir verða að hafa hæfni og þekkingu til að taka
sjálfstæðar ákvarðanir óháð sérhagsmunahópum og án þess að
borgarstjórn verði afgreiðslustofnun fyrir embættismannakerfið.
VIÐ STYÐIUM GUNNAR IOHANN
Anna Kristín Traustadóttir, lögg. endursk., Ásta Möller hjúkrunarfr.,
lón Steinar Gunnlaugsson hrl., Sveinn H. Skúlason forstöðumaður,
Eyþór Arnalds, tónlistarmaður, Þorgrímur Þráinsson, ritstjóri,
Ema Finnsdóttir, frú, Hildur Petersen, framkvæmdastjóri,
Björn Bjarnason, alþingismaður, Baldvin Tryggvason, sparisj.stjóri,
Birgir Ármannsson, laganemi, Guðmundur Steinsson, knattsp.maður,
Vala Thoroddsen, frú, Ragnhildur Pála Ófeigsdóttir, skáldkona,
Ólafur B. Thors, forstjóri, Þorsteinn Davíðsson, form. Heimdallar,
Ragnhildur Helgadóttir, fyrrverandi ráðherra.
Baldvin Einarsson, lögreglum.,Svavar Tryggvason, brunavörður,
Karl Valdimarsson, bifreiðastjóri.Guðmundur H. Garðarsson,
Sóley Jóhannsdóttir, danskennari,Sólveig Pétursdóttir, alþ.m.
STUÐNINGSMENN GUNNARS JÓHANNS BIRGISSONAR
Verið velkomin á kosningaskrifstofu Gunnars Jóhanns
að Grensásvegi 8, Sími 883244, opið til 22 alla daga.