Morgunblaðið - 23.01.1994, Blaðsíða 42

42
MORGUNBLAÐIÐ IÞROTTIR SUNNUDAGUR 23. JANÚAR 1994
HANDKNATTLEIKUR
Umgjörð landsleikja í handknattleik hérlendis hefur gjörbreyst. Æfing fyrir HM 1995
Moltóið að eng
aðhafaveriðá
HM á íslandi
- segir Friðrik Guðmundsson, for-
maður rrfóttökunefndar HSÍ
ÞAÐ vakti mikla athygli þeirra sem til þekkja hversu glæsileg
öll umgjörð vegna síðustu þriggja landsleikja íslands í handkn-
atleik var. Boðsgestir hittust fyrir leikina og þáðu veitingar auk
þess sem þeir fengu tækifæri til að hlíða á aðstoðarþjálfara
landsliðsins ræða um leikinn.
Skúli Unnar
Sveinsson
skrifar
Friðrik Guðmundsson, formaður
móttökunefnd'ar HSÍ, á ekki
minnstan þátt í þessari glæsilegu
umgjörð. Friðrik er
ekki ókunnugur
handknattleiknum
hér heima því hann
hóf afskipti sín af
honum árið'1973 en þá stofnaði
hann Leikni í Breiðholtinu og varð
fyrsti formaður handknattleiks-
deildar félagsins. Sama ár starfaði
hann fyrir Handknattleiksráð
Reykjavíkur og fylgdi síðan Júlíusi
Hafstein yfir til HSÍ þegar Júlíus
varð formaður þar. Friðrik varð síð-
an formaður HSI 1982 til 1983 og
„ég hef verið í flestum stöðum inn-
an sambandsins nema kvenna-
landsliðsnefnd," segir Friðrik sem
nú er á ellefta starfsári sínu hjá
sambandinu.
„Það er í rauninni einfalt að taka
á móti liðum og sjá um það sem
viðkemur landsleikjum. Það geta
allir, en menn verða að leggja sig
fram og hafa metnað til að gera
það vel. Það má skipta heimsókn
landsliðs í þrennt. í fyrsta lagi er
það undirbúningur vegna liðsins
sem er að koma og að sjá um að
allt sé í lagi sem að því snýr. Á list-
anum hjá mér eru um tuttugu at-
riði sem þarf að huga að. Það þarf
að taka á móti liðinu, útvega rútur
til að flytja það á milli staða, sjá
um að kaupa gjafir handa því, fán-
ar viðkomandi ríkja verða að vera
til staðar svo og þjóðsöngvar. Við
verðum að sjá um að liðið fái æfing-
ar og að allt sé í lagi í húsunum.
Það er alltaf maður frá okkur með
á æfingum þannig að ef eitthvað
kemur uppá þá kippir hann því
strax í liðinn.
í sambandi við svona heimsóknir
þá reynum við að taka vel á móti
okkar gestum og gera það öðruvísi
en aðrar þjóðir. Eg tek til dæmis
oft og iðulega fararstjóra liðanna
heim til mín og þannig skapast oft
betri tengsl manna á milli. Þegar
Rússarnir komu hingað á dögunum
bauð ég fararstjórum þeirra heim
og þeim fannst það alveg frábært
enda höfðu þeir aldrei komið í
heimahús á ferðum sínum, og hafa
Rússarnir þó farið víða.
Annað sem snýr að móttöku eru
dómarar og eftirlitsmaður en það
hefur skapast sú verkaskipting hér
að dómaranefnd HSÍ sér um þennan
þátt mála nema við höfum samráð
þegar farið er í skoðunarferðir og
annað slíkt. Þriðja atriðið er síðan
leikurinn sjálfur og öll umgjörð
hans.
Það sem gerði þessa breyttu
umgjörð á síðustu leikjum mögu-
lega held ég að sé fyrst og fremst
tvennt. í fyrsta lagi er nýr fram-
kvæmdastjóri hjá HSÍ sem er fullur
af krafti og orku og til í að reyna
eitthvað nýtt. Hin ástæðan er að
við fengum Einar Viðar Guðlaugs-
son í samstarf við okkur. Ég þakka
samstarf okkar þriggja hvernig til
tókst í kringum síðustu leiki,“ segir
Friðrik.
Var ekkert erfítt að fá fyrirtæki
til að aðstoða, nú á tímum kreppu?
„Nei, það var greinilegt að alls
Morgunblaðið/Bjarni
Friðrik Guðmundsson, fyrrum formaður Handknattleikssambands íslands og nú formaður móttökunefndar þess, í
Laugardalshöllinni um síðustu helgi er íslendingar tóku á móti Finnum í Evrópukeppni karlalandsliða.
staðar þar sem við leituðum eftir
framlagi var okkur vel tekið og ég
held að ef menn eru að biðja um
styrk í formi einhverrar vöru, en
ekki peninga, séu menn tilbúnir að
aðstoða. Pizzahúsið, Eldhaka,
Blómamiðstöðin, Nói-Síríus og
margir fleiri tóku okkur mjög vel.“
Varðst þú var við ánægju hjá
stuðningsaðilum ykkar og öðrum
handboltaáhugamönnum?
„Já mjög mikla. Það voru mjög
margir sem höfðu orð á að þetta
væri eins og það ætti að vera. Við
vorum líka með blaðamannafund
eftir leik þar sem stuðningsaðilar
og boðsgestir gátu mætt og það
vakti forvitni fólks að fylgjast með
slíku. Það var líka tekið eftir því
að fyrrverandi landsliðsmönnum
var boðið á leikinn gegn Finnum
og mæltist það vel fyrir.“
Má líta á þetta sem fyrsta undir-
búning fyrir móttökurnar á HM ’95
hér á landi?
„Já, það má í rauninni líta á
þetta sem fyrstu æfingu. Hugmynd-
in var að stofna stóra tólf manna
móttökunefnd með fulltrúum frá
stöðunum þar sem keppnin fer
fram, Kópavogi, Hafnarfirði, Akur-
eyri og Reykjavík. Það gekk mjög
vel að fá nöfn á fólki í þessa nefnd
en þegar á reyndi, núna fyrir þessa
törn, stóðu uppi fjórir stæðilegir
menn, Björn og Aðalsteinn Jónssyn-
ir úr Breiðabliki, Friðrik Þorbjörns-
son úr KR og Magnús Guðmunds-
son úr Víkingi. Hjá öðrum stóð
þannig á að þeir gátu ekki verið
með að þessu sinni. Prufukeyrslan
hjá okkur verður í haust þegar
Reykjavík-Cup verður haldið.
Það má segja að undirbúningur
sé hafinn þó svo hann sé ef til vill
ekki nógu markviss enn sem komið
er vegna ýmissa óvissuþátta. Það
er þó nokkuð ljóst að það verða
ekki undir hundrað manns sem
þurfa að starfa við móttöku liðanna
á HM og þá erum við bara að tala
um fjóra menn á hvert lið og ég
tel ekki með þá sem koma til með
að sjá um dómarana og þá sem
hingað koma á vegum IHF’.
Eg hef orðið var við mjög mikinn
vilja fólks til að leggja okkur lið
og starfa í sambandi við mótið og
það er mjög ánægjulegt. Ég hef
ekki nokkrar áhyggjur af því að
þetta verði vandamál. Vegalengdir
hér á landi eru mun styttri en víð-
ast annars staðar og það hjálpar
mikið og ég er viss um að okkur
tekst að gera glæsilega umgjörð.
Það kemur mikill fjöldi blaðamanna
til landsins en ég held að það verði
alveg sérstök nefnd sem sjái um
þá og það er ekki síður mikilvægt
að menn fari ánægðir héðan og það
sem síðar verður rætt og ritað um
landið og mótið verði jákvætt. Það
er talsvert um „dauðan“ tíma hjá
liðunum og þann tíma ætlum við
að reyna að nota í skipulagðar skoð-
unarferðir."
Engin vandamál segir þú, en
verður þetta ekki erfitt?
„Það verða engin vandamál,
heldur vinna, feikilega mikil vinna
og það eru margir sem þurfa að
koma að þessu. Mottóið hjá okkur
verður að héðan fari enginn og
gleymi því að hann var á HM á
Islandi, nema auðvitað úrslitum ein-
hverra handboltaleikja."
Nú er það heljarinnar mikið starf
að taka á móti íþróttahópum svo
vel sé. Er þetta ekki tímafrekt?
„Eigum við ekki að orða það svo
að á meðan Hvít-Rússar, Portúgalir
og Finnar voru hér hafi ég ekkert
komið heim til mín, heldur haldið
til á skrifstofu HSI. Jú, auðvitað
fer mikill tími í þetta en maður
verður að finna tíma til að gera
þetta vel. Því fleiri hendur, því auð-
veldara,“ sagði Friðrik „móttöku-
stjóri“ Guðmundsson.
Rússneska mafían sögð ógna
löndum sínum í deildinni
ISHOKKI / NHL-DEILDIN
LEIKMÖNNUM frá fyrrum Sovétrfkjum hefur verið ógnað
af löndum sínum að undanförnu. Þeir hafa fengið hótunar-
bréf, orðið fyrir árásum og eru undir smásjá óþokka, sem
vilja fá hlut í afkomu þeirra. Þetta hefur farið leynt og ieik-
mennirnir hafa verið ófúsir að staðfesta sögusagnir, en þær
hafa fengið byr undir báða vængi vegna staðfestingar eins
leikmanns.
Um það bil 50 leikmenn frá
fyrrum Sovétríkjum leika í
NHL-deildinni og hafa sumir
þeirra vakið mikla athygli og
styrkt deildina. Forsvarsmenn
hennar eru ánægðir með það, en
vilja ekki ræða ógnanir, sem
margir þeirra eru sagðir búa við.
Hins vegar segja þeir að verið sé
að kanna hvort rússneskir glæpa-
menn, sem séu að reyna að hafa
fé af leikmönnum, hafí ógnað
þeim eða fjölskyldum þeirra í föð-
urlandinu.
Pavel Bure, sem kjörinn var
efnilegasti leikmaður NHL-deild-
arinnar 1992 og var valinn fyrir
stjörnuleik helgarinnar, er einn
fárra leikmanna, sem segir tal um
ógnanir ekki sannar. „Málið er í
rannsókn," sagði Arthur Pincus
hjá NHL. „Ef eitthvað kemur í
ljós tökum við á því.“
Samkvæmt blaðafregnum hafa
að minnsta kosti þrír fyrrum leik-
menn Sovétríkjanna orðið fyrir
fjárkúgun og ráðist var á þann
fjórða, þegar hann var í heimsókn
í Kiev, þaðan sem hann er. „Þeir
hefðu getað drepið mig en vildu
bara hræða mig,“ sagði Alex-
andre Alexeev, 19 ára piltur, sem
er á samningi hjá Winnipeg, en
leikur með félagi í neðri deild.
Alexei Zhitnik hjá LA Kings
segir að sér hafi verið ógnað. „Eg
hef átt í erfiðleikum með rússn-
esku mafíuna," var haft eftir hon-
um. Barry Melrose, þjálfari Kings,
sagði að félagið hefði miklar
áhyggjur af þessu og hefði hvatt
leikmanninn til að fara ekki í frí
heim til Kiev í sumar. Lögreglan
í Los Angeles neitaði fregnum um
að hún væri að rannsaka hótanir
í garð viðkomandi leikmanns.
Alexei Kasatonov hjá Anaheim
Mighty Ducks sagðist ekki hafa
orðið fyrir ónæði, en hins vegar
væri ekki sömu sögu að segja af
nokkrum vinum sínum. Hann
sagði að Alexander -«Semak og
Valeri Zelepukin hjá New Jersey
Devils, Darius Kasparaitis og
Vladimir Malakhov hjá New York
Islanders og Sergei Nemchinov
hjá New York Rangers hefðu allir
orðið fyrir barðinu. Viacheslav
Fetisov, fyrirliði ólympíumeistara
Sovétríkjanna 1988 og fýrrum
samherji Kasatonovs hjá New
Jersey, hefur neitað að hafa keypt
sér frið. „Ástandinu má líkja við
að A1 Capone væri í Bandaríkjun-
um. Þetta er alvarlegt mál og
gæti verið hættulegt,“ sagði
Kasatonov.
Samkvæmt heimildum innan
New York Rangers fékk einn
rússneskur leikmaður félagsins
hótunarbréf og virðist sem vina-
hópur hafí fengið slíkt bréf. Fram-
kvæmdastjóri Phiiadelphia Flyers
sagði að öðrum Rússa liðsins hefði
verið hótað í síma. Sérfræðingur
í skipulögðum glæpum í New
York sagði að rússneska mafían
væri öflug í Bandaríkjunum, eink-
um á svæðum þar sem nýbúar frá
fyrrum Sovétríkjum byggju. Um
hótanir gegn íshokkíspilurunum
sagði hann að fregnir þar um
kæmu ekki á óvart, því þeir sem
ættu peninga og væru í sviðsljós-
inu lentu oft í glæpamönnum.
Kasparaitis, sem er frá Litháen,
sagðist hafa heyrt að mafían færi
fram á 10.000 dollara (um
730.000 kr.) fyrir að láta ijöl-
skyldu leikmanns í friði. „Fólk
segir mér að varast mafíuna, því
hún vilji fá hlut í iaununum, en
ég þekki nokkra glæpamenn og
þeir segja að ekkert sé að óttast.“