Morgunblaðið - 25.01.1994, Side 18

18
MORGUNBLAÐIÐ ÞRIÐJUDAGUR 25. JANÚAR 1994
Prófkjör Sjálfstæðisflokksins á Selljarnarnesi
Sigurgeir í fyrsta sæti
Sorpbrennsluvélar minnka
sorp- og kyndikostnað
HAGKVÆMT og raunhæft er fyrir meðalstór fyrirtæki á sviði iðnaðar
eða verslunar að koma sér upp eigin sorpbrennsluvélum sem hita einn-
ig upp vatn, og minnka þannig kostnað þeirra við að farga sorpi og
kyndingu, segir Ingvar Níelsson verkfræðingur. Þetta kom frain á
fundi um endurvinnslu á úrgangi með brennslu sem Samtök iðnaðar-
ins, Vinnuveitendasamband Islands og Iðntæknistofnun stóðu fyrir í
gær. Ingvar kveðst telja að sorpbrennsluvélar geti borgað sig upp á
tíu árum við erfitt fjárhags- og framkvæmdaumhverfi, þ.e. þær aðstæð-
ur sem háar gjaldskrár opinberra aðila skapa ásamt ýmsum tormerkj-
um á flutningi eða urðun sorps vegna t.d. veðurs eða annarra þátta,
niður í eitt ár þar sem aðstæður eru góðar.
„Úrgangur er vara með nei-
kvætt verð og öll meðferð hans
umfram það nauðsynlegasta, s.s.
flutningar, flokkun og förgun eða
endurvinnsla, hækkar hið nei-
kvæða verð. Því ber að farga úr-
gangi á þeim stað og þeirri stund
sem hann verður til,“ segir Ingvar.
Ólafur Kjartansson, verkfræðing-
ur hjá Samtökum iðnaðarins, segir
að brennsluaðferð þessi hafi vakið
athygli samtakanna og VSÍ vegna
hins mikla kostnaðar íslenskra fyr-
irtækja við að farga sorpi. „Þessi
kostnaður hefur vaxið mjög hratt
á undanfömum árum og ekki fyrir-
séð hvar endar, en á sama tíma
hefur Ingvar skrifað um að
brennsla sorps með þessari aðferð
sé hagkvæmur kostur. Við teljum
að þetta sé valkostur sem ekki er
hægt að horfa fram hjá og afskrifa
án þess að skoða hann vandlega
og raunar teljum við að skoða þurfi
hann í hverju tilviki fyrir sig,“ seg-
ir Ólafur.
Ingvar segir að meiri hag-
kvæmni fylgi litlum vélum en stór-
um, sökum handstýringar og lítill-
ar fyrirhafnar þeim samfara. Hann
nefnir tvö dæmi af næstminnstu
og stærstu vél þeirrar tegundar
sem hann kynnir hérlendis. „Minni
vélin kostar á milli 4 og 4,5 milljón-
ir kr. og hentar allstóru iðnfyrir-
tæki eða litlu sveitarfélagi með um
360 íbúa. Afkastagetan er 500 kíló
á dag og orkan sem hún framleið-
ir, um þijár kílóvattstundir af hita-
orku við eyðingu á hveiju kílóg-
rammi af rusli, gæti t.d. hitað sund-
laug, félagsheimili eða skóla. Fyr-
irtæki eða sveitarfélög sem settu
upp siíkan búnað þyrftu ekki að
vera háð samstarfi við aðra aðila
og losnuðu við tilkostnað því sam-
fara. Stærsta vélin fargar átta
tonnum á dag og síðan er hægt
að setja tvær saman sem afkasta
helmingi meira," segir Ingvar.
SIGURGEIR Sigurðsson, bæj-
arstjóri á Seltjarnarnesi, hlaut
flest atkvæði í fyrsta sæti í próf-
kjöri Sjálfstæðisflokksins sem
fram fór um helgina. Jón Há-
kon Magnússon framkvæmda-
sljóri varð í 2. sæti og Erna
Nielsen húsmóðir varð í 3. sæti.
738 manns tóku þátt í prófkjör-
inu.
Sérstök viðurkenning
„Ég er mjög ánægður a.m.k. með
sjálfan mig,“ sagði Sigurgeir.
„Þetta er sérstök viðurkenning fyr-
ir mig en þetta er í níunda sinn sem
ég býð mig fram. Ég tel að Seltim-
ingar hafi sýnt mér mjög mikinn
trúnað. Ég fæ 78,4% af greiddum
atkvæðum og það er stórgóður
árangur." Sagði Sigurgeir að þátt-
taka í prófkjörinu og dreifing á lista
hafi verið góð. Nokkrar breytingar
væru á listanum en ekki stórar og
ekki ljóst hvemig endanleg niður-
röðun yrði. „Mér sýnist að 1., 6.
og 7. sæti séu bundin en ég á ekki
von á að neinar breytingar verði
gerðar á listanum eins og hann lít-
ur út,“ sagði hann.
Stuðningur við umhverfismál
„Ég er afskaplega ‘ánægður,"
sagði Jón Hákon Magnússon en
hann varð í 2. sæti í prófkjörinu.
„Ég sóttist eftir þriðja sæti en fór
í annað. Ég tel að það sýni stuðning
við þau umhverfísmál sem ég hef
barist fyrir á nesinu og fagna því
þessu brautargengi sem ég hef
fengið inn í bæjarstjómina. Ég geng
út frá því að við höldum meirihlut-
anum.“ Jón Hákon sagðist líta svo
á að lokið væri deilu um landnýt-
ingu og umhverfismál á nesinu.
Sættir hafí tekist og niðurstaða
náðst um hvemig nýta ætti það litla
land sem eftir er á nesinu. „Best
væri að nýta ekkert land nema til
Morgunblaðið/Jón Svavarsson
Styrkþegar
ÞAU tóku við framlögum úr Kvikmyndasjóði þegar úthlutað var fyrir árið 1994 sl. laugardag. Frá
vinstri: Þorfinnur Guðnason, Valdimar Leifsson, Oddný Sen, Stefán Jón Hafstein, Jón Asgeir
Hreinsson, Snorri Þórisson, Friðrik Erlingsson, Baldur Hrafnkell Jónsson, Tage Ammendrup, Er-
lendur Sveinsson og Magnús Magnússon.
a *
Uthlutun úr Kvikmyndasjóði Islands 1994
Agnes og Benjamín dúfa
fengu hæstu styrkina
TILKYNNT var um úthlutanir úr Kvikmyndasjóði Islands fyrir
árið 1994 á laugardag. Hæstu styrkina fengu Pegasus hf., 30
miiyónir til framleiðslu myndarinnar Agnesar, og kvikmyndagerð-
in Baldur, 21 milljón til framleiðslu Benjamíns dúfu. Framlagið
samsvarar 18,7% af heildarkostnaði við gerð Agnesar og 25,6%
af heildarkostnaði við gerð Benjamíns dúfu.
Framlög til handritsgerðar og
undirbúnings kvikmynda fengu
Oddný Sen, 600 þúsund krónur
vegna Sögu Oddnýjar E. Sen, og
Guðný Halldórsdóttir, 400 þúsund
krónur vegna Ungfrúarinnar góðu
og hússins.
Framlög til framleiðslu heimild-
armyndar fengu Finnbogi Her-
mannsson, 500.000 krónur vegna
Snillingsins á Hólmi og er það
20,8% af heildarframleiðslukostn-
aði, Magnús Magnússon, 1.800
þúsund krónur vegna Hafamarins
(25,9% af heildarkostnaði), Stefán
Jón Hafstein, eina milljón króna
vegna Þóru í Madras (29,4% af
heildarkostnaði), Tage Ammendr-
up, eina milljón króna vega Hug-
vitsmannsins (40,1% af heildar-
kostnaði), og Valdimar Leifsson,
500 þúsund krónur vegna Listakon-
unnar sem ísland hafnaði (27,4%
af heildarkostnaði).
Villingur og Bíóhljóð hf. fengu
400 þúsund krónur til kynningar á
heimildarmyndinni Húsey (30,6%
af heildarkostnaði). Erlendur
Sveinsson og Lifandi myndir hf.
fengu 1.800 þúsund krónur vegna
handrits og undirbúnings myndar-
innar Lífssögu þjóðar.
í úthlutunamefnd Kvikmynda-
sjóðs 1994 sátu Ami Þórarinsson
ritstjóri, Ingibjörg Briem þýðandi
og Ragnheiður Steindórsdóttir leik-
kona.
útivistar og þá ekki eingöngu fyrir
Seltiminga heldur allt höfuðborgar-
svæðið,“ sagði hann. „Þetta er einr,
fallegasti staður á svæðinu við sjó
og hann ber að varðveita um aldur
og ævi.“
Getur sætt sig við
niðurstöðuna
„Ég hafnaði í þriðja sæti og lítið
annað um það að segja," sagði
Ema. „Ég er svo sem ekkert
óánægð með samtals útkomuna."
Sagðist hún hafa fengið flest at-
kvæði í annað sæti og samtals fleiri
atkvæði en sá sem hlaut annað
sætið en engu að síður ekki náð
því sæti eins og hún óskaði eftir.
„Ég er að öðru leyti jákvæð á úrslit-
in,“ sagði Ema. „Mér finnst samt
synd að fólki sem búið er að vinna
vel og vera duglegt í bæjarstjóm
hafi verið ýtt niður í sjöunda og
tíunda sæti. Það er kannski það
eina sem ég er sár út af en þetta
er góður hópur og að ég held góður
og sterkur listi. Ég get alveg sætt
mig við mína niðurstöðu. Maður
verður að taka því eins og er, ef
maður tapar þá var það einhver sem
kom og sigraði en að öðm leyti er
ég sátt.“
Niðurstöður prófkjörsins á Selljarnamesi
i. Sigurgeir Sigurðsson 417 atkv. í sæti 1 atkvæði alls 571
2. Jón Hákon Magnússon 242 atkv. í sæti 1—2 atkvæði alls 420
3. Erna Nielsen 328 atkv. í sæti 1-3 atkvæði alls 492
4. Petrea I. Jónsdóttir 282 atkv. í sæti 1-4 atkvæði alls 437
5. Jón Sigurðsson 331 atkv. í sæti 1-5 atkvæði alls 391
6. Hildur Jónsdóttir 385 atkv. í sæti 1-6 atkvæði alls 385
7. Guðm. Jón Helgason Sæti 1-7 atkvæði alís 370
8. Jens Pétur Hjaltested Sæti 1-8 atkvæði alls 305
9. Sveinn H. Guðmarsson Sæti 1-9 atkvæði alls 298
10. Gunnar Lúðvíksson Sæti 1-10 atkvæði alls 278
11. Þröstur H. Eyvinds Sæti 1-11 atkvæði alls 226
12. Jón Jónsson Sæti 1-12 atkvæði alls 195

Listi Sjálfstæðisflokksins í Mosfellsbæ
Róbert í efsta sæti
Þrír af fimm bæjarfulltrúum hætta
RÓBERT B. Agnarsson bæjarstjóri í Mosfellsbæ verður í efsta sæti á
lista Sjálfstæðisflokksins við bæjarsfjórnarkosningarnar í vor. Fram-'
bjóðendur í efstu sæti voru valdir að undangengnu prófkjöri sem fram
fór 13. nóvember 1993. Þrír af fimm bæjarfulltrúum flokksins gefa
ekki kost á sér á ný.
Tillaga kjörstjómar að framboðs-
lista var samþykkt samhljóða á fundi
Fulltrúaráðs sjálfstæðisfélaganna í
Mosfellsbæ. í 2. sæti er Helga A.
Richter kennari, í 3. sæti er Valgerð-
ur Sigurðardóttir auglýsinga- og
markaðssráðgjafi, í 4. sæti er Guð-
mundur Davíðsson vélvirkjameistari,
í 5. sæti er Hafsteinn Pálsson yfir-
verkfræðingur, 6. sæti er Ásta Björg
Bjömsdóttir meinatæknir, í 7. sæti
er Svanur M. Gestsson verslunar-
maður, f 8. sæti er Svala Ámadóttir
skrifstofumaður, í 9. sæti er Hilmar
Þór Óskarsson bústjóri, í 10. sæti
er Guðjón Haraldsson verktaki, í 11.
sæti er Guðlaug Á. Amardóttir hús-
móðir, í 12. sæti er Bjarni Snæbjöm
Jónsson framkvæmdastjóri og í 13.
sæti er Magnús Sigsteinsson for-
stöðumaður.
Sjálfstæðisflokkurinn í Mosfellsbæ
hefur nú fimm bæjarfulltrúa af sjö
í bæjarstjóm. Þau Magnús Sigsteins-
son, Helgu A. Richter, Hilmar Sig-
urðsson, Þengil Oddsson og Guð-
mund Davíðsson, sem kom inn í
bæjarstjóm fyrir Guðbjörgu Péturs-
dóttur er hún flutti til Bandaríkj-
anna. Ljóst er að í vor verður end-
umýjun í-efstu sætin þar sem þrír
fulltrúar, þeir Magnús, Hilmar og
Þengill, hafa ákveðið að gefa ekki
kost á sér og hætta því sem bæjar-
fulltrúar.
Inga Laxness
leikkona látin
INGIBJÖRG Einarsdóttir, Inga
Laxness, lést á sjúkradeild
Hrafnistu í Reykjavík Iaugardag-
inn 22. janúar, 85 ára að aldri.
Ingibjörg var fædd 3. maí árið
1908 í Reykjavík. Foreldrar hennar
vora Sigríður Þorláksdóttir Johnson
og Einar Amórsson hæstaréttar-
dómari og ráðherra. Hún stundaði
verslunamám við Verzlunarskóla
íslands og í London og starfaði að
því loknu við skrifstofustörf. Lengst
af starfaði hún á Skattstofu Reykja-
víkur, eða til ársins 1978 með hlé-
um. Ingibjörg stundaði nám í Leik-
listarskóla Lárusar Pálssonar 1940
til 1941, og síðan einkanám í leik-
list hjá kennuram við The Royal
Academy of Dramatic Art í London
1944 og nám í leiklist og leikstjóm
hjá Tamara Daykaranova School
of Dramatic Art í New York 1946.
Hún var starfandi leikkona hjá
Leikfélagi Reykjavíkur, Þjóðleik-
húsinu og víðar frá árinu 1941 til
1955, en auk þess annaðist hún
leikstjóm bæði úti á landi og í út-
varpi og þýddi leikrit og annað efni
úr ýmsum tungumálum.
Ingibjörg var tvígift. Fyrri eigin-
maður hennar var Halldór Laxness
rithöfundur og er sonur þeirra Ein-
ar Laxness cand. mag. Þau skildu
árið 1940. Árið 1960 gekk hún að
eiga seinni eiginmann sinn, Óskar
Gíslason ljósmyndara, sem lést árið
1990.