Morgunblaðið - 29.01.1994, Blaðsíða 23

MORGUNBLAÐIÐ LAUGARDAGUR 29. JANUAR 1994
23
Reuter
Leitað að fjöldamorðingja
REIÐIR íbúar blökkumannahverfisins Mitchels Plain við Höfðaborg
í Suður-Afríku mótmæla því að fá ekki að taka þátt með lögreglunni
í leit að ij'öldamorðingja sem myrt hefur að minnsta kosti 11 unga
menn í hverfinu á síðustu 10 dögum. Lögreglan hóf í gær víðtæka
leit að morðingjanum og yfirvöld hafa heitið því að veita 250.000
rand, jafnvirði 5,2 milljóna króna, fyrir upplýsingar sem leiða til
handtöku hans.
Manna- og stólaskipti í dönsku stjórninni
Látíð undan
þrýstingi mið-
demókrata
Kaupmannahöfn. Frá Sigrúnu Davíðsdóttur, fréttaritara Morgunblaðsins.
POUL Nyrup Rasmusen forsætisráðherra Danmerkur tilkynnti í gær
um breytingar á sljórn sinni. Ráðherrum fækkar úr 24 í 22, þrír hafa
verið látnir fara og einn nýr ráðinn, auk þess sem nokkrir ráðherrar
fara á milli ráðuneyta. Breytingarnar eru gerðar til að styrkja mið-
demókratana, sem hafa verið óánægðir með sinn hlut í sljórninni.
Stjórnarandstaðan segir ráðstöfunina dæmi um ráðleysi Nyrups.
Mimi Jakobsen formaður Mið-
demókrataflokksins, sem áður var
samhæfingarráðherra viðskiptalífs-
ins, verður nú iðnaðarráðherra í við-
bót við fyrra embætti. Bente Junck-
er þingflokksformaður flokksins tek-
ur við embætti félagsmálaráðherra,
sem jafnaðarkonan Karen Jespersen
víkur úr fyrir Junker. Tveir ráðherr-
ar mið-demókrata víkja ur stjórn,
þeir Svend Bergstein, sem var rann-
sóknarráðherra, en ráðuneyti hans
verður lagt undir kirkjuráðuneyutið
og Arne Melchior, sem var ferða-
mála- og samskiptaráðherra, en við
ráðuneyti hans tekur jafnaðarmað-
urinn Helge Mortensen, er áður var
umferðarráðherra. Flokksbróðir
lians, Jan Tröjborg, sem var iðnaðar-
ráðherra, tekur við embætti Morten-
sens. Á blaðamannafundi þar sem
nýskipanin var kynnt benti Nyrup á
að hlutfall kvenna í stjórninni hefði
aldrei áður verið svona hátt.
Stjórnarandstaðan segir nýskip-
anina vera dæmi um stjórnleysi
Nyrups og að eðlilegra hefði verið
að halda stjórninni óbreyttri fram
að kosningum, sem verða í haust.
Ráðuneytin voru 21 áður en Nyrup
tók við, en þeim var fjölgað við
stjórnarmyndun hans til að stjórn-
arflokkarnir fjórir gætu fengið við-
unandi hlut. Á því ári sem liðið er
frá stjórnarmyndun hefur sýnt sig
að ráðuneytin voru óþarflega mörg.
Það kemur sér vel fyrir þá ráð-
herra, sem voru látnir víkja, að þeir
skuli hafa náð að sitja heilt ár, en
stjórnin átti eins árs afmæli 25. jan-
úar. Þar með fá þeir eftirlaun sem
ráðherrar, sem lægst nema um 800
þúsund íslenskum krónum á ári og
eru greidd strax að ráðherrastarfi
loknu, en ekki þegar eftirlaunaaldri
er náð. Ef þeir ná ekki ári á ráðher-
rastóli, fá þeir ekkert. Þingflokkur
Framfaraflokksins hefur lagt til að
þessu verði breytt, þannig að eftirla-
unin verði greidd, þegar eftirlauna-
aldri er náð, eins og önnur eftirlaun,
en aðrir flokkar styðja ekki þá til-
lögu.
♦ ♦ -------
Málverkið
reyndist eft-
ir Da Vinci
Kaupmannahöfn. Frá Sigrúnu Davíðsdótt-
ur, fréttaritara Morgunbladsins.
MÁLVERK, sem áður hefur verið
talið verk lærisveins Leonardo da
Vinci, hefur nú verið úrskurðað
sem verk eftir sjálfan lærimeist-
arann, Leonardo. Um er að ræða
litla mynd af ungum manni, en
myndin er um þessar mundir á
mikilli Leonardo-sýningu í Mál-
mey.
Við úrskurðinn hefur myndin ver-
ið metin á jafnvirði átta milljarða
íslenskra króna. Aðeins eru til 10
málverk, sem eru álitin vera eftir
meistarann, svo með þessu eru þau
orðin 11. Leonardo var ekki aðeins
málari, heldur einnig uppfinninga-
maður og var sýningin í Málmey
helguð uppfinningum hans.
Voveiflegt andlát vinar og ráðgjafa Clintons forseta
Efast um að Foster
hafi fyrirfarið sér
Washington. The Daily Telegraph, Reuter.
FJÖLMIÐLAR í Bandaríkjunum fjalla nú mjög um andlát Vincents
Fosters, eins af ráðgjöfum Bills Clintons forseta en lík Fosters
fannst í lystigarði við Potomac-fljótið í Washington í júlí sl. Skamin-
byssa var í hægri hendi og var því slegið föstu að maðurinn hefði
fyrirfarið sér, skotið sig í munninn. Sjúkraliðar sem komu að hon-
um segjast nú draga í efa að um sjálfsvíg hafi verið að ræða og
blöð hafa rætt um að Foster hafi ef til vill verið myrtur annars
staðar og líkinu komið fyrir í garðinum. Ekki bætir úr skák að eitt
af verkefnum Fosters var að kanna fjármálahneyksli í Arkansas,
svonefnt Whitewater-mál, sem forsetahjónin hafa verið bendluð
við. Skjöl varðandi málið fundust á skrifborði Fosters í Hvíta hús-
inu en nokkrum stundum eftir að hann lést fjarlægðu nokkrir
embættismenn, þ. á m. skrifstofusljóri Clintons, þau.
George Gonzales sjúkraliði seg-
ist hafa furðað sig á því hve lítið
blóð var á staðnum þegar hann
og félagar hans komu að líkinu.
Fleira kom þeim á óvart, handlegg-
irnir lágu beinir meðfram búknum.
„Mér fannst þetta allt undarlegt,
hann lá þráðbeinn, eins og líkið
væri reiðubúið fyrir kistuna“. Und-
arlegt þykir að byssan, kraftmikil
Colt 38, var enn í hendi Fosters en
í flestum tilvikum myndi hún
hrökkva úr hendinni vegna end-
urkastsins, byssan „slær“.
Sérfræðingar segja að mikið
blóð hefði átt að renna úr sárinu,
skemmdir á beinum og vefjum í
höfðinu að verða miklar en Gonza-
les og félagi hans, Kory Ashford
sáu lítil ummerki um skotið. Menn-
irnir tveir sáu auk þess ekkert blóð
á byssunni og í Reuters-fréttum í
gær sagði að svo virtist sem lög-
reglan í Washington hefði ekki
látið kanna hvort byssan á staðn-
um hefði í reynd valdið áverkanum.
Bréf í tætlum
Skýrsla lögreglu hefur ekki ver-
ið gerð opinber og sama er að segja
um skýrslu læknis sem úrskurðaði
að um sjálfsvíg hefði verið að ræða.
Vinir Fosters í Arkansas töldu það
þó afar ólíklegt. Sagt var að fund-
ist hefði bréf, sem rifið hefði verið
í tætlur, þar sem fram kom að
Foster væri mjög óánægður með
dvöl sína í Washington. Clinton
og Foster kynntust þegar á ungl-
ingsárunum og ráku saman lög-
mannastofu í Little Rock. í frá-
sögnum fjölmiðla af framhjáhaldi
Clintons á yngri árum er minnst á
sögusagnir úm að Foster og eigin-
kona forsetans, Hillary, hafi verið
í ástarsambandi.
$-------------------
“ KOSTABOÐ
LU
: Á ÖRFÁUM
EÐALVÖGNUM.
Honda Actord EX, sjállskiploi á aöeins:
lijkum gamle bílinn yppí 09 lánum |iér mismuninn.
Einu siioi Accord.allt-af
nm
AecQrd.
Vatnagörðum - Sími 689900