Morgunblaðið - 29.01.1994, Blaðsíða 44

44
MORGUNBLAÐIÐ LAUGARDAGUR 29. JANÚAR 1994
„ ág sk 'iL þe.t(&. eizki. Alucg frei þui
'ecj hófþetía. starf hefég i/eríðhaldinn
óstjómlegum ‘otXa.i/iðctósakwifa''
Með
morgunkaffinu
Nei, það er ekki útlit fyrir að
ég verði að gera neitt sérstakt
í kvöld.
Sófinn er búinn að vera hér
síðan 1973. Til hvers viltu eig-
inlega færa hann?
BRÉF TEL BLAÐSINS
Kringlan 1 103 Reykjavík - Sími 691100 - Símbréf 691329
íslandskynning á haustdögum
í Austur-Finnlandi
Frá Margréti Guðmundsdóttur:
MÖRG undanfarin ár hefur Nor-
ræna húsið í Reykjavík tekið þátt
í kynningum á íslandi á hinum
Norðurlöndunum.
í október sl. voru haldnar ís-
landskynningar á vegum Norræna
hússins og Norræna félagsins í
Helsingfors, Kotka og Joensuu í
Austur-Finnlandi.
í tengslum við þessa kynningu
var ísafirði sem er vinabær Joensuu
á íslandi, boðið að vera með og
komu þaðan m.a. hinir ungu og
efnilegu tónlistarmenn Ragnar
Torfí Jónasson og Jóhannes Bjarni
Guðmundsson og kynntu íslenska
tónlist.
Upphaflegu hugmyndina að
þessum íslandssögum átti Maijatta
Tuhkanen sem er formaður Nor-
ræna félagsins í Joensuu og mikill
íslandsvinur.
Rithöfundurinn Eyvindur P. Ei-
ríksson, Margrét Guðmundsdóttir
frá Norræna húsinu í Reykjavík og
Kristjana Sigurðardóttir frá ísafirði
fóru í fjölmarga skóla og ýmis bóka-
söfn, þar sem fjölbreytt menningar-
starfsemi fer fram. Vakin var at-
hygli á gildi norrænnar samvinnu
og sagt frá íslandi í máli og mynd-
um. Eyvindur P. Eiríksson kynnti
íslenskar bókmenntir að fornu og
nýju og Tapio Koivikari, sem dvald-
ist á Islandi í nokkur ár, |as upp
úr bók sem hann skrifaði á ísafirði.
Ennfremur flutti vísnasöngkonan
Gullý Hanna sem búsett er í Dan-
mörku íslenska tónlist í skólum og
fleiri stöðum.
Gagnasafn
Morgnnbladsins
Allt efni sem birtist í Morgun-
blaðinu verður framvegis varð-
veitt í upplýsingasafni þess.
Morgunblaðið áskilur sér rétt til
að ráðstafa efninu þaðan, hvort
sem er með endurbirtingu eða á
annan hátt. Þeir sem afhenda
blaðinu efni til birtingar teljast
samþykkja þetta, ef ekki fylgir
fyrirvari hér að lútandi.
íslenskur matur var kynntur.
Berit Thors frá Finnlandi og Sigríð-
ur Gunnarsdóttir frá Norræna hús-
inu í Reykjavík kenndu Finnum að
baka íslenskar pönnukökur og
kleinur og hvernig ætti að matreiða
lambakjöt. Voru Finnamir mjög
áhugasamir um íslenska matargerð,
en misjafnar undirtektir fengu samt
harðfiskur og hákarl.
íslenskur heimilisiðnaður og ís-
lenska ullin fengu einnig sinn sess
á þessum íslandsdögum. Anton
Karlsson sem bjó á íslandi í mörg
ár rekur nú póstverslun í Finnlandi
með íslenskar ullarvörur og segist
vera stoltur af að geta boðið slíka
gæðavöru þar. Frá ísafirði komu
skartgripir úr fískroði, útsaumaðar
og málaðar smámyndir. Ennfremur
voru skartgripir úr íslenskum stein-
um frá Borgarnesi.
Dr. Sveinn Jakobsson hjá Nátt-
úrufræðistofnun íslands setti sam-
an mjög fallega steinasýningu sem
vakti verðskuldaða athygli. Var hún
sett upp í Kotka, Joensuu og Outuk-
umpu sem er gamall námabær og
er þar mikill áhugi ungra sem ald-
inna á steinum. Farandsýning Nor-
ræna hússins um heimsstyijöldina
síðari var sett upp í Joensuu og fer
væntanlega til Norður-Finnlands
síðar í samvinnu við Norræna félag-
ið í Helsingfors. Finnska myndlist-
arkonan Eila Juuma, sem dvaldist
á íslandi síðastliðinn vetur, sýndi
grafík og málverk frá íslandi.
í mörgum skólum höfðu nemend-
ur undirbúið sig mjög vel fyrir þessa
íslandskynningu. Víða voru skól-
arnir skreyttir frá kjallara og upp
í ijáfur með teikningum og mynd-
skreyttum upplýsingum um ísland
ásamt myndum af Vigdísi Finn-
bogadóttur og íslenskum fánum.
Þótti íslendingunum mikið til koma
og væri vel þess virði að sýna eitt-
hvað af allri þessari vinnu finnskra
nemenda hér á landi og sjá hvaða
hugmyndir þeir gera sér um ísland.
Þessir íslandsdagar í Austur-
Finnlandi vöktu mikla athygli og
fjallað var mikið um ísland í fjöl-
miðlum. Nú er verið að undirbúa
íslandsferð frá þessum slóðum í
byijun ágúst á næsta ári og eru
þegar yfir 70 manns búnir að skrá
sig í hana. Lýsir þetta vel íslands-
áhuga Finna að þrátt fýrir erfítt
efnahagsástand og samdrátt í at-
vinnulífi í Finnlandi skuli svo marg-
ir ætla að heimsækja okkur á 50
ára afmæli Iýðveldisins.
MARGRÉT GUÐMUNDSDÓTTIR,
starfsmaður Norræna hússins.
HOGNI HREKKVISI
/, £AFMAGNSTBPPie> tiANS NÆR EKXl LEHGKA
Víkveiji skrifar
Sú ákvörðun Össurar Skarphéð-
inssonar umhverfisráðherra að
flytja Veiðieftirlit ríkisins til Akur-
eyrar þegar í vor mælist eðlilega
ekki vel fyrir hjá starfsmönnum.
Þeim gefst ekki mikill tími til að
búa sig undir flutninga hafi þeir
yfirleitt nokkra möguleika á að
flytja búferlum norður, íjölskyldu-
aðstæður og fleira geta gert slík
umskipti ókleif. En hvað sem því
líður er þetta framtak ráðherrans
eftirtektarvert.
Kröfur landsbyggðarmanna und-
anfarna áratugi um að opinberar
stofnanir verði fluttar frá Reykjavík
hljóta loks hljómgrunn á æðstu
stöðum. Útsvarstekjur starfsmanna
Veiðieftirlitsins gera reyndar ekki
mikið til að bæta hag Akureyrar
en heyrst hefur að ætlunin sé að
flytja fleiri stofnanir umhverfis-
ráðuneytisins út á land og þá til
fámennari byggðarlaga. Nú hlýtur
sú spurning að vakna hvort Össur
ætli að ganga lengra. Það er dag-
ljóst að viðfangsefni ráðuneytis
hans eru fyrst og fremst utan
Reykjavíkur. Sjálfur þarf ráðherr-
ann að vísu að sækja fundi Alþing-
is til að geta svarað fyrirspurnum
en hvað með ráðuneytismenn hans?
Með faxtækjum og annarri nútíma
tækni er hægðarleikur að halda við
sambandinu milli ráðherra og undir-
manna hans, ætli það yrði ekki
ráðuneytinu til góðs að vera nær
óspilltri náttúru landsins? Það yrði
ómetanleg lyftistöng fyrir byggðar-
lag á borð við t.d. Akranes, Borgar-
nes eða Ólafsvík ef eitt ráðuneyt-
anna yrði flutt þangað og ljóst að
íbúarnir myndu ekki gleyma nafni
mannsins sem reið á vaðið.
xxx
Þingskapalögum á Alþingi var
breytt ekki alls fyrir löngu,
þar sem stjórn þingsins taldi ótækt
hve utandagskrárumræður drógust
á langinn. Var þá umræða utan
dagskrár takmörkuð og varð um
það samkomulag í þinginu. Átti
starfíð í þinginu þar með að ganga
muh betur.
En Adam var ekki lengi í para-
dís, eins og sagt er, því að þing-
menn voru ekki lengi að finna aðra
leið til þess að fresta auglýstri dag-
skrá þingsins og nú kveðja sér
hljóðs um „fundarstjóm forseta"
eins og það heitir og tala síðan þind-
arlaust og þess á milli kveðja þeir
sér einnig hljóðs til þess að „bera
af sér sakir“. Allt ber síðan að sama
brunni, stjórn þingsins kemst ekk-
ert áfram með þingstörfin, sem
þokast jafnhægt og áður. Nú eru
það ekki utandagskrárumræðurnar,
heldur umræður um „fundarstjórn
forseta“ og það að „bera af sér
sakir“, sem tefur.
Annars getur Víkveiji verið sam-
mála kunningja sínum, sem sagði,
þegar minnst var á þessar þindar-
lausu umræður eða það sem hann
kallaði algjört hjóm: „Þetta er allt
í lagi, þeir hækká ekki hjá mér
skattana á meðan!“