Morgunblaðið - 03.02.1994, Blaðsíða 16
16
MORGUNBLAÐIÐ FIMMTUDAGUR 3. FEBRUAR 1994
Kammersveit Reykjavíkur
Kammersveit Reykjavík-
ur leikur í Listasafninu
KAMMERSVEIT Reykjavíkur efnir til íslenskra hátíðartónleika á
20. starfsári sínu. Sunnudagskvöldið 6. febrúar klukkan 20.30
efnir Kammersveit Reykjavíkur til tónleika í Listasafni íslands. Á
efnisskránni verða eingöngu verk eftir íslensk tónskáld. Eru tón-
leikarnir liður í hátíðarhaldi Kammersveitarinnar í tilefni 20.
starfsárs hennar. í tilefni afmælisársins valdi Kammersveitin til
flutnings í vetur eingöngu verk sem flutt höfðu verið á tónleikum
hennar áður. Eins er það með efnisskrá þessara tónleika og að
auki voru verkin flest samin fyrir Kammersveitina.
Á efnisskránni þetta kvöld
verða eftirtalin verk: Kristallar
eftir Pál P. Pálsson, en það var
leikið á fyrstu tónleikum
Kammersveitarinnar; Oktett eftir
Jón Ásgeirsson, samið fyrir
Kammersveitina 1977, „I call it“
eftir Atla Heimi Sveinsson, sem
var fyrst flutt opinberlega á tón-
leikum Kammersveitarinnar
1976, Tema senza variazioni eftir
Þorkel Sigurbjörnsson, samið fyr-
ir Kammersveitina 1981, Brot
eftir Karólínu Eiríksdóttur, samið
fyrir Kammersveitina og flutt
1980. Síðast á efnisskránni verð-
ur frumflutt verk eftir Leif Þórar-
insson. Á Kýpros, sem hann samdi
fyrir Kammersveitina í tilefni 20
ára afmælisins.
Stjórnandi á tónleikunum verð-
ur Guðmundur Óli Gunnarsson.
Signý Sæmundsdóttir fer með ein-
söngshlutverkið í verki Atla Heim-
is og stjórnar hann flutningnum.
Ályktun stjómar Blaðamannafélags íslands
Atvinnuleysi eykst
eftir álagningu vsk.
STJÓRN Blaðamannafélags íslands lýsir yfir miklum vonbrigðum
með þá ákvörðun sljórnar Islenska útvarpsfélagsins hf. að segja
upp 20 starfsmönnum sínum, en þar af er helmingur félagsmenn
í Blaðamannafélagi íslands. Þessar úppsagnir koma til viðbótar
fjölmörgum öðrum í stétt blaða- og fréttamanna á síðustu vikum
og mánuðum, segir í ályktun sljórnar Blaðamannafélags Islands.
Ennfremur segir að nú se svo
komið að vel á annan tug félaga
í BÍ sé á atvinnuleysisskrá og ef
ekki rætist_,,úr á næstunni verði
innan tíðar um 10% þeirra félags-
manna sem voru í föstum störfum
áður án atvinnu. Þetta sé marg-
falt meira atvinnuleysi en hafi
þekkst nokkru sinni fyrr í þau
tæpu 100 ár sem Blaðamannafé-
lagið hafi starfað.
Þá segir: „Stjórn Blaðamannafé-
lagsins lýsir fullri ábyrgð á hendur
stjórnvöldum vegna þeirra þróunar
sem átt hefur sér stað að undan-
förnu í atvinnumálum fjölmiðla-
fólks. Með tilkomu 14% virðisauka-
skatts á fjölmiðla á sl. sumri var
gerð alvarleg atlaga að starfs-
grundvelli flestra útgáfu- og fjöl-
miðlafyrirtækja í landinu. Blaða-
mannafélagið varaði stjórnvöld al-
varlega við þessari skattlagningu
á sínum tíma og benti á þær afleið-
ingar sem hún myndi hafa í för
með sér. Því miður hafa þær spár
ræst með bæði áþreifanlegum og
illyrmislegum hætti.
Stjórnvöld verða að snúa frá
stefnu gjaldþrota og samdráttar
og fella hið snarasta niður virðis-
aukaskatt á fjölmiðla. Eingöngu
með því móti er hægt að tryggja
stöðugleika í fjölmiðlun, öryggi í
atvinnumálum fjölmiðlafólks og
um leið fijálsa skoðanamyndun og
lýðræðislega umræðu í landinu.“
Innheimtu
þungaskatts
breytt í vor
FRUMVARP um breytingu á inn-
heimtu þungaskatts verður vænt-
anlega lagt fram á Alþingi í vor,
en meðal þeirra möguleika sem
verið er að kanna er að inn-
heimta skattinn strax við dæl-
ingu og setja þá litarefni í þá
olíu sem verður niðurgreidd. Að
sögn Jóns Steingrímssonar í fjár-
málaráðuneytinu er einnig verið
að kanna aðra valkosti í því að
leggja núverandi þungaskatts-
kerfi niður.
„Það er verið að undirbúa þessa
breytingu, og endanleg ákvörðun
kemur fram í því að lagt verður fram
frumvarp á Alþingi, en stefnt er að
því að leggja það fram á þessu vor-
þingi. Það hefur verið skoðað í sam-
vinnu við olíufélögin hvað hin tækni-
lega útfærsla kostar, en það eru
einnig aðrir valkostir í því að leggja
þungaskattskerfið niður og taka upp
olígjald án litunar, og er verið að
skoða þá kosti um leið. Þá eru líka
til talsmenn þess að bæta úr núgild-
andi þungaskattskerfi og að það
verði skoðað í leiðinni," sagði hann.
Sjálfstæðisflokkurínn ályktar við afgreiðslu fjárhagsáætlunar Reykjavíkurborgar
Kostnaði vegna atvinnumála
mætt með aukafjárveitingn
um einsetinn skóla þurfi að hanna
og undirbúa byggingu kennsluhús-
næðis við nokkra eldri grunnskóla
borgarinnar. Þeir skólar sem brýn-
ast er að undirbúa framkvæmdir
við eru, Melaskóli, Breiðholtsskóli,
Grandaskóli og Hvassaleitisskóli.
Nefna mætti nokkra fleiri skóla
sem þyrftu úrlausnar við í hús-
næðismálum svo sem Selásskóli,
Álftamýrarskóli og Vesturbæjar-
skóli.
Leikskólar
BORGARFULLTRÚAR Sjálfstæðisflokksins munu leggja fram 18
ályktunartillögur við síðari umræðu um fjárhagsáætun Reykjavíkur-
borgar fyrir árið 1994, sem fram fer í kvöld. Meðal annars er lagt
til að borgarsjóður taki þátt í byggingu sundlaugar við DAS, Hrafn-
istu við Norðurbrún og að borgarsjóður taki þátt í byggingu 40
hjúkrunar íbúða fyrir aldraða við Hjúkrunarheimilið Eir í Grafar-
vogi. Boðaðar eru tillögur í atvinnumálum og tekið fram að kostn-
aði vegna þeirra verði mætt með sérstökum fjárveitingum og lánsfé
ef með þarf. í tillögum er varðar skólamál er lagt til að lokið verði
við 1. áfanga Húsaskóla fyrir næsta haust, sérstakar fjárveitingar
verði vegna búnaðar í félagsmiðstöð við Seljaskóla og til kaupa á
húsgöngum, tækjum og búnaði í grunnskóla borgarinnar. Sérstök
fjárveiting verði til þróunar,- rannsóknar- og tilraunastarfs í skólum
auk sérstakrar fjárveitingar vegna 50 ára afmælis íslenska lýðveldis-
ins. Loks er tillaga um framlag vegna listkynningar í skólum, vegna
smíði lausra kennslustofa og undirbúnings nýframkvæmda við eldri
skóla. Lagt er til að samþykkt verði að ljúka við byggingu fimm
nýrra leiskóla og að á næstu fjórum árum verði haldið áfram endur-
bótum á eldri leikskólum. Jafnframt er lagt til að rekstri skóladag-
heimila verði breytt með tilkomu heilsdagsskólans. Sérstök ályktun
er um að efla þurfi mengunarrannsóknir í borginni.
Í greinargerð með tillögu um
endurhæfingarstöð Hrafnistu segir
að allt frá opnun DAS árið 1957,
hafi verið unnið að bættri aðstöðu
fyrir þá sem þar dvelja. Þar búa
nú 320 manns. Árið 1972 var haf-
ist handa við byggingu 60 íbúða
fyrir aldraða að Norðurbrún auk
félagsmiðstöðvar fyrir íbúa hússins
og allt hverfíð. Þaðan hafí einnig
verið rekin heimaþjónusta fyrir íbúa
næriiggjandi hverfa en þar búa
2.064 ellilífeyrisþegar. Fram hafi
komið sú hugmynd að efla sam-
starf þessara stofnana enn frekar
og skapa betri aðstöðu til endur-
hæfingar með byggingu sundlaug-
ar, heitum pottum og hreyfísal.
Byggingin yrði staðsett mitt á milli
stofnana. Framkvæmdir við bygg-
inguna og síðar rekstur yrði á veg-
um Hrafnistu en með þátttöku
Rey kj avík u rborgar.
Hjúkrunarheimili í
Suður-Mjódd
Lagt er til að samþykkt verði að
byggja í samvinnu við ýmis samtök
hjúkrunarheimili fyrir aldraða í
Suður-Mjódd. Þar verði veitt full-
komin þjónusta fyrir sjúk gamal-
menni sem ekki er lengur hægt að
veita fullnægjandi aðstoð heima.
Leitað verði samstarfs við aðila sem
vilja vinna að þessu máli á svipuðum
grunni og haft var á við byggingu
og rekstur hjúkrunarheimilisins
Skjóls og Eirar.
í greinargerð með tillögunni seg-
ir að á þessum hjúkrunarheimilum,
sem rekin eru af sjálfseignarfélög-
um í eigu margra aðila með Reykja-
víkurborg, verið hægt að vista
nokkuð á þriðja hundrað sjúkra
gamalmenna, sem ekki er hægt að
veita nægilega umönnun og hjúkr-
un í heimahúsum. Vaxandi þörf sé
fyrir slík úrræði og má gera ráð
fyrir að þörfín aukist um 20 pláss
á ári. Ljóst sé að ef ekki verði haf-
ist handa við framkvæmdir strax á
þessu ári þá muni neyð verða í
þessum málum á síðustu árum ald-
arinnar.
40 hjúkrunaríbúðir
Lagt er til að borgin taki þátt í
byggingu hjúkrunaríbúða í sam-
vinnu við þá aðila, sem eru að vinna
að byggingu íbúðanna. Bygging
yrði reist hjá Hjúkrunarheimilinu
Eir og tengd því. Gert er ráð fyrir
40 sérhönnuðum íbúðum fyrir þá
sem þurfa mikla aðstoð og að starf-
seminni yrði stjórnað frá hjúkrunar-
heimilinu. Jafnframt að íbúar fái
þar þá aðstöðu og hjúkrun sem
þeir þurfa hjá starfsmönnum heim-
ilisins.
Atvinnumál
Lagt er til að hraðað verði undir-
búningi tillagna um fjölgun starfa
og margvísleg önnur úrræði í þágu
atvinnulauss fólks, sem nú er unnið
að á vegum borgarinnar. í greinar-
gerð með tillögunni kemur fram að
unnið sé að víðtækri tillögugerð
sérstakra átaksverkefna sem ráðist
verður í jafnskjótt og kostur er.
Jafnframt er við undirbúning
sumarverkefna miðað við fjölgun
starfa frá fyrra ári. Gert er ráð
fyrir að kostnaður vegna fram-
kvæmda tillagna sem lagðar verða
fram 3. mars verði mætt með sér-
stakri aukafjárveitingu og heimild
til öflunar lánsfjár ef með þarf.
Skólar
Gert er ráð fyrir að sérstök fjár-
veiting verði veitt vegna byggingar
1. áfanga Rimaskóla haustið 1994
og að lokið verði við byggingu 3.
áfanga Húsaskóla fyirr haustið
1994. Jafnframt að veitt verði 3,5
millj. til kaupa á búnaði í nýja fé-
lagsmiðstöð við Seljaskóla sem taka
á í notkun á næstu vikum. Þá er
lagt til að veitt verði 55 millj. til
kaupa á tækjum og búnaði í grunn-
skólum árið 1994 og 9.790.000
þús. til þróunarverkefna, rannsókn-
ar- og tilraunastarfs í skólum.
Vegna 50 ára afmælis íslenska
lýðveldisins á komandi ári er gert
ráð fyrir að veitt verði 5,4 millj. til
að standa straum af kostnaði við
að minnast afmælisins. Gert er ráð
fyrir að 10 millj. verði veitt til list-
kynningar í skólum og að 30 millj.
verði varið til smíði lausra kennslu-
stofa. Er stofunum ætlað að bæta
húsnæðisaðstöðu þeirra skóla sem
verða einsetnir næsta haust.
Loks er gert ráð fyrir að veita
30 millj. til hönnunar og undirbún-
igs vegna nýframkvæmda við eldri
skóla. í greinargerð með tillögunni
kemur fram að til að mæta kröfum
Lagt er til að lokið verði bygg-
ingu fimm nýrra leikskóla á árinu
og að þeir verði teknir í notkun
fyrri hluta þessa árs. Jafnframt
verði samþykkt að í einum þessara
skóla verði sérstök áhersla lögð á
að skapa fötluðum börnum eðlileg
skilyrði og að í öðrum skóla verði
sérstök áhersla lögð á þjónustu við
böm nýbúa.
Lagt er til að borgarstjórn sam-
þykki að á næstu fjórum árum verði
haldið áfram endurbótum á þeim
leikskólum sem ekki falla fullkom-
lega að kröfum um sveigjanlegan
dvalartíma. Fram kemur að á
undanförnum árum hafi verið byggt
við sjö leikskóla og aðstaða lagfærð
við tvo aðra í þeim tilgangi að
bæta þjónustuna. Eftir er að breyta
sex leikskólum í það horf að þar
verði unnt að bjóða með góðum
móti upp á sveigjanlegan dvalar-
tíma barna og því er lagt til að
þessum áfanga verði náð innan
fjögurra ára.
Mengun
Varðandi mengunareftirlit er
lagt til að efla mengunarrannsóknir
og búa Heilbrigðiseftirlitið nauð-
synlegum tækjum til að annst þær
skuldbindingar um mengunareftir-
lit sem það hefur tekist á hendur
og því er falið samkvæmt lögum. í
ljósi þess er lagt til að fest verði
kaup á tæki til greiningar'á kolvetn-
um en með því er gert ráð fyrir að
mælistöð til loftgæðamælinga sé
fullbúin tækjum. Aætlaður kostnað-
ur er 2 millj.