Morgunblaðið - 04.03.1994, Side 48
Jtemát
-setur brag á sérhvern dag!
Föstudagur til fjár
MORGUNBLAÐW, KRINGLAN I 103 IŒYKJA VÍK
SlMI C91100, SÍMBRÉF 691181, PÓSTHÓLF 3040 / AKUREYRl: HAFNARSTRÆTl 85
FÖSTUDAGUR 4. MARZ 1994
VERÐ í LAUSASÖLU 125 KR. MEÐ VSK.
Hagnaður Landsbanka íslands 42,7 milljónir í fyrra
Leggur 200 niillj ónir
í afskriftir á mánuði
LANDSBANKI íslands leggur fyrir í afskriftareikningi útlána 200
milljónir króna á mánuði, fyrstu fjóra mánuði þessa árs. Upphæðin
verður endurskoðuð innan tveggja mánaða. Að sögn forsvarsmanna
Landsbankans voru endanlegar afskriftir Landsbankans í fyrra 2.306
milljónir króna, en á sama tíma voru lagðar í afskriftareikning 2.033
miHjónir króna, eða um 170 milljónir króna á mánuði að meðaltali
allt árið.
Afskriftareikningur Landsbank-
ans stóð í árslok 1993 í 5.044 millj-
ónum króna. Fram kom í máli
Sverris Hermannssonar, banka-
stjóra Landsbankans, á fundi for-
svarsmanna bankans með frétta-
mönnum í gær, að endurskoðendur
bankans hefðu talið í hitteðfyrra
að bankanum myndi nægja að
leggja 75 milljónir króna á mánuði
í afskriftasjóð árið 1993. „Þegar
leið fram á árið, fórum við fijótlega
að finna að það stefndi í aðra átt
og endaði með þessum ósköpum,“
sagði Sverrir.
Hann sagði að varúðarsjónarmið-
in réðu því ferðinni nú, þegar ákveð-
ið hefði verið að leggja 200 milljón-
ir króna á mánuði i afskriftareikn-
ing.
Stöðugildum fækkaði um 109
í fyrra
Hagnaður Landsbankans á liðnu
ári, eftir skatta og óreglulega
gjaldaliði var 42,7 milljónir króna.
A liðnu ári fækkaði stöðugildum
um 109 í Landsbankanum og hefur
þeim fækkað um 234 frá árinu
1990. Stjórnendur bankans vonast
til þess að ekki þurfi að koma til
frekari hópuppsagna þótt hagræð-
ingu og spamaði sé ekki lokið.
Rekstrarkostnaður bankans lækk-
aði á árinu um 225 milljónir króna,
eða 13,2% miðað við árið 1992.
Sjá ennfremur fréttir á
miðopnu.
Nær allar páskaferð-
ir eru að seljast upp
Biðlisti í leig'uflug með breiðþotu til Irlands o g Spánar
64 nýjar perur
Morgunblaðið/Kristinn
>*GATNAMÓT Miklubrautar og Kringlumýrarbrautar eru fjölförnustu
gatnamót landsins. Því er mikilvægt að götuvitarnir þar séu ætíð í
fullkomnu lagi. Einu sinni á ári er skipt um perurnar 64 í vitunum
og var það gert í gær.
SAMVINNUFERÐIR-LANDSÝN hafa tekið á leigu Boeing 747
breiðþotu til að flytja leiguflugsfarþega til írlands og Benidorm
um páskana. Að sögn Helga Jóhannssonar forstjóra ferðaskrifstof-
unnar eru nær allar páskaferðir uppseldar. Ferðaskrifstofur hafa
orðið varar við talsverða aukningu bókana í páskaferðir í ár og
segir Guðrún Sigurgeirsdóttir hjá Úrvali-Utsýn að sala hafi geng-
ið vonum framar, ferðirnar hreinlega fljúgi út og uppselt sé í flestar.
Að sögn Helga hafði verið búist
við samdrætti í ferðum um pásk-
ana og á árinu í heild. Samvinnu-
ferðir-Landsýn bjóða upp á 5
páskaferðir og er nú uppselt í fjór-
ar þeirra. Kaupmannahafnarferðin
sé meira að segja að seljast upp,
en hingað til hafi aldrei gengið
vel að selja ferðir þangað um pásk-
ana.
Tillögur um aðstoð við Vestfírði mælast misjafnlega fyrir í sjávarútvegi og sljómarflokkmium
Aðgerðir þurfa að taka al-
niemit á aðsteðjandi vanda
FORMAÐUR Útvegsmannafélags Norðurlands segir að erfiðleikar
í kjölfar aflasamdráttar séu síst minni á Norðurlandi en á Vestfjörð-
um og að þeir muni ekki þola að gripið verði til sértækra aðgerða
til aðstoðar Vestfirðingum. Tómas Ingi Olrich, þingmaður Norður-
landskjördæmis eystra, og Gunniaugur Stefánsson, þingmaður
Austurlandskjördæmis, leggja áherslu á að þær aðgerðir sem grip-
ið verði til þurfi að taka almennt á þeim vanda sem skapast vegna
niðurskurðar á þorskafla. í sama streng taka forystumenn í sjávar-
útvegi á Suðurnesjum og Vesturlandi. Forsvarsmenn sjávarútvegs-
fyrirtíekja á Vestfjörðum eru ekki á einu máli um ágæti tillagn-
anna, en flestir telja framlagið þó jákvætt skref.
•^►Sverrir Leósson, formaður Út-
vegsmannafélags Norðurlands, seg-
ir að á fundi með forsætis- og sjáv-
arútvegsráðherra síðastliðið vor hafi
þeir verið fullvissaðir um að ekki
yrði farið út í sértækar aðgerðir.
„Það er óþolandi að menn geti sagt
eitt og gert annað, maður vill geta
treyst þessum mönnum. Við munum
ekki þola þetta,“ sagði Sverrir.
Hann sagði að stjóm félagsins
myndi hitta sjávarútvegsráðherra á
fundi strax eftir helgi.
Tómas Ingi Olrich, þingmaður
Sjálfstæðisflokksins í Norðurlands-
kjördæmi eystra, segist líta svo á
að þessar tillögur marki ný viðhorf
hjá ríkisstjórninni til atvinnumála.
Hann hefði ekki tekið neina afstöðu
til þessara tillagna og hlyti að skoða
þær í ljósi þeirrar almennu stefnu-
mörkunar sem fylgdi þeim. „Vest-
firðir standa mjög illa, það er öllum
ljóst, en það er jafnljóst að niður-
skurður á þorskafla hefur leikið ein-
staka fyrirtæki og heil byggðarlög
annars staðar á landinu afar illa,“
sagði Tómas Ingi.
Gunnlaugur Stefánsson, þing-
maður Alþýðuflokksms á Austfjörð-
um, sagði að það væri við mikinn
vanda að glíma á Vestfjörðum, en
það væri víða annars staðar á land-
inu við erfiðleika að etja í sjávarút-
vegi hjá þeim útgerðum sem væru
með kvóta sína bundna í þorski.
„Mín afstaða er sú að það verði að
skoða þetta, ekki út frá landshlut-
um, heldur út frá aðstæðum á land-
inu öllu," sagði Gunnlaugur.
Kallar á heildaryfirsýn
„Ég er á þeirri skoðun að aðgerð-
ir í atvinnulífinu eiga að vera al-
mennar í grundvallaratriðum,11
sagði Ólafur B. Ólafsson, útgerðar-
maður í Keflavík. Hann sagðist líta
svo á að þarna væri aðeins um fyrsta
skref að ræða vegna vandamála sem
stöfuðu af aflasamdrætti og sagði
óeðlilegt ef ekki yrði einnig gripið
til ráðstafana í öðrum landshlutum.
Haraldur Sturlaugsson, fram-
kvæmdastjóri Haralds Böðvarsson-
ar hf., sagði að sér kæmi á óvart
að gripið væri til sértækra aðgerða
af þessu tagi. „Þetta hlýtur að kalla
á heildaryfirsýn yfír landið allt, það
eru fyrirtæki víðar í vandræðum."
Arnar Sigurmundsson, fram-
kvæmdastjóri Samtaka fiskvinnslu-
stöðva, sagði ljóst að sjávarútvegs-
fyrirtæki á Vestfjörðum glímdu við
meiri vanda en flestir aðrir en við
núverandi aðstæður væri ekki hægt
að mæla með aukningu kvóta. Hann
hefði viljað sjá almennari aðgerðir
og væri ekki hrifinn af sértækum
aðgerðum eins og þarna væri um
að ræða en sagðist gera sér grein
fyrir að eins og aðstæður væru í
dag, væri erfitt að koma auga á til
hvaða almennu aðgerða væri hægt
að grípa.
Sjá einnig bls. 19 og miðopnu.
„Ferð til Túnis sem við vorum
að velta fyrir okkur hvort þýddi
að bjóða upp á um páskana er
uppseld," segir hann. „Við sitjum
bara hér og klórum okkur í höfð-
inu.“ Helgi segist enga skýringu
hafa á þessari óvæntu aukningu
en honum virðist hljóðið í íslend-
ingum vera mun betra um þessar
mundir og það hafi örugglega eitt-
hvað að segja að verð ferða hefur
ekki hækkað nema um 2-3% á
milli ára. „Það er létt á fólki brún-
in og kreppan virðist vera á undan-
haldi. Lífslöngunin virðist vera
komin aftur í íslendinga," segir
hann.
Breiðþotan sem tekin hefur ver-
ið á leigu tekur 480 farþega í
sæti og segir Helgi að fyrst verði
henni flogið til írlands, þaðan
áfram til Spánar og þrátt fyrir
farkostinn séu biðlistar í báðar
ferðimar.
Ferðirnar fljúga út
Guðrún segir að uppselt sé í
tvær ferðir Úrvals-Útsýnar til
Kanaríeyja um páskana og í ferð
til Portúgals. Sala í borgarferðir
til Manchester og Edinborgar
gangi vel. „Þetta er meira en við
bjuggumst við, ferðirnar hreinlega
fljúga út,“ segir hún. „Það höfðu
allir gert ráð fyrir samdrætti.
Þetta er því mjög óvænt ánægja.“
Einnig hefur gengið vel að selja
í aðrar ferðir og segir Guðrún að
til dæmis fari um 200 manns í svo
kallaðar íþróttaferðir um páskana,
til þess að keppa eða dvelja í æf-
ingabúðum.
En aukningin hjá Úrvali-Útsýn
er ekki eingöngu í ferðum héðan,
Guðrún segir að það hafi orðið
„sprenging" í komu erlendra
ferðamanna hingað til lands í apríl.
Muni um 1.000 manns koma á
vegum ferðaskrifstofunnar til fs-
lands í apríl sem er met fyrir þenn-
an mánuð, segir Guðrún.