Morgunblaðið - 09.04.1994, Blaðsíða 25
MORGUNBLAÐIÐ LAUGARDAGUR 9. APRÍL 1994
25
■ KIRKJULISTAHA TIÐ barn-
anna verður haldin í Glerárkirkju
10.-17. apríl. Tilvalið þótti að efna
til slíkrar hátíðar á ári fjölskyldunn-
ar að sögn séra Gunnlaugs Garð-
arssonar sóknarprests. Tilgangur-
inn með hátíðinni er m.a. sá að
höfða ti! fjölskyldunnar sem heild-
ar. Hátíðin verður sett við athöfn
í kirkjunni næsta sunnudag, 10.
apríl kl. 14 en meðal þess sem þá
verður á dagskrá er söngur, helgi-
leikur, tónlistarflutningur og
ýmislegt efni frá skólum og leik-
skólum í Glerárhverfi. Barnakór
með 75 börnum syngur og sýnt
verður myndefni í anddyri og
göngum kirkjunnar. í vikunni verð-
ur börnum úr skólum og leikskólum
og öðrum gestum boðið að koma í
heimsókn í kirkjuna frá kl. 10 til
16 og sjá sýningu sem þar er en
meðan á kirkjulistahátíð barnanna
stendur verður sýning á fræðsluefni
og öðru kirkjulegu efni frá
Fræðsludeild þjóðkirkjunnar og
Kirkjuhúsinu í Reykjavík. Elín
Jóhannsdóttir kemur á opið hús
fyrir mæður og börn frá kl. 14-16
á þriðjudag og fjallar um börn og
trúarþroska. Hún fjallar einnig um
sama efni á fundi með starfsfólki
dagvistarstofnana í safnaðarsal
Glerárkirkju síðar sama dag. Hátíð-
inni lýkur sunnudaginn 17. apríl
með fjölskylduguðsþjónustu í
Glerárkirkju.
■ PÍANÓLEIKARARNIR Rich-
ard Simni og Thomas Higgerson
halda tónleika í safnaðarsal Glerár-
kirkju í dag, laugardaginn 9.
apríl kl. 16. Þeir leika þar vinsæl
sígild hljómsveitarverk m.a. eftir
Bach, Grieg, Handel og
Tsjajkovskíj en verkin hefur Rich-
ard útsett fyrir tvö píanó. Auk þess
leika þeir nokkur íslensk lög í út-
setningu hans.
Morgunblaðið/Rúnar Þór
GUNNLAUGUR Sighvatsson sjávarútvegsfræðingur kynnir niðurstöður úttektar á breytingum á aflahlut-
deildum þar sem fram kemur m.a. að norðlensk fiskiskip hafa tapað rúmum 16% af þorskkvóta frá árinu
1991. Jón Þórðarson, Sverrir Leósson, Valdimar Kjartansson og Þorsteinn Már Baldvinsson fylgjast með. -
*
Uttekt Rannsóknarstofnunar Háskólans á Akureyri fyrir útvegsmenn
Pjórðungi minna af þorski
innan kvóta en fyrir áratug
NORÐLENSK fiskiskip hafa tapað rúmlega 16% af þorskkvóta sínum
frá árinu 1991 m.a. vegna aukinnar hlutdeildar smábáta í veiðunum
og segir Sverrir Leósson, formaður Útvegsmannafélags Norðurlands,
að við það verði ekki unað að ákveðinn hluti flotans sigli á auðum sjó
hvað kvótakerfið varðar. Allir verði að sitja við sama borð og það sé
skoðun félagsmanna að stjórnvöld verði að kaupa upp hluta af bátaflot-
anum og leggja honum.
Rannsóknarstofnun Háskólans á
Akureyri hefur unnið að úttekt fyrir
Útvegsmannafélag Norðurlands á
breytingum á aflahlutdeildum frá
því að kvótakerfi var tekið upp árið
1984 og var hún kynnt í gær. Gunn-
laugur Sighvatsson sjávarútvegs-
fræðingur gerði úttektina en verk-
efnisstjóri var Jón Þórðarson for-
stöðumaður sjávarútvegsdeildar Há-
skólans á Akureyri.
Megintilgangur úttektarinnar var
að meta áhrif þeirra þátta sem utan
kvótakerfis hafa staðið á aflaheim-
ildir innan kerfisins og var í því
skyni reiknuð hlutdeild í „möguleg-
um hámarksafla" þorsks fyrir hvert
ár, en hann samanstendur af úthlut-
uðum aflaheimildum innan kvóta-
kerfisins, raunafla utan kvóta á línu,
raunafla smábáta utan kvóta og
úthlutuðum aflaheimildum til hag-
ræðingasjóðs. Í úttektinni er gerð
grein fyrir þeim breytingum sem
orðið hafa á mögulegum hámarks-
afla þeirra skipa sem hafa verið inn-
an kvótakerfisins frá árinu 1984 í
samanburði við þróun annars afla.
Hlutur smábáta eykst
í niðurstöðum úttektarinnar kem-
ur fram að hlutdeild smábáta undir
10 brúttólestum og línuafia utan
kvóta hafi verið að aukast í tíð kvóta-
kerfisins á kostnað þeirra sem verið
hafa innan kerfisins frá upphafi.
Hlutdeild smábáta í aflahámarki
þorsks var 6% árið 1984 og línuafli
utan kvóta var 2% það ár en 92%
voru innan kvótakerfisins. I áætlun
fyrir yfirstandandi fiskveiðiár er
hlutfall af hámarksafla þorsks innan
kvótakerfisins komið niður í 67%,
hlutur smábáta hefur aukist í 22%
, línuafli utan kvóta er 7% af aflahá-
markinu og hlutfall hagræðingasjóðs
er 4%.
Fram kemur í úttektinni að ef
útgerðir á Norðurlandi hefðu ekkert
gert til að hafa áhrif á aflahlutdeild
sína frá árinu 1991 næmi hlutdeild
þeirra í þorski tæpum 84% fyrir yfir-
standandi fiskveiðiár af því sem hún
var í upphafi þess árs.
í úttektinni er reynt að meta þá
þróun sem orðið hefur á hlutdeild
skipa á Norðurlandi í heild og sú
þróun skoðuð nánar fyrir 23 skip á
svæðinu frá Skagaströnd að Þórs-
höfn. Sem dæmi má nefna að af
upphaflegri hlutdeild Harðbaks EA
í aflahámarki þorsks standa rúm
62% eftir fyrir yfirstandandi fisk-
veiðiár. Ef Harðbakur hefði ekki
orðið fyrir þessari skerðingu hefði
það þýtt tæplega 384 tonna meiri
þorskkvóta fyrir það skip í ár. Af
þessari 384 tonna skerðingu hafa
114 tonn verið vegna hlutdeildar-
aukningar smábáta, rúm 48 tonn
vegna hlutdeildaraukningar línuafla
utan kvóta og 222 tonn vegna ann-
arra ástæðna, m.a. úthlutanir í hag-
ræðingarsjóð og áhrif annarra skipa
innan kvótakerfisins, sérstaklega í
tíð sóknarmarks.
Réttlæti
„Þessar niðurstöður koma í sjálfu
sér ekki á óvart, við höfum verið
að tapa veiðiheimildum til smábát-
anna út af þessu norðursvæði því
hlutur þeirra hér vigtar minna en á
öðrum landsvæðum,“ sagði Sverrir
Leósson. „Það verður að ríkja eitt-
hvert réttlæti í þeim erfiðleikum sem
yfir sjávarútveginn ganga, það
gengur ekki að stór hluti flotans
spili frítt."
Þorsteinn Már Baldvinsson fram-
kvæmdastjóri Samheija sagði að
eyfirski flotinn hefði upp á lítið ann-
að að hlaupa en þorsk og frá því
svæði væri lengst að sækja í aðrar
tegundir t.d. karfa og grálúðu. Sí-
fellt væri sagt að útgerð hér stæði
vel, en ljóst væri að ekki væri enda-
laust hægt að flytja burtu veiðiheim-
ildir án þess að eitthvað gæfi sig.
Útvegsmenn munu kynna þing-
mönnum norðurlandskjördæmanna
niðurstöður úttektarinnar í næstu
viku og sagði Sverrir að þeir ætluð-
ust til þess að þingmenn gættu hags-
muna kjördæmanna í þessu máli.
Messur
■AKUREYRARPRESTA-
KALL: Sunnudagaskólinn kl.
11 á morgun. Kirkjubílarnir aka
eins og venjulega til og frá
kirkjunni. Fjölskylduguðsþjón-
usta verður á morgun kl. 11
f.h. Barnakór Akureyrarkirkju
syngur ásamt Kór Lundarskóla
og Barnakór Borgarhólsskóla
á Húsavík. Guðsþjónusta verð-
ur í Miðgarðakirkju í Grímsey
kl. 14 á morgun, 10. apríl.
Fundur í æskulýðsfélaginu kl.
17.
■ GLERÁRKIRKJA: Biblíulest-
ur og bænastund í dag, laugar-
dag, kl. 13. Guðsþjónusta á
Fjórðungssjúkrahúsinu á Ak-
ureyri kl. 10.00 á morgun.
Barnasamkoma kl. 11, léttir
söngvar, fræðsla og bænir.
Kirkjulistahátíð barnanna
hefst kl 14 með helgistund og
fjölbreyttri dagskrá. Fundur
æskulýðsfélagsins kl. 17.30.
■ HVÍTASUNNUKIRKJAN:
Samkoma í umsjá ungs fólks
i kvöld kl. 20.30. Barnakirkjan
á morgun kl. 11. Vakningar-
samkoma sem Rúnar Guðna-
son stjórnar kl. 15.30. á morg-
un, sunnudag.
FÉLAGSMÁLASTOFNUN AKUREYRAR
Stuðningsfjölskylda
óskast
Félagsmálastofnun Akureyrar óskar eftir að kom-
ast í kynni við góða fjölskyldu á sveitaheimili, sem
getur tekið að sér að vera stuðningsfjölskylda
fyrir 10 ára gamlan dreng eina helgi í mánuði.
Heimilið þarf helst að vera í nágrenni Akureyrar.
Upplýsingar gefa Þuríður eða Helga Jóna
í síma 25880.